Kölndə hicablı qadınlar. Arxiv şəkli

Avropa "islam inqilabı"na doğru

60
(Yenilənib 16:29 05.05.2016)
Almaniyada hicaba qadağa qoyula bilər. Ölkənin üç ən güclü partiyasından biri anti-islami qərar qəbul edib. Ekspertlər isə bu təhlükəli tendensiyanın qarşısının alınacağı qənaətindədirlər.

Avropa "islam inqilabı"na doğru
BAKI, 3 may — Sputnik. "Almaniya alternativi" sağ populist partiyasının Ştuttgartdakı son qurultayında anti-İslam bəyannamə qəbul olunub. Frans Press-in məlumatına görə, bəyannamədə əks olunan məqamlardan biri miqrant axınının qarşısını almaq üçün maneələrin tətbiqidir.

Üç il əvvəl yaradılan və anti-immiqrasiya partiyası sayılan "Almaniya alternativi" hökümətin ölkədə qaçqınlara və miqrantlara sığınacaq verməsinin əleyhinə çıxır. Sorğulara əsasən, "Almaniya alternativi" artıq ölkədəki üç ən güclü partiya siyahısına daxil olub.

"İslam Almaniyanın hissəsi deyil" adlı yekun sənədi qurultayın 2400 iştirakçısı imzalayıb. Bəyənnamə hakimiyyətdən məscidlərin açılmamasını, həmçinin üzü bağlayan hicaba qadağanın qoyulmasını tələb edir.

İlahiyyatçı Yaşar Qurbanov Sputnik-ə açıqlamasında bildirib ki, bu qadağaların reallaşması mümkün deyil: "Avropada mümkün deyil bu, çünki Avropada çoxlu müsəlman yaşayır. Elə Almaniyanın özündə təkcə 3 milyon türk yaşayır, bundan başqa digər müsəlmanlar da yaşayırlar".

"Sadəcə olaraq, onlar insanları qorxutmaq üçün bəzən belə şeylər təşkil edirlər. Belə zənn edirlər ki, islamın qarşısı alınacaq və ya qaçqınların sayı artmayacaq. Amma bu, mümkün məsələ deyil. İnanmıram, belə bir şey alınsın Avropada", —deyə ilahiyyatçı bildirib.

Almaniyadakı miqrant tərəfdarları isə anti-islam qurultayın keçirilməsinə mane olmağa çalışıblar. Minlərlə namayişçi avtomobil şinləri yandıraraq yolları insan zənciri ilə bağlayıblar. Bundan sonra isə polislərlə nümayişçilər arasında bir neçə saat davam edən toqquşma baş verib. Etirazçılar tələb edirdilər ki, qaçqınlar ölkədə qala bilərlər, nasistlər isə getməlidirlər. Nümayişlər zamanı 400 nəfər saxlanılıb.

Qeyd edək ki, "Almaniya alternativi" partiyası özünü iqlim dəyişikliyi və ənənəvi ailə dəyərlərinin itirilməsindən narahat olan milliyyətçi mühafizəkar güc kimi göstərir, eləcə də o, çağırışla hərbi xidmətin qaytarılmasını tələb edir. Almaniya Daxili İşlər Nazirliyinin məlumatına görə, 2015-ci ildə ölkəyə bir milyondan artıq qaçqın gəlib.

60
Teqlər:
hicab, Ştuttgart, "Almaniya alternativi", müsəlman, Avropa, İslam, partiya
Əlaqədar
Bu gün Azərbaycanın İslam ölkələri ilə əməkdaşlığı vacibdir
Şeyxülislamdan "yeni İslam" təklifinə sərt təpki
İslam Əməkdaşlıq Təşkilatı hansı qlobal proseslərə təsir etmək gücündədir?
İslam ordusunun ilk görüntüləri ortaya çıxıb
Avropa yeni İslam yaratmağa hazırlaşır
ABŞ prezidentliyinə namizəd İslam əleyhinə skandal reklam hazırlatdı
 Prezident Administrasiyasının Xarici siyasət məsələləri şöbəsinin müdiri Hikmət Hacıyev

ABŞ Azərbaycan Ermənistan arasında sülh quruculuğuna töhfə verə bilər

21
(Yenilənib 23:29 25.01.2021)
İşğaldan azad olunmuş ərazilərdə "smart", yaşıl şəhərlərin qurulacağını qeyd edən H.Hacıyev bu prosesdə ABŞ-ın özəl sektoru üçün geniş imkanların olduğunu əlavə edib.

BAKI, 25 yanvar - Sputnik. ABŞ-ın yeni administrasiyasının Cənubi Qafqaz regionu ilə daha aktiv şəkildə əməkdaşlıq edəcəyinə ümid edirik.

Sputnik Azərbaycan xəbər verir ki, bu fikri Azərbaycan Respublikası Prezidentinin köməkçisi, Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev ABŞ-ın aparıcı beyin mərkəzi "Atlantic Council"in virtual formatda müzakirəsində çıxışı zamanı deyib.

H.Hacıyev bildirib ki, ABŞ Azərbaycan və Ermənistan arasında sülh quruculuğu prosesinə töhfə verə bilər. O deyib ki, ABŞ-ın post-konflikt dövründə quruculuqla bağlı zəngin təcrübəsi və təşəbbüsləri olub və bu istiqamətdə Cənubi Qafqaza da töhfə verə bilər.

H.Hacıyev ABŞ-ın həm ölkə olaraq təktərəfli şəkildə, həm də ATƏT-in Minsk Qrupunun həmsədri olaraq sülh quruculuğu, münaqişədən sonra rekonstruksiya, yenidənqurmada aktiv rol oynaya biləcəyini vurğulayıb.

İşğaldan azad olunmuş ərazilərdə "smart", yaşıl şəhərlərin qurulacağını qeyd edən H.Hacıyev bu prosesdə ABŞ-ın özəl sektoru üçün geniş imkanların olduğunu əlavə edib.

21
Azərbaycan xarici işlər naziri Ceyhun Bayramov və İran İslam Respublikasının xarici işlər naziri Məhəmməd Cavad Zərif

Cavad Zərif Ceyhun Bayramova deyib?

32
(Yenilənib 17:45 25.01.2021)
Tərəflər beynəlxalq təşkilatlar çərçivəsində əməkdaşlıq, eləcə də üçtərəfli və dördtərəfli regional əməkdaşlıq formatlarında təmasların davam etdirilməsi mövzuları üzrə fikir mübadiləsi aparıblar.

BAKI, 25 yanvar — Sputnik. Azərbaycan xarici işlər naziri Ceyhun Bayramov Bakıya işgüzar səfəri çərçivəsində İran İslam Respublikasının xarici işlər naziri Məhəmməd Cavad Zərif ilə görüş keçirib. Hər iki tərəfdən nümayəndə heyətlərinin iştirakı ilə keçirilən görüşdə ikitərəfli əməkdaşlıq gündəliyi, habelə regional məsələlər ətrafında ətraflı müzakirələr aparılıb.

Bu barədə Sputnik Azərbaycan-a Azərbaycan Xarici İşlər Nazirliyindən məlumat verilib.

Nazir Ceyhun Bayramov ölkələrimiz arasında mövcud olan tarixi, mədəni, dini bağların ikitərəfli əməkdaşlıq münasibətlərinin əsasını təşkil etdiyini vurğulayıb. İranın hər zaman Azərbaycanın suverenliyi və ərazi bütövlüyünü, sərhədlərinin toxunulmazlığını dəstəklədiyi, xüsusilə də 44 günlük Vətən müharibəsi zamanı İran İslam Respublikasının bütün səviyyələrdə, o cümlədən insanlar tərəfindən nümayiş etdirilən dəstəyinin Azərbaycan xalqı tərəfindən yüksək dəyərləndirildiyi qeyd olunub. Nazir Ceyhun Bayramov ölkələrimiz arasında münasibətlərin sıx olduğunu, hətta mövcud pandemiya şəraitində belə təmasların intensiv şəkildə davam etdirildiyini söyləyib.

Nazir Məhəmməd Cavad Zərif nümayiş etdirilən qonaqpərvərliyə görə təşəkkür edib. Onilliklər sonra Azərbaycanın ərazilərini işğaldan azad etdiyi bir vaxtda Bakıda səfərdə olmaqdan məmnunluq ifadə edib. Ərazilərin işğalına son verilməsinin bölgədə sülh, əmin-amanlıq və əməkdaşlıq üçün yaxşı fürsət yaratdığı və bu fürsətdən istifadə etmənin vacib olduğu qeyd edilib. Azərbaycan Respublikasının Prezidenti ilə görüşə məmnunluqla istinad edən Nazir Məhəmməd Cavad Zərif iki dövlətin rəhbərləri arasında çox faydalı münasibətlərin olduğunu vurğulayıb. Ikitərəfli münasibətlərin inkişafı üçün heç bir məhdudiyyətin olmadığı və iqtisadi, energetika, ticarət, kənd-təsərrüfatı və digər sahələrdə mövcud əməkdaşlığın xalqların mənafeyinə uyğun olduğu qeyd olunub.

Görüşdə nazirlər bölgədə mövcud olan cari vəziyyəti, 10 noyabr 2020-ci il və 11 yanvar 2021-ci il üçtərəfli bəyanatların icrası ilə bağlı məsələləri müzakirə ediblər. Bölgədə yeni əməkdaşlıq imkanlarının açıldığı qeyd olunub, o cümlədən Şimal-Cənub və Cənub-Qərb nəqliyyat və tranzit dəhlizlərinin inkişafı perspektivləri xüsusilə vurğulanıb.

İqtisadi, ticarət və humanitar sahələrdə əməkdaşlıq üzrə Dövlət Komissiyanın fəaliyyəti, xüsusilə də Tehranda keçirilmiş sonuncu iclasın uğurlu nəticələrinə istinad edilərək, bu istiqamətdə fəaliyyətin iki qonşu ölkə arasında iqtisadi əlaqələrin möhkəmlənməsinə xidmət etdiyi bildirilib.

Tərəflər beynəlxalq təşkilatlar çərçivəsində əməkdaşlıq, eləcə də üçtərəfli və dördtərəfli regional əməkdaşlıq formatlarında təmasların davam etdirilməsi mövzuları üzrə fikir mübadiləsi aparıblar.

Nazirlər, həmçinin qarşılıqlı maraq doğuran digər məsələləri müzakirə ediblər.

32
Kadir Doğulu və Neslihan Atagül

"Səfirin qızı" rolunun ifaçısı serialdan ayrılıb

0
(Yenilənib 06:58 26.01.2021)
Neslihan Atagülun son durumu "Instagram" izləyicilərini məyus edib və onlar aktrisaya şəfa diləyiblər.

BAKI, 26 yanvar — Sputnik. Səhhətində ciddi problemlər yarandığı üçün "Sefirin Kızı" serialından ayrılan Neslihan Atagül ilə bağlı yeni xəbər var.

Sputnik Azərbaycan xəbər verir ki, aktrisanın xəstəxanadan görüntüsü yayılıb. Onun bu halı "Instagram" izləyicilərini məyus edib və onlar aktrisaya şəfa diləyiblər. Aktrisa xəstəxanadan video çəkərək hazırda vəziyyətinin yaxşı olduğunu, müalicənin davam edəcəyini bildirib.

Məlumat üçün bildirək ki, gənc aktrisa bağırsaq sızması sindromundan əziyyət çəkir. Bu səbəbdən sürətlə arıqlayan Neslihan hətta çəkilişlərə son verib və "Sefirin kızı" serialından ayrılıb.

0