Milli Şuranın mitinqi. Arxiv şəkli

Uzlaşmayan hədəflər uğrunda mübarizə

800
(Yenilənib 22:22 12.04.2017)
Mitinqlər keyfiyyət dəyişikliyinə nail olmayacaqsa, get-gedə sönə bilər

BAKI, 12 apr — Sputnik. Müxalifətin bir qanadı növbəti mitinqini keçirtdi. Mitinqlərin keçirilməsi müxalifətin hələ də ortada olması və mübarizə aparması barədə rəy formalaşdırır. Məhdud resurslarla müxalifət bacardığını edir. Lakin bu gün Azərbaycanda yüz minlərlə insan müxalifətin aksiyalarına qarşı biganədir.

Bunu anlamaq da mümkündür. İnsanlar dəyişikliklərin nəticəsində vəziyyətin daha da ağırlaşacağını ehtimal edirlər, siyasi proseslərdə iştirak edən tərəflərin heç də hamısının səmimiyyətinə inanmırlar. Mübarizənin effektli ola biləcəyinə inam yoxdur, elektorat müxalifətdaxili didişmələrdən bezib.

Bu dəfə də şərait müxalifəti birgə aksiyalara vadar edə bilmədi. Əslində birgə aksiyanın da gözlənilən nəticə verə biləcəyinə araşdırmaçılar skeptik yanaşırdılar. Acı reallıq bundan ibarətdir ki, onsuz da müxalifətin birləşib-birləşməməsi Azərbaycanda şəraiti köklü şəkildə dəyişməyə qadir deyil. Müxalifət də etiraz aksiyalarına hazırlaşmaqdan çox, fors-major şəraitinin yetişməsini gözləyir. Belə olan halda isə müxalifətə birləşməkdən çox, özlərini cəmiyyətə ayrı-ayrılıqda təqdim etmək daha münasib görünür.

Digər tərəfdən, xalqı da günahlandırmaq absurddur. Son illər müxalifətin mübarizəsinin səmərəsiz olması proseslərə mənfi təsir göstərib. Ənənəvi şüar və taktika ilə isə buna nail olmaq son dərəcə çətindir.

Son illər keçirilən etiraz aksiyaları, tədbirlər proses yarada bilmədi. Xalq konkret hədəflər uğrunda mübarizə aparmaq istəyir. Kimlərinsə iqtidardan getməsini arzulamaq siyasi proseslərdə fəal iştirak etməyən insanlar üçün maraqlı deyil. Sıravi vətəndaş son dərəcə sadə suala cavab tapmaq istəyir: Hakimiyyət dəyişikliyi mənim həyatımda nələrə səbəb olacaq?

Cəmiyyət
© Sputnik / Murad Orujov

Digər tərəfdən, protest elektoratını qələbəyə aparan passionarların zəifliyi ümumi nəticəyə mənfi təsir göstərir. Daha bir səbəb aksiyaların təşkili və informasiya təminatının yetərincə olmamasıdır. Protest elektoratının aksiyalara cəlb olunması istiqamətində aparılan təşkilatçılıq işinin səviyyəsi çox aşağıdır. Bu, həm də partiyaların təşkilati strukturlarının vəziyyəti və informasiya mənbələrinə çıxışı ilə bağlıdır.

Azərbaycanda kütləvi aksiyaların keçirilməsi tarixinə nəzər salsaq, görərik ki, müxalifətin informasiya vasitələrinə çıxışının məhdudlaşdırıldığı illərdə razılaşdırılmamış kütləvi aksiyalar keçirmək mümkün olurdu. Ən başlıcası isə ondan ibarətdir ki, aksiyalar mövsümi xarakter kəsb edir. Belə köhnə metodlarla yüz minləri meydanlara yığmaq imkansızdır.

Bir məqam da var — müxalifətin sonsuza qədər aksiyalar keçirmək taktikası artıq lazımi effekt vermir. Hakimiyyətin icazə verdiyi meydanda mitinq keçirməklə öz elektoratını mobilizə etməsi doğru qərardır. Lakin etiraz aksiyalarının məzmununda da müəyyən dəyişikliklər olmalı, konkret hədəflər müəyyən edilməlidir.

Aksiyaların şüarları müxalifətin istəyini açıq şəkildə ifadə etməlidir. İştirakçısı azalıb-çoxalan aksiyaları konkret hədəflər uğrunda mübarizə metodu ilə əvəzləmək lazım gəlir. "Metroda öpüşməyə icazə verin" və "Ya Hüseyn" şüarı eyni mitinqdə səsləndirilə bilməz. Bu, hədəflərin eyni olmamasının bariz nümunəsidir.

Onu da vurğulayaq ki, mitinqlər keyfiyyət dəyişikliyinə nail olmayacaqsa, get-gedə sönə bilər. Tərəfdarları meydanlara axışmayacaqsa, müxalifət üçün uğur modelindən danışmaq da mümkün olmayacaq və aksiyalar da heç bir nəticə verməyəcək…

800
Teqlər:
vətəndaş, insan, iqtidar, müxalifət, mitinq, mübarizə, aksiya
Əlaqədar
"Müxalifət mitinqlərdə azyaşlılardan istifadə edir"
Müxalifət liderinin qardaşı iqtidar partiyasına qoşulur
Müxalifət liderinin müşaviri həbs edildi
Türklər Almaniyada anti-terror mitinqi keçirdilər
Milli Şuranın və radikalların mitinq mövsümü başa çatdı
Bakıda XİN-nin binası, arxiv şəkli

XİN Qarabağa qanunsuz səfər edən şəxslərin siyahısını yenilədi

9
Azərbaycanın Ordusunun işğalda olan torpaqları azad etmək üçün keçirdiyi əks-hücum əməliyyatları dövründə və Vətən müharibəsindən sonrakı vaxtlarda Qarabağa qanunsuz səfərlər baş tutub.

BAKI, 23 yanvar — Sputnik. Xarici İşlər Nazirliyi Qarabağa qanunsuz səfər edən şəxslərin siyahısını yeniləyib.

Sputnik Azərbaycan-ın məlumatına əsasən, siyahıya ümumilikdə 1 040 nəfər daxildir. Siyahıya nəzər salsaq, görərik ki, 2020-ci ilin sentyabrın 27-dən etibarən Azərbaycanın Ordusunun işğalda olan torpaqları azad etmək üçün keçirdiyi əks-hücum əməliyyatları dövründə və Vətən müharibəsindən sonrakı vaxtlarda Qarabağa qanunsuz səfərlər baş tutub. Müharibə dövründə Qarabağa səfər edənlərin çoxu xarici ölkələrin jurnalistləridir. 2020-ci ilin noyabrında Ermənistanın kapitulyasiyaya imza atmasından sonra isə Qarabağa qanunsuz səfər edənlərin əksəriyyəti siyasətçilərdir.

Ümumilikdə 2020-ci ildə Qarabağa 40 qanunsuz səfər baş tutub. Qeyd edək ki, Azərbaycan dövləti dəfələrlə bəyan edib ki, Qarabağa, o cümlədən Rusiya sülhməramlılarının nəzarət etdiyi ərazilərə bütün səfərlər rəsmi Bakının razılığı ilə həyata keçirilməlidir.

9
 Donald və Melaniya Tramp, arxiv şəkli

Tramp seçkilərin nəticəsini dəyişmək üçün naziri işdən qovmaq istəyirmiş

8
Mənbənin bildirdiyinə görə, Ədliyyə nazirliyinin işçilərinin Rozenin kənarlaşdırılacağı təqdirdə kütləvi surətdə istefa vermək istəyi Trampı niyyətindən daşındırıb.

BAKI, 23 yanvar - Sputnik. ABŞ-ın keçmiş prezidenti Donald Tramp vəzifədə olduğu son həftələr ərzində Corciya ştatında prezident seçkilərinin nəticələrini dəyişmək üçün ədliyyə naziri vəzifəsini icra edən şəxsi daha loyal biri ilə əvəz etmək istəyirmiş. Bu barədə New York Times öz mənbələrinə istinadən xəbər verir.

Qəzetin məlumatna əsasən, Ədliyyə nazirliyinin işçilərindən biri olan Ceffri Klark Trampla birlikdə Ceffri Rozenin ədliyyə naziri vəzifəsini icra edən postundan kənarlaşdırılması barədə plan hazırlayıb. Planın səbəbi Rozenin Corciya ştatındakı seçki nəticələrini dəyişmək üçün Trampın xahişlərinə rədd cavabı verməsi imiş.

Mənbənin bildirdiyinə görə, Ədliyyə nazirliyinin işçilərinin Rozenin kənarlaşdırılacağı təqdirdə kütləvi surətdə istefa vermək istəyi Trampı niyyətindən daşındırıb. Öz növbəsində Ceffri Klark belə bir planda iştirakını təkzib edib. Tramp isə şərh verməkdən imtina edib.

Ötən ilin noyabr ayında keçirilmiş seçkilərdən sonra Tramp qalib gəldiyini bildirərək, seçkilərinin nəticəsini məhkəmə yolu ilə dəyişmək istəyib. Lakin seçənlər Co Baydeni prezident elan ediblər. Co Baydenin andiçməsi yanvarın 20-də keçirilib.

8
Gənclər və İdman naziri Azad Rəhimov, arxiv şəkli

Gənclər İdman naziri Azad Rəhimovdan xəbər var

0
(Yenilənib 12:02 23.01.2021)
Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

BAKI, 23 yanvar - Sputnik. Səhhətində problemlər yaranan Azərbaycanın gənclər və idman naziri Azad Rəhimov hazırda ABŞ xəstəxanalarının birində müalicə olunur.

"Report" xəbər verir ki, nazir əvvəlcə Nyu-Yorkun Presviterian Veyl Kornell Hospitalına yerləşdirilib.

Ancaq həmin xəstəxanada aparılan müalicə nəticə verməyib və A.Rəhimovun durumu daha da ağırlaşıb. Bu səbəbdən nazir bir müddət əvvəl onkoloji xəstələrin müalicə olunduğu başqa bir hospitala köçürülüb.

Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

Qeyd edək ki, Azad Rəhimov 1964-cü ildə Bakıda doğulub. O, 2006-cı ildə gənclər və idman naziri təyin edilib.

0