"Xalq Prezidentə dəstəyini nümayiş etdirdi"

15
Oqtay Əsədov: "Avropa Parlamenti Azərbaycanla münasibətlərin bərpası üçün çox cəhdlər edib"

BAKI, 30 sen — Sputnik. "Sentyabrın 26-da Azərbaycanda keçirilən referendum demokratik və şəffaf şəraitdə baş tutub". Sputnik xəbər verir ki, Milli Məclisin bu gün keçirilən plenar iclasında spiker Oqtay Əsədov belə deyib.

Sədrin sözlərinə görə, bu ümumxalq səsverməsi prezident İlham Əliyevin uzaqgörən siyasətinə xalqın güclü dəstəyini nümayiş etdirib: "Referendumu yerli və beynəlxalq müşahidəçilər izləyiblər"

O. Əsədov Avropa Parlamenti — Azərbaycan münasibətlərinə də toxunub: "Keçən il Avropa Parlamenti Azərbaycan əleyhinə qətnamə qəbul edib. Bundan sonra Azərbaycan onlarla əməkdaşlığı dayandırıb. Münasibətlərin bərpa olunması üçün çox cəhdlər edilib. Azərbaycan Prezidenti Avropa İttifaqı-Azərbaycan Parlament Əməkdaşlıq Komitəsinin nümayəndə heyətini qəbul edərkən onlara iradlarını bildirib. Əməkdaşlıq bərpa olunacağı təqdirdə belə mənfi halların baş verməsi arzuolunan deyil".

15
Teqlər:
ümumxalq səsverməsi, spiker, Oqtay Əsədov, İlham Əliyev, referendum
Əlaqədar
Azərbaycan - Avropa Parlamenti əməkdaşlığı bərpa edilir
Referendumun nəticələri xalqın iradəsini ifadə edib
Referendum şəffaf keçib
Avropalı müşahidəçilər referendumla bağlı rəylərini açıqladılar
Konstitusiyaya dəyişikliklərlə bağlı referendumun ilkin nəticələri bilindi
Azərbaycan Milli Məclisinin binası

Milli Məclis Fransa Senatına etiraz bəyanatı qəbul etdi: MÜDDƏALAR

37
Fransa Senatı qondarma "Dağlıq Qarabağ Respublikası"nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib

Xalid Məmmədov, Sputnik Azərbaycan

BAKI, 26 noyabr — Sputnik. Milli Məclis noyabrın 25-də Fransa Senatının Fransa hökumətini qondarma "Dağlıq Qarabağ Respublikası"nı tanımağa çağıran məsləhət xarakterli qəbul etdiyi qətnaməsi ilə bağlı bəyanat yayıb.

Sputnik Azərbaycan xəbər verir ki, bəyanatı deputat Cavanşir Feyziyev təqdim edib.

Milli Məclisin bu gün keçirilən iclasında Fransa Senatının qəbul etdiyi qətnaməyə etiraz bəyanatı qəbul edilib.

Azərbaycan parlamentinin bəyanatında qətnamə pislənilir və qeyd edilir ki, bu sənəd beynəlxalq hüququn əsas norma və prinsiplərinin kobud şəkildə pozulmasıdır.

Azərbaycan Milli Məclisi Azərbaycan Hökumətinə aşağıdakılar ilə bağlı çağırış edir.

- Fransanın ATƏT-in Minsk Qrupunun həmsədrliyindən geri çağırılması üçün ATƏT-in rəhbərliyinə müraciət edilsin.

- Azərbaycan ilə Fransa arasında mövcud siyasi münasibətlərə yenidən baxılsın.

- Azərbaycan ilə Fransa arasında mövcud iqtisadi əlaqələr dərindən təhlil edilərək müvafiq tədbirlər görülsün. 

Xatırladaq ki, Fransa Senatı qondarma "Dağlıq Qarabağ Respublikası"nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

37
Teqlər:
bəyanat, etiraz, qətnamə, Senat, Fransa, Milli Məclis
Mövzu:
Azərbaycan və Ermənistan arasında müharibə
Qırmızı Xaç komitəsinin maşınları, arxiv şəkli

Hərbi əsir Amin Musayevlə bağlı yenidən şayiələr yayılıb

36
(Yenilənib 12:57 26.11.2020)
Beynəlxalq Qırmızı Xaç Komitəsi və hərbi əsir Amin Musayevin qohumu onun Azərbaycana qaytarılması ilə bağlı məlumatı təsdiqləməyib

BAKI, 26 noyabr — Sputnik. Hərbi əsir Amin Musayev ailəsinə qaytarılmayıb. Sputnik Azərbaycan xəbər verir ki, hərbi xidmətçinin dayısı Sənan Sadıqov sosial şəbəkələrdə bu barədə yayılmış şayiələri təkzib edib.

Qeyd edək ki, bir qədər bundan əvvəl sosial şəbəkələrdə yayılan videoda zahirən 26 yaşlı Musayevə bənzəyən hərbi geyimli cavan oğlanın görüntüləri əks olunub. Videoda həmin oğlan, çox güman ki, yaxın qohumu olan orta yaşlı qadını uzun ayrılıqdan sonra qucaqlayır. Video yayılandan bir neçə saat sonra silinib.

Musayevlə bağlı söz-söhbət jurnalist Aleksandr Xarçenkonun yaydığı videolardan sonra geniş yayılıb. O, erməni hərbçilərinin Şuşa şəhəri yaxınlığındakı döyüşdən sonra iki yaralı Azərbaycan əsgərini necə tapdıqlarını videoya çəkib. Daha sonra yaralılar təcili yardım maşınında naməlum istiqamətə aparılıblar. Xarçenko bildirib ki, azərbaycanlı əsgərlərin gələcək taleyi barədə məlumat almağa çalışsa da, buna nail ola bilməyib.

Xatırladaq ki, Amin Musayev Ermənistan silahlı qüvvələri tərəfindən əsir götürülmüş üç hərbi qulluqçumuzdan (digərləri Rüstəm Ruslanov və Bayram Kərimovdur) biridir. Azərbaycanlılar dünyanın hər yerindən Beynəlxalq Qırmızı Xaç Komitəsinə onların tezliklə qaytarılması üçün qurumun fəaliyyətə keçməsi məqsədilə çağırış ediblər. Göstərilən bütün səylərə baxmayaraq Musayev və digər hərbi əsirlərlə bağlı dəqiq məlumat əldə etmək mümkün olmayıb.

“Videodakı şəxs mənim bacım oğlu deyil. Əlimdə böyüyən uşağı tanımayacam? Bu, o deyil”, – deyə Sadıqov qətiyyətlə bildirib.

Beynəlxalq Qırmızı Xaç Komitəsindən də hərbi əsirin qaytarılması ilə bağlı məlumatı təsdiqləməyiblər. Komitənin ictimaiyyətlə əlaqələr şöbəsinin rəhbəri İlahə Hüseynova bildirib ki, sentyabrın 27-dən bu yana qurum yalnız bir mülki şəxsin Azərbaycan tərəfindən Ermənistana qaytarılmasına vasitəçilik edib. Hərbi əsirlərlə bağlı hər hansı bir əməliyyat isə aparılmayıb.

36
Teqlər:
video, Amin Musayev, şayiə, hərbi əsirlər, Qarabağ
Bakı Şəhər Baş Polis İdarəsinin mətbuat şöbəsinin rəisi, polis mayoru Elşad Hacıyev

Elşad Hacıyev Daxili İşlər Nazirliyinə təyin edildi

0
(Yenilənib 13:20 26.11.2020)
Əmrə əsasən, polis mayoru Elşad Hacıyev Kütləvi İnformasiya və İctimaiyətlə Əlaqələr Şöbəsinə rəis təyin edilib

BAKI, 26 noyabr — Sputnik. Daxili İşlər Nazirliyinin Kütləvi İnformasiya və İctimaiyətlə Əlaqələr Şöbəsinə rəis təyin edilib.

Sputnik Azərbaycan xəbər verir ki, bununla bağlı daxili işlər naziri, general-polkovnik Vilayət Eyvazov əmr imzalayıb.

Əmrə əsasən, polis mayoru Elşad Hacıyev Kütləvi İnformasiya və İctimaiyətlə Əlaqələr Şöbəsinə rəis təyin edilib.

Qeyd edək ki, Bakı şəhər Baş Polis İdarəsinin İctimaiyyətlə Əlaqələr Şöbəsi ləğv edilib.

0
Teqlər:
rəis, əmr, Daxili İşlər Nazirliyi, Elşad Hacıyev