Azərbaycan-Qazaxstan bayraqları

İyirmi beş il əvvəlin foto-sübutu

220
(Yenilənib 21:21 01.04.2017)
Azərbaycanla Qazaxıstan təkcə dost deyil, həm də qardaşdır

BAKI, 1 aprel — Sputnik. Qazaxıstan prezidenti Nursultan Nazarbayev 2-3 aprel tarixlərində Azərbaycana rəsmi səfərə gələcək. Səfər zamanı tərəflər arasında dövlətlərarası əməkdaşlığa dair dörd sənəd imzalanacaq. Ölkələr arasında diplomatik münasibətlər 27 avqust 1992-ci ildə qurulub. Hər iki ölkə Beynəlxalq Türk Mədəniyyəti Təşkilatının (TÜRKSOY), Müstəqil Dövlətlər Birliyinin (MDB), İqtisadi Əməkdaşlıq təşkilatının (İƏT) və ATƏT-in üzvüdür.

Azərbaycan-Qazaxıstan münasibətlərinin inkişafına yeni təkan vermək üçün Azərbaycan prezidenti İlham Əliyev 2004-cü ilin martında Astanaya səfər edib. Eyni məqsədlə Qazaxıstan prezidenti Nursultan Nazarbayev də 2005-ci ilin mayında Bakıya səfər edib. Bu səfərlər zamanı ikitərəfli sənədlər, o cümlədən də "Strateji əməkdaşlıq və müttəfiqlik münasibətlərinə dair saziş" imzalanıb.

Azərbaycan Dövlət İqtisadiyyat və Planlaşdırma Komitəsinin sədr müavini Surxay Tağızadə, Əli Məsimli və həmin komitənin Material Ehtiyatları şöbəsinin müdiri Ayaz müəllim
© Sputnik
Azərbaycan Dövlət İqtisadiyyat və Planlaşdırma Komitəsinin sədr müavini Surxay Tağızadə, Əli Məsimli və həmin komitənin Material Ehtiyatları şöbəsinin müdiri Ayaz müəllim

Nursultan Nazarbayevin Azərbaycana növbəti səfəri 12 oktyabr 2016-cı ildə olmalı idi. Lakin təəssüf ki, həmin vaxt Azərbaycana şəxsən böyük hörmət bəsləyən Nazarbayevin səhhətində ciddi problem yaranmış və o, Bakıya gələ bilməmişdi. Qeyd edək ki, Azərbaycanla Qazaxıstan arasında təkcə dostluq deyil, həm də qardaşlıq münasibətləri var. Bu respublikalar arasında həm keçmiş SSRİ vaxtında, həm də müstəqillik dövründə çox yaxşı münasibətlər olub.

Sputnik Azərbaycan-a iki ölkə arasında müstəqilliyin ilk illərində ilkin münasibətlərin qurulmasına dair 1993-cü ilə aid arxiv fotoşəkilləri daxil olub.

İşçi qrupun müzakirələri
© Sputnik
İşçi qrupun müzakirələri

Bu fotoşəkillərdən birindəki həmin dövrdə baş nazirin səlahiyyətlərini həyata keçirən, hazırda Milli Məclisin deputatı olan Əli Məsimli şəklə baxaraq bizə yaddaşımızı təzələməyə kömək etdi.

Onun sözlərinə görə, bu şəkillər 1993-cü ildə çəkilib. Həmin vaxt Azərbaycan nümayəndə heyəti onun başçılığı altında Qazaxıstana səfərə gedib. "Məndən solda Azərbaycan Dövlət İqtisadiyyat və Planlaşdırma Komitəsinin (sonradan İqtisadiyyat Nazirliyi oldu) sədr müavini Surxay Tağızadə, sağımdakı isə həmin komitənin Material Ehtiyatları şöbəsinin müdiri Ayaz müəllimdir. Üçüncü şəkil işçi qrupunun işlədiyi vaxt çəkilib. Biz o vaxt Qazaxıstan, Özbəkistan və Qırğızıstanda rəsmi səfərdə olduq" — deyə Məsimli xatırlayır.

Qazaxıstana səfər zamanı o vaxtkı baş nazir Tereşenko ilə çox məhsuldar görüşlər olmuşdu
© Sputnik
Qazaxıstana səfər zamanı o vaxtkı baş nazir Tereşenko ilə çox məhsuldar görüşlər olmuşdu

Deputatın sözlərinə görə, Azərbaycanla həmin ölkələrin hərtərəfli iqtisadi əməkdaşlığına dair üst-üstə 16 müxtəlif yönlü müqavilələr imzalayıblar. Səfər və görüş çox uğurlu keçib.

Əli Məsimli deyib ki, qəbul N.Nazarbayev tərəfindən çox yüksək səviyyədə təşkil olunubmiş. "Qazaxıstan səfəri zamanı mənim həm Qazaxıstanın o vaxtkı baş naziri S. Tereşenko, həm də prezident N.Nazarbayevlə yüksək səviyyədə görüşlərim olub" — deyə sabiq baş nazir bildirib.

220
Teqlər:
TÜRKSOY, Azərbaycan-Qazaxıstan, İƏT, ATƏT, Azərbaycan, Nursultan Nazarbayev, Əli Məsimli, Qazaxıstan
Əlaqədar
Azərbaycan və Qazaxıstan XİN rəhbərləri görüşüblər
Qazaxıstan Prezidenti Azərbaycana səfərə hazırlaşır
Qazaxıstan Prezidenti Azərbaycana səfər edəcək
Fuad Muradov, arxiv şəkli

Fuad Muradov: Fransa Senatının qərarı separatçılığa müharibələrə yol açacaq

20
(Yenilənib 07:39 26.11.2020)
Fransa Senatı qondarma “Dağlıq Qarabağ Respublikası”nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

BAKI, 25 noyabr - Sputnik. “Fransanın mənəvi dəyərlərə və beynəlxalq hüquqa əks olan son münasibətlərində ATƏT-in Minsk qrupunun həmsədri olaraq tərəfsiz vasitəçilik mandatına ziddiyyət görünür”.

"Report" xəbər verir ki, bunu Diasporla İş üzrə Dövlət Komitəsinin sədri Fuad Muradov deyib.

"Senatın qəbul etdiyi qərar dünyada separatçılığa və böyük müharibələrə yol açacaq. Bu qərəzlidir və yolverilməzdir", - komitə sədri əlavə edib.

Fransa Senatı qondarma “Dağlıq Qarabağ Respublikası”nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

20
Teqlər:
ATƏT-in Minsk Qrupu, Diasporla İş üzrə Dövlət Komitəsi, Fuad Muradov, Fransa Senatının qərarı
XİN-nin binası, arxiv şəklil

Azərbaycan XİN: Senatın qəbul etdiyi qətnamənin hüquqi qüvvəsi yoxdur

75
(Yenilənib 07:42 26.11.2020)
Fransa Senatının qərəzli qətnamələr qəbul etmək əvəzinə bölgədə sülh, sabitlik və tərəqqiyə xidmət edən fəaliyyətlə məşğul olması həm Fransanın maraqlarına cavab verər, həm də bölgənin dayanıqlı inkişafına yardımçı olardı.

BAKI, 25 noyabr - Sputnik. Öncə qeyd etmək istərdik ki, Fransa Senatında qəbul edilmiş “Dağlıq Qarabağ Respublikasının tanınması zərurəti” adlı qətnamə təklifi bir qrup qatı ermənipərəst senator tərəfindən irəli sürülüb. Azərbaycan Respublikasının Fransadakı Səfiri qətnamənin səsverməsindən bir gün öncə Senatın dinləmə proseduralarına uyğun olaraq Senat üzvləri qarşısında çıxış edib və qətnamə təklifi ilə bağlı, burada əks olunan birtərəfli və həqiqətə uyğun olmayan məqamlarla bağlı ətraflı məlumat təqdim edib. Buna rəğmən Senat tərəfindən tamamilə qərəzli qətnamənin qəbul edilməsi, yalnız təxribat kimi qiymətləndirilə bilər. Görünür, Fransa erməniləri münaqişə mövzusundan seçki məqsədləri üçün geniş şəkildə istifadə edirlər.

Sputnik Azərbaycan xəbər verir ki, bu fikirlər Azərbaycan Respublikasının Xarici İşlər Nazirliyinin Mətbuat xidməti idarəsinin şərhində yer alıb.

Vurğulamaq istərdik ki, Senatın qəbul etdiyi qətnamənin hüquqi qüvvəsi yoxdur. Lakin qətnamənin siyasi məna kəsb etdiyini nəzərə alaraq, vasitəçi mandatı daşıyan bir ölkənin belə bir qətnamə ilə çıxış etməsi ölkənin bitərəfliliyini ciddi şübhə altına alır. Bu, həmçinin Azərbaycan ictimaiyyətində Fransanın ədalətli vasitəçi nüfuzuna xələl gətirir.

Əlbəttə, onun da qeyd etməliyik ki, Fransa Respublikasının münaqişənin həlli ilə bağlı rəsmi mövqeyi dövlətin yüksək səviyyəli rəsmiləri, o cümlədən ölkə Prezidenti və xarici işlər naziri tərəfindən səsləndirilib. Fransa Azərbaycanın ərazi bütövlüyünü dəstəkləyir və bu mövqe istər ikitərəfli çərçivədə, istərsə də Avropa İttifaqı ilə imzalanan sənədlərdə öz əksini tapıb. Fransanın Avropa və Xarici İşlər üzrə Nazirliyinin Senatda keçirilən müzakirələrdə çıxış edən dövlət katibi də rəsmi mövqeyi çıxışında ifadə etdi.

Fransa Senatının qərəzli qətnamələr qəbul etmək əvəzinə bölgədə sülh, sabitlik və tərəqqiyə xidmət edən fəaliyyətlə məşğul olması həm Fransanın maraqlarına cavab verər, həm də bölgənin dayanıqlı inkişafına yardımçı olardı.

75
Teqlər:
Azərbaycan Res­publikası, Fransa Senatının qərarı, qətnamə, XİN

Dünya futbolunun əfsanəsi FOTOlarda

0
(Yenilənib 00:47 26.11.2020)
Dieqo Maradonanın oyunu dedikdə yəqin ki, öncə göz önünə onun sinəsini qabağa verərək rəqib oyunçuları aldadaraq bütün meydançanı keçməsi göz önünə gələcək.

Xəbər verildiyi kimi, dünya futbolunun əfsanəsi argentinalı Dieqo Armando Maradona dünyasını dəyişib. Maradona 60 yaşında infarktdan həyatını itirib. 

Əfsanəvi hücumçu azrkeçlərin yadında yalnız fenomenal oyunu ilə deyil, həm də qalmaqallarla yadda qalıb. 

Məsələn, 1986-cı ildə Argentina yığmasının qızıl medal qazandığı dünya çempionatında Maradonanın 1/4 finalda İngiltərə yığmasının qapısından əl ilə keçirdiyi top uzun müddət müzakirə mövzusu olub. Səbəbkarın özü hakimin hesaba aldığı topu "tanrının əli" vasitəsilə qapıdan keçirdiyini bildirib.

1991-ci ildə isə İtaliya çempionatının oyunundan sonra dopinq-testdən keçən Maradonanın kokain qəbul etdiyi aşkarlanıb.

Bütün bunlara baxmayaraq, futbolla maraqlanan hər kəs Dieqo Maradonanı futbol dahisi, təkbaşına oyunun taleyini həll edə bilən oyunçu kimi xatırlayacaq.

Sputnik Azərbaycan əfsanənin müxtəlif görüntülərini təqdim edir. 

 

0
  • © REUTERS / Carlos Barria

    Argentinalı futbolçu Dieqo Maradona müsahibə zamanı, 2010-cu il.

  • © REUTERS / Action Images / Juha Tamminen

    Argentinanın hücumçusu Maradona DÇ-1986-nın dörddəbir final matçında İngiltərə yığmasına qarşı oyunda.

  • © AP Photo / Carlo Fumagalli, file

    Dieqo Armando Maradona DÇ-1986-ın finalında AFR üzərində qələbədən sonra kuboku başı üzərinə qaldırır.

  • © REUTERS / Stringer

    Dieqo Maradona həyat yoldaşı Klaudiya və anası ilə toyda, 1989-cu il.

  • © Sputnik / Vladimir Rodionov

    İtaliyanın "Napoli" klubunun futbolçusu Dieqo Maradona Moskvanın "Spartak" komandası ilə oyundan sonra, 1990-cı il.

  • © AFP 2020 / Daniel Garcia

    Argentina millisinin kapitanı Dieqo Maradona DÇ-1994-də Yunanıstan komandasının qapısına vurduğu qolu qeyd edir.

  • © REUTERS / Stringer

    Futbol əfsanəsi Dieqo Maradona və Kuba lideri Fidel Kastro, 2001-ci il.

  • © REUTERS / Marcos Brindicci

    Maradona Kuba siqarı və Çe Qevaranın tatusu ilə, 2006-cı il.

  • © AFP 2020 / Stringer

    Futbol əfsanəsi Dieqo Maradona kolumbiyalı futbolçu Karlos Valderamanın karyerasını başa vurması ilə əlaqədar təşkil olunan şənlikdə rəqs edir, 2004-cü il.

  • © AP Photo / Matt Sayles

    Futbol əfsanəsi Diyeqo Maradona Kannda özünə dair sənədli filmin nümayişi zamanı, 2008-ci il.

  • © AFP 2020 / Valery Hache

    Dieqo Maradona qızları ilə birgə 61-ci Kann kinofestivalında "Maradona" sənədli filminin premyerasından əvvəl, 2008-ci il.

  • © REUTERS / Eddie Keogh


    Futbol məşqçisi Maradona komandasının DÇ-2010-da Nigeriya millisinə vurduğu qolu qeyd edir.

  • © Sputnik / Sergey Guneev

    Rusiya Prezidenti Vladimir Putin, braziliyalı futbolçular Pele və Dieqo Maradona FİFA-2018 futbol üzrə dünya çempionatının püşkatmasından əvvəl.

  • © REUTERS / Marcos Brindicci

    Argentinalı futbol ulduzu Dieqo Maradona sevgilisi ilə, 2017-ci il.

  • © REUTERS / Grigory Dukor

    Futbol əfsanəsi Dieqo Maradona Kremldə, 2017-ci il.

Teqlər:
Argentina, braziliyalı futbolçu Pele, futbol, Dieqo Maradona