İqtidar - müxalifət dialoqu

Azərbaycan müxalifətinin anti-böhran təklifləri

203
(Yenilənib 16:24 11.01.2016)
Politoloq: "Yaranmış situasiyada ölkənin birinci şəxsi və aparıcı siyasi partiya liderləri və vətəndaş cəmiyyətinin, mətbuatın tanınmış nümayəndələri ölkədə yaranmış iqtisadi-siyasi problemlərdən çıxış yollarını müzakirə etməlidirlər. Hazırkı şəraitdə bu gərginliyin aradan qaldırılması üçün ölkədə vətandaş sülhünə ehtiyac var"

Azərbaycan müxalifətinin anti-böhran təklifləri
BAKI, 8 yan — Sputnik. Azərbaycanın milli valyutası olan manatın kəskin dəyərdən düşməsi və ölkə ixracatının əsasını təşkil edən neftin ucuzlaşması ilə yeni sosial-iqtisadi durum yaranıb. Vəziyyətdən çıxış yolları aramaq üçün müxtəlf fikirlər səslənməkdədir. Hakim Yeni Azərbaycan Partiyası (YAP) Siyasi Şurasının üzvü, deputat Aydın Mirzəzadə müxalifətdən də iqtisadi məsələlərlə bağlı təklif gözlədiklərini söyləyib. Deputat deyib ki, hakimiyyət istənilən məsələyə dair müzakirə apara bilər.

Bəs vəziyyətdən çıxmaq üçün müxalifətin hansı təklifləri və konsepsiyası var? Azərbaycan Demokrat Partiyasının (ADP) sədri Sərdar Cəlaloğlu Sputnik-ə açıqlamasında deyib ki, iqtidara üç ciddi siyasi təklif irəli sürmək istəyirlər: "Birinci yeni parlament seçkiləri keçirmək və parlamentin icra hakimiyyəti üzərində nəzarətin təmin etmək. İkinci koalisyon hökümət yaradaraq, yeni təfəkkürlü idarəetmə sisteminə keçilməlidir. Biz bilirik ki, hakimiyyətin tam dəyişməsi özü də bu böhranı həll edə bilməz. Əksinə dərinləşdirər. Üçüncüsü isə beynəlxalq administrasiyanı milli administrasiyanının fəaliyyətinə buraxmaq".

Onun fikrincə, bu o deməkdir ki, beynəlxalq təşkilatlar Azərbaycanda aparılan islahatlara nəzarət eləməlidir: "Onların təklif və ideayaları əsasında bu vəziyyətdən çıxmalıyıq".

Председатель Демократической партии Азербайджана Сардар Джалалоглу
wikimedia.org
Председатель Демократической партии Азербайджана Сардар Джалалоглу

Sərdar Cəlaloğlunun fikrincə, bu üç siyasi addım aparılmayana qədər Azərbaycanda heç bir iqtisadi-sosial islahatın nəticəsi olmayacaq.

Müsavat Partiyasının başqan müavini Elman Fəttah isə Sputnik-ə açıqlamasında Müsavatın yaranmış ağır böhranı ciddi şəkildə araşdırdığını dedi. Onun sözlərinə görə, partiyanın rəhbər strukturlarında bunun müzakirəsi davam edir.

Заместитель башгана партии Мусават Эльман Фаттах
Facebook/ Elman Fettah
Заместитель башгана партии "Мусават" Эльман Фаттах

"Təhlillər, analizlər yekunlaşdırılıb, partiyanın növbəti divanının iclasında böhrandan çıxış yollarını özündə ehtiva eləyən sənəd ictimaiyyətə açıqlanacaq. Böhrandan çıxmaq üçün hansısa addım atmaq istəyirlərsə, həmin təkliflərdən yararlana bilərlər. Biz orada həmin sahə üzrə mümkün olan bütün məsələləri göstərəcəyik", —Müsavat yetkilisi bildirdi.

Bir müddət öncə AXCP sədri Əli Kərimli də öz bloq yazısında mövcud durumla bağlı təkliflərini vermişdi.

Bütün bunları dəyərləndirən müstəqil politoloq Azər Rəşidoğlunun fikrincə, hazırkı situasiyada ölkə rəhbərliyi ilə müxalifət liderlərinin dialoqu qaçılmazdır: "Güman edirəm ki, yaranmış situasiyada ölkənin birinci şəxsi və aparıcı siyasi partiya liderləri və vətəndaş cəmiyyətinin, mətbuatın tanınmış nümayəndələri ölkədə yaranmış iqtisadi-siyasi problemlərdən çıxış yollarını müzakirə etməlidirlər. Hazırkı şəraitdə bu gərginliyin aradan qaldırılması üçün ölkədə vətandaş sülhünə ehtiyac var. Məhz bu baxımdan dediyimiz predimet ətrafında ölkə prezidenti və vətəndaş cəmiyyətinin, siyasi spektrin görkəmli nümayəndələrinin dialoqu qaçılmaz görünür".

Независимый политолог Азер Рашидоглу
Независимый политолог Азер Рашидоглу

Siyasi şərhçinin fikrincə, bu dialoq ictimaiyyətə açıq olmalıdır və şəffaf aparılmalıdır: "İctimaiyyət bilməlidir ki, kimlər arasında dialoq gedir və bu dialoqda nələr müzakirə edilir. Əks halda həmin müzakirələrin heç bir effekti olmayacaq".

Xatırladaq ki, ötən il parlament seçkilərindən əvvəl Azərbaycan Prezidentinin ictimai-siyasi məsələlər üzrə köməkçisi Əli Həsənov siyasi partiya rəhbərləri ilə bir neçə dəfə görüşlər keçirib. Demokratik Qüvvələrin Milli Şurasında təmsil olunan partiyalar bu görüşlərin heç birinə qatılmayıb.

203
Teqlər:
müsavat, dialoq, böhran, ADP sədri, müxalifət, politoloq
Əlaqədar
Azərbaycanın yeni müxalifəti - bisnes elita
Müxalifət partiyaları təbliğat-təşviqat prosesindən razıdırlar
Müxalifət partiyaları birləşsin, ya yox: cavablar müxtəlifdir
Müxalifət liderləri də Avropa Oyunlarının açılışında iştirak edəcəklər
Türkiyə Böyük Millət Məclisinin sədri Mustafa Şentop

Azərbaycan Türkiyə spikerləri: "Bu iki qardaş xalq həmişə bir-birinin yanında olacaq"

20
(Yenilənib 23:27 29.10.2020)
Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

BAKI, 29 oktyabr — Sputnik. Oktyabrın 29-da Milli Məclisin Sədri Sahibə Qafarova Türkiyə Böyük Millət Məclisinin Sədri Mustafa Şentopla telefonla danışıb.

Sputnik Azərbaycan-ın məlumatına görə, Milli Məclisin Sədri türkiyəli həmkarına 29 oktyabr - Cümhuriyyət Günü münasibətilə təbriklərini çatdırıb, qardaş türk xalqına tərəqqi və firavanlıq arzulayıb.

Milli Məclisin Sədri qardaş Türkiyə Respublikasının Ermənistan-Azərbaycan Dağlıq Qarabağ münaqişəsi ilə bağlı ölkəmizə göstərdiyi dəstəyə görə bir daha minnətdarlığını bildirib, iki qardaş xalqın həmişə bir-birinin yanında olacağına əminliyini ifadə edib.

Sahibə Qafarova Ermənistanın son dövrlər döyüş meydanında məruz qaldığı uğursuzluqlarla barışmayaraq mülki əhalini hədəfə aldığını və bunun insanlıq əleyhinə yönələn müharibə cinayəti olduğunu ifadə edib.

Sahibə Qafarova telefon söhbətinin sonunda bildirib ki, bütün Azərbaycan xalqı öz dövlətinin və Prezidentinin yanındadır. "Möhtərəm Prezidentimiz İlham Əliyevin rəhbərliyi ilə Azərbaycanda bərqərar olmuş güclü idarəçilik sistemi, iqtidarla xalq arasında mövcud olan sarsılmaz birlik Dağlıq Qarabağ məsələsinin tamamilə həllini təmin edəcək".

Təbriklər və xoş sözlər üçün təşəkkürünü bildirən Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

20
Azərbacyan XİN-nin binası, arxiv şəkli

XİN əsir düşmüş ermənilərlə bağlı məlumat yayıb

42
(Yenilənib 22:45 29.10.2020)
XİN: Azərbaycan tərəfinin bu humanitar addımının həyata keçirilməsində Rusiya Federasiyasının Müdafiə Nazirliyi müstəsna rol oynayıb.

BAKI, 29 oktyabr - Sputnik. Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyasının məlumatına görə, bu ilin 29 oktyabr tarixində Azərbaycan Respublikası Müdafiə Nazirliyinin iştirakı, ATƏT və Beynəlxalq Qızıl Xaç Komitəsinin vasitəçiliyi ilə 30 erməni hərbçisinin meyiti birtərəfli qaydada Azərbaycanın Tovuz rayonunun Əlibəyli kəndi istiqamətində Ermənistan tərəfinə təhvil verilib. Bir gün öncəsində isə döyüş bölgəsində köməksiz buraxılıb gedilən mülki şəxs, 85 yaşlı Yevgeniya Babayan Gürcüstan-Ermənistan sərhədində qarşı tərəfə təhvil verilib.

Sputnik Azərbaycan xəbər verir ki, bu barədə məlumatı XİN-in Mətbuat Xidməti idarəsi yayıb.

Məlumatda bildirilir ki, AR Prezidentinin tapşırığı ilə və humanizm prinsiplərindən çıxış edərək birtərəfli qaydada atılan bu addımlar, Azərbaycanın xoş niyyətinin, eləcə də beynəlxalq humanitar hüquq və insani dəyərlərə verdiyi dəyərin göstəricisidir.

Öz növbəsində Ermənistan tərəfi, erməni mülki şəxs, 84 yaşlı Mişa Melkumyanı son anda təhvil almaqdan imtina edərək növbəti dəfə qeyri-insani davranışını nümayiş etdirib.

XİN vurğulayıb ki, Ermənistanın bu günədək 3 dəfə elan olunmuş humanitar atəşkəsi kobud şəkildə pozaraq cəsədlərin, eləcə də hər iki tərəfdə saxlanılan şəxslərin mübadiləsinə əngəl törətməsinə baxmayaraq, Azərbaycan birtərəfli qaydada humanitar addımı reallaşdırıb.

"Azərbaycan tərəfinin bu humanitar addımının həyata keçirilməsində Rusiya Federasiyasının Müdafiə Nazirliyi müstəsna rol oynayıb. Humanizm prinsipləri hər zaman olduğu kimi, bundan sonra tərəfimizdən əsas götürüləcək", - deyə məlumatda bildirilir.

42
Əlaqədar
Ermənistan girov düşmüş qoca ermənini geri almaqdan imtina etdi
Axundov: "Ermənistan nə hərbçilərinin meyitini, nə də vətəndaşlarını təhvil almaq istəyir"
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

0
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

0