Vaşinqton

ABŞ siyasi elitası Türkiyə Azərbaycana mənfi münasibət bəsləyir

55
(Yenilənib 00:11 31.03.2016)
İqor Pankratenko: İlham Əliyevin Vaşinqton sammitinə çağırılması, Azərbaycanın regionda nüvə təhlükəsizliyi ilə bağlı rolunun tanınması deməkdir.

BAKI, 30 mar — Sputnik. Azərbaycan prezidenti İlham Əliyev Nüvə Təhlükəsizliyi Sammitində iştirak etmək üçün Vaşinqtona gedib. Sputnik bu səfəri qiymətləndirmək, Azərbaycanın bu tədbirdə iştirakının onun regionun nüvə təhlükəsizliyində rolu ilə bağlı olub-olmadığını aydınlaşdırmaq üçün xarici siyasət üzrə aparıcı ekspertlərə müraciət edib.

"Öz-özlüyündə nüvə dövləti olmayan ölkənin prezidentinin bu tədbirə çağırılması Azərbaycanın regionda bu rolu oynamasının tanınması deməkdir" — deyə şərqşünas İqor Pankratenko əminliklə bildirib.

Onun fikrincə, baxmayaraq ki, Amerika isteblişmenti Türkiyə və Azərbaycana həmişə neqativ münasibət bəsləyir, onlar bu gün artıq qəbul edirlər ki, Ankara olmadan Yaxın Şərq və Mərkəzi Asiyanın, Azərbaycan da olmadan Qafqaz və Xəzəryanının regional siyasəti yoxdur.

Buna görə də, ekspert hesab edir ki, burada söhbət təkcə nüvə təhlükəsizliyindən getmir, həm də regional və subregional təhlükəsizlikdən gedir.

"Mən hesab edirəm ki, Azərbaycan prezidenti Türkiyə tərəfinin və digər müttəfiqlərinin dəstəyi ilə bu tədbiri bütövlükdə regionu təhdid edən Metsamor AES-lə bağlı məsələni qaldırmaq üçün meydan hesab edir", — deyə o, bildirib.

Vladimir Putin və Barak Obama
© Sputnik / Aleksey Nikolskyi

Öz növbəsində politoloq, Qloballaşma və Sosial Hərəkat İnstitutu Beynəlxalq Siyasətin Təhlili Mərkəzinin rəhbəri Mixail Neyjmakov qeyd edib ki, yaxın vaxtlara qədər atom sahəsində Azərbaycanı və onun yaxın qonşularını narahat edən əsas məsələ İranın nüvə proqramı idi.

Ekspertin fikrincə, İİR-ə qarşı beynəlxalq təzyiqlərin yumşalması o demək deyil ki, Vaşinqton bu məsələni heç vaxt xatırlatmayacaq.

"Görünür, Tehran sammitə atom təhlükəsizliyi ilə bağlı dəvət olunmayıb. Hər halda son aylarda İrana nüvə proqramı ilə bağlı deyil, raket proqramı ilə bağlı iradlar bildirilmişdi. Hər halda sammitdə Tehranla haqqında bu kontekstdə daha çox danışılacaq", — deyə o, bildirib.

Sputnik-in həmsöhbəti bununla belə qeyd edib ki, Azərbaycan postsovet məkanına daxildir. Və artıq bu gün bir sıra Ukrayna mənbələri qeyd edirlər ki, Pyotr Poroşenko sammitin gedişində Rusiyanı Krımda atom silahı yerləşdirmək planlarına görə ittiham edəcək.

Neyjmakovun sözlərinə görə, sammitə ev sahibliyi edən ABŞ iştirakçı-ölkələrin mövzudan kənara çıxmasını qətiyyən istəməyəcək.

Ağ Ev yanında Milli Təhlükəsizlik Şurasının baş direktoru Lora Holqeyt bu sammiti məhz "məsuliyyətli diskussiyalar üçün meydan" adlandırıb.

Politoloqun fikrincə, sammitdə ilk öncə KXDR mövzusu, həmçinin, atom obyektlərinin, texnologiyalarının və materiallarının İslam terrorçularından qorunması məsələsi müzakirə olunacaq.

"Doğrudur, bu kontekstdə Cənubi Qafqazı da xatırlamaq olar. Regionda atom obyekti — Ermənistan (Metsamor) AES var. Amma yenə də sammitin ev sahibini xatırlayaq — o, istəməyəcək ki, diskussiyalar daha çox lokal məsələlərə həsr olunsun", — deyə o bildirib.

Neyjmakov onu da qeyd edib ki, atom təhlükəsizliyinə dair sammitlər heç də həmişə təkcə öz rəsmi mövzusuna həsr olunmur. Misal üçün, 2014-cü ildəki analoji tədbirdə Ukrayna ətrafındakı situasiya müzakirə olunmuşdu. Bu yaxınlarda Barak Obama birbaşa bəyan etdi ki, bu tədbirdə "İslam dövləti"nə qarşı "qüvvələri birləşdirməyi" müzakirə edəcəklər.

Ekspert həmçinin hesab edir ki, ABŞ prezidenti özünün İslam dünyasından olan köhnə tərəfdaşları ilə münasibətlərdə soyuqluq nümayiş etdirir.

Qeyd etmək lazımdır ki, bu yaxınlarda The Atlantic-ə verdiyi müsahibədə Amerika lideri İslam fundamentalistlərinin Səudiyyə Ərəbistanı tərəfindən maliyyələşdirilməsinə toxunub. Əgər ABŞ köhnə müttəfiqləri ilə məsafə saxlayırsa, onda müvəqqəti olsa da yaranmış "tərəfdaşlıq vakkumu"nu doldurmaq lazımdır.

Sputnik-in həmsöhbəti hesab edir ki, Vaşinqton Böyük Yaxın Şərqin digər ölkələrinə fəal şəkildə nəzər yetirə bilər. Eyni zamanda Azərbaycana da. Ola bilsin, Vaşinqton bu istiqamətdə sınaq addımlarını elə sözügedən sammitdə atacaq.

55
Teqlər:
The Atlantic, İqor Pankratenko, Mixail Neyjmakov, Nüvə Təhlükəsizliyi Sammiti, Vaşinqton sammiti, Azərbaycan prezidenti İlham Əliyev, region, nüvə, Xəzəryanı, Qafqaz, Tehran, Barack Obama, İran, Səudiyyə Ərəbistanı, Ukrayna, Rusiya, Vaşinqton, Yaxın Şərq, Türkiyə, ABŞ
Əlaqədar
Putin Vaşinqton sammitini niyə boykot etdi?
"Vaşinqton sammitindən heç bir ciddi qərar gözləmirəm"
Diqqətlər Vaşinqtonda: neft erasını bitirəcək qərar verilə bilər
Amerika hərbçiləri nüvə raketini əllərindən salıblar
Ermənistanın Baş naziri Nikol Paşinyan Rusiya Prezidenti Vladimir Putinlə

Paşinyan Putinə niyə “yox” demişdi: erməni nazirin versiyası

35
Bir qədər öncə Rusiya Prezidenti bildirmişdi ki, oktyabrda danışıqlar zamanı Əliyevi məcburi köçkünləri Şuşaya qaytarmaq şərtilə Dağlıq Qarabağda müharibəni dayandırmağa razı sala bilib, ancaq Paşinyan bunun əleyhinə çıxıb

BAKI, 29 noyabr - Sputnik. Ermənistanın baş naziri Nikol Paşinyan Rusiya Prezidenti Vladimir Putinlə oktyabrda, Dağlıq Qarabağ üzrə bəyannamənin imzalanmasından əvvəlki  telefon danışığının detallarını açılayıb.

Sputnik Azərbaycan bildirir ki, Paşinyan Putinlə “baş tutmayan” sövdələşmənin özünə məxsus versiyasını Facebook-da yazıb.

O qeyd edib ki, oktyabrın 19-da Qarabağdakı separatçıların rəhbəri Araik Arutyunyan zəng edərək müharibənin dayandırılmasının vaciblyini vurğulayıb. Bundan sonra Paşinyan Putinə zəng edib. O isə öz növbəsində bunun Rusiyanın təklifləri əsasında gerçəkləşdiriməsini təklif edib.

“Yəni status məsələsini bir tərəfə qoymaq, rayonları Azərbaycana qaytarmaq, rusiyalı sülhməramlıları yerləşdirmək. Mən dedim ki, sülhməramlıları Dağlıq Qarabağın əvvəlki “sərhədləri” və Laçın dəhlizi boyunca yerləşdirmək lazımdır. O razı oldu, danışdıq ki, məsləhətləşmədən sonra mən bir də zəng edəcəm”, - Paşinyan yazıb.

Onun sözlərinə görə, sabahı gün Putin ona yenidən zəng edib və Azərbaycan Prezidenti İlham Əliyevin müharibəni dayandırmağa razı olduğunu, ancaq sülhməramlıların Dağlıq Qarabağın “sərhədləri” boyu yox, mövcud təmas xətti boyu yerləşdirilməsini tələb edib, çünki Bakı Hadrut və Talışdan geri çəkilməyəcəyini bəyan edib.

“Erməni tərəfi azərbaycanlıların Şuşaya qaytarılması məsuliyyətini də boynuna götürməliydi. Beləliklə, sülh alınmadı, çünki mən dedim ki, Hadrut məsələsində razılaşsam da, Şuşanın Azərbaycana təhvil verilməsini mümkün hesab eləmirəm”, - yazan erməni nazir qeyd edib ki, Putin bu qərara təəccüblənib.

“Mən öz fikirlərimi deyəndə Putin dedi ki, bu, məntiqlidir və bəzi detallardan xəbərsizdir”, - Paşinyan yazıb. Onun fikrincə, Yerevan Şuşanı təhvil versəymiş, Bakı yeni şərt – Qırmızı Bazar – Şuşa yolunu nəzarətə götürməyi – irəli sürəcəkmiş.

Bir qədər öncə Rusiya Prezidenti bildirmişdi ki, oktyabrda danışıqlar zamanı Əliyevi məcburi köçkünləri Şuşaya qaytarmaq şərtilə Dağlıq Qarabağda müharibəni dayandırmağa razı sala bilib, ancaq Paşinyan bunun əleyhinə çıxıb. Onun sözlərinə görə, Ermənistanın baş naziri bu şərtin onun ölkəsinə və Qarabağa təhlükə olduğunu deyib. Putin ermənilərin niyə bunda təhlükə gördüyünü anlamadığını deyib və beləliklə danışıqlar iflasa uğrayıb.

35
Teqlər:
telefon danışığı, Vladimir Putin, Nikol Paşinyan, Ermənistan, Rusiya, Azərbaycan, Qarabağ
Mövzu:
Azərbaycan və Ermənistan arasında müharibə
Ceyhun Bayramov, arxiv şəkli

Ceyhun Bayramov iranlı həmkarına başsağlığı verdi

14
(Yenilənib 22:11 29.11.2020)
Telefon danışığı zamanı Azərbaycanın terrordan əziyyət çəkən bir ölkə kimi terrorçuluğun bütün forma və təzahürlərini qətiyyətlə pislədiyi vurğulanıb.

BAKI, 29 noyabr - Sputnik. Bu gün Azərbaycan Respublikasının xarici işlər naziri Ceyhun Bayramov və İran İslam Respublikasının xarici işləri naziri Məhəmməd Cavad Zərif arasında telefon danışığı baş tutub.

Sputnik Azərbaycan-a XİN mətbuat xidmətindən daxil olan məlumata görə, nazir Ceyhun Bayramov İranın Müdafiə Nazirliyinin Araşdırma və İnnovasiya Təşkilatının rəhbəri, alim Möhsin Fəxrizadənin terror hücumu nəticəsində qətlə yetirilməsi ilə bağlı İranlı həmkarına başsağlığı bildirib.
Azərbaycanın terrordan əziyyət çəkən bir ölkə kimi terrorçuluğun bütün forma və təzahürlərini qətiyyətlə pislədiyi vurğulanıb.

Nazirlər, bu həftə ərzində videokonfrans formatında keçirilmiş müzakirəkərə əlavə olaraq, ikitərəfli iqtisadi əməkdaşlıq perspektivləri barədə fikir mübadiləsi aparıblar. Məsələlərin ətraflı şəkildə aidiyyəti qurumlar tərəfindən müzakirə edilməsinin vacibliyi qeyd olunub.

Nazirlər, həmçinin qarşılıqlı maraq doğuran digər məsələləri müzakirə ediblər.

14
Teqlər:
İran, qətl, alim, başsağlığı, telefon danışığı, Məhəmməd Cavad Zərif, Ceyhun Bayramov, Azərbaycan XİN
Dieqo Armando Maradona

Maradonanın həkimi ittihamlara cavab verdi

0
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

0
Teqlər:
axtarış, ittiham, həkim, ölüm, Dieqo Armando Maradona