Azərbaycan Respublikasının Prezidenti İlham Əliyev

Novruz əfvinə kimlər düşəcək?

476
(Yenilənib 15:02 09.03.2016)
Deputatlar, hüquq müdafiəçiləri böyük ümidlərinin olduğunu deyirlər: "Amma gərək əfv prosesində beynəlxalq təşkilatlar da səbrli olub, ölkə başçısına kəskin müraciətlər etməsinlər"

Novruz əvfinə kimlər düşəcək?
BAKI, 7 mart — Sputnik. Mart ayının əvvəli olmasına baxmayaraq artıq Əfv Məsələləri Komissiyası (ƏMK) iki iclas keçirib. İclasda əfvlə bağlı quruma daxil olan müraciətlərə baxılıb. İclasların Novruz bayramı öncəsinə salınması isə ictimaiyyət arasında əfvlə bağlı müzakirələrin artmasına səbəb olub.
Новогодние украшения вдоль дороги
Sputnik/ Мурад Оруджев

Böyük Quruluş Partiyasının sədri, millət vəkili Fazil Mustafa Sputnik-ə açıqlamasında bildirib ki, siyasi məhbusların azad olunması istiqamətində müəyyən addımlar atılmalıdır: "Hamıda bir ümid var ki, Avropa Şurasının siyahısında olan məhbusların əksəriyyəti azad olunacaq. Məncə, bunu etmək lazımdır, çünki bu gün bu insanların həbsdə yatmasının heç bir mənası qalmır, əksinə müəyyən dərəcədə problemlər yaradır".

"Xüsusilə Tofiq Yaqublunun, Nemət Pənahlının hər-hansı bir hökmlə həbsdə olmasının heç bir mənasını görmürəm. Bu istiqamətdə müəyyən addımlar atılmalıdır. Ümid edək ki, əfv geniş kategoriyadan olan insanlara, xüsusilə də ictimai-siyasi fəaliyyətlə məşğul olan, həbsdə olan şəxslərə şamil olunacaq", —deyə deputat bildirib.

Hüquq müdafiəçisi Novella Cəfəroğlu isə əfvlə bağlı sadəcə umid etdiyini bildirdi. O, verdikləri siyahıda olan insanların həbsdən çıxacağını gözləyir.

Milli Məclisin deputatı Qüdrət Həsənquliyev də Novruz bayramı ərəfəsində gözlənilən əfv sərəncamından danışıb. O, bildirib ki, bəzi müxalif qruplar və onların nəzarətində olan mətbuat bu sərəncama kölgə salmaq istəyir: "Yazırlar ki, guya Qərb dairələri Azərbaycana bəzi şəxslərin əfv olunması üçün təsir edir. Onlar bunu yazmaqla yenə qıcıq yaradıb, həmin şəxslərin adının əfv siyahısına düşməsinə əngəl olmaq istəyirlər".

Neftçilərin Hüquqlarını Müdafiə Təşkilatının sədri Mirvari Qəhrəmanlı isə hesab edir ki, əfv prosesində beynəlxalq təşkilatlar səbrli olub, ölkə başçısına kəskin müraciətlər etməməlidir: "Gözləntilərimiz çox böyükdür. Prezidentdən də çox şey asılıdır, yəni Əfv Komissiyasından əlavə Prezident özü də kimlərisə əfv edə bilər. Mən bu ilki əfvdən çox şey arzulayıram və Prezidentin özündən də humanist addım gözləyirəm ki, Novruz bayramında mənim həmkarlarım da öz ailələrinə qovuşsun".

Ekspertlərin də sözlərindən göründüyü kimi, əfvlə bağlı gözləntilər yetərincə böyükdür.

476
Teqlər:
əfv, Əfv Məsələləri Komissiyası, Prezident, millət vəkili, hüquq müdafiəçiləri
Əlaqədar
Əfv Komissiyasının yeni tərkibdə ilk iclası keçirilib
Əfv Komissiyasına 6 yeni üzv təyin edilib
Prezident əfv fərmanı imzaladı
Millət vəkili: əfv sərəncamı hələ rəsmi deyil
Əfv siyahısına həbsdəki bütün jurnalistlərin adları daxil edilib
Türkiyə Böyük Millət Məclisinin sədri Mustafa Şentop

Azərbaycan Türkiyə spikerləri: "Bu iki qardaş xalq həmişə bir-birinin yanında olacaq"

8
(Yenilənib 23:27 29.10.2020)
Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

BAKI, 29 oktyabr — Sputnik. Oktyabrın 29-da Milli Məclisin Sədri Sahibə Qafarova Türkiyə Böyük Millət Məclisinin Sədri Mustafa Şentopla telefonla danışıb.

Sputnik Azərbaycan-ın məlumatına görə, Milli Məclisin Sədri türkiyəli həmkarına 29 oktyabr - Cümhuriyyət Günü münasibətilə təbriklərini çatdırıb, qardaş türk xalqına tərəqqi və firavanlıq arzulayıb.

Milli Məclisin Sədri qardaş Türkiyə Respublikasının Ermənistan-Azərbaycan Dağlıq Qarabağ münaqişəsi ilə bağlı ölkəmizə göstərdiyi dəstəyə görə bir daha minnətdarlığını bildirib, iki qardaş xalqın həmişə bir-birinin yanında olacağına əminliyini ifadə edib.

Sahibə Qafarova Ermənistanın son dövrlər döyüş meydanında məruz qaldığı uğursuzluqlarla barışmayaraq mülki əhalini hədəfə aldığını və bunun insanlıq əleyhinə yönələn müharibə cinayəti olduğunu ifadə edib.

Sahibə Qafarova telefon söhbətinin sonunda bildirib ki, bütün Azərbaycan xalqı öz dövlətinin və Prezidentinin yanındadır. "Möhtərəm Prezidentimiz İlham Əliyevin rəhbərliyi ilə Azərbaycanda bərqərar olmuş güclü idarəçilik sistemi, iqtidarla xalq arasında mövcud olan sarsılmaz birlik Dağlıq Qarabağ məsələsinin tamamilə həllini təmin edəcək".

Təbriklər və xoş sözlər üçün təşəkkürünü bildirən Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

8
Azərbacyan XİN-nin binası, arxiv şəkli

XİN əsir düşmüş ermənilərlə bağlı məlumat yayıb

33
(Yenilənib 22:45 29.10.2020)
XİN: Azərbaycan tərəfinin bu humanitar addımının həyata keçirilməsində Rusiya Federasiyasının Müdafiə Nazirliyi müstəsna rol oynayıb.

BAKI, 29 oktyabr - Sputnik. Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyasının məlumatına görə, bu ilin 29 oktyabr tarixində Azərbaycan Respublikası Müdafiə Nazirliyinin iştirakı, ATƏT və Beynəlxalq Qızıl Xaç Komitəsinin vasitəçiliyi ilə 30 erməni hərbçisinin meyiti birtərəfli qaydada Azərbaycanın Tovuz rayonunun Əlibəyli kəndi istiqamətində Ermənistan tərəfinə təhvil verilib. Bir gün öncəsində isə döyüş bölgəsində köməksiz buraxılıb gedilən mülki şəxs, 85 yaşlı Yevgeniya Babayan Gürcüstan-Ermənistan sərhədində qarşı tərəfə təhvil verilib.

Sputnik Azərbaycan xəbər verir ki, bu barədə məlumatı XİN-in Mətbuat Xidməti idarəsi yayıb.

Məlumatda bildirilir ki, AR Prezidentinin tapşırığı ilə və humanizm prinsiplərindən çıxış edərək birtərəfli qaydada atılan bu addımlar, Azərbaycanın xoş niyyətinin, eləcə də beynəlxalq humanitar hüquq və insani dəyərlərə verdiyi dəyərin göstəricisidir.

Öz növbəsində Ermənistan tərəfi, erməni mülki şəxs, 84 yaşlı Mişa Melkumyanı son anda təhvil almaqdan imtina edərək növbəti dəfə qeyri-insani davranışını nümayiş etdirib.

XİN vurğulayıb ki, Ermənistanın bu günədək 3 dəfə elan olunmuş humanitar atəşkəsi kobud şəkildə pozaraq cəsədlərin, eləcə də hər iki tərəfdə saxlanılan şəxslərin mübadiləsinə əngəl törətməsinə baxmayaraq, Azərbaycan birtərəfli qaydada humanitar addımı reallaşdırıb.

"Azərbaycan tərəfinin bu humanitar addımının həyata keçirilməsində Rusiya Federasiyasının Müdafiə Nazirliyi müstəsna rol oynayıb. Humanizm prinsipləri hər zaman olduğu kimi, bundan sonra tərəfimizdən əsas götürüləcək", - deyə məlumatda bildirilir.

33
Əlaqədar
Ermənistan girov düşmüş qoca ermənini geri almaqdan imtina etdi
Axundov: "Ermənistan nə hərbçilərinin meyitini, nə də vətəndaşlarını təhvil almaq istəyir"
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

0
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

0