Rəcəb Tayyib Ərdoğan, Türkiyə prezidenti

Türkiyə qısa müddətdə bu addımları atmazsa...

2790
(Yenilənib 23:28 14.03.2017)
Qərb dünyası Türkiyə kimi əhəmiyyətli bir müttəfiqini itirə bilər

BAKI, 14 mart — Sputnik. Avropanın bir sıra aparıcı ölkələri ilə Türkiyənin münasibətlərində ciddi gərginlik yaşanır. Hollandiyada yaşanan son olay Türkiyə — Avropa İttifaqı münasibətləri kontekstində yeni mərhələnin başlanğıcı kimi də dəyərləndirilə bilər.

Rotterdam şəhərindəki Türkiyə konsulluğu qarşısında etirazçılarla polislərin toqquşması, 12 mart 2017-ci il
© REUTERS / Dylan Martinez

Bu məsələdə ən acınacaqlı hal odur ki, Aİ-yə üzv olmaq və vətəndaşlarına Avropa ölkələrinə vizasız getmək şansı qazanmaq istəyən Türkiyənin, artıq nazirlərinin səfərlərində ciddi problemlər yaşanır. Düzdür, Aİ-nin Türkiyəyə münasibətdə səmimi olmadığı da vurğulanmalıdır. Bütün baş verənlərə rəğmən Aİ-nin Türkiyə ilə məsafə saxlamaq cəhdi göz önündədir.

Qurum Türkiyədən çox şeylər almaq istəsə də, bunun müqabilində müəyyən addımlar atmaq istəmir. Türkiyə çox qaynar bir regionda yerləşir. Belə bir regionda mövcud olan dövlətin çox aydın daxili və xarici siyasəti olmalıdır. Türkiyə diplomatiyası isə bəzən qeyri-ardıcıllığı ilə diqqəti cəlb edir.

Həm müttəfiqlər üçün, həm də özünün ciddi daxili problemləri olan ölkədəki toplumun bütün kəsimləri üçün aydın, sabit, ardıcıl uzunmüddətli daxili və xarici siyasət olmalıdır. Doğrudur, Aİ-nin öz spektrləri var. İttıfaqın uzun illərdir qapılarını Türkiyəyə bağlaması və öz iddialarını ortaya qoyması təəssüf doğurur. Avropa İttifaqı 50 ildən artıqdır Türkiyəni qapı ağzında saxlayır və regionda, xüsusən Türkiyədə öz geosiyasi marağını təmin etməyə çalışır. Türkiyəni qana bulayan PKK terrorçuları, İŞİD-çilər isə birbaşa Avropadan dəstək alırlar.

Əslində, Türkiyədə baş verən siyasi və ictimai proseslər Qərbi maraqlandırmır. Öz maraqları naminə Ankaranı sıxışdırırlar. Belə getsə, Qərb dünyası Türkiyə kimi əhəmiyyətli bir müttəfiqini itirə bilər.

Əlaqələrin dondurulması Avropanın maraqlarına cavab vermir. Lakin bütün gərginliyi yalnız Avropanın "türk düşmənçiliyi" ilə bağlamaq da yanlış olardı. Təəssüflər olsun ki, son illərdə Türkiyə qeyri-ardıcıl daxili və xarici siyasət həyata keçirib. Daxili siyasətdə, məsələn, "kürd açılımı" siyasəti hamıya məlum idi. Kürd probleminin həllinə yönələn bir siyasət həyata keçirilirdi.

Lakin bir il bundan əvvəl "kürd açılımı" siyasətinə son qoyuldu. Kürd terroruna qarşı bir savaş elan edildi. Türkiyə siayəsətinə ordunun təsirini azaltmaq üçün həyata keçirilən siyasət də birmənalı qarşılanmadı. Eyni zamanda, ordunun rəhbərliyi dövlət çevrilişlərinə cəhddə ittiham edildi və bunun nəticəsində ordunun böyük bir kəsimi neytrallaşdırıldı.

Bir müddətdən sonra məlum oldu ki, həbs edilənlərin əksəriyyəti "Ergenokon"çu və "Balyoz"çu olmayıb. Daha sonra hakim elita parçalandı və bunun nəticəsində daxili siyasətdə ciddi problemlər yaşandı. Xarici siyasətdə "qonşularla sıfır problem" şüarı elan olunmasına baxmayaraq, qonşularla münasibətlərin korlanması müşahidə edilməyə başladı. Nəticə etibarı ilə, Türkiyənin hətta tərəfdaşları, müttəfiqləri ilə ciddi problemləri yarandı.

Bu gün Türkiyənin qonşuları ilə — Suriya, Ermənistan, Avropa ölkələri ilə çox ciddi problemləri var. NATO dövlətləri ilə problemlər yaşayan Ankaranın ABŞ ilə münasibətləri də ideal deyil. İsrail ilə münasibətlərdə də bir boşluq müşahidə edilir. Sözsüz ki, bütün bunlar qaynar nöqtədə yerləşən dövlət üçün problemlər yaratmalı idi.

Lakin son proseslər nəticəsində hakim partiya öz mövqelərini möhkəmləndirə bilər. Ərdoğan bu hadisələrdən prezident idarəetməsinə keçid və konstitutsiyanı dəyişdirmək üçün yararlana bilər.

Lakin bir nüansı nəzərə almaq lazımdır ki, Türkiyənin sadalanan xarici və daxili problemləri həll olunmamış qalır. Terror dalğası davam edəcəksə, xarici dövlətlərlə problemlər qısa müddət ərzində həll olunmayacaqsa, həbslər davam edəcəksə, durum daha da gərginləşə bilər…

2790
Teqlər:
diplomatiya, , dövlət, münaqişə, Ərdoğan, Avropa İttifaqı, Qərb, Avropa, Türkiyə, İŞİD
Əlaqədar
NATO-dan Türkiyə və Niderlanda çağırış
Türkiyəyə bu Avropa ölkəsindən gözlənilməz dəstək
Almaniyadan Türkiyə açıqlaması: əsgərlərimiz təcili oradan köçürülsün
Hollandiyadan ilginc Türkiyə açıqlaması
Türkiyə Hollandiyaya iki nota verdi
“Rusiya və Türkiyə arasında vacib sənədlər imzalana bilər”
ABŞ Prezidenti Donald Tramp

Donald Tramp qələbə qazanacağına çox əmindir

10
"Floridada keçirilən seçkiqabağı mitinq ikinci olacaq birinin çıxışı deyildi, düzdür?" - Tramp sual edib.

BAKI, 24 oktyabr — Sputnik. ABŞ Prezidenti Donald Tramp prezident seçkilərində liderlik şansını dəyərləndirib.

Sputnik Azərbaycan xarici mətbuata istinadla xəbər verir ki, o qarşıdan gələn seçkilərdə qələbə çalacağını dilə gətirib.

"Floridada keçirilən seçkiqabağı mitinq ikinci olan birinin çıxışı deyildi, düzdür?" - Tramp sual edib.

Eyni zamanda Ağ Evin rəhbəri 4 il əvvəlki seçki kampaniyasının indikindən geri qaldığını qeyd edib.

Qeyd edək ki, ABŞ prezidenti Donald Tramp prezident seçkilərində artıq erkən səs verib.

ABŞ-da prezident seçkiləri noyabrın 3-ü keçiriləcək. Prezident Donald Trampın əsas rəqibi Demokratlar Partiyasından olan keçmiş vitse-prezident Cozef Baydendir.

10
Beynəlxalq Qafqaz Universitetinin Assosativ Professoru, İqtisadiyyat üzrə fəlsəfə doktoru Aygül İsayeva

Ekspert: “Gürcüstan azərbaycanlıları parlament seçkilərində aktiv iştirak edəcəklər”

15
(Yenilənib 10:50 24.10.2020)
Beynəlxalq Qafqaz Universitetinin Assosativ Professoru, İqtisadiyyat üzrə fəlsəfə doktoru Aygül İsayeva deyir ki, bu il parlamentə namizədliyini verən azərbaycanlıların sayı əvvəlki illərlə müqayisədə çoxdur
Aygül İsayeva: “İnsanlar səslərinin ölkədə baş verənlərə ciddi təsir edəcəyini anlayırlar”

Oktyabrın 31-də Gürcüstanda parlament seçkiləri keçiriləcək.

Beynəlxalq Qafqaz Universitetinin Assosativ Professoru, İqtisadiyyat üzrə fəlsəfə doktoru Aygül İsayeva Sputnik Azərbaycan-a deyir ki, bu gün siyasi fəal olmayan insanlar belə səslərinin ölkədə baş verənlərə ciddi təsir edəcəyini anlayırlar:

“Düşünürəm ki, Gürcüstan azərbaycanlıları parlament seçkilərində aktiv iştirak edəcəklər. Bəzi təşkilatların keçirdiyi sorğuya əsasən 70 faizə yaxın insanın səsvermədə iştirak etməsi gözlənilir. Ümumiyyətlə əvvəlki illərlə müqayisədə həm seçicilər, həm də namizədlər arasında aktivlik hiss olunur. Bu il parlamentə namizədliyini verən azərbaycanlıların sayı əvvəlki illərlə müqayisədə çoxdur, bu, çox yaxşı haldır. Ancaq təəssüf ki, eyni dairədən namizədliyini verən azərbaycanlılar, həm də bir-birinə rəqibdirlər”

Aygül İsayevanın geniş şərhinə audiofaylda qulaq asa bilərsiniz

15
Məktəb, arxiv şəkli

Uşaqlar hansı yaşdan etibarən maska taxmalıdırlar?

0
Rusiyanın Paster adına Epidemiologiya və Mikrobiologiya Elmi Tədqiqat İnstitutunun mütəxəssisləri belə hesab edirlər ki, 12 yaşdan başlayaraq uşaqlarda virusa qarşı həssaslıq yaranır.

BAKI, 24 oktyabr — Sputnik. Bütün dünyadan koronavirus epidemiyası yayıldığı gündən bu yana hansı yaşdan etibarən uşaqların maska taxmalı olduqları məsələsi də ən çox müzakirə olunan mövzulardan biridir. Rusiyalı ekspert bu suala dəqiq cavab verib.

Sputnik Azərbaycan RİA Novosti-yə istinadən bildirir ki, mütəxəssislər 12 yaşdan etibarən bütün uşaq və yeniyetmələrin maska taxmasını tövsiyə edirlər. Rusiyanın Paster adına Epidemiologiya və Mikrobiologiya Elmi Tədqiqat İnstitutunun mütəxəssisi belə hesab edir ki, bu yaşdan başlayaraq uşaqlarda virusa qarşı həssaslıq yaranır. Mütəxəssisin sözlərinə görə, bununla belə, uşaqlar COVID-19 virusunun aktiv daşıyıcıları hesab olunmurlar. Müşahidələr göstərir ki, bu virus əksər hallarda uşaqlara böyüklərdən yoluxur.

0