Hikmət Hacıyev

"Beynəlxalq media orqanları Azərbaycan qanunlarına hörmətlə yanaşmalıdır"

16
(Yenilənib 16:33 02.06.2016)
Hikmət Hacıyev: "Ermənistan tərəfi bu kimi vasitələrlə münaqişənin əsl mahiyyəti barədə beynəlxalq ictimaiyyəti aldatmaq və xüsusilə aprelin 2-dən etibarən qoşunların təmas xəttində yaranmış gərginliyə görə daşıdığı məsuliyyəti gizlətməyə çalışır"

BAKI, 2 iyun — Sputnik. "Azərbaycan beynəlxalq media orqanlarının işğal olunmuş ərazilərə səfər etmək kimi peşəkar marağına hörmətlə yanaşdığı halda, beynəlxalq media orqanları da Azərbaycanın qanun və qaydalarına hörmətlə yanaşmalıdır".

Azərbaycan Xarici İşlər Nazirliyinin (XİN) mətbuat xidmətinin rəhbəri Hikmət Hacıyev, xarici KİV nümayəndələrinin işğal olunmuş Azərbaycan ərazilərinə səfəri ilə əlaqədar Trend-ə açıqlamasında belə deyib. Onun sözlərinə görə, Ermənistan və Avropada yerləşən erməni lobbi təşkilatları bəzi beynəlxalq media nümayəndələrinin bütün xərclər ödənilməklə işğal olunmuş Azərbaycan ərazilərinə qanunsuz səfərlərini təşkil ediblər.

"Ermənistan tərəfi bu kimi vasitələrlə münaqişənin əsl mahiyyəti barədə beynəlxalq ictimaiyyəti aldatmaq və xüsusilə aprelin 2-dən etibarən qoşunların təmas xəttində yaranmış gərginliyə görə daşıdığı məsuliyyəti gizlətməyə çalışır. Bəzi KİV nümayəndələrinin işğal olunmuş Azərbaycan ərazilərinə qanunsuz səfəri hallarına baxmayaraq, bu sahədə də pozitiv dinamika var", — XİN sözçüsü bildirib.

Hacıyev qeyd edib ki, Polşanın İctimai Televiziya və Ukraynanın İCTV televiziya kanalının çəkiliş qrupları bu yaxınlarda Xarici İşlər Nazirliyinə rəsmi müraciət edərək, peşəkar jurnalist fəaliyyətini həyata keçirmək üçün işğal olunmuş ərazilərə səfər etmək və bununla bağlı icazə və müvafiq akkreditasiya verilməsini xahiş ediblər. Belə ki, Polşanın İctimai Televiziya və Ukraynanın İCTV kanalları Azərbaycanın qanunlarına, ərazi bütövlüyü və suverenliyinə hörmətlərini ifadə edərək, səfərin Ermənistan tərəfindən işğal olunmuş Azərbaycan ərazilərində yaradılmış qondarma rejimin təşviqinə xidmət etməyəcəyini bildiriblər.

"Mövcud qaydalar əsasında hər iki televiziya kanalının akkreditasiya müraciətinə baxılıb və onlara XİN tərəfindən bütün Azərbaycan ərazisində xarici KİV nümayəndələrinə jurnalist fəaliyyəti ilə məşğul olmağa icazə verən müvafiq akkreditasiya verilib", — mətbuat katibi qeyd edib.

H.Hacıyev deyib ki, Azərbaycan beynəlxalq media orqanlarının işğal olunmuş ərazilərə səfər etmək kimi peşəkar marağına hörmətlə yanaşdığı halda, beynəlxalq media orqanları da Azərbaycanın qanun və qaydalarına hörmətlə yanaşmalıdır: "Bndan əvvəl də fəaliyyətində ölkədaxili qanunlara və beynəlxalq hüquqa hörməti rəhbər tutan media orqanları Azərbaycan XİN-in akkreditasiyası əsasında işğal olunmuş ərazilərə səfər ediblər".

16
Teqlər:
beynəlxalq media orqanları, Xarici İşlər Nazirliyi, Hikmət Hacıyev, səfər, Azərbaycan, jurnalist
Əlaqədar
"Top Ermənistanın meydançasındadır"
"Azərbaycanın pulla aldığı silahı Ermənistan pulsuz əldə edir"
"Biz erməniləri təbrik edəcəyik, amma..."
Erməni deputat: "İşğal olunmuş ərazilər geri qaytarılmalıdır"
Ermənistan atəşkəsi daha 23 dəfə pozub
"Ermənistan Vyana görüşünün mahiyyətini başa düşməyib"
Xəzər dənizindən Bakıya mənzərə, arxiv şəkli

"Xəzəryanı dövlətlər arasında anlaşılmayan məqamların sayı azalır"

25
(Yenilənib 22:26 23.01.2021)
Professor Azərbaycan və Türkmənistan arasında Xəzər dənizində "Dostluq" yatağının birgə istismarı məsələsini şərh edib, bölgənin iqtisadi inteqrasiyasından danışıb.

Xalid Məmmədov, Sputnik Azərbaycan

BAKI, 23 yanvar — Sputnik. Dünən Azərbaycan və Türkmənistan arasında Xəzər dənizində "Dostluq" yatağının karbohidrogen ehtiyatlarının birgə kəşfiyyatı, işlənməsi və mənimsənilməsi haqqında Anlaşma Memorandumu imzalanıb.

Azərbaycan Dövlət İqtisad Universitetinin (UNEC) professoru Elşad Məmmədov Sputnik Azərbaycan-a açıqlamasında sənədin əhəmiyyətini şərh edib.

Professor bildirib ki, 2018-ci ildə Xəzər dənizinin hüquqi statusu haqqında Konvensiyanın Xəzəryanı dövlətlərin başçıları tərəfindən imzalanması bölgədə sabitlik, əmin-amanlıq və inkişaf baxımdan olduqca münbit şərait yaratmış oldu: "Bu gün Xəzəryanı dövlətlər həmin şəraitdən istifadə edərək illər ərzində yaranan problemlərin həlli istiqamətində irəliləyişə nail olurlar. Bu, olduqca mühüm məsələdir, çünki Xəzər faktiki olaraq son illərdə sabitlik, əmin-amanlıq və inkişaf hövzəsi kimi tanınmaqdadır".

Onun sözlərinə görə, "Dostluq" yatağının Azərbaycan və Türkmənistan arasında birgə istismarı ilk növbədə siyasi məna daşıyır: "Çünki iqtisadi baxımdan həmin yataqdan əldə edilən karbohidrogen ehtiyatlar nə Azərbaycanın, nə də Türkmənistanın enerji sektoru üçün o qədər də böyük xüsusi çəkiyə malik deyil. Burada əsas məsələ ondan ibarətdir ki, faktiki olaraq ölkələr arasında problemlərin həll edilməsinin şahidi oluruq. Eyni zamanda, tədricən Xəzəryanı dövlətlər arasında anlaşılmayan məqamların sayı azalmaqdadır. Bu da onu deməyə əsas verir ki, faktiki olaraq Xəzəryanı dövlətlər Xəzərdən uzaq olan ölkələrin müdaxilələri olmadan öz problemlərini daha rahat şəkildə həll edə bilirlər".

Azərbaycan Prezidenti İlham Əliyev və Türkmənistan Prezidenti Qurbanqulu Berdiməhəmmədov, arxiv şəkli
© Official website of President of Azerbaijan Republic

"Xəzəryanı dövlətlər bundan sonra da öz problemlərini Xəzərin ümumi maraqları çərçivəsində həll edərlərsə, bu bölgənin sabitlik, əmin-amanlıq və inkişaf bölgəsi kimi mövqe tutmasının şahidi ola bilərik. Bununla yanaşı, tədricən Xəzəryanı dövlətlərin, o cümlədən Azərbaycan ilə Türkmənistanın kapital qoyuluşlarını xammal ixracatına deyil, emal sektoruna yerləşdirməsinə ciddi ehtiyac var. Əgər buna nail olunsa, Xəzəryanı dövlətlər dünya ticarəti çərçivəsində xeyli dərəcədə daha ekvivalent mübadiləyə çıxa bilər", - deyə o qeyd edib.

O diqqətə çatıdırıb ki, Qarabağ münaqişəsinin həlli, Xəzəryanı dövlətlər tərəfindən Xəzərin statusu ilə bağlı müəyyən konsensusun əldə olunması bütövlükdə bölgədə yeni geosiyasi və iqtisadi reallıqların formalaşması üçün çox yaxşı şərait yaradır: "Bu kontekstdə bölgədə iqtisadi inteqrasiyanın dərinləşməsi məqsədəuyğundur. Bu, artıq zamanın çağırışı kimi görünür. Yaxın illərdə, aylarda biz bölgədə texnoloji korporasiyanın, regional iqtisadi inteqrasiyanın və əməkdaşlığın dərinləşməsinin şahidi ola bilərik".

25
Bakıda XİN-nin binası, arxiv şəkli

XİN Qarabağa qanunsuz səfər edən şəxslərin siyahısını yenilədi

30
Azərbaycanın Ordusunun işğalda olan torpaqları azad etmək üçün keçirdiyi əks-hücum əməliyyatları dövründə və Vətən müharibəsindən sonrakı vaxtlarda Qarabağa qanunsuz səfərlər baş tutub.

BAKI, 23 yanvar — Sputnik. Xarici İşlər Nazirliyi Qarabağa qanunsuz səfər edən şəxslərin siyahısını yeniləyib.

Sputnik Azərbaycan-ın məlumatına əsasən, siyahıya ümumilikdə 1 040 nəfər daxildir. Siyahıya nəzər salsaq, görərik ki, 2020-ci ilin sentyabrın 27-dən etibarən Azərbaycanın Ordusunun işğalda olan torpaqları azad etmək üçün keçirdiyi əks-hücum əməliyyatları dövründə və Vətən müharibəsindən sonrakı vaxtlarda Qarabağa qanunsuz səfərlər baş tutub. Müharibə dövründə Qarabağa səfər edənlərin çoxu xarici ölkələrin jurnalistləridir. 2020-ci ilin noyabrında Ermənistanın kapitulyasiyaya imza atmasından sonra isə Qarabağa qanunsuz səfər edənlərin əksəriyyəti siyasətçilərdir.

Ümumilikdə 2020-ci ildə Qarabağa 40 qanunsuz səfər baş tutub. Qeyd edək ki, Azərbaycan dövləti dəfələrlə bəyan edib ki, Qarabağa, o cümlədən Rusiya sülhməramlılarının nəzarət etdiyi ərazilərə bütün səfərlər rəsmi Bakının razılığı ilə həyata keçirilməlidir.

30
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

0
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

0