Anjelika Trapeznikova

MDB-nin gənc liderləri Bakıda toplaşdılar

24
(Yenilənib 15:17 10.06.2016)
Anjelika Trapeznikova: "Payızda ilk Cənubi Qafqaz media forumu keçiriləcək. Biz indi forumun mövzularını inkişaf etdiririk ki, Cənubi Qafqazdakı hər bir ölkənin deyiləsi sözü olsun"

MDB-nin gənc liderləri Bakıda toplaşdı
BAKI, 7 iyun — Sputnik. İyunun 6-da Bakıda MDB ölkələrinin gənc ziyalılar Klubunun ikinci iclası keçirilib. Layihə MDB ölkələrində gənclər arasında peşəkar əlaqələrin inkişafı və müzakirə platformalarının formalaşması məqsədini daşıyır.

Bununla əlaqədar, Sputnik Azərbaycan təşkilatçı strukturun nümayəndəsi olan, "Şimal-Cənub" politoloqlar mərkəzinin icraçı direktoru Anjelika Trapeznikovanı öz mətbuat mərkəzinə dəvət edib. O bildirib ki, iclas Dövlətlərarası Humanitar Əməkdaşlıq Fondunun dəstəyi ilə təşkil edilib.

Onun sözlərinə görə, layihənin əsasında inteqrasiya komponenti dayanıb: "Məqsəd — birlik ölkələrinin gənc mütəxəssislərini — tarixçiləri, politoloqları, jurnalist və iqtisadçıları ən aktual qlobal problemlərin müzakirə edilməsi və ortaq movqelərin formalaşdırılması üçün bir araya gətirməkdir. Bu sessiya əsasən media məsələlərinə yönəlib".

"Bizim artıq "Gənc politoloqlar klubu", "Gənc tarixçilər klubu" kimi bir sıra iclas və layihələrimiz olub. Onlar hamısı MDB-in gənc alimlərini bir araya gətiriblər. İndi biz "Gənc intellektuallar klubu" layihəsini həyata keçiririk. Bu artıq ikinci görüşdür və bundan sonra da davam edəcək", — deyə Trapeznikova bildirib.

Bu il Moskva və Astanada iki oxşar görüşün təşkil edilməsi gözlənilir. Həmçinin, təşkilatçılar fondun dəstəyi ilə digər oxşar layihələr keçirməyi planlaşdırırlar: "Payızda ilk Cənubi Qafqaz media forumu keçiriləcək. Biz indi forumun mövzularını inkişaf etdiririk ki, Cənubi Qafqazdakı hər bir ölkənin deyiləsi sözü olsun, gənc alimlər isə təcrübələri ilə bölüşüb öz əlaqələrini artırsınlar".

24
Teqlər:
"Gənc tarixçilər klubu", "Gənc politoloqlar klubu", "Şimal-Cənub" politoloqlar mərkəzi, Anjelika Trapeznikova, gənc liderlər, gənc ziyalılar, Bakı, MDB ölkələri
Əlaqədar
Azərbaycan MDB-də qiymətlərin ən yüksək olduğu 2 ölkədən biridir
Prezident: MDB missiyasının siyasiləşdirilməmiş mövqeyi önəmlidir
MDB dövlət başçılarının sammitində 16 sənəd imzalanıb
Türkmənistan prezidenti MDB sammitini baykot edib
Nazir: Azərbaycan ordusu MDB məkanında ön sıradadır
Türkiyə Silahlı Qüvvələrin Baş Qərargah rəisi Hulusi Akar, arxiv şəkli

Hulusi Akar: "Sonuna qədər azərbaycanlı qardaşlarımızın yanında olacağıq"

63
Çox qısa bir müddətdə yoldaşlarımız orada xidmət aparacaqlar. Türk və rus generalı birlikdə işləyəcək. Orada Türkiyə və Rusiya zabitləri atəşkəsə nəzarət edəcək, onun davamlı olması üçün birlikdə fəaliyyət göstərəcəklər.

BAKI, 2 dekabr — Sputnik. Hazırda Türkiyə-Rusiya Ortaq Monitorinq Mərkəzinin tikintisi aparılır.

Sputnik Azərbaycan "Anadolu" agentliyinə istinadən xəbər verir ki, bunu Türkiyənin milli müdafiə naziri Hulusi Akar bildirib.

"Çox qısa bir müddətdə yoldaşlarımız orada xidmət aparacaqlar. Türk və rus generalı birlikdə işləyəcək. Orada Türkiyə və Rusiya zabitləri atəşkəsə nəzarət edəcək, onun davamlı olması üçün birlikdə fəaliyyət göstərəcəklər. Bununla yanaşı, bizim azərbaycanlı qardaşlarımızla tədris, təlim mövzusunda işlərimiz də davam edir. İnşallah, bu məsələlərdə əlimizdən gələn nə varsa qardaşlarımıza edəcəyik və sonuna qədər azərbaycanlı qardaşlarımızın haqlı mübarizələrində yanında olmağa davam edəcəyik. Buna heç kimin şübhəsi olmasın".

63
Teqlər:
Hulusi Akar, Rusiya, Türkiyә, Azərbaycan, Qarabağ
Mövzu:
Azərbaycan və Ermənistan arasında müharibə
Xankəndi

XİN fransalı deputatların Qarabağa səfər edəcəyi xəbərinə münasibət bildirdi

30
Azərbaycan ərazisinə, o cümlədən onun Dağlıq Qarabağ bölgəsinə edilən səfərlər Azərbaycan Hökuməti ilə razılaşdırılmalıdır

BAKI, 2 dekabr — Sputnik. Azərbaycan Respublikasının Xarici İşlər Nazirliyinin Mətbuat xidməti idarəsinin rəisi Leyla Abdullayeva KİV-in sualını cavablandırıb. Sputnik Azərbaycan L.Abdullayevaya ünvanlanmış sualı və onun cavabını təqdim edir:

- Erməni KİV-ləri Fransa Parlamentinin bir qrup üzvünün Ermənistan və Dağlıq Qarabağa səfər edəcəyini, eləcə də burada görüşlər keçirərək, mövcud olan humanitar vəziyyəti yerindəcə qiymətləndirməyi planlaşdırdıqlarını yazırlar. Bu səfərlə bağlı Xarici İşlər Nazirliyinin şərhini öyrənmək istərdik.

- Azərbaycan Respublikasının onun beynəlxalq tanınmış sərhədləri çərçivəsində suveren ərazisinə edilən səfərlər ilə bağlı rəsmi mövqeyi bəllidir və bu mövqe dəyişilməz olaraq qalır. Azərbaycan ərazisinə, o cümlədən onun Dağlıq Qarabağ bölgəsinə edilən səfərlər Azərbaycan Hökuməti ilə razılaşdırılmalıdır. Azərbaycanın qanunvericiliyini pozan şəxslər müvafiq sanksiyalarla üzləşirlər və onların gələcəkdə Azərbaycan ərazisinə səfərləri məhdudlaşdırılır.

30
Teqlər:
Azərbaycan XİN, səfər, deputatlar, Fransa, Azərbaycan, Qarabağ
Mövzu:
Azərbaycan və Ermənistan arasında müharibə
COVID-19 virusundan ölən şəxs

Bu aralar QİÇS-dən ölənlərin sayı kəskin arta bilər

0
(Yenilənib 00:13 03.12.2020)
BMT xəbərdarlıq edib ki, COVID-19 pandemiyası ilə əlaqədar olaraq QİÇS-dən ölənlərin sayı 150 minə qədər artıra bilər.

BAKI, 3 dekabr — Sputnik. BMT-nin QİÇS-lə bağlı ortaq proqramı olan UNAİDS-in hesabatına görə, COVID-19 pandemiyası 2022-ci ilədək, yəni təkcə növbəti ildə 300 minə yaxın yeni QİÇS yoluxmasına, eyni zamanda da 150 minədək QİÇS-dən ölümə səbəb olacaq.

Sputnik Azərbaycan-ın Türkiyə mediasına istinadən xəbərinə görə, yaranacaq vəziyyətin qarşısının alınması, ölümlərin sayının azalması, eləcə də QİÇS-lə mübarizə məsələsində ölkələr yeni hədəflər müəyyənləşdirməlidirlər.

Qeyd edək ki, hazırda dünyada 38 milyon insan QİÇS-lə yaşayır, onlardan 12 milyonu müalicəsini gözləyir. Statistikaya görə, təkcə ötən il 1,7 milyon şəxsdə ilk dəfə olaraq QİÇS aşkarlanıb.

0
Teqlər:
Koronavirus, epidemiya, COVID-19, Respublika QİÇS-lə Mübarizə Mərkəzi, QİÇS virusu, QİÇS, BMT