Sağcı-Solcu

Dəniz gəzmişlərin yoxluğu

77
Daxili çəkişmələrdən uzaq olan, virtual mübarizədən kənarda duran, konkret hədəfləri olan lider bu mərhələdə müxalifətin dəstək verəcəyi bir simaya çevrilə bilərdi

BAKI, 17 avq — Sputnik. Liberal ideyaların iflası anlaşılandır. Lakin digər ideologiyalar da Azərbaycan vətəndaşı üçün cəlbedici deyil. Liberal müstəvidə vəziyyət nisbətən müsbətdir. Solçu düşərgə isə ümumiyyətlə bir durğunluq yaşayır.

Azərbaycanda solçu bir lider görünmür. Hazırkı situasiyada məhz solçu lider protest elektoratının rəğbətini qaza bilərdi. Maraqlıdır ki, Azərbaycan gəncliyinin müəyyən qismi üçün Türkiyə solçuları olduqca cazibədar görünürlər. Türkiyə devrimçilərinin əfsanəsi olan Dəniz Gəzmiş bir çox hallarda Azərbaycan solçuları üçün də bir simvoldur. Edam kötüyündə belə imdad diləməyən, "beynəlxalq imperializmi" lənətləyən bu devrimçi lider radikal gənclik üçün bir mübarizə bayrağıdır. Cəmi 25 il yaşayan bu gənc siyasətçi qulağı sırğalı liberal yeniyetmələrdən daha cəlbedicidir.

1972-ci ildə edam olunan Dəniz Gəzmiş bir solçu olsa da, ona milliyyətçi kəsim də mübarizliyinə görə rəğbətlə yanaşır. Əgər bir gənc son nəfəsində "Yaşasın müstəqil Türkiyə! Yaşasın marksizm-leninizm! Yaşasın fəhlə və kəndli sinfi! Rədd olsun imperializm" deyə bilirsə, bir simvola çevrilir. Solçu ideyanı populyar edən də elə dəniz gəzmişlərdir. Dəniz Gəzmiş bir solçu olsa da, ona milliyyətçi kəsim də mübarizliyinə görə rəğbətlə yanaşdı. Yaşlı nəsil isə gəncliyə hər cür yardım edirdi.

Azərbaycanda isə həbs olunan gənclərə vəkil tutmaq belə, onları döyüşə göndərənlərin yadına düşmür. Vəkilsiz, ərzaqsız, real müdafiəsiz qalan Azərbaycan gəncliyinin fərqi də elə bundadır. Gəncliyin həbsdə olması veteran müxalifətçilərin yadına yalnız o zaman düşür ki, "siyasi məhbus siyahıları" bir təzyiq predmetinə çevrilir. Belə vəziyyət uzun müddət davam edə bilməz. Bu baxımdan, siyasi mübarizə gənclik üçün də bir sınaqdır.

Müstəqil fəaliyyətə başlamaq, siyasi liderlərin şəxsi intriqa və ambisiyalarının köləliyindən azad olmaq və hakimiyyətə qarşı mübarizədə əsas hərəkətverici qüvvəyə çevrilmək üçün gəncliyə bir şans verilir. Siyasətdə artıq edə bildiyini edən "köhnə qvardiya"nın kiçik, cılız intriqalarına həvəslə qurban olan gənclik anlamalıdır ki, bir söyüş alətinə çevrilməklə, müxalifətçi qardaşına qarşı aparılan "qara piar"da iştirakçı olmaqla böyük məqsədlərə çatmaq mümkün deyil.

Türkiyədə gənclik bir-biriləri ilə ideya naminə savaşır. Azərbaycanda isə müxalifətdaxili bütün savaş kimin bu düşərgədə daha güclü olmasının təsdiqinə yönəlib. Hər kəs yalnız öz məhəlləsində qəhrəmanlıq etmək istəyir.

Bu gün Azərbaycanda yüz minlərlə insan hələ də siyasətə biganədir. Minlərlə insan siyasi proseslərə qoşulmaq istəmir. Yalnız siyasi proseslərə qoşulmaqla insanlar öz hüquqlarını qorumağa qadir ola bilərlər. Yalnız sivil və ardıcıl mübarizə effekt verə bilər. Bütövlükdə isə ölkədə baş verənlərə seyrçi qalırlar.

Bunu anlamaq da mümkündür. İnsanlar dəyişikliklərin nəticəsində vəziyyətin daha da ağırlaşacağını ehtimal edirlər, siyasi proseslərdə iştirak edən tərəflərdən heç birinin səmimiyyətinə inanmırlar, mübarizənin effektli ola biləcəyinə inam yoxdur, müxalifətdaxili didişmələrdən beziblər və s. Bu tezislərdən hər birinin yaşamağa haqqı var. Lakin ən məntiqsizi öz biganə durumuna haqq qazandırmaq cəhdidir. Digər tərəfdən, xalqı da günahlandırmaq absurddur.

Xalq son 20 ildə dəfələrlə öz sözünü deyib. Son illər mübarizənin səmərəsiz olması proseslərə mənfi təsir göstərib. Belə ki, son illər keçirilən etiraz aksiyaları, tədbirlər proses yarada bilmədi. Odur ki, qısa bir zamanda unuduldu. Xalq konkret hədəflər uğrunda mübarizə aparmaq istəyir. Kimlərinsə iqtidardan getməsini arzulamaq siyasi proseslərdə fəal iştirak etməyən insanlar üçün maraqlı deyil. Sıravi vətəndaş son dərəcə sadə suallara cavab tapmaq istəyir — hakimiyyət dəyişikliyi mənim həyatımda nələrə səbəb olacaq? Haqlı sualdır.

Digər tərəfdən, xalqı qələbəyə aparan passionarların zəifliyi ümumi nəticəyə mənfi təsir göstərir. Məhz bu baxımdan, get-gedə solçuların və dinçilərin mövqeləri güclənir. Çünki onlar real dəyişiklik təklif edirlər. Bu, həm ölkənin idarə edilməsi ilə bağlıdır, həm də xarici siyasətlə.

Lakin Dəniz Gəzmiş kimi liderin yoxluğu onların da perspektivini heçə endirir. Digər tərəfdən, gündəlik həyatında əxlaqi dəyərləri daşımayanlara, yaxud davranışlarına görə özləri demokratiyaya nifrət edənlərə xalqın rəğbət bəsləməsi son dərəcə çətindir. Daxili çəkişmələrdən uzaq olan, sosial şəbəkələrdəki virtual mübarizədən kənarda duran, konkret hədəfləri olan lider bu mərhələdə müxalifətin dəstək verəcəyi bir simaya çevrilə bilərdi. Belə bir lider isə gözə dəymir…

77
Teqlər:
Dəniz Gəzmiş, dindar, sağçı, solçu, demokrat, liberal, lider
Əlaqədar
"Oyundan kənar vəziyyət" təhlükəsi
"Əcəl zəngi"ni gözləyənlər
İdeologiyasız mübarizə
Onların ən çox nifrət etdikləri şüar - Öncə Vətən!
Türkiyə Silahlı Qüvvələrin Baş Qərargah rəisi Hulusi Akar, arxiv şəkli

Hulusi Akar: "Sonuna qədər azərbaycanlı qardaşlarımızın yanında olacağıq"

71
Çox qısa bir müddətdə yoldaşlarımız orada xidmət aparacaqlar. Türk və rus generalı birlikdə işləyəcək. Orada Türkiyə və Rusiya zabitləri atəşkəsə nəzarət edəcək, onun davamlı olması üçün birlikdə fəaliyyət göstərəcəklər.

BAKI, 2 dekabr — Sputnik. Hazırda Türkiyə-Rusiya Ortaq Monitorinq Mərkəzinin tikintisi aparılır.

Sputnik Azərbaycan "Anadolu" agentliyinə istinadən xəbər verir ki, bunu Türkiyənin milli müdafiə naziri Hulusi Akar bildirib.

"Çox qısa bir müddətdə yoldaşlarımız orada xidmət aparacaqlar. Türk və rus generalı birlikdə işləyəcək. Orada Türkiyə və Rusiya zabitləri atəşkəsə nəzarət edəcək, onun davamlı olması üçün birlikdə fəaliyyət göstərəcəklər. Bununla yanaşı, bizim azərbaycanlı qardaşlarımızla tədris, təlim mövzusunda işlərimiz də davam edir. İnşallah, bu məsələlərdə əlimizdən gələn nə varsa qardaşlarımıza edəcəyik və sonuna qədər azərbaycanlı qardaşlarımızın haqlı mübarizələrində yanında olmağa davam edəcəyik. Buna heç kimin şübhəsi olmasın".

71
Teqlər:
Hulusi Akar, Rusiya, Türkiyә, Azərbaycan, Qarabağ
Mövzu:
Azərbaycan və Ermənistan arasında müharibə
Xankəndi

XİN fransalı deputatların Qarabağa səfər edəcəyi xəbərinə münasibət bildirdi

33
Azərbaycan ərazisinə, o cümlədən onun Dağlıq Qarabağ bölgəsinə edilən səfərlər Azərbaycan Hökuməti ilə razılaşdırılmalıdır

BAKI, 2 dekabr — Sputnik. Azərbaycan Respublikasının Xarici İşlər Nazirliyinin Mətbuat xidməti idarəsinin rəisi Leyla Abdullayeva KİV-in sualını cavablandırıb. Sputnik Azərbaycan L.Abdullayevaya ünvanlanmış sualı və onun cavabını təqdim edir:

- Erməni KİV-ləri Fransa Parlamentinin bir qrup üzvünün Ermənistan və Dağlıq Qarabağa səfər edəcəyini, eləcə də burada görüşlər keçirərək, mövcud olan humanitar vəziyyəti yerindəcə qiymətləndirməyi planlaşdırdıqlarını yazırlar. Bu səfərlə bağlı Xarici İşlər Nazirliyinin şərhini öyrənmək istərdik.

- Azərbaycan Respublikasının onun beynəlxalq tanınmış sərhədləri çərçivəsində suveren ərazisinə edilən səfərlər ilə bağlı rəsmi mövqeyi bəllidir və bu mövqe dəyişilməz olaraq qalır. Azərbaycan ərazisinə, o cümlədən onun Dağlıq Qarabağ bölgəsinə edilən səfərlər Azərbaycan Hökuməti ilə razılaşdırılmalıdır. Azərbaycanın qanunvericiliyini pozan şəxslər müvafiq sanksiyalarla üzləşirlər və onların gələcəkdə Azərbaycan ərazisinə səfərləri məhdudlaşdırılır.

33
Teqlər:
Azərbaycan XİN, səfər, deputatlar, Fransa, Azərbaycan, Qarabağ
Mövzu:
Azərbaycan və Ermənistan arasında müharibə
Türkiyə Prezidenti Rəcəb Tayyib Ərdoğan, arxiv şəkli

Ərdoğan gələn həftə Bakıya gəlir Hərbi paradda iştirak edəcək

10
(Yenilənib 12:35 03.12.2020)
Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb.

BAKI, 3 dekabr — Sputnik. Türkiyə Prezidenti Rəcəb Tayyib Ərdoğan gələn həftə Azərbaycana səfər edəcək. Sputnik Azərbaycan xəbər verir ki, bunu "RİA Novosti"-yə mənbə bildirib.

Türkiyə Prezidentinin dekabrın 10-u Bakıda baş tutacaq hərbi paradda iştirak edəcəyi gözlənilir.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılır və tam atəşkəs elan olunur.

Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu Azərbaycana qaytarılıb. Dekabrın 1-də Laçın rayonu Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

10