Ərəstun Baxşəliyev

REAL-da yeni sima

315
(Yenilənib 08:10 08.06.2016)
Politoloq Ərəstun Baxşəliyev Respublikaçı Alternativ Partiyasının sıralarına qoşulub. O, partiyanın Yasamal Məclisinin sədri seçilib.

BAKI, 6 iyun — Sputnik. Tarixçi-politoloq Ərəstun Baxşəliyev REAL hərəkatının bazası əsasında yaranmış Respublikaçı Alternativ Partiyasına qoşulduğunu bəyan edib. Bu barədə məlumatı Sputnik-ə politoloq özü verib. O, Respublikaçı Alternativ Partiyasının Yasamal Məclisinin sədri seçilib.

REAL-ı seçməsinin səbəbini Sputnik-ə açıqlayan politoloq deyib: "Mən əvvəl geostrateji, daha sonra isə Siyasi Araşdırmalar İnstitutunda çalışmışam. Mütəmadi olaraq da qəzet və saytlarda analitik mövzularda araşdırmalarım yayımlanırdı. Bir tədqiqatçı kimi vəzifəm gündəlik olaraq ölkədə, regionda və dünyada gedən prosesləri izləmək idi. O zaman ölkə daxilində baş verən prosesləri də izləyirdik. REAL-da isə etiraf edirəm ki, araşdırmalarına hörmətlə yanaşdığım insanlar olub".

"Misal üçün Cəsur Sümərənli, Altay Göyüşov, Natiq Cəfərli, Erkin Qədirli və Azər Qasımlı. Cəsur bəyin təşkil etdiyi tədbirlərə də o zamanlar tez-tez qatılırdım. Mənim üçün ölkəmin hər bir analitik təfəkkürlü insanı bu ölkə üçün vacib bir insan olub, yəni düşünən beyin. REAL-ın ideyaları məni özünə daha çox cəlb etdi", — politoloq deyib.

Ərəstun Baxşəliyevin ölkənin ən gənc partiyalarından birinə transfer etməsinin başqa səbəbləri də olub. O, bu haqda Sputnik-in əməkdaşına deyib: "Təəssüf ki, çalışdığım idarə və müəssisələrdə analitik təfəkkürə, real çağırışlara heç zaman önəm verilməyib. Həyatımda elə anlar olub ki, düşüncə mərkəzlərinin fəaliyyəti üçün "bu mərkəzi bağlamayın, həqiqətləri deyin, bunları gizlətməklə və ya kimisə tərifləməklə bizlər nəyəsə nail olmayacağıq" kimi çağırışlar etmişəm".

"Mənim çalışma masam bir qayda olaraq Yaxın Şərq regionunda baş verən proseslər, beynəlxalq enerji təhlükəsizliyi mövzuları ilə bağlı olsa da, daxili mövzularda da araşdırmalar aparmağımı istəyən kəslər olurdu. Yazmaq istədikdə isə "bu mövzulara girməklə öz başını ağrıdarsan" kimi ifadələr işlədərək məni çəkindirməyə çalışırdılar. Bu gün isə azadam və REAL-la bir yerdəyəm. Mən həyat tarixçəmi REAL-çılardan gizlətməmişəm. Elə ilk günlərdən demişəm ki, irəlidə hər hansı problemlər yaşanmasın", — o deyib.

Ərəstun Baxşəliyev AMEA- nın Arxeologiya və Etnoqrafiya İnstitunda baş laborant, Azərbaycan Müdafiə Nazirliyinin Hərb Tarixi Muzeyində ekspozisiya hissə rəisi, Azərbaycan Mədəniyyət və Turizm Nazirliyində «Yanar dağ» dövlət tarix-mədəniyyət və təbiət qoruğundа elmi işlər üzrə direktor müаvini, Qafqaz Araşdırmalar İnstitutundа elmi işçi, Аzərbаycаn Prеzidеnti yаnındа Dövlət İdаrəçilik Аkаdеmiyаsının "Geostrateji Araşdırmalar Mərkəzi" və "Siyаsi Аrаşdırmаlаr İnstitutu"ndа еlmi işçi vəzifələrində çаlışıb.

Müasir beynəlxalq münasibətlərin aktual problemləri, enerji təhlükəsizliyi məsələləri, Ermənistan-Azərbaycan, Dağlıq Qarabağ problemi, erməni məsələsi, Türkiyə-Azərbaycan münasibətləri, Yaxın Orta Şərq, Avropa-Azərbaycan münasibətləri, Cənubi Qafqazda strateji maraqlar və s. istiqamətlər Ə.Ə.Baxşəliyevin tədqiqat sahələrini əhatə edir. O, 10-a yaxın samballı elmi məqalənin müəllifidir. Bir sıra elmi məqalələri xarici ölkələrdə — Türkiyə, Makedoniya, Rusiya və Ukraynada çap edilib.

315
Teqlər:
Yasamal Məclisi, Respublikaçı Alternativ Partiyası, REAL hərəkatı, Ərəstun Baxşəliyev, politoloq, partiya
Əlaqədar
Partiya sədrinin qardaşı oğlu şəhid oldu - zabitin nəşini nazir özü gətirir
Qazaxıstan parlamentində üç partiya olacaq
Asim Mollazadə yenidən partiya sədri seçildi
Siyasi partiyaların başı üzərində "qara buludlar"
Azərbaycanda müxalifət partiyalarının fəaliyyəti qadağan oluna bilər
Türkiyənin Xarici İşlər naziri Mövlud Çavuşoğlu, arxiv şəkli

Rəsmi Paris Ankaradan üzr istəməlidir Çavuşoğlu

3
(Yenilənib 21:53 02.07.2020)
Çavuşoğlu qeyd edib ki, Liviyada yalnız Milli Ordunun rəhbəri Xəlifə Haftar sülhün əldə olunmasına cəhd etmir.

BAKI, 2 iyul — Sputnik. Rəsmi Ankara Aralıq dənizində Türkiyənin Fransa gəmisinə qarşı təxribat törətməsinə dair bəyanatla bağlı Parisdən üzrxahlıq gözləyir. Sputnik Azərbaycan "Anadolu" agentliyinə istinadən xəbər verir ki, bunu Türkiyənin Xarici İşlər naziri Mövlud Çavuşoğlu bildirib.

"Bu, əsassız iddiadır. Fransa Türkiyədən üzr istəməlidir", - deyə Çavuşoğlu qeyd edib.

O vurğulayıb ki, Liviyada sülhün bərqərar olması üçün Türkiyə Fransa da daxil olmaqla bütün ölkələrlə işləməyə hazırdır.

Çavuşoğlu qeyd edib ki, Liviyada yalnız Milli Ordunun rəhbəri Xəlifə Haftar sülhün əldə olunmasına cəhd etmir.

3
Azərbaycan və Rusiya prezidentləri İlham Əliyev və Vladimir Putininin görüşü

Azərbaycan Prezidenti rusiyalı həmkarını təbrik edib

3
(Yenilənib 15:47 02.07.2020)
Rusiya Federasiyasının Konstitusiyasına dəyişikliklərin bəyənilməsi məsələsinə dair ümumrusiya səsverməsinin uğurla başa çatması münasibətilə Sizi və Sizin şəxsinizdə dost Rusiya xalqını səmimi qəlbdən təbrik edirəm.

BAKI, 2 iyul – Sputnik. Azərbaycan Respublikasının Prezidenti İlham Əliyev Rusiya Federasiyasının Prezidenti  Vladimir Putinə təbrik məktubu ünvanlayıb.

Sputnik Azərbaycan xəbər verir ki, təbrikdə deyilir:

Azərbaycan Prezidenti İlham Əliyev və Rusiya Prezidenti Vladimir Putin, arxiv şəkli
© Official website of President of Azerbaijan Republic

“Hörmətli Vladimir Vladimiroviç.

Rusiya Federasiyasının Konstitusiyasına dəyişikliklərin bəyənilməsi məsələsinə dair ümumrusiya səsverməsinin uğurla başa çatması münasibətilə Sizi və Sizin şəxsinizdə dost Rusiya xalqını səmimi qəlbdən təbrik edirəm.

Səsvermənin yekunları Sizə yüksək etimadı bir daha təsdiq edir, Rusiyanın hüquqi sosial dövlət kimi bundan sonra da inkişafına yönəlmiş kursunuzun xalq tərəfindən güclü dəstəklənməsinə dəlalət edir. Şübhəsiz, yenilənmiş Konstitusiya Rusiya Federasiyasının tarixində keyfiyyətcə yeni mərhələnin başlanmasının rəmzidir. Əminəm ki, Konstitusiya islahatı Rusiyanın artan inkişafına və onun vətəndaşlarının rifahının yüksəlməsinə şərait yaradacaq.

Fürsətdən istifadə edib, Azərbaycan-Rusiya münasibətlərinin strateji tərəfdaşlıq ruhunda yüksək səviyyəsini bir daha vurğulamaq istərdim. İnanıram ki, ölkələrimiz arasında möhkəm dostluq və mehriban qonşuluq əlaqələri xalqlarımızın rifahı naminə çoxplanlı qarşılıqlı fəaliyyətin genişlənməsi üçün etibarlı təməldir.

Hörmətli Vladimir Vladimiroviç, Sizə möhkəm cansağlığı və Rusiya dövlətçiliyinin möhkəmləndirilməsi işində yeni uğurlar, dost Rusiya xalqına firavanlıq və əmin-amanlıq arzu edirəm”.

 

3
ABŞ bayrağı, arxiv şəkli

ABŞ-da Rusiyaya qarşı yeni sanksiyalar tələb edirlər

0
İstər Moskvada, istərsə də Donald Tramp administrasiyasında Rusiyanın "Talibanla sözləşməsi" iddialarını rədd edirlər.

BAKI, 2 iyul — Sputnik. ABŞ Konqresinin Nümayəndələr Palatasının spikeri Nensi Pelosi "Talibanla sözləşdiyinə görə" Rusiyaya qarşı sanksiyalar tətbiq etməyə çağırıb.

Sputnik Azərbaycan xəbər verir ki, Pelosi bunu MSNBC telekanalına müsahibəsində deyib. 

"Biz Rusiyaya qarşı sanksiyalar tətbiq etməliyik, özü də indi", – spiker bildirib.

İstər Moskvada, istərsə də Donald Tramp administrasiyasında Rusiyanın "Talibanla sözləşməsi" iddialarını rədd edirlər.

Əsassız iddialar

"The New York Times" dərc etdiyi məqaləsində iddia edib ki, Rusiya hərbi kəşfiyyatı Əfqanıstanda ABŞ əsgərlərinə hücumlara görə Talibanla əlaqəli olan yaraqlıları mükafatlandırır və ABŞ prezidentinə bu barədə məlumat verilib. Lakin bu iddiaya heç bir dəlil verilməyib.

Rusiyanın ABŞ-dakı səfirliyi isə ölkə rəhbərliyindən bu cür xəbərlərə görə diplomatlara edilən təhdidlərə adekvat cavab verməyi tələb edib. Xarici İşlər Nazirliyi mətbuatda yayılan xəbərləri saxta, Tramp isə sifariş adlandırıb. Ağ Ev, Pentaqon və ABŞ kəşfiyyatı bu hesabatların təsdiqlənmədiyini və Trampa "təhdidlər" barədə məlumat verilmədiyini deyib.

Rusiya prezidentinin mətbuat katibi Dmitri Peskov Rusiyanın Talibanla "sözləşməsi" barədə iddianı şərh edərkən bunun yalan olduğunu deyib.

0