BAKI, 24 fev – Sputnik. Belçika hökumətində təmsil olunan və PKK terror təşkilatına verdiyi dəstəklə tanınan Yeni Flamand İttifaqı Partiyası (N-VA), millət vəkili Zühal Demiri dövlət naziri vəzifəsinə gətirib.
Sputnik Azərbaycan Timeturk-ə istinadən xəbər verir ki, Zühal Demir ötən ayların birində dövlət televiziyası “Kanvas”dakı proqramda PKK-nı tərifləyən açıqlamalar vermişdi. O, terror təşkilatının paytaxt Brüsseldə təşkil etdiyi yürüyüşə qatıldığını da gizlətməmişdi.
Xatırladaq ki, Türkiyə prezidenti Rəcəb Tayyib Ərdoğan bir neçə dəfə Belçika hökumətini PKK-ya verdiyi dəstək səbəbilə sərt tənqid edib.
