Azad insan

Bütün cərəyanların fövqündə

68
(Yenilənib 14:50 19.10.2016)
Radikal cərəyanlar yalnız aralıq müddətə populyar olur. Sabitlik dövründə isə heç kəs onları yada salmır.

BAKI, 19 okt — Sputnik. Sosial böhranlar dövründə solçu və dinçi təşkilatların elektoratı genişlənir və liberal-demokratik dəyərlər etibarlılığını itirir. Bu gün də bir çoxları yenidən ideal saydıqları sovet kecmişinə qayıtmağı arzu edirlər. Maraqlısı odur ki, bu sərsəm fikirlər indi çoxlarına hakim kəsilib.

Söhbət, əslində hamının bildiyi həqiqətlərdən də getmir. Məsələ azadlıq və insan haqlarınin hədəf seçilməsindədir. "Azadlıq" sözünün özu də kimlərdəsə ikrah hissi doğurur. Azərbaycanın tarixinə nəzər saldıqda görərik ki, insanlar özləri məsuliyyət daşımaq əvəzinə, məsuliyyəti hansısa XİLASKARın uzərinə atmağa və onun tərəfindən idarə olunmağa üstünluk verirlər. Yəni — "O, mənim əvəzimə düşünür, mənim əvəzimə çalışır və mənim problemlərimə daha yaxşı bələddirsə, mənə nə ehtiyyac var?".

Bu cür yanaşma əsrlər boyu zehnimizi və qəlbimizi zəbt etdi. Belə cəfəngiyyatdan qurtulmaq zamanı çatmayıbmı? Azadlıq çətin məhfumdur və heç də hər kəsə onu dadmaq nəsib olmur. İnsanları azadlığa səsləyənlər özləri azad olmalıdırlar. İnsanları azadlıq uğrunda mubarizəyə səsləyən LİBERALİZMİN əsas dayaq nöqtəsi daha çox insan özgürlüyüdür.

Hər cür diktaturadan liberal dəyərlərin fərqi də, məhz bundadır. Liberallar heç kəsi "bunu yaz, buna isə toxunma" deyə məcbur etmir, satirik şerlərinə görə şairi edam etmir, hec kimi onlar kimi düşünməyə vadar etmirlər. Əslində, liberalizm istənilən ideologiyadan güclüdür.

Digər rejimlər — solçu və digərləri insanları repressiya ilə qorxudur, onları əzir, məhv edir və fərqli düşünənlərə divan tutur. Bu cür siyasi sistemlər, eyni zamanda vətəndaşları total nəzarətə götürür, mənəvi, siyasi, iqtisadi və sosial azadlıqlara nifrət edir. Bütün bu səbəblərə görə də, məhz liberalizm hədəfdədir.

Tarixən cəmiyyətlər iki qutbə bölünüb — azadlıqsevərlər və ona nifrət edənlər. Məsələn, Yaxın Şərqdə hansı içkini sevdiyini, hansı musiqiyə qulaq asmaq lazım olduğunu sənin yerinə XİLASKAR müəyyən edir. Ancaq XİLASKAR vətəndaşın necə xoşbəxt ola biləcəyini və hansı dünyagörüşünün onu qane etdiyini onun özündən daha yaxşı bilir.

Bundan fərqli olaraq, liberallar isə hər sahədə İNSAN amilinə üstünlük verirlər. Liberallar kiminsə köləsi olmaq istəmirlər. Onlar Allahın onlara verdiyi hüquqlar uğrunda mubarizə aparırlar. Təsadüfi deyil ki, liberal Qərb fəlsəfəsi iki toxunulmaz dəyər üzərində formalaşib: ALLAH və MƏNİM hüququm.

Hazırda liberalizm cərəyanının görkəmli daşıyıcıları bu prinsiplərin bütün cəmiyyətlərdə hakim olmasını məqsəd hesab edirlər. Bir sözlə, liberalizm despotizmdən müdafiə silahıdır.

Avtokratiya, yoxsa azadlıq? Seçim sadədir. Əlbəttə, liberalizmi də tənqid etmək lazımdır. Liberalizm tənqidə dözümlüdür. Ancaq maraqlıdır, liberalları tənqid edənlər özləri tənqidə dözə bilirlərmi? Yəqin ki, ritorik sualdır.

Son olaraq, liberalizm cərəyanının üzərində israr etdiyi məqamlardan birinə diqqət çəkmək maraqlı olardı: insanın TƏBİİ HÜQUQLARI.

Əslində, hər kəsin dünyaya gəldiyi andan təbii və konstitusion hüquqlara malik olmasi heç kəsə sirr deyil. Qeyri-liberal siyasi sistemə malik olan rejimlər, sadəcə vətəndaşın konstitusion hüquqlarını təmin etməklə işlərini bitmiş hesab edir. Lakin əsl məqsəd təbii hüquqların tanınması və təmin olunmasıdır.

Məhz bu problemin də bayraqdarları liberallardır. Yəqin ki, elə bu səbəbdən də, liberal düşüncə tərzi öz azadlıq vurğunluğu ilə digər cərəyanlardan yuxarıda dayanır.

Azərbaycanın da seçimi məhz libberalizmlə bağlıdır. Azad bazar və insan haqları prizmasından yanaşdıqda, ölkənin gələcək inkişaf tempini müəyyən etmək mümkündür. Radikal cərəyanlar yalnız aralıq müddətə populyar olur. Sabitlik dövründə isə heç kəs onları yada salmır…

68
Teqlər:
liberalizm, dəyər, sosial böhran, liberal, ideologiya, azadlıq, demokratiya
Əlaqədar
Klassik siyasətin iflası
Yeni siyasi eskiz layihə
Təhlükəli tendensiya
Dəniz gəzmişlərin yoxluğu
Azərbaycanı müstəmləkəyə çevirmək istəmiriksə...
Türkiyə Silahlı Qüvvələrin Baş Qərargah rəisi Hulusi Akar, arxiv şəkli

Hulusi Akar: "Sonuna qədər azərbaycanlı qardaşlarımızın yanında olacağıq"

71
Çox qısa bir müddətdə yoldaşlarımız orada xidmət aparacaqlar. Türk və rus generalı birlikdə işləyəcək. Orada Türkiyə və Rusiya zabitləri atəşkəsə nəzarət edəcək, onun davamlı olması üçün birlikdə fəaliyyət göstərəcəklər.

BAKI, 2 dekabr — Sputnik. Hazırda Türkiyə-Rusiya Ortaq Monitorinq Mərkəzinin tikintisi aparılır.

Sputnik Azərbaycan "Anadolu" agentliyinə istinadən xəbər verir ki, bunu Türkiyənin milli müdafiə naziri Hulusi Akar bildirib.

"Çox qısa bir müddətdə yoldaşlarımız orada xidmət aparacaqlar. Türk və rus generalı birlikdə işləyəcək. Orada Türkiyə və Rusiya zabitləri atəşkəsə nəzarət edəcək, onun davamlı olması üçün birlikdə fəaliyyət göstərəcəklər. Bununla yanaşı, bizim azərbaycanlı qardaşlarımızla tədris, təlim mövzusunda işlərimiz də davam edir. İnşallah, bu məsələlərdə əlimizdən gələn nə varsa qardaşlarımıza edəcəyik və sonuna qədər azərbaycanlı qardaşlarımızın haqlı mübarizələrində yanında olmağa davam edəcəyik. Buna heç kimin şübhəsi olmasın".

71
Teqlər:
Hulusi Akar, Rusiya, Türkiyә, Azərbaycan, Qarabağ
Mövzu:
Azərbaycan və Ermənistan arasında müharibə
Xankəndi

XİN fransalı deputatların Qarabağa səfər edəcəyi xəbərinə münasibət bildirdi

33
Azərbaycan ərazisinə, o cümlədən onun Dağlıq Qarabağ bölgəsinə edilən səfərlər Azərbaycan Hökuməti ilə razılaşdırılmalıdır

BAKI, 2 dekabr — Sputnik. Azərbaycan Respublikasının Xarici İşlər Nazirliyinin Mətbuat xidməti idarəsinin rəisi Leyla Abdullayeva KİV-in sualını cavablandırıb. Sputnik Azərbaycan L.Abdullayevaya ünvanlanmış sualı və onun cavabını təqdim edir:

- Erməni KİV-ləri Fransa Parlamentinin bir qrup üzvünün Ermənistan və Dağlıq Qarabağa səfər edəcəyini, eləcə də burada görüşlər keçirərək, mövcud olan humanitar vəziyyəti yerindəcə qiymətləndirməyi planlaşdırdıqlarını yazırlar. Bu səfərlə bağlı Xarici İşlər Nazirliyinin şərhini öyrənmək istərdik.

- Azərbaycan Respublikasının onun beynəlxalq tanınmış sərhədləri çərçivəsində suveren ərazisinə edilən səfərlər ilə bağlı rəsmi mövqeyi bəllidir və bu mövqe dəyişilməz olaraq qalır. Azərbaycan ərazisinə, o cümlədən onun Dağlıq Qarabağ bölgəsinə edilən səfərlər Azərbaycan Hökuməti ilə razılaşdırılmalıdır. Azərbaycanın qanunvericiliyini pozan şəxslər müvafiq sanksiyalarla üzləşirlər və onların gələcəkdə Azərbaycan ərazisinə səfərləri məhdudlaşdırılır.

33
Teqlər:
Azərbaycan XİN, səfər, deputatlar, Fransa, Azərbaycan, Qarabağ
Mövzu:
Azərbaycan və Ermənistan arasında müharibə
Müdafiə naziri general-polkovnik Zakir Həsənov Azərbaycanın Dağlıq Qarabağ bölgəsində yerləşdirilən Rusiya sülhməramlı qüvvələrinin komandanı general-leytenant Rüstəm Muradov ilə görüşüb

Zakir Həsənov Rusiya sülhməramlı qüvvələrinin komandanı ilə görüşüb

3
(Yenilənib 12:25 03.12.2020)
Üçtərəfli bəyanata əsasən, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

BAKI, 3 dekabr — Sputnik. Azərbaycan Respublikasının Müdafiə naziri general-polkovnik Zakir Həsənov Azərbaycanın Dağlıq Qarabağ bölgəsində yerləşdirilən Rusiya sülhməramlı qüvvələrinin komandanı general-leytenant Rüstəm Muradov ilə görüşüb. Bu barədə Müdafiə Nazirliyi xəbər yayıb.

Görüşdə Azərbaycan, Rusiya Prezidentləri və Ermənistanın baş nazirinin birgə Bəyanatının müddəalarının icrası məsələləri müzakirə olunub.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu, dekabrın 1-də isə Laçın rayonu Azərbaycana qaytarılıb. Bununla yanaşı, təmas xətti və Laçın dəhlizi (Laçın şəhəri də bu dəhlizə daxildir) boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

 

3