Yusuf Çınar - Türkiyənin Strateji Baxış İnstitutunun rəhbəri, politoloq

"Suriya İraqda sabitliyin yaranması Ankara-Tehran uzlaşmasından asılıdır"

21
(Yenilənib 13:11 04.03.2016)
Yusuf Çınar: "Əhməd Davudoğlunun İran səfəri iki ölkə arasında ünsiyyət kanallarının açıq qalmasını təmin edə və gələcəkdə ehtimal olunan yanlış anlaşılmaların önünə keçə bilər"

BAKI, 4 mar — Sputnik. "Əhməd Davudoğlunun İran səfərindən ciddi nəticə çıxacağına inanmıram". Bunu Sputnik-ə açıqlamasında Türkiyənin Strateji Baxış İnstitutunun (SBİ) rəhbəri Yusuf Çınar deyib.

Çınarın sözlərinə görə, Türkiyə və İran Suriya və İraq mövzusunda fərqli düşünsələr də, bu iki ölkənin sabitliyə qovuşa bilməsi Ankara ilə Tehranın uzlaşmasından asılıdır: "Xüsusilə ABŞ-ın Türkiyəyə İranla daha yaxın əlaqə qurulmasını tövsiyə etməsi və dərhal sonra bu səfərin reallaşması Suriyada davam edən atəşkəsin möhkəmlənəcəyi təəssüratını yaradır".

Politoloqun fikrincə, bu cür səfərlər iki ölkənin daha da yaxınlaşmasını təmin edə bilər: "Mənim fikrimcə, hər iki ölkə Suriya və İraq mövzusunda fərqli yanaşmalarını davam etdirəcək. Bu görüşdən qarşılıqlı məsləhətləşmələrdən başqa bir nəticə çıxacağını düşünmürəm".

Bununla belə, Y. Çınar hesab edir ki, bu cür danışıqlar iki ölkə arasında ünsiyyət kanallarının açıq qalmasını təmin edə və gələcəkdə ehtimal olunan yanlış anlaşılmaların önünə keçə bilər: "Ən əhəmiyyətlisi də odur ki, Türkiyə və İran bir-birilərinə daha da yaxınlaşa bilər".

21
Teqlər:
Əhməd Davudoğlu, Türkiyənin Strateji Baxış İnstitutunun rəhbəri Yusuf Çınar, İran, Türkiyə
Əlaqədar
Demokratik seçki olsa, İran türk dövlətinə çevriləcək
Türkiyə iki ölkədə hərbi baza yaradır
İran parlamentinə seçilən 220 deputatdan cəmi 12-si qadındır
İran prezidenti Azərbaycana gələcək
S-400 zenit-raket kompleksi, arxiv şəkli

"Azərbaycan Rusiyadan "S-400" zenit-raket sistemləri ala bilər" Hərbi ekspert

10
(Yenilənib 13:33 02.03.2021)
"Azərbaycan öz Hava Hücumundan Müdafiə Sistemlərinin möhkəmləndirilməsində maraqlı olacaq. Ona görə də bu məsələdə Rusiya istehsalı olan zenit-raket sistemlərinin yaxşı şansları var"

BAKI, 2 mart — Sputnik. Azərbaycan Rusiyadan "S-400" zenit-raket sistemləri ala bilər. Sputnik Azərbaycan xəbər verir ki, bunu "Natsionalnaya oborona" jurnalının baş redaktoru, hərbi ekspert İqor Korotçenko "Sputnik"də canlı yayım zamanı bildirib.

"Azərbaycanın bu və ya digər silah sistemləri almasına gəldikdə isə fikrimcə, Azərbaycan öz Hava Hücumundan Müdafiə Sistemlərinin möhkəmləndirilməsində maraqlı olacaq. Ona görə də bu məsələdə Rusiya istehsalı olan "S-400" və "S-300 v4" sistemlərinin ixrac variantının yaxşı şansları var. Azərbaycan PUA-ların alınması məsələsində Türkiyə və İsraillə əməkdaşlığa üstünlük verəcək", - deyə Korotçenko qeyd edib.

O, həmçinin vurğulayıb ki, Qarabağ müharibəsi zamanı "Bayraktar"lar özlərini yaxşı PR etdilər: "Aydındır ki, bu müharibənin nəticələri beynəlxalq silah bazarında "Bayraktar"a uğur qazanmaqda yardım edəcək. Hazırda Rusiya Qarabağda PUA-ların istifadəsi də daxil olmaqla, vəziyyəti diqqətlə analiz edir. Bildiyiniz kimi, Rusiyada PUA-ların bütün istiqamətləri üzrə iş aparılır. Strateji, zərbə PUA-sı olan "Oxotnik" (Ovçu) daxil olmaqla ağır PUA-lardan tutmuş, yüngül "Molniya" (İldırım) dronlarına qədər".

10
Teqlər:
silah, müsahibə, İqor Korotçenko, Azərbaycan, Rusiya, S-400 zenit-raket kompleksi
İqor Korotçenko, arxiv şəkli

İqor Korotçenko: Moskva Paşinyanı bağışladı

19
"Şübhəsiz, o, böyük siyasi səhv buraxdı. Bundan isə müxalifət, müxalif düşüncəli generallar Paşinyana hücum etmək üçün istifadə etdilər".

Eldar Tanrıverdiyev, Sputnik Azərbaycan

BAKI, 2 mart — Sputnik. Paşinyan "İskəndər"lərlə bağlı bəyanatı sabiq prezident Serj Sarqsyanla polemika zamanı səsləndirib. Bu Ermənistanda daxili siyasi "razborka"dır. Təbii ki, Rusiya silahı məsələsi, xüsusilə onun neqativ vəziyyətdə səsləndirilməsi düzgün deyil. Mən şəxsən düşünmürəm ki, Paşinyan Rusiya silahının nüfuzuna zərbə vurmaq istəyib, lakin bu bəyanata görə onu heç kim siyasi məsuliyyətdən azad etmir. Sputnik Azərbaycan xəbər verir ki, bunu "Natsionalnaya oborona" jurnalının baş redaktoru, hərbi ekspert İqor Korotçenko "Sputnik"də canlı yayım zamanı bildirib.

"Şübhəsiz, o, böyük siyasi səhv buraxdı. Bundan isə müxalifət, müxalif düşüncəli generallar Paşinyana hücum etmək üçün istifadə etdilər. Bildiyiniz kimi, Paşinyan faktiki olaraq Rusiyadan ictimaiyyət qarşısında üzr istədi, etiraf etdi ki, yanlışlıq edib. Rusiya Prezidentinin mətbuat katibi cənab Peskov məmnunluqla qeyd etdi ki, Paşinyanın "İskəndər"lərin ünvanına uğursuz açıqlamaları mövzusu bağlandı. Hesab edək ki, Moskva bu yanlışlığa görə onu bağışladı. Əks halda, çətin ki, Rusiya Prezidentinin mətbuat katibi tərəfindən belə bir şərh olardı", - deyə Korotçenko qeyd edib.

Qeyd edək ki, fevralın 25-i Ermənistan Silahlı Qüvvələrinin Baş Qərargahı ölkənin Baş naziri Nikol Paşinyanın istefasını tələb edib. Bu barədə Ermənistanın Baş Qərargah rəisi Onik Qasparyan, onun bütün müavinləri, bütün böyük hərbi birliklərin idarə rəhbərləri və komandirləri bəyanat imzalayıblar.

Hərbçilər qeyd ediblər ki, Ermənistan Baş Qərargah rəisinin birinci müavini Tiran Xaçatryanın istefaya göndərilməsi barədə qərarın milli və dövlət maraqları nəzərə alınmadan, yalnız şəxsi ambisiyalara əsaslanaraq verildiyini hesab edirlər.

Ermənistanda qarşıdurma yeni mərhələyə keçir: Prezidentin impiçmenti gündəmə gəlir>>

"Belə çətin şəraitdə verilən qərar dövlət əleyhinə olan məsuliyyətsiz addımdır", - deyə bəyanatda bildirilir.

Buna cavab olaraq Ermənistanın Baş naziri Nikol Paşinyan ölkənin Baş Qərargahının bəyanatını hərbi çevrilişə cəhd adlandırıb və Onik Qasparyanın tutduğu vəzifədən azad olunması barədə qərar verib.

Bundan sonra Ermənistan Prezidenti Armen Sarkisyan bu ölkənin Silahlı Qüvvələrinin Baş Qərargah rəhbəri Onik Qasparyanın işdən çıxarılması barədə qərarı imzalamayıb və onu geri, Baş nazir Nikol Paşinyana göndərib. Paşinyan isə təkrarən qərarı Sarkisyana qaytarıb. Məsələnin Konstitusiya Məhkəməsində həll olunacağı ehtimalı var.

19
Teqlər:
Moskva, "İskəndər", Nikol Paşinyan, müsahibə, İqor Korotçenko
Little Big qrupunun üzvləri Sofya Tayurskaya və İlya Prusikin, arxiv şəkli

“Little Big” qrupunun sabiq solistinin meyitini tapdılar

0
(Yenilənib 13:49 02.03.2021)
Musiqi karyerasından əlavə, Kastelyanos tədbirlərdə aparıcılıq edər və filmlərdə çəkilərdi. “Little Big” qrupunun Rusiyada və Avropada qazandığı populyarlığın artmasına baxmayaraq, sənətçi 2016-cı ildə qrupdan ayrılmışdı.

BAKI, 2 mart — Sputnik. “Little Big” qrupunun sabiq üzvü Anna Kastelyanos evində ölmüş vəziyyətdə tapılıb.

Sputnik Azərbaycan xarici mediaya istinadən xəbər veriri ki, 40 yaşlı müğənninin meyitini Sankt-Peterburq şəhərindəki mənzilində könüllü aşkarlayıb. Onun ölüm səbəbi açıqlanmır.

Qeyd edək ki, Kastelyanos üçüncü qrup əlil idi, son yarım ildə isə o, yataq xəstəsi olmuşdu.

Musiqi karyerasından əlavə,  Kastelyanos tədbirlərdə aparıcılıq edər və filmlərdə çəkilərdi. “Little Big” qrupunun Rusiyada və Avropada qazandığı populyarlığın artmasına baxmayaraq, sənətçi 2016-cı ildə qrupdan ayrılmışdı.

 

0
Teqlər:
Rusiya, meyit, ölü, müğənni