Azərbaycan Xarici İşlər Nazirliyi

Azərbaycan - İsveçrə münasibətləri müzakirə olunub

11
Hər iki ölkənin xarici işlər nazirləri arasında təbrik məktubu mübadiləsi həyata keçirilib

BAKI, 3 fev — Sputnik. Azərbaycan Respublikası ilə İsveçrə Konfederasiyası arasında diplomatik əlaqələrin qurulmasının 25 illiyi münasibətilə hər iki ölkənin xarici işlər nazirləri arasında təbrik məktubu mübadiləsi həyata keçirilib. Bu barədə Sputnik Azərbaycan-a Azərbaycan Xarici İşlər Nazirliyinin (XİN) mətbuat xidmətindən məlumat verilib.

Azərbaycan Respublikasının xarici işlər naziri Elmar Məmmədyarov İsveçrəli həmkarına ünvanlandığı məktubda iki ölkə arasında əməkdaşlıq üçün geniş potensialın olduğu və müxtəlif sahələri əhatə edən tərəfdaşlığın inkişaf etdiyini diqqətə çatdırıb. O, tərəflər arasında dinamik siyasi dialoqun və parlamentlərarası əlaqələrin əhəmiyyətini vurğulayıb.

İsveçrənin 70-dən artıq şirkətinin Azərbaycanda, SOCAR-ın isə bu ölkədəki uğurlu fəaliyyətinə toxunan E.Məmmədyarov, ölkəmizdəki nəqliyyat və dəmir yolu layihələrinə İsveçrə şirkətlərinin cəlb olunmasının ikitərəfli münasibətlərə töhfə verdiyini, eləcə də bu ölkə üçün regional perspektivdə Uzaq Şərqdən Şimali Avropaya qədər böyük coğrafiyada geniş imkanlar açdığını qeyd edib. E.Məmmədyarov təhsil, mədəniyyət, kənd təsərrüfatı, turizm və digər sahələrdə ikitərəfli əməkdaşlığın inkişafını vurğulayıb.

"İsveçrə Federal Xarici İşlər Departamentinin rəhbəri Didye Burhalter Elmar Məmmədyarova göndərdiyi məktubda Azərbaycan və İsveçrə arasında yüksək səviyyəli münasibətləri və son 25 il ərzində bir çox sahələrdə inkişaf edən əməkdaşlığı qeyd edib. O, Azərbaycanın Avropa ilə Mərkəzi Asiya arasında təkcə coğrafi baxımdan deyil, həmçinin iqtisadi və mədəni baxımdan körpü rolunu oynadığını qeyd edib" — XİN-dən bildirilib.

İsveçrəli nazir mövcud tərəfdaşlığın ölkələrimiz arasında güclü bağları əks etdirdiyini və bu əlaqələrin gələcəkdə daha da inkişaf edəcəyinə əminlik ifadə edib. Didye Burhalter sonda dostluq ruhundan çıxış edərək Azərbaycan xalqına xoş arzularını çatdırdığını bildirib.

11
Teqlər:
xarici işlər, Didye Burhalter, diplomatik əlaqə, ölkə, İsveçrə, Elmar Məmmədyarov, Azərbaycan
Əlaqədar
Azərbaycan XİN-dən "КВН" və "AMİK"ə sərt etiraz
XİN Azərbaycanın İslam Hərbi Alyansına qoşulması barədə məlumatlara reaksiya verdi
XİN: İstanbuldakı teraktda Azərbaycan vətəndaşı yaralanıb
XİN: Danışıqlarda irəliləyişin ola biləcəyini görəndə Ermənistan təxribata əl atır
Həmsədr ölkələrin XİN rəhbərləri Qarabağ münaqişəsinə dair birgə bəyanat yaydılar