Rusiya, Azərbaycan və Ermənistan prezidentlərinin görüşü

Kazan prinsipləri masaya qayıdır

162
Sankt-Peterburq görüşünün "tərcüməsi", yaxud üç prezident nədə razılığa gəlib?

BAKI, 21 iyun — Sputnik. Dünən Sankt-Peterburq şəhərində Azərbaycan prezidenti İlham Əliyevin, Rusiya prezidenti Vladimir Putinin və Ermənistan prezidenti Serj Sarkisyanın üçtərəfli görüşü keçirilib. Görüşün yekunları ilə bağlı birgə bəyanat qəbul olunub.

Bəyanatda bildirilib ki, prezidentlər Dağlıq Qarabağ problemi ilə bağlı müntəzəm əlaqələrinin əhəmiyyətli olduğunu, ATƏT-in Minsk qrupunun işinə tamamlama olaraq, bu formatda əlaqələri davam etdirmək barədə razılığa gəliblər. Həmçinin qeyd edilib ki, prezidentlər Qarabağ münaqişəsinin nizamlanmasında inkişafa şərait yaratmağa icazə verən bir sıra məsələlərdə qarşılıqlı anlaşmanın əldə olunduğunu ifadə ediblər. Bəyanatda həmsədrlərin prezidentlərin görüşünün yekun hissəsinə qatıldıqları da vurğulanıb.

"Ciddi nəticələrin əldə olunduğunu söyləmək çox çətindir"

Politoloq Rauf Mirqədirov Sputnik-ə şərhində deyib ki, Sankt-Peterburqda köməkçilərsiz və xarici işlər nazirlərinin iştirakı olmadan keçirilən üçtərəfli görüşdə hansı konkret razılaşmanın əldə olunduğu və yaxud olunmadığı haqqında məlumat açıqlanmır: "Əlimizdə yalnız bəyanat var və tərəflərin xarici işlər nazirlərinin, o cümlədən Azərbaycan və Ermənistan xarici işlər nazirlərinin və Rusiyanın xarici işlər naziri Sergey Lavrovun görüşün müsbət qiymətləndirilməsi haqqında bəyanatları var".

"Bəzi ekspertlər bu görüşdən münaqişənin həllində ciddi bir uğur gözləyirdilər. Amma əgər biz prezidentlərin birgə bəyanatına diqqət yetirsək, əgər bu bəyanat görüşdə əldə olunmuş və yaxud əldə olunmamış razılaşmaları tam əks etdirirsə, onda biz hər halda ciddi bir dəyişikliyin baş verdiyini deyə bilmərik", — siyasi şərhçi bildirib.

Onun sözlərinə görə, münaqişənin həllində ciddi uğur qazanılması ərazilərin azad edilməsi ilə bağlı ola bilər: "Hələlik bəyanatın mətninə görə öz fikrimizi söyləyə bilərik. Bu baxımdan görüşdə ciddi nəticələrin əldə olunduğunu söyləmək çox çətindir. Bunun da səbəbləri var. Münaqişənin siyasi həlli ilə bağlı əks mövqelərin sabit ifadə olunduğu bir şəraitdə danışıqlarda ciddi uğurların əldə ediləcəyini gözləmək çox çətindir".

"Amma yüksək səviyyəli danışıqlar hər halda müsbət haldır. Bu danışıqlarda əksər hallarda mətbuata elan olunmayan razılaşmanın mümkün konturları müzakirə olunub. Düşünürəm ki, belə konturlar ən azından müzakirə edilib", —deyə R. Mirqədirov qeyd edib.

"Putin tərəflərə deyib ki…"

Millət vəkili Zahid Orucun fikrincə isə, Sankt-Peterburq görüşü birinci növbədə Rusiyaya ona görə lazım idi ki, Cənubi Qafqazda, Ermənistan və Azərbaycan üzərində mühüm təsir gücünü bir daha göstərsin və sübuta yetirsin ki, istədiyi halda müharibəni dayandıra bilir və ya tərəflərin görüşünü təmin etməyə qadirdir.

"İkincisi ATƏT-in Minsk qrupu istənilən halda Rusiyaya lazım olmaya bilər. Sadəcə Minsk qrupunun tərkibində formal olaraq Rusiya hələ də iştirak edir. Ancaq Putin yəqin ki, dünən bağlı qapılar arxasında prezidentlərə o mesajı verdi ki, nə Amerikanın, nə Avropa İttifaqının irəliyə sürdüyü planı Qarabağ üçün qəbul etməyəcək", — deyə deputat Sputnik-ə açıqlamasında bildirib.

Z. Orucun fikrincə, "tərəflər növbəti dəfə görüşəcək" bəyanatından o nəticə doğur ki, yenilənmiş Kazan prinsipləri ətrafında danışıqlar keçiriləcək: "Əminəm ki, Rusiya özü bu işğalın müəyyən bir hissəsindən ciddi ziyan çəkdiyini real olaraq saxlamaqdadır. Rusiyanın planı Dağlıq Qarabağın ərazisindən kənarda işğal olunmuş 7 rayondan 3-4-nün Azərbaycanın nəzarətinə qaytarmağı ilə kommunikasiyalaşdırmaq, Qarabağ üzərində özünün təhlükəsizlik qarantiyasını hüquqi cəhətdən təsdiq etdirmək, prosesləri bu vəziyyətdə saxlamaq, həmin o rayonların qaytarılması ilə yeni reallığı formalaşdırmaqdır".

"Bu danışıqlardan sonra yəqin ki, Qərb dairələri təzədən Putinin planını bölmək üçün yeni-yeni danışıqlar təşkil edəcəklər. Bu istiqamətdə hətta bir yarış başlayacaq. Amma bu illər ərzində ABŞ prezidenti Barak Obama bir dəfə də olsun Azərbaycan və Ermənistan prezidentlərini bir araya gətirməyib", — millət vəkili vurğulayıb.

O, hesab edir ki, indiki dövrdə Rusiyanın planı Qarabağ üçün işləməkdədir: "Putin tərəflərdən 2011-ci ildə kənara qoyulmuş Kazan görüşünün əsas sənədini müzakirə etməyi istəyib. Yəqin ki, Azərbaycan tərəfinin də istəkləri olub".

162
Teqlər:
Serj Sarkisyan, Vladimir Putin, Sankt-Peterburq, İlham Əliyev, görüş, danışıqlar, Qarabağ
Əlaqədar
Əliyevdən Putinə: "Erməni qoşunları Qarabağdan çıxarılmalıdır"
Serj Sarkisyandan Qarabağ açıqlaması
Qarabağlılar güllə yağışı altında çörək becərmək istəmirlər
Ağ Ev: ABŞ Qarabağ münaqişəsinin sülh yolu ilə uzunmüddətli həllinin tərəfdarıdır
Angela Merkel: Rusiya Dağlıq Qarabağ münaqişəsinin tənzimlənməsində həlledici rol oynayır
"Dağlıq Qarabağ münaqişəsi daha dinamik formada müzakirəyə çıxarılacaq"
“Minsk Qrupunun Qarabağ problemini 25 il ərzində nizamlaya bilməməsini anlamıram”
Rusiyanın Xarici İşlər naziri Sergey Lavrov, arxiv şəkli

"Lavrovun Qarabağla bağlı sözləri fikir ayrılıqlarının olduğunu göstərir"

112
(Yenilənib 15:01 19.01.2021)
Bu məsələdə Lavrovun cavabı reallığı əks etdirir, ancaq, eyni zamanda, Rusiyanın bölgədəki varlığını və sülhməramlılar vasitəsilə əhəmiyyətli təsir qüvvəsinə sahib olan bir siyasi aktor kimi çıxış etdiyini də inkar etmək olmaz.

Eldar Tanrıverdiyev, Sputnik Azərbaycan

BAKI, 19 yanvar — Sputnik. Rusiya xarici işlər naziri Sergey Lavrov ötən gün 2020-ci ilin yekunları ilə bağlı keçirdiyi mətbuat konfransında bir sıra məsələlərə toxunub. Rusiyanın xarici işlər naziri Sergey Lavrov Ermənistan – Azərbaycan sülh prosesi barəsində bəzi bəyanatlar səsləndirib və 44 günlük müharibədən sonra müzakirə edilən bir çox məsələyə toxunub. Rusiyalı nazir Ermənistan rəsmilərinin Qarabağ səfərlərinə reaksiya verərək onları siyasiləşmiş bəyanatlardan çəkinməyə çağırıb, bu cür bəyanatların gərginlik yaratdığını da xüsusilə vurğulayıb. Lavrov bununla da Yerevana mesaj göndərib. Bundan əlavə, Rusiya xarici işlər naziri öz çıxışında Qarabağın statusu, sülhməramlıların mandatı, həmçinin erməni diversantların taleyi kimi məsələlərə də toxunub.

Sputnik Azərbaycan Beynəlxalq Münasibətlərin Təhlili Mərkəzinin eksperti Vasif Hüseynovla Rusiya xarici işlər nazirinin fikirləri barədə həmsöhbət olub.

© Sputnik
Beynəlxalq Münasibətlərin Təhlili Mərkəzinin eksperti Vasif Hüseynovl

Ekspert qeyd edib ki, Lavrovun çıxışında ən çox maraq doğuran məqamlardan biri keçmiş Dağlıq Qarabağ bölgəsinin statusu məsələsinə aid verilən suala cavabı olub: "Onu deyim ki, müharibənin başa çatmasından sonra noyabrın 12-də açıqlama verən Lavrov bildirmişdi ki, "indi müharibədən sonrakı siyasi prosesin əsas mövzusu Dağlıq Qarabağın statusudur". Dünən baş tutan mətbuat konfransında isə bunun əksinə olaraq bildirdi ki, "hal-hazırda status məsələsini prioritet kimi irəli sürmək üçün yaxşı vaxt deyil. Bu məsələ gələcəkdə həll olunmalıdır". Lavrovun keçən 2 ay ərzindəki bəyanatlarında belə bir dəyişikliyin baş verməsi tərəflər arasında fikir ayrılığının olduğunu göstərməklə yanaşı, status məsələsinin gündəmdə saxlanılmasına cəhd kimi də dəyərləndirilə bilər".

Vasif Hüseynovun sözlərinə görə, Lavrovun bəyanatında digər diqqətçəkən məqam Rusiyanın Qarabağa iddialarına dair şayiələrlə bağlı idi. Belə ki, Rusiyanın Qarabağı ilhaq etmək niyyətinə aid sualı "ekzotik" adlandıran Lavrov Rusiyanın belə bir planının olmadığını bildirdi:

"Düşünürəm ki, bu məsələdə Lavrovun cavabı reallığı əks etdirir, ancaq, eyni zamanda, Rusiyanın bölgədəki varlığını və sülhməramlılar vasitəsilə əhəmiyyətli təsir qüvvəsinə sahib olan bir siyasi aktor kimi çıxış etdiyini də inkar etmək olmaz. İndi tərəflər arasında müzakirə mövzularından biri məhz sülhməramlıların mandatının hazırlanması və onların fəaliyyətinin müəyyən edilmiş və razılaşdırılmış çərçivəyə salınmasıdır. Lavrov da bu məsələnin müzakirə edildiyini təsdiq etdi".

BMTM-in eksperti vurğulayıb ki, Lavrovun 44 günlük müharibədən sonra Azərbaycana qarşı təxribat göstərmiş və həbs olunmuş diversant qruplarının taleyi haqqındakı açıqlaması da Rusiyanın prosesə yanaşması haqqında bəzi nüansları ortaya çıxarıb: "Yanvarın 11-dəki üçtərəfli sammitdə Rusiya Prezidenti Vladimir Putinin söylədiyini təkrar edən Lavrov bəyan etdi ki, 9 noyabra qədər əsir götürülmüş hərbçilərin geri qaytarılması başa çatıb. O, müharibədən sonrakı dövrdə Azərbaycan tərəfindən həbs edilmiş diversant qrupların taleyi ilə bağlı danışıqlar getdiyini bildirdi. Baxmayaraq ki, Lavrov bu məsələnin 11 yanvar görüşündə də müzakirə edildiyini söylədi, həmin görüşdən sonra Prezident Putinin mətbuata açıqlamasında bu mövzuya toxunulmadı. Nə də Azərbaycan Prezidenti bu haqda hər hansı bir fikir dedi. Belə görünür ki, bu məsələni qabardan və müzakirə masasına gətirən yalnız Ermənistan tərəfidir, lakin təxribatın müharibədən sonra baş verməsi və bunun üçtərəfli bəyanatla əhatə olunmaması Yerevanın imkanlarını əhəmiyyətli dərəcədə məhdudlaşdırır".

112
Teqlər:
bəyanat, rus, sülhməramlılar, Dağlıq Qarabağ, Sergey Lavrov
Prezident İlham Əliev, arxiv şəkli

Azərbaycan Prezidenti indoneziyalı həmkarına başsağlığı verib

3
Yanvarın 15-də İndoneziyanın Sulavesi adasında 6,2 manqitudalı zəlzələ baş verib. Zəlzələ nəticəsində ölənlərin sayı 84 nəfərə çatıb.

BAKI, 19 yanvar — Sputnik. Azərbaycan Respublikasının Prezidenti İlham Əliyev İndoneziya Respublikasının Prezidenti Zati-aliləri Coko Vidodoya başsağlığı məktubu göndərib.

Sputnik Azərbaycan xəbər verir ki, başsağlığında deyilir:

"Hörmətli cənab Prezident, Sulavesi adasında baş vermiş güclü zəlzələ nəticəsində çoxsaylı insan tələfatı və dağıntılar barədə xəbər məni son dərəcə sarsıtdı.

Bu faciə ilə əlaqədar Sizə, həlak olanların ailələrinə və yaxınlarına, dost İndoneziya xalqına öz adımdan və Azərbaycan xalqı adından dərin hüznlə başsağlığı verir, yaralananlara şəfa diləyirəm. Allah rəhmət eləsin!"

Qeyd edək ki, yanvarın 15-də İndoneziyanın Sulavesi adasında 6,2 manqitudalı zəlzələ baş verib. Zəlzələ nəticəsində ölənlərin sayı 84 nəfərə çatıb. Təbii hadisə zamanı daha 844 nəfər xəsarət alıb.

3

İlham Əliyev: "Milli iradəmizin zəfər çaldığı gün - 20 Yanvar"

16
1990-cı il yanvarın 19-dan 20-nə keçən gecə Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə qoşun hissələri Bakıya və Azərbaycanın bir neçə rayonuna yeridilib.

BAKI, 20 yanvar - Sputnik. Prezident İlham Əliyevin "Facebook" səhifəsində 20 Yanvar faciəsinin 31-ci ildönümü ilə əlaqədar paylaşım edilib.

Sputnik Azərbaycan-ın məlumatına görə, paylaşımda deyilir: "Milli iradəmizin zəfər çaldığı gün - 20 Yanvar".

16