Əsgər

Təmas xəttində vəziyyətin gərginləşməsi ABŞ-ı narahat edir

8
(Yenilənib 11:14 11.09.2015)
ABŞ Dövlət Departamenti Ermənistan və Azərbaycanın bir-birinə qarşı ağır silahlardan istifadə edilməsi barədə məlumatlar əldə etdiyini bəyan edib və tərəfləri güc istifadə etməkdən yayınmağa çağırıb.

BAKI, 11 sen — Sputnik. ABŞ Dövlət Departamenti Ermənistan və Azərbaycanın bir-birinə qarşı ağır silahlardan istifadə edilməsi barədə məlumatlar əldə etdiyini bəyan edib və tərəfləri güc istifadə etməkdən yayınmağa çağırıb.

“Biz, Ermənistan və Azərbaycan qüvvələrinin beynəlxalq sərhəd boyunca minaatanlardan və digər ağır silahlardan istifadə  etməsi, mülki əhali arasında itkilərin olması və kəndlərə ziyan dəyməsi barədə etibarlı məlumatlar əldə etmişik.  Biz  vəziyyətin gərginləşməsindən dərin narahatlıq hissi keçiririk  və mülki şəxslərə yönəlmiş istənilən hərbi addımları pisləyirik”, deyə departamentin nümayəndəsi Con Kirbi bildirib.

O tərəfləri mülki şəxslər arasında itkilərə yol verməməyə çağırıb.

“Biz gücdən istifadəyə dərhal son qoymağa, vəziyyətin sabitləşdirilməsinə çağırırıq və qətiyyətlə mülki əhali arasında itkilərə yol verməməyə çağırırıq”, deyə Kirbi əlavə edərək, tərəflərə ATƏT Minsk Qrupu çərçivəsində münaqişənin dinc yolla həlli yollarının axtarılmasına dair öhdəliklərini xatırladıb.

8
Teqlər:
ATƏT Minsk qrupu, Con Kirbi, ABŞ Dövlət Departamenti, Dağlıq Qarabağ, Qarabağ, Ermənistan, Azərbaycan
Türkiyə və Azərbaycan bayrağı, arxiv şəkli

Türkiyə səfirliyindən Azərbaycana Laçın təbriki

18
(Yenilənib 11:22 01.12.2020)
Bu barədə məlumat Türkiyənin Azərbaycan Respublikasındakı səfirliyinin rəsmi "Twitter" səhifəsində yerləşdirilib.

Eldar Tanrıverdiyev, Sputnik Azərbaycan

BAKI, 1 dekabr — Sputnik. "Laçının işğaldan azad edilməsi və Azərbaycan torpaqlarına yenidən qatılması münasibətilə ürəkdən təbriklərimizi paylaşırıq".

Sputnik Azərbaycan xəbər verir ki, bu barədə məlumat Türkiyənin Azərbaycandakı səfirliyinin rəsmi "Twitter" səhifəsində yerləşdirilib.

"Qarabağ Azərbaycandır!", - deyə məlumatda vurğulanır.

18
Teqlər:
təbrik, Türkiyə, Azərbaycandakı səfirliyi, Laçının azad olunması
Azərbaycan hərbçiləri, arxiv şəkli

Müzəffər Azərbaycan Ordusu Laçında! - VİDEO

254
(Yenilənib 00:21 01.12.2020)
Üçtərəfli bəyanata əsasən Müzəffər Azərbaycan Ordusunun bölmələri dekabrın 1-də Laçın rayonuna daxil olub.

BAKI, 01 dekabr - Sputnik. Azərbaycan Respublikası, Rusiya Federasiyası Prezidentləri və  Ermənistan Respublikası baş nazirinin imzaladığı üçtərəfli bəyanata əsasən, Azərbaycan Ordusunun bölmələri dekabrın 1-də Laçın rayonuna daxil olub.

Sputnik Azərbaycan bildirir ki, məlumatı və müvafiq videonu Azərbaycan Müdafiə Nazirliyi yayıb.

 

254
Teqlər:
Azərbaycan ordusu, Azərbaycan, Qarabağ, Laçın
Kino lenti, arxiv şəkli

"Kinematoqrafiya uğurlarına görə" beynəlxalq mükafatına kim layiq görüldü?

0
(Yenilənib 23:58 01.12.2020)
Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər.

BAKI, 1 dekabr — Sputnik. "Narimanfilm" kinostudiyasının direktoru, Azərbaycan Respublikası Əməkdar mədəniyyət işçisi Nəriman Məmmədov 2020-ci il noyabrın 27-də 13-cü Global Film Festival Noida və "MARWAН STUDIOS" (Hindistan) tərəfindən kinematoqrafiyanın irəliləyişi işində göstərdiyi əməyinə görə "Kinematoqrafiya uğurlarına görə" beynəlxalq mükafatı ilə təltif olunub.

Sputnik Azərbaycan-ın məlumatına görə, 13-cü Global Film Festival Noida 2020-ci il noyabr ayının 26-28 tarixlərində Hindistanda, Noida şəhərində yerləşən "MARWAН STUDIOS"-da keçirilmişdir. Bu, tələbələr, entuziastlar və kino professionalları daxil olmaqla, bütün dünya kinematoqrafiya cəmiyyəti ilə birlikdə kinonun gücünü tərənnüm edən ən böyük və tanınmış festivallardan biridir. Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər. Festivalın prezidenti məşhur Hindistan rejissoru, prodüseri, jurnalisti, həmçinin, Asiya Kino və Televiziyası Akademiyasının təsisçisi və prezidenti cənab Sandip Marvadır.

0
Teqlər:
tələbələr, rejissor, Hindistan, prodüser, mükafat