Səməd Seyidov - Azərbaycanın AŞPA-dakı nümayəndə heyətinin sədri

Səməd Seyidov vəzifəsindən uzaqlaşdırılması xəbərindən danışdı

54
(Yenilənib 12:32 01.02.2016)
Millət vəkili: "Məni çox məşhurlaşdırdılar. Çünki Avropadan, Rusiyadan, eləcə də başqa ölkələrdən mənə arası kəsilməyən zənglər gəlirdi"

BAKI, 1 fev — Sputnik. "Mətbuatda Azərbaycanın AŞPA-dakı nümayəndə heyətinin rəhbəri vəzifəsindən kənarlaşdırılmağımla bağlı yazılanlar məni çox təəccübləndirdi. Məni çox məşhurlaşdırdılar. Çünki Avropadan, Rusiyadan, eləcə də başqa ölkələrdən mənə arası kəsilməyən zənglər gəlirdi. Konkret cavabım ondan ibarətdir ki, bu məlumatlar tamamilə yalnışdır".

Sputnik xəbər verir ki, bunu Azərbaycanın AŞPA-dakı nümayəndə heyətinin rəhbəri Səməd Seyidov deyib. Onun sözlərinə görə, nümayəndə heyətinin tərkibi təsdiq olunaraq parlament tərəfindən göndərilib: "Hazırda nümayəndə heyətinin rəhbəri vəzifəsini yerinə yetirirəm. Düzdür, AŞPA-nın yanvar sessiyasında iştirak etməmişəm. Bu da səhhətimdə yaranan problemlərlə əlaqədardır".

"Lakin mətbuatda yazıldığı kimi kənarlaşdırılma, hansısa məktublar, Ermənistanın məktublardan istifadə olunması və digər məlumatın hamısı həqiqətə uyğun olmayan məsələlərdir", —deputat bildirib.

S. Seyidov bəyan edib ki, nümayəndə heyəti yanvar sessiyasında öz fəaliyyətini çox yüksək səviyyədə təşkil edib: "Müavinim Vüsal Hüseynov orada mənim əvəzimdən iştirak edirdi. İşimizi bundan sonra da layiqincə davam etdirəcəyik. Bu məsələlər sadəcə Azərbaycanın imicinə xaricdə zərər gətirə biləcək məsələlərdir. Ona görə də mətbuatdan xahiş edirəm ki, hansısa məlumatı verməmişdən qabaq nümayəndə heyətinin rəhbərinin münasibətini soruşun".

54
Teqlər:
AŞPA-dakı nümayəndə heyəti, Səməd Seyidov, AŞPA, deputat, millət vəkili
Əlaqədar
"Dağlıq Qarabağ münaqişəsinin AŞPA-da müzakirəsi baş aldatmaqdır"
"AŞPA işğalçıların əlində oyuncağa çevrilib"
Sabah AŞPA-da Azərbaycanla bağlı tarixi qərar verilə bilər
AŞPA-nın bəyanatı Azərbaycanda etiraz doğurdu
Rusiya AŞPA-nın qış sessiyasını boykot etdi
Fransada etirazlar

Parisi göz yaşları içində dağıdırlar - VİDEO

31
(Yenilənib 20:20 05.12.2020)
Bugünkü mitinq Port-de-Lildən başlayıb və Respublika meydanılnadək uzanıb. Etirazçıların önündə qara paltarlı adamlar irəliləyiblər, adətən, onlar dinc aksiyaları davaya, dağıntılara çevirmələri ilə tanınırlar

BAKI, 5 dekabr - Sputnik. Parisdə "Qlobal təhlükəsizlik" haqda qanun layihəsinə qarşı keçirilən etiraz aksiyası darmadağına çevrilib. 

​Sputnik France xəbər verir ki, "Hər kəs polisə nifrət edir" qışqıran etirazçılar hüquq mühafizə işçilərinə daş və petarda yağdırır, fayer yandırırlar. Polis isə cavabında gözyaşardıcı qazdan istifadə edir. 

​Etirazçılar vitrinləri sındırır, barrikada qurur, küçələrdəki müşahidə kameralarını sıradan çıxarırlar. Onlar Qambet avenyusunda ən azı üç avtomobili yandırıblar. Hadisə yerinə yanğınsöndürənlər gəliblər. 

​Milli Şura noyabrın 24-də "Qlobal təhlükəsizlik haqda" qanun layihəsini birinci oxunuşda qəbul edib. Onun 24-cü maddəsi polisin, jandarmın vəzifələrini icra edən zaman "onların fiziki və ya psixi toxunulmazlığına açıq-aşkar xələl gətirmək məqsədilə" "üzünün şəklinin, yaxud digər identifikasiya elementinin" yayılmasına görə 45 min avro cərimə və həbs cəzasını nəzərdə tutur. 

​Bu maddə jurnalistlərin həmkarlar ittifaqının narazılığna səbəb olub, onlar hesab edirlər ki, bu, söz azadlığına ciddi ziyan vuracaq, vətəndaşlar və KİV isə manifestasiyalar zamanı hüquq-mühafizə orqanlarının əməkdaşlarının işini asudə işıqlandıra bilməyəcəklər.  Milli Şura tənqid olunan maddəni yenidən yazmağa qərar versə də həmkarlar ittifaqları yenidən etirazlara səsləyiblər. Parlamentin yuxarı palatası isə qətnaməyə yanvarda baxacaq. 

Bugünkü mitinq Port-de-Lildən başlayıb və Respublika meydanılnadək uzanıb. Etirazçıların önündə qara paltarlı adamlar irəliləyiblər, adətən, onlar dinc aksiyaları davaya, dağıntılara çevirmələri ilə tanınırlar. 

Polis aksiyada iştirak edənlərdən 22 nəfərinin həbs olunduğunu bildirib.

31
Teqlər:
darmadağın, dağıntı, mitinq, etiraz, Paris, Fransa
 Türkiyə Prezidenti Rəcəb Tayyib Ərdoğan, arxiv şəkli

Azərbaycanlı qardaşlarımızın sayəsində Qarabağ səmasını ay-ulduz bəzəyir - Ərdoğan

20
(Yenilənib 19:25 05.12.2020)
"Yenə də vurğulamaqda fayda görürəm: Azərbaycan kimsənin torpağına əl uzatmadı, kimsəyə hücum etmədi, Birləşmiş Millətlər Təşkiları və ATƏT-in qərarına rəğmən 30 il işğal altında saxlanan torpaqlarını azad etdi"

BAKI, 5 dekabr - Sputnik. "Ermənilər Azərbaycan torpaqlarına hücum edəndə bütün qəlbimiz və imkanlarımızla qardaşlarımızın imdadına yetişdik. Qarslılar bu erməniləri çox yaxşı tanıyırlar. Ortaq tariximiz, mədəniyyətimiz, inancımız və dil birliyimizin tələb etdiklərini gerçəkləşdirərək Dağlıq Qarabağ və ətrafındakı işğal altında olan Azərbaycan torpaqlarının azadlığına qovuşmasında bir zəhmətimiz oldu. Azərbaycanlı qardaşlarımızın mücadiləsi nəticəsində, həmd olsun, Qarabağ səmalarını əskilər deyil, ay-ulduzlu bayraqlar bəzəyir".

Sputnik Azərbaycan bildirir ki, bunu Türkiyə Prezidenti Rəcəb Tayyib Ərdoğan videobağlantı ilə qatıldığı Sarıkamış-Karakurt-Xorasan yolunun açılış mərasimində söyləyib. 

"Azərbaycan bayrağı şəhidlərimizin qəhrəmanlıqlarının timsalı olaraq Dağlıq Qarabağda qürurla dalğalanır. İnşallah, Naxçıvan ilə Azərbaycan arasındakı əlaqəni təmin edəcək dəhlizin açılmasıyla qardaşlarımızla birbaşa quru yolu əlaqəsi quracağıq", - deyən Ərdoğan əlavə edib ki, bu işdən ən çox faydanı da Qars görəcək. 

30 illik işğaldan sonra Azərbaycanın öz torpaqlarına yenidən qovuşmasının haqlı sevincini yaşadığını vurğulayan Ərdoğan deyib ki, Qarabağda qazanılan zəfər həm beynəlxalq hüquq, həm diplomatiya, həm də hərbi baxımdan Azərbaycana anasının ağ südü kimi halaldır. 

"Yenə də vurğulamaqda fayda görürəm: Azərbaycan kimsənin torpağına əl uzatmadı, kimsəyə hücum etmədi, Birləşmiş Millətlər Təşkiları və ATƏT-in qərarına rəğmən 30 il işğal altında saxlanan torpaqlarını azad etdi. Bunu da ermənilər kimi mülki əhalini, yaşayış məntəqələrini hədəf alaraq deyil, legitimlik çərçivəsində gerçəkləşdirdi. Bu durumda bir gün əvvəl Minsk qrupu həmsədrlərindən olan Fransanın parlamentinin müzakirə elədiyi qətnamə qalmaqaldan da betər bir faciədir", - deyə Türkiyə lideri bildirib. 

Azərbaycan Prezidenti İlham Əliyevin: "Fransa, əgər erməniləri bu qədər çox sevirsə, özünün Marsel şəhərini onlara verə bilər" sözlərini xatırladan Ərdoğan heç bir dövlətin digərinin suverenliyinə bu dərəcədə alçaqcasına hücum etməsinin qəbul edilməyəcəyini söyləyib. 

20
Teqlər:
Rəcəb Tayyip Ərdoğan, Qars, Türkiyə, Azərbaycan, Qarabağ
Sarımsaq, arxiv şəkli

Təbii antibiotik zərərli imiş

0
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

0
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq