Флаг России

Rusiyanın Qarabağ məsələsində müəyyən addımlar atması gözlənilir

58
Rusiyanın Dağlıq Qarabağ məsələsində müəyyən addımlar atması gözlənilir, ancaq hələlik bu addımların nədən ibarət olması bəlli deyil. Bunu Sputnik-ə açıqlamasında politoloq Elxan Şahinoğlu deyib.

BAKI, 22 sen — Sputnik. Rusiyanın Dağlıq Qarabağ məsələsində müəyyən addımlar atması gözlənilir, ancaq hələlik bu addımların nədən ibarət olması bəlli deyil. Bunu Sputnik-ə açıqlamasında politoloq Elxan Şahinoğlu deyib.

Onun sözlərinə görə, Azərbaycan və Türkiyə prezidentlərinin sentyabrın 23-də  Moskvaya nəzərdə tutulan səfərlərində bu məsələ ətrafında Rusiya prezidenti Vladimir Putinlə keçiriləcək görüşdə fikir mübadiləsi aparılacaq. 

“Çünki  Rusiya XİN rəhbəri bu yaxınlarında  Bakıda səfərdə oldu və belə təəssürat yarandı ki, Moskva  Qarabağ münaqişəsinin həllində aktivləşmək istəyir. Ancaq bu nə fəallaşmadır, o müəmmalıdır”, — deyə  politoloq vurğulayıb.

Politoloq hesab edir ki, əgər burada söhbət Dağlıq  Qarabağ ətrafındakı bir neçə rayonun boşaldılmasından və Rusiyanın Ermənistanı bu şərtlərə vadar etməsindən gedirsə, o zaman  maraqlıdır ki, bunun qarşılığında Azərbaycandan nə istənilir. “Bax bu, başlıca amildir. Bu təklif qarşısında Azərbaycan Avrasiya İttifaqına qoşulur, yoxsa Dağlıq Qarabağda sülhməramlı adı altında rus qoşunları yerləşdirilir? Danışıqların detalları bəlli deyil. Bunlar önəmli məsələlərdir.  Əgər Rusiyanın təklifləri varsa, bu məsələlər çox güman ki, Moskvada  bir daha müzakirə olunacaq”, — deyə politoloq qeyd edib.

Şahinoğlu onu da əlavə etdi ki, bu müzakirələrin nəticəsində konkret fikrə gəlinməyəcək. “Tərəflər yenə də  öz mövqelərində qalacaq. İnanmıram  ki, qısa zamanda Rusiya Ermənistana təzyiq etsin”, — deyə o vurğulayıb.

58
Teqlər:
rus qoşunları, danışıqlar, sülhməramlı, tərəflər, səfər, fikir mübadiləsi, amil, müzakirə, rayon, politoloq, Dağlıq Qarabağ məsələsi, Qarabağ münaqişəsi, Avrasiya İttifaqı, Azərbaycan və Türkiyə prezidentləri, Rusiya XİN rəhbəri, Rusiya prezidenti, Elxan Şahinoğlu, Vladimir Putin, Ermənistan, Qarabağ, Moskva, Rusiya, Türkiyə, Azərbaycan
Əlaqədar
Moskvada Rusiya-İsrail gərginliyi yaşandı
Rusiya müxalifəti küçələrə axışıb
Rusiya Belorusiyada hərbi baza yaradır
Rusiya DİN: İŞİD sıralarında 1800 Rusiya vətəndaşı döyüşür
Sergey Lavrov: Rusiya və Türkiyə dialoqun başlanmasında maraqlıdır

Politoloq: “Bu razılaşma Vətən müharibəsindəki qələbədən sonra ən böyük uğur sayıla bilər”

27
Atlas Araşdırmalar Mərkəzinin rəhbəri, politoloq Elxan Şahinoğlu deyir ki, gərək SSRİ dağıldıqdan sonra yatağın birgə istismarı ilə bağlı razılığa gəlinəydi
Elxan Şahinoğlu: “Azərbaycan-Türkmənistan arasındakı anlaşmazlıqlar keçmişdə qaldı”

Yanvarın 21-də Azərbaycan Respublikası Hökuməti ilə Türkmənistan Hökuməti arasında Xəzər dənizində “Dostluq” yatağının karbohidrogen resurslarının birgə kəşfiyyatı, işlənilməsi və mənimsənilməsi haqqında Anlaşma Memorandumu imzalanıb.

Atlas Araşdırmalar Mərkəzinin rəhbəri, politoloq Elxan Şahinoğlu Sputnik Azərbaycan-a deyir ki, imzalanmış bu memorandum Vətən müharibəsindəki qələbədən sonra bu il ərzində qazandığımız ən böyük uğur sayıla bilər:

“İki ölkə arasında 25 ildir mübahisə davam edirdi. SSRİ dönəmində bu yataq Azərbaycan neftçiləri tərəfindən kəşf edilmişdi. Gərək SSRİ dağıldıqdan sonra yatağın birgə istismarı ilə bağlı razılığa gəlinəydi. Bu memorandum yeni uğurları gətirə bilər. Gəlinən razılıqlar hər kəsin faydasınadır. Memorandumun imzalanması ilə Azərbaycan-Türkmənistan arasındakı anlaşmazlıqlar keçmişdə qaldı”.

Elxan Şahinoğlunun geniş şərhinə audiofaylda qulaq asa bilərsiniz

27
 Prezident Administrasiyasının Xarici siyasət məsələləri şöbəsinin müdiri Hikmət Hacıyev

ABŞ Azərbaycan Ermənistan arasında sülh quruculuğuna töhfə verə bilər

26
(Yenilənib 23:29 25.01.2021)
İşğaldan azad olunmuş ərazilərdə "smart", yaşıl şəhərlərin qurulacağını qeyd edən H.Hacıyev bu prosesdə ABŞ-ın özəl sektoru üçün geniş imkanların olduğunu əlavə edib.

BAKI, 25 yanvar - Sputnik. ABŞ-ın yeni administrasiyasının Cənubi Qafqaz regionu ilə daha aktiv şəkildə əməkdaşlıq edəcəyinə ümid edirik.

Sputnik Azərbaycan xəbər verir ki, bu fikri Azərbaycan Respublikası Prezidentinin köməkçisi, Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev ABŞ-ın aparıcı beyin mərkəzi "Atlantic Council"in virtual formatda müzakirəsində çıxışı zamanı deyib.

H.Hacıyev bildirib ki, ABŞ Azərbaycan və Ermənistan arasında sülh quruculuğu prosesinə töhfə verə bilər. O deyib ki, ABŞ-ın post-konflikt dövründə quruculuqla bağlı zəngin təcrübəsi və təşəbbüsləri olub və bu istiqamətdə Cənubi Qafqaza da töhfə verə bilər.

H.Hacıyev ABŞ-ın həm ölkə olaraq təktərəfli şəkildə, həm də ATƏT-in Minsk Qrupunun həmsədri olaraq sülh quruculuğu, münaqişədən sonra rekonstruksiya, yenidənqurmada aktiv rol oynaya biləcəyini vurğulayıb.

İşğaldan azad olunmuş ərazilərdə "smart", yaşıl şəhərlərin qurulacağını qeyd edən H.Hacıyev bu prosesdə ABŞ-ın özəl sektoru üçün geniş imkanların olduğunu əlavə edib.

26
Yerevanda etirazlar, arxiv şəkli

Yerevanda gərginlik, Ermənistan XİN-də kütləvi istefa dalğası

0
Nəşr yazır ki, Ermənistanın xarici işlər naziri Ara Ayvazyanın Baş nazir Nikol Paşinyanla da münasibətləri hamar deyil. Belə ki, Ayvazyan nazir təyin olduğu qısa zaman ərzində dəfələrlə Baş nazirin fikirləri ilə razı olmadığını bildirib.

BAKI, 26 yanvar — Sputnik. Ermənistan Xarici İşlər Nazirliyində (XİN) kütləvi şəkildə istefa ərizəsi təqdim edən peşəkar diplomatların sayı artır. Sputnik Azərbaycan Ermənistanın "Past" qəzetinə istinadən xəbər verir ki, Ermənistan XİN-ə onlarla istefa ərizəsi təqdim olunub.

"XİN rəsmisi qəzetə müsahibəsində qeyd edib ki, istefalar Ermənistan rəhbərliyinin anlaşılmaz xarici siyasəti və Paşinyanın bir sıra siyasi xadimləri səfir təyin etmək istəyi ilə bağlıdır. Yəni təcrübəli və peşəkar diplomatlar Nikol Paşinyanın bu sahədə siyasi və "biabırçı dərəcədə zəif" təyinatlarından narazıdırlar.

Nəşr yazır ki, Ermənistanın xarici işlər naziri Ara Ayvazyanın Baş nazir Nikol Paşinyanla da münasibətləri hamar deyil. Belə ki, Ayvazyan nazir təyin olduğu qısa zaman ərzində dəfələrlə Baş nazirin fikirləri ilə razı olmadığını bildirib.

"Bizdə olan məlumata görə, yaxın vaxtlarda Ayvazyanın özünün də istefası mümkündür", - deyə nəşr yazır.

0
Teqlər:
istefa, XİN, Ermənistan