Rusiya və NATO

NATO-Rusiya gərginliyi kritik həddə

137
(Yenilənib 16:31 05.05.2016)
Moskva Şimal Alyansının Estoniyada təlimlərə başlamasına adekvat addımlar atacaq. Ekspertlər hesab edirlər ki, yaranmış hazırki situasiya Alyansla Rusiya arasında yeni qarşıdurmaya gətirib çıxara bilər.

NATO-Rusiya gərginliyi kritik həddə
BAKI, 2 may — Sputnik. Mayın 2-də Estoniyada 6 min hərbçinin iştirakı ilə NATO-nun "Spring storm" təlimləri başlayır. Mediaya verilən məlumata görə, təlimlərdə ABŞ, Almaniya, Böyük Britaniya və Niderland daxil olmaqla, Alyansa üzv 10 ölkənin hərbçiləri iştirak edəcəklər. Manevrlər Rusiya sərhədlərinə yaxın Pılvamaa, Tartumaa və Vırumaa bölgələrində keçiriləcək.

Təlimlər mayın 19-dək davam edəcək. NATO-nun Rusiya ilə sərhəddə təlimlər keçirməsi heç də birmənalı qarşılanmayıb. Bəzi ekspertlər hesab edirlər ki, bu, NATO və Rusiya arasında yeni qarşıdurmaya gətirib çıxara bilər.

NATO-nun baş katibi Yens Stoltenberq isə mətbuata açıqlamasında bəyan edib ki, hazırda Polşa və Baltikyanı ölkələrdə Alyansın gördüyü işlər əsla hərbi qüvvələrin sayının artırılması ilə bağlı deyil. "Biz Rusiya ilə münaqişə axtarmırıq, "soyuq müharibə" istəmirik", — deyə o qeyd edib.

Baş katib deyib ki, Rusiyanin hər hansı NATO-ya üzv ölkəyə hücüm etmək niyyətində olduğunu da müşahidə etmirlər: "Siyasi dialoq üçün aramızda diplomatik kanalların açıq olması olduqca vacibdir".

Bəs, görəsən Qərblə Rusiya arasında münasibətlərin gərginləşdiyi bir dövrdə NATO-nun Rusiya sərhədlərində təlim keçməsi NATO-Rusiya münasibətlərinə necə təsir edəcək? Politoloq Fikrət Sadıxoxun fikrincə, NATO və Rusiya arasında qarşıdurma davam edir və bu qarşıdurmada heç bir tərəf konkret bir nəticəyə gəlməyəcək.

"Mən düşünmürəm ki, NATO qoşunlarının Baltikyani ölklərdə yerləşməsi NATO-Rusiya münasibətlərinə müsbət nəsə vəd edir. Çünki Moskva artıq bəyan edib ki, o, cavab olaraq adekvat addımlar atacaq. Bu da təbii ki, son illər ərzində Rusiya və Qərb arasındakı gərginliyin və qarşıdurmanın göstəricisidir", — deyə təhlilçi Sputnik-ə açıqlamasında bildirib.

Onun sözlərinə görə, burada müəyyən strateji maraqlar var: "Çünki Qərb Rusiyanın MDB məkanında atdığı addımlardan müəyyən mənada narahatlıq hissi keçirir. Baltikyanı respublikalar qərbyönlü ölklərdir. Digər tərəfdən bu, Rusiyanın şimal-qərb hissəsinin strateji mövqeləridir və əlbəttə ki, burada da bu qarşıdurma özünü açıq şəkildə əks etdirir".

Politoloq hesab edir ki, Rusiya bu təlimlərə adekvat olaraq cavab tədbirləri həyata keçirəcək. O həmçinin qeyd edib ki, NATO-Rusiya münasibətlərinin soyuq olması digər ölkələrin də maraqlarına zərbə vurur.

Politoloq İlqar Vəlizadə isə düşünür ki, bu təlimlər Ukrayna hadisələrindən sonra ümumi müdafiə sisteminin yaradılması ilə bağlı gedən prosseslərin tərkib hissəsidir: "Bəzi mənbələr bildirir ki, təlimlər Rusiya tərəfinin Baltikyanı ölkələrə qarşı edəcəyi hər hansı hərəkəti neytrallaşdırmaq üçün həyata keçirilir. Bu isə təkcə birbaşa müdaxilə ilə bağlı olan məsələ deyil. Bu təlimlər tək müdaxilə ilə bağlı ehtimallar üzərində qurulmayıb. Bu, eyni zamanda gözlənilən provakasiyaya da hesablanıb".

"Bütün hallarda bu təlimlər regionda vəziyyəti mürəkkəbləşdirəcək. Rusiya tərəfinin əks tədbirlər keçirməsinə səbəb olacaq. Bu da bütün Şərqi Avropada vəziyyətin gərgin olaraq qalmasından xəbər verir. Açıq desək, mövcud siyasi prosseslərə də mənfi təsir göstərir", — İ. Vəlizadə vurğulayıb.

NATO-Rusiya münasibətlərinin ölkəmizə təsirinə gəlincə isə, Fikrət Sadıxov, Azərbaycanın hazırkı vəziyyətdə özünü neytral apardığını deyib: "Düşünürəm ki, bu siyasət davam etdirilməlidir. Mən, eyni zamanda bu təlimlərin NATO və Rusiya arasında gələcəkdə baş tutacaq hər hansı dipolmatik danışıqlara təkan verə biləcəyini də istisna etmirəm. Hətta tarixdə də belə nümunələr olub. Güc nümayiş olunması hansısa dövlətə diplomatik nəticə əldə etməyə imkan verirdi".

"Ola bilsin ki, bu dəfə də hər iki tərəf hesab edir ki, güc nümayişi diplomatik danışıqalarda müəyyən mənada müsbət nəticələrə nail olmaq deməkdir. Elə bu səbəbdən də bu məsələlərlə məşğul olurlar ki, konkret nəyəsə nail ola bilsinlər", — təhlilçi qeyd edib.

Qeyd edək ki, aprelin 20-də Brüsseldə səfirlər səviyyəsində son iki ildə ilk dəfə olaraq Rusiya-NATO Şurasının iclası keçirilib.

137
Teqlər:
"Spring storm", Estoniya, Alyans, Niderland, NATO, Rusiya, Böyük Britaniya, Almaniya, ABŞ
Əlaqədar
Türkiyə Gürcüstanı NATO-da görmək istəyir
NATO Qarabağdakı vəziyyətə münasibət bildirib
Qartal NATO-ya məxsus hava vasitəsini yerə salıb
Bakıda NATO-nun təlim kursu başlayıb
NATO-dan qorxu dolu bəyanat
NATO-dan Rusiyaya gecikmiş çağırış
 Türkiyə Prezidenti Rəcəb Tayyib Ərdoğan, arxiv şəkli

Azərbaycanlı qardaşlarımızın sayəsində Qarabağ səmasını ay-ulduz bəzəyir - Ərdoğan

5
(Yenilənib 19:25 05.12.2020)
"Yenə də vurğulamaqda fayda görürəm: Azərbaycan kimsənin torpağına əl uzatmadı, kimsəyə hücum etmədi, Birləşmiş Millətlər Təşkiları və ATƏT-in qərarına rəğmən 30 il işğal altında saxlanan torpaqlarını azad etdi"

BAKI, 5 dekabr - Sputnik. "Ermənilər Azərbaycan torpaqlarına hücum edəndə bütün qəlbimiz və imkanlarımızla qardaşlarımızın imdadına yetişdik. Qarslılar bu erməniləri çox yaxşı tanıyırlar. Ortaq tariximiz, mədəniyyətimiz, inancımız və dil birliyimizin tələb etdiklərini gerçəkləşdirərək Dağlıq Qarabağ və ətrafındakı işğal altında olan Azərbaycan torpaqlarının azadlığına qovuşmasında bir zəhmətimiz oldu. Azərbaycanlı qardaşlarımızın mücadiləsi nəticəsində, həmd olsun, Qarabağ səmalarını əskilər deyil, ay-ulduzlu bayraqlar bəzəyir".

Sputnik Azərbaycan bildirir ki, bunu Türkiyə Prezidenti Rəcəb Tayyib Ərdoğan videobağlantı ilə qatıldığı Sarıkamış-Karakurt-Xorasan yolunun açılış mərasimində söyləyib. 

"Azərbaycan bayrağı şəhidlərimizin qəhrəmanlıqlarının timsalı olaraq Dağlıq Qarabağda qürurla dalğalanır. İnşallah, Naxçıvan ilə Azərbaycan arasındakı əlaqəni təmin edəcək dəhlizin açılmasıyla qardaşlarımızla birbaşa quru yolu əlaqəsi quracağıq", - deyən Ərdoğan əlavə edib ki, bu işdən ən çox faydanı da Qars görəcək. 

30 illik işğaldan sonra Azərbaycanın öz torpaqlarına yenidən qovuşmasının haqlı sevincini yaşadığını vurğulayan Ərdoğan deyib ki, Qarabağda qazanılan zəfər həm beynəlxalq hüquq, həm diplomatiya, həm də hərbi baxımdan Azərbaycana anasının ağ südü kimi halaldır. 

"Yenə də vurğulamaqda fayda görürəm: Azərbaycan kimsənin torpağına əl uzatmadı, kimsəyə hücum etmədi, Birləşmiş Millətlər Təşkiları və ATƏT-in qərarına rəğmən 30 il işğal altında saxlanan torpaqlarını azad etdi. Bunu da ermənilər kimi mülki əhalini, yaşayış məntəqələrini hədəf alaraq deyil, legitimlik çərçivəsində gerçəkləşdirdi. Bu durumda bir gün əvvəl Minsk qrupu həmsədrlərindən olan Fransanın parlamentinin müzakirə elədiyi qətnamə qalmaqaldan da betər bir faciədir", - deyə Türkiyə lideri bildirib. 

Azərbaycan Prezidenti İlham Əliyevin: "Fransa, əgər erməniləri bu qədər çox sevirsə, özünün Marsel şəhərini onlara verə bilər" sözlərini xatırladan Ərdoğan heç bir dövlətin digərinin suverenliyinə bu dərəcədə alçaqcasına hücum etməsinin qəbul edilməyəcəyini söyləyib. 

5
Teqlər:
Rəcəb Tayyip Ərdoğan, Qars, Türkiyə, Azərbaycan, Qarabağ

Müxalifətdən Paşinyana ultimatum: "Getməsən..."

24
(Yenilənib 18:40 05.12.2020)
Şənbə günü on minlərlə etirazçı Yerevanın mərkəzinə toplaşaraq baş nazirin istefasını tələb edib. Mitinqdən sonra etirazçılar Paşinyanın hökumət malikanəsinə yönəliblər

BAKI, 5 dekabr - Sputnik. Ermənistanın baş naziri Nikol Paşinyanın malikanəsinin qarşısına toplaşan etirazçılar onun gələn çərşənbə axşamınadək istefa verməsini tələb ediblər. 

Sputnik Azərbaycan bu barədə RİA Novosti-yə istinadən məlumat verir.

"Çərşənbə axşamı saat 12:00-dək istefa verməsinə görə Paşinyana vaxt veririk. Əgər o bunu etməsə, bütün ölkədə itaətsizlik aksiyaları başlanacaq. Əgər o, çərşənbə axşamınadək getməsə, biz özümüz onu çıxaracağıq", - müxalif "Daşnaksütun" partiyasının nümayəndəsi İşxan Saqatelyan deyib.

Qeyd edək ki, şənbə günü on minlərlə etirazçı Yerevanın mərkəzinə toplaşaraq baş nazirin istefasını tələb edib. Mitinqdən sonra etirazçılar Paşinyanın hökumət malikanəsinə yönəliblər. Hazırda etiraz aksiyası bitmiş elan edib.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb, kəndlərin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görüb.

2020-ci il noyabrın 10-da Azərbaycan, Rusiya və Ermənistan liderlərinin Qarabağ üzrə üçtərəfli bəyanatı imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.
Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) isə Kəlbəcər rayonu Azərbaycana qaytarılıb. Dekabrın 1-də Laçın rayonu Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.
Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

24
Teqlər:
istefa, Nikol Paşinyan, mitinq, etiraz aksiyası, Yerevan, Ermənistan
Mixail Qorbaçov

Qorbaçovu artıq qohumları da ziyarət etmirlər

0
(Yenilənib 19:45 05.12.2020)
Qorbaçovun qızı və iki qız nəvəsi Almaniyada yaşayır, Rusiyaya gəlmirlər. Siyasətçi özü də harayasa getmək iqtidarında deyil.

BAKI, 5 dekabr - Sputnik. SSRİ-nin sabiq prezidenti Mixail Qorbaçovu artıq qohumları ziyarət etmirlər. İndi onun üçün ən yaxın adam köməkçisi olub. Sputnik Azərbaycan bildirir ki, "MK"nın jurnalistləri Vitali Manskinin "Qorbaçov. Cənnət" filminə baxandan sonra bu qənaətə gəliblər. 

Qorbaçov hökumətin ömürlük istifadə üçün ayırdığı xidməti evdə tək yaşayır. Bina mühafizə olunur və hündür hasarla əhatə olunub. 

Filmdə Qorbaçov etiraf edir ki, nəvələri ona baş çəkmirlər. Qocalmış siyasətçinin durumu elə də yaxşı deyil, kreslodan güclə qalxır və xüsusi qurğunun hesabına hərəkət edir. İkinci mərtəbəyə qalxmaq üçün liftdən istifadə edir, əks halda yataq otağına getmək üçün bir saat sərf etməli olur. 

 

Qorbaçovun qızı və iki qız nəvəsi Almaniyada yaşayır, Rusiyaya gəlmirlər. Siyasətçi özü də harayasa getmək iqtidarında deyil.

Uzun illər Qorbaçovla işləyən Pavel Palajçenko onun niyə qohumlarıyla görüşmədiyini izah edib. Onun sözlərinə görə, Qorbaçov koronavirusa yoluxmaqdan qorxduğundan özünütəcriddədir. 

"İndi kim gəlir ki? İndi təyyarələr uçmur, ona görə", - Palajçenko deyib. 

Onun sözlərinə görə, emidemioloji situasiya yaxşılaşan kimi qohumları mütləq Qorbaçova baş çəkəcəklər.

0
Teqlər:
qohumlar, Rusiya, Mixail Qorbaçov