Rəcəb Tayyip Ərdoğan və Binəli Yıldırım. Arxiv şəkli

Ərdoğan qərarını verdi: bütün diqqətlər bu adamda!

119
(Yenilənib 14:35 19.05.2016)
Yeni AKP sədri və Baş nazir postuna namizədin adı açıqlandı. Bəs Türkiyə hökumətinə rəhbərlik edəcək bu adam kimdir? Siyasətə necə və haradan gəlib? Sabaha nə vəd edir?

BAKI, 19 may — Sputnik. Türkiyədə hakim Ədalət və İnkişaf Partiyasının (AKP) 3 gün sonra keçiriləcək növbədənkənar qurultayı öncəsi partiya sədri və baş nazirin kim olacağı ətrafında gərgin müzakirələr gedirdi. Artıq bəlli oldu — AKP-nin yeni sədri və Baş nazirliyə namizəd Binəli Yıldırımdır.

Ərdoğan və Davudoğlu
Kayhan Ozer, Presidential Press Service Pool via AP

Bəs Binəli Yıldırım kimdir? Siyasətə necə və haradan gəlib? Karyerası nədən ibarət olub? Yeni hökumət başçısı Türkiyəyə nə qazandıra bilər?

Kifayət qədər səriştəli və işinin öhdəsindən bacarıqla gələn adam kimi tanınan Binəli Yıldırım 1955-ci ildə Ərzincan vilayətinin Rəfahiyə rayonunda anadan olub. 1977-ci ildə İstanbul Texniki Universitetinin Gəmi inşaatı və Dəniz elmləri fakütəsini bitirərək, 1978-1993-cü illər arasında bu sahədə aidiyyəti dövlət qurumlarında yüksək vəzifələrdə çalışıb. Və işlədiyi müddətdə İsveçdə Dünya Dənizçilik universitetində dokturantura təhsili alıb.

İlk ciddi işinə 1994-cü ildə başlayan Binəli Yıldırım 2000-ci ilədək İstanbul Böyük Şəhər Bələdiyyəsi Gəmilərin İdarə Edilməsi üzrə dövlət orqanında müdir vəzifəsində çalışıb. O dövrdə qeyri-mümkün görünən İstanbuldakı tıxac problemini məharətlə həll edən Yıldırım, bunun üçün dəniz vasitəsilə sərnişin daşınmasında ciddi layihələrə imza atıb.

Onun rəhbərliyi dövründə İstanbul-Yalova xətti üzrə bir neçə liman açılaraq fəaliyyətə başladı. Üstəlik tam yeni, müasir və sürətli gəmilər gətirilərək istifadəyə verildi. İstanbuldakı tıxac problemini alternativ yollar taparaq həll etdiyinə və xalqı müasir dəniz nəqliyyatı ilə tanış etdiyinə görə Binəli Yıldırıma 1999-cu ildə "Ləyaqət medalı" verilib.

58, 59 və 60-cı hökumətlər dövründə Türkiyənin nəqliyyat naziri vəzifəsində çalışıb. Bundan başqa o, Türkiyə Böyük Millət məclisinin 22-ci dövr AKP İstanbul millət vəkili, 23-cü dövr Ərzincan, 24 və 26-cı dövr İzmirin millət vəkilliyini edib.

Türkiyəli politoloq Ömər Dinçər
© Photo : STR
Türkiyəli politoloq Ömər Dinçər

5 iyun 2014-cü il tarixdə B. Yıldırım Ərdoğanın müşaviri vəzifəsinə gətirilib. 24 noyabr 2015-ci il tarixdə baş nazir Əhməd Davudoğlunun açıqladığı 64-cü hökumətdə Nəqliyyat, Dənizçilik və Kommunikasiya naziri postunu tutub.

Müəllimə işləyən Semiha Yıldırım ilə evli olan Binəli Yıldırım 3 uşaq atasıdır. İngilis və fransız dillərində səlis danışa bilir.

Yıldırımın baş nazir seçilmə şansını Sputnik üçün dəyərləndirən türk politoloq Ömər Dinçər, onu şəxsən tanıdığını və hökumət başçısı olmağa layiq olduğunu deyib: "Yaşadığım şəhər İzmirin, bütövlükdə Türkiyənin daha da inkişaf etməsi üçün onun AKP sədri, baş nazir seçilməsini ürəkdən arzu edirəm. Çünki o, bu vəzifəyə ən layiqli namizəddir".

"Məhz Binəli Yıldırımın nazir olduğu dövrdə magistral yollar, hava yolları, dəniz yolları, kommunikasiya və texnologiya sahəsində ciddi inkişaf yaşandı", — politoloq bildirib.

Dinçər qeyd edib ki, əslində Ərdoğanın prezident seçilməsindən sonra baş nazir Binəli Yıldırım olmalı idi: "Məncə Rəcəb Tayyib Ərdoğanın prezident olmasından sonra, o kreslonu ən çox haqq edən Yıldırım idi. Təəssüflə deyirəm, bu, o dövr olmadı. Ancaq inanıram ki, bu dəfə olacaq".

119
Teqlər:
Binəli Yıldırım, Davudoğlu, Ərdoğan, Ədalət və İnkişaf Partiyası, AKP, Türkiyə
Əlaqədar
Ərdoğan - Davudoğlu ziddiyyətlərinin pərdəarxası
Ərdoğan Davudoğlunun istefasına münasibət bildirdi
"Yeni baş nazir Ərdoğanın kölgəsində qalmalıdır"
Yeni Baş nazir kim olacaq?
Türkiyənin Baş naziri istefasının səbəblərini açıqladı

İlham Əliyev Livan Prezidentinə başsağlığı verdi: “Maliyyə yardımı göstərəcəyik”

143
(Yenilənib 16:20 05.08.2020)
Beyrut şəhərində baş vermiş dəhşətli partlayış nəticəsində çoxsaylı insan tələfatı və dağıntılarla bağlı xəbər məni olduqca kədərləndirdi. Bu çətin anda Azərbaycan xalqının Livan xalqı ilə həmrəy olduğunu bildirirəm

BAKI, 5 avqust – Sputnik. Azərbaycan Respublikasının Prezidenti İlham Əliyev Livan Respublikasının Prezidenti Mişel Auna başsağlığı verib.

Sputnik Azərbaycan-ın xəbərinə görə, başsağlığında deyilir:

“Hörmətli cənab Prezident,

Beyrut şəhərində baş vermiş dəhşətli partlayış nəticəsində çoxsaylı insan tələfatı və dağıntılarla bağlı xəbər məni olduqca kədərləndirdi.

Bu çətin anda Azərbaycan xalqının Livan xalqı ilə həmrəy olduğunu bildirirəm. Azərbaycan Respublikası faciənin törətdiyi fəsadların aradan qaldırılması məqsədilə dost Livan Respublikasına maliyyə yardımı göstərəcəkdir.

Sizə, həlak olanların ailələrinə və Livan xalqına dərin hüznlə başsağlığı verir, yaralananların tezliklə sağalmasını diləyirəm”.

143
Azərbaycan və İtaliya bayraqları, arxiv şəkli

Azərbaycan səfiri İtaliya mətbuatında erməni yalanlarını ifşa edib

7
(Yenilənib 12:29 05.08.2020)
Diplomat, eləcə də erməni tərəfinin Dağlıq Qarabağ münaqişəsini dünyaya dini münaqişə kimi təqdim etməyə çalışdığını, əslində bu problemlərin dini amil ilə heç bir əlaqəsinin olmadığını və sırf ərazi münaqişəsi olduğunu deyib.

Eldar Tanrıverdiyev, Sputnik Azərbaycan

BAKI, 5 avqust — Sputnik. Bu günlər İtaliyada erməni tərəfi baş verənlərlə bağlı həqiqətləri işıqlandıran kütləvi informasiya vasitələrinə, hadisələrə münasibətdə obyektiv mövqe tutan siyasətçilərə, tədqiqatçılara, jurnalistlərə təzyiqlər edir və məlumatlar üzərində manipulyasiya etməyə və dezinformasiya yaymağa cəhd göstərir. Həqiqətlərin İtaliya ictimaiyyətinə çatdırılması istiqamətində növbəti addımlardan biri kimi Azərbaycanın İtaliyadakı səfiri Məmməd Əhmədzadənin İtaliyanın "Kmetro0" xəbər portalına jurnalist Alessandro Luongo ilə geniş müsahibəsi dərc olunub.

Azərbaycanın İtaliyadakı Səfirliyindən Sputnik Azərbaycan-a verilən məlumata görə, müsahibəsində diplomat Ermənistanın Azərbaycana qarşı hərbi təcavüzünün nəticələri, Tovuz rayonu istiqamətində Azərbaycan-Ermənistan dövlət sərhədi boyu Ermənistanın son hərbi avantürası, qarşı tərəfi buna təhrik edən səbəblər, o cümlədən Ermənistan tərəfinin Cənub Qaz Dəhlizinin də keçdiyi bu strateji ərazinin destabilizasiyası və önəmli nəqliyyat infastrukturuna xələl yetirmək məqsədləri barədə danışıb.

Səfir bildirib ki, özünü dünyaya "əzabkeş xalq" kimi təqdim edən erməni tərəfi bu imici əbədiləşdirmək üçün dünya ictimiayyətini aldadaraq öz hərəkətlərini gizlətməyə və baş verənlərə görə Azərbaycanı ittiham etməyə cəhd göstərir. Ermənistan Tovuz rayonu kimi strateji bir əraziyə etdiyi hücumlarla əlaqəli riskləri etiraf etmək əvəzinə, Metsamor nüvə stansiyasına Azərbaycan tərəfindən mümkün xəyali hücum riskinin olduğu kimi uydurma məlumatlar yaydı. Erməni tərəfinin bu iddiaları Azərbaycan tərəfindən dərhal rədd edilməsinə baxmayaraq, Ermənistan bu "bayraqdan" beynəlxalq həmrəylik əldə etmək məqsədilə dünyadakı erməni icmasını səfərbər etmək üçün istifadə etsə də, buna nail ola bilmədi. Üstəlik, erməni icması dünyanın müxtəlif ölkələrində Azərbaycanın diplomatik nümayəndəliklərinə hücumlar təşkil edərək onlara ciddi xəsarət yetirdi.

Diplomat, eləcə də erməni tərəfinin Dağlıq Qarabağ münaqişəsini dünyaya dini münaqişə kimi təqdim etməyə çalışdığını, əslində bu problemlərin dini amil ilə heç bir əlaqəsinin olmadığını və sırf ərazi münaqişəsi olduğunu deyib. Azərbaycanın çoxmədəniyyətli ölkə olduğunu, dinlərarası dialoq üçün bir model olduğunu, ölkəmizin bütün dinlərə münasibətdə açıq olduğunu, ölkəmizdə çoxsaylı dini abidələrin, sinaqoqların, kilsələrin, hətta Bakının mərkəzində erməni kilsəsinin bunun sübutu olduğunu, Azərbaycanda yaşayan müxtəlif dinlərə mənsub insanların etiqad azadlığının olduğunun tam təmin edildiyini bildirib. Bütün bu dəyərlərin Azərbaycan xalqının dərin tarixi köklərində olduğunu və bunun sivil dünya tərəfindən daha çox təqdir edilməli olduğunu vurğulayıb. Beynəlxalq hüququ pozan və digər xalqların mədəni irsini məhv edən monoetnik Ermənistanın bu dəyərlərlə heç bir əlaqəsinin olmadığını deyib.

Müsahibəsində diplomat, eləcə də Azərbaycanla İtaliya arasında strateji tərəfdaşlıq əlaqələri, bunu şərtləndirən səbəblər, Azərbaycan Respublikasının Prezidentinin İtaliyaya dövlət səfəri və bu səfərin tarixi nəticələri, iki ölkə arasında müxtəlif sahələrdə geniş əməkdaşlıq gündəliyi, Azərabycan-İtaliya dostluğunun bariz nümunsi kimi COVID-19 pandemiyası dövründə qarşılıqlı həmrəylik və dəstək təşəbbüsləri barədə də danışıb.

7
Rusiya Təhlükəsizlik Şurasının sədrinin müavini Dmitri Medvedev, arxiv şəkli

Medvedyev Belarusa xəbərdarlıq etdi - Kədərli nəticələri olacaq

0
(Yenilənib 19:04 05.08.2020)
Belarus Prezidenti Aleksandr Lukaşenko prezident seçkiləri ərəfəsində xalqa və parlamentə müraciətində bildirib ki, Rusiya Belarusu itirməkdən qorxur.

BAKI, 5 avqust — Sputnik. Belarus rəhbərliyinin Rusiyadan düşmən obrazı düzəltmək və bunun köməyi ilə siyasi nəticələrə nail olmaq cəhdləri kədərli nəticələrə səbəb olacaq. Sputnik Azərbaycan RİA Novosti-yə istinadən xəbər verir ki, bunu Rusiya Təhlükəsizlik Şurasının sədrinin müavini Dmitri Medvedyev bildirib.

Onun sözlərinə görə, Rusiya-Belarus münasibətləri seçki kampaniyasında adi məsələyə dönüb: "Bundan sonra da "istəyir, lap dünya dağılsın. Eybi olmaz, bunu ruslarla həll edəcəyik. Bu yalnız inciklik hissinə səbəb olmur, bu həm də olduqca kədərlidir".

Qeyd edək ki, ötən gün Belarus Prezidenti Aleksandr Lukaşenko prezident seçkiləri ərəfəsində xalqa və parlamentə müraciətində bildirib ki, Rusiya Belarusu itirməkdən qorxur.

"Rusiya bizi itirməkdən qorxur. Çünki bizdən başqa onun həqiqi yaxın tərəfdaşı qalmayıb. Qərb də son zamanlar bizə predmetli maraq göstərir. Çin də öz dostunun sabitliyinə ümid bəsləyir", - deyə Lukaşenko qeyd edib.

O eyni zamanda vurğulayıb ki, hakimiyyətdə kimin olmasından asılı olmayaraq, Rusiya həmişə Belarusun müttəfiqi olacaq: "Belarus və ya Rusiyada kimin hakimiyyətdə olmasından asılı olmayaraq, Rusiya həmişə bizim ən yaxın müttəfiqimiz olub, müttəfiqimizdir və müttəfiqimiz olaraq qalacaq".

0