Azərbaycan bayrağı, arxa fonda ingiliscə Şərq və Qərb sözləri yazılıb

Üzümüzü kimə çevirməli: Qərbə, yoxsa Şərqə?

601
(Yenilənib 23:13 01.03.2017)
Azərbaycan neftini əldə edən Qərbdən Dağlıq Qarabağ münaqişəsinin həlli üçün gözlənilən dəstək gəlmədi

BAKI, 1 mart — Sputnik. Son zamanlar dünyada cərəyan edən proseslər "təkqütblü dünya" ideyasına zərbələr endirir. Görünən budur ki, dünyada tamamilə yeni dəngələr yaranır. Bölgənin əsas oyunçuları olan Türkiyə və Rusiya "Avrasiyaçılıq modeli"ni işə salır. Qərb isə Yaxın Şərqdə sünni-şiə qarşıdurmasını dərinləşdirməklə məşğuldur.

Artıq "Vəhşi Qərb" sindromunun yaşana biləcəyi də istisna deyil. Silahlar işə düşəcəksə, bölgədə sabitlik yaratmaq imkansız olacaq. Avroatlantik məkana inteqrasiya tərəfdarı olanların vəziyyəti elə də ürəkaçan görünmür. Qərb isə hələ də susqunluq nümayiş etdirir.

Azərbaycanın maraqları bölgədə sülhün bərqərar olmasını tələb edir. Əgər bölgədə Səudiyyənin, İranın, Türkiyənin, ABŞ-ın, Rusiyanın və digər ölkələrin daxil olduğu savaş başlayacaqsa, Azərbaycan üçün də ürəkaçan olmayacaq.

Son 30 ildə Azərbaycan Ermənistanın işğalçılıq siyasətindən, qonşularının təhdidlərindən, ABŞ-ın ikili stantdlartlarından təngə gəlib. Bu fonda Türkiyə də müstəqil siyasət apara bilməyib. Ankaranın Azərbaycana münasibəti Vaşinqtonun çıxaracağı hökmdən asılı olub.

Artıq Qarabağ probleminə Qərbin münasibətində ciddi korrektələr etmək zamanının çatdığını bəyan edə bilərik. Unutmaq lazım deyil ki, Qarabağla bağlı yanlış mövqe nəticəsində məğlub olan Qərb dəyərlərinin özüdür və artıq ictimai rəydə Qərbə münasibətdə radikallığın əsas elementə çevriləcəyini ehtimal edə bilərik.

Ölkəmiz müstəqilliyini elan edəndə çoxları belə düşünürdü ki, öz neftini Rusiyadan yan keçməklə Qərbə nəql edən Bakı, Qarabağ məsələsində dünyanın böyük dövlətlərinin dəstəyini qazana və münaqişənin ölkənin ərazi bütövlüyü çərçivəsində həllinə nail ola bilər. Bu, romantik nəticə deyildi. Belə təhlillər aparmaq üçün arqumentlər kifayət qədər ciddi idi.

ABŞ başda olmaqla, nüfuzlu Qərb dövlətləri enerji ehtiyatları ilə zəngin Xəzər bölgəsində möhkəmlənməyə çalışırdı. Bu məsələdə Azərbaycan önəmli oyunçu idi və qonşularının güclü təzyiqlərinə baxmayaraq enerji ehtiyatlarının alternativ marşrutlarla dünya bazarlarına çıxarılması üçün ciddi addımlar atırdı.

Məhz belə bir vaxtda Qərbin güclü dəstəyi sayəsində Bakı-Tiflis-Ceyhan kəməri layihəsi razılaşdırıldı. Lakin bölgədə daha da möhkəmlənmək üçün təkcə enerji layihələri kifayət etmirdi və Dağlıq Qarabağ münaqişəsi kimi kifayət qədər geniş bölgəni qarışdıra biləcək təhlükəli münaqişənin də həlli lazım idi.

Amma Azərbaycan neftini əldə edən Qərbdən bu münaqişənin həlli üçün gözlənilən dəstək gəlmədi. Əksinə, ABŞ Konqresi tərəfindən qəbul edilən bədnam 907-ci düzəliş sayəsində Azərbaycan uzun müddət bu ölkənin yardımlarından məhrum oldu, Amerika, digər Qərb dövlətləri təcavüzkar Ermənistana heç bir əməli təzyiq göstərmədi və münaqişə həll edilməmiş qaldı.

Beləliklə də Azərbaycanda haqlı məyusluq yarandı: bir halda ki, Qərb Qarabağ məsələsində Azərbaycana heç bir əməli kömək etmir, Rusiya və İran kimi qonşularla təhlükəli oyuna girib ölkənin zəngin neft ehtiyatlarının üzünü Qərbə çevirmək nəyə lazım idi? Praqmatik maraqlar balans siyasətinin davam etməsini tələb edir…

601
Teqlər:
balans, Şərq, İran, Qərb, Rusiya, Türkiyə, Azərbaycan, ABŞ, siyasət
Əlaqədar
Ankara Qərbi xəbərdar etdi: "Sizi də vuracaq"
Fikrət Sadıxov: "Qərb Rusiya ilə yaxınlıq etmək istəyir"
Zirəddin Rzayev: "Türkiyədə baş verən terror aktlarının arxasında Qərb dayanır"
Amerika Rusiyanı şərqdən və qərbdən blokadaya alıb
Qərbdən qopmaq — qandallardan qurtuluşdur
Ərdoğandan Qərb ölkələrinə ismarış

İlham Əliyev Azərbaycanı dəstəkləyən ölkələrin başçılarına məktublar ünvanlayıb

18
Prezident BMT TŞ-da Azərbaycanı dəstəkləyən ölkələrin dövlət və hökumət başçılarına məktublar ünvanlayıb.

BAKI, 25 oktyabr - Sputnik. Məlum olduğu kimi, bu günlərdə BMT Təhlükəsizlik Şurasında Ermənistan-Azərbaycan münaqişəsi ilə bağlı baş tutmuş müzakirələrdə Qoşulmama Hərəkatının və eyni zamanda, hazırda Təhlükəsizlik Şurasının üzvü olan ölkələr - İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadin təklif edilən sənəd layihəsinə Təhlükəsizlik Şurasının 1993-cü ildə qəbul edilmiş 822, 853, 874, 884 saylı qətnamələrinə istinadın daxil edilməsinə dair israrlı mövqe nümayiş etdiriblər. Nəticədə Təhlükəsizlik Şurasının daimi üzvləri olan ATƏT-in Minsk qrupunun həmsədr ölkələri hazırladıqları bəyanat layihəsini geri götürməyə məcbur olublar.

Sputnik Azərbaycan xəbər verir ki, bununla əlaqədar, Azərbaycan Respublikasının Prezidenti İlham Əliyev tərəfindən İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadinin dövlət və hökumət başçılarına məktublar ünvanlanıb.

Prezident İlham Əliyev, arxiv şəkli
© Official website of President of Azerbaijan Republic

Məktublarda BMT Təhlükəsizlik Şurasında keçirilmiş müzakirələr zamanı göstərdikləri prinsipial mövqeyə görə sözügedən ölkələrə təşəkkür ifadə olunub.

Məktublarda qeyd edilib ki, bu ölkələrin belə qəti mövqe sərgiləmələri onların Bandunq prinsiplərinə, Qoşulmama Hərəkatının dəyərlərinə sadiqliyini, multilateralizmə və beynəlxalq hüquqa olan hörmətini nümayiş etdirir. Bu mövqe ikitərəfli münasibətlərimizdə tarixi dostluq əlaməti kimi qəbul olunur.

Daha sonra məktublarda bildirilir ki, həmin ölkələrin davamlı dəstəyi münaqişənin beynəlxalq hüquq və Təhlükəsizlik Şurasının məlum qətnamələri əsasında həllinə töhfə verəcək.

Sonda isə ikitərəfli münasibətlərimizin, eləcə də BMT və Qoşulmama Hərəkatı çərçivəsində çoxtərəfli əməkdaşlığımızın uğurla inkişaf edəcəyinə əminlik ifadə olunub.

18
Mövzu:
Azərbaycan və Ermənistan arasında müharibə
Türkiyə Prezidenti Rəcəb Tayyib Ərdoğan, arxiv şəkli

Ərdoğan: "Azərbaycanın yanında olduğumuz üçün günahlandırıldıq"

29
“İndi eşidirəm ki, bəzi amerikalılar çıxıb İlham qardaşıma zəng edib deyir ki, biz sizin yanınızda kimin olduğunu bilirik, Ərdoğan var, Türkiyə var".

BAKI, 25 oktyabr - Sputnik. “Qafqazda öz ərazilərini müdafiə edən azərbaycanlı qardaşlarımızın yanında olduğumuz üçün suçlandırıldıq”.

Sputnik Azərbaycan “Report”a istinadla xəbər verir ki, bu sözləri Türkiyə Prezidenti Rəcəb Tayyib Ərdoğan deyib.

“İndi eşidirəm ki, bəzi amerikalılar çıxıb İlham qardaşıma zəng edib deyir ki, biz sizin yanınızda kimin olduğunu bilirik, Ərdoğan var, Türkiyə var. Və? Biz Türkiyəyə də, yeri gələrsə, sanksiya tətbiq edəcəyik. Sən kiminlə rəqs etdiyinin fərqində deyilsən! Sanksiyan nədirsə, gecikmə, et!”, - o vurğulayıb.

29