PKK-Kandil

Sovet kəşfiyyatçısı hansı ölkənin PKK-nı bəslədiyini açıqladı

6632
(Yenilənib 16:54 10.09.2015)
Mixail Şkodrin: Əsas prioritet hədəf Türkiyədə kürd-türk qarşıdurması yaradaraq vətəndaş müharibəsi başlatmaqdır.

BAKI, 10 sen – Sputnik. SSRİ DTK-nın keçmiş agenti Mixail Şkodrin Türkiyənin Takvim qəzetinə PKK ilə bağlı olduqca önəmli açıqlamalar verib. 

Sovetlər dövründə bir neçə dəfə İstanbula gəldiyini deyən keçmiş agent Mixail Şkodrin, Türkiyədə vətəndaş müharibəsi başlatmaq istəyən beynəlxalq təşkilatlar olduğunu və bunun üçün milyonlarla dollar pul xərcləndiyini deyib. 

Xüsusilə son dövrlərdə artan terror hücumları ərəfəsində, PKK-ya yaxınlığı ilə bilinən HDP partiyasının vətəndaş müharibəsi üçün zəmin hazırladığını bildirib.  

Mixail Şkodrin qəzetə daha sonra bunları deyib: 

"Sürətlə böyüyən və inkişaf edən bir Türkiyə var. Bu şübhəsiz belədir. Gedərək Avropa, Balkanlar və xüsusilə də Yaxın Şərqdə, hətta Afrikada güclənirsiniz. Bax bunu gözü götürməyənlər var. Güclü Türkiyə və güclü lider İsraili və Avropanı ciddi narahat edir”.

Bir çox ölkənin agentlərinin Türkiyədə olduğunu və böyük miqdarda pullar paylayaraq xalqı üsyana qaldırmaq istədiyini deyən Şkodrin, bunun səbəbini belə izah edib:

“Məqsəd siyasi və iqtisadi qeyri-sabitlik yaratmaqdır. Əsas prioritet hədəf Türkiyədə kürd-türk qarşıdurması yaradaraq vətəndaş müharibəsi başlatmaqdır. Onların hazırda ən böyük istəkləri ölkənin cənub şərqində başlayan xaosu iri şəhərlərə, İstanbula, İzmirə və Adanaya yaymaqdır. Hökumət vaxtında doğru addımlar atsa bunun qarşısını ala biləcək”.

6632
Teqlər:
SSRİ DTK-nın keçmiş agenti, keçmiş agent, Türkiyədə vətəndaş müharibəsi, SSRİ DTK, PKK terror təşkilatı, PKK, HDP, Mixail Şkodrin
ABŞ bayrağı, arxiv şəkli

ABŞ daha rejimləri devirməyəcək, xeyri yoxdur...

22
Amerikalılara televiziya ilə müraciətində Entoni Blinken qeyd edib ki, hazırkı hökumət demokratiyanı dəstəkləməkdən imtina etmir.

BAKI, 3 mart - Sputnik. ABŞ bundan belə rejimləri devirərək demokratiyanı güclə yeritməkdən əl çəkəcək. Çünki bunun artıq heç bir nəticəsi yoxdur. 

Sputnik Azərbaycan-ın məlumatına görə, bunu ABŞ dövlət katibi Entoni Blinken deyib.

Amerikalılara televiziya ilə müraciətində o qeyd edib ki, hazırkı hökumət demokratiyanı dəstəkləməkdən imtina etmir.

"Ancaq biz onu bahalı hərbi əməliyyatlar və ya avtoritar rejimləri güclə yıxmaq yolu ilə təşviq etməyəcəyik. Keçmişdə bu cür taktikanı sınadıq, niyyətimizin nə qədər xoş olmasına rəğmən, bu taktika işləmədi", - dövlət katibi deyib.

Onun sözlərinə görə, Vaşinqton bunu "başqa cür" edəcək, islahat və demokratiya cəhdlərində nümunə olmaqla.

Xatırladaq ki, Münhen konfransında ABŞ prezidenti Co Bayden "Amerikanın dünya arenasına qayıtdığını" bəyan etmişdi. Onun xarici siyasətində əsas yeri isə Avropa ilə əməkdaşlıq tutacaq.

22
Teqlər:
demokrat, dünya, ABŞ

"Heç filmdə görməzsən" - azərbaycanlıların mühəndis işləri erməniləri vəlvələyə saldı

80
(Yenilənib 22:03 03.03.2021)
İkinci Qarabağ müharibəsinin nəticəsi olaraq Azərbaycanla Ermənistan arasında sərhəd dəqiqləşdirmələri aparılır. Bu gün Şahverdilərdə başlanan mühəndis işləri erməniləri təşvişə salıb

BAKI, 3 mart - Sputnik. Azərbaycan Şahverdilər kəndində mühəndis işlərinin icrasına başlayıb. 

Sputnik Ermənistan bildirir ki, bu barədə Gorusun meri İrina Yolyan Facebook səhifəsində yazıb. 

"Bizim snayperlərimiz parlamentdə yerlərini alıb silahı xalqa tuşladıqları vaxt düşmən (azərbaycanlıları nəzərdə tutur - red.) bu gün Vorotanda (Şahverdiləri nəzərdə tutur - red.) mühəndis işlərinə başlayıb. Yəqin ki, az vaxtdan sonra görəcəyik ki, Vorotandan Şurnuxunun mərkəzinəcən səngər qazıblar. İşlər bütün perimetr boyu aparılır", - Yolyan yazıb və fotolar əlavə edib.

Onun sözlərinə görə, bu işlər barədə, çox güman ki, səlahiyyətli orqanlara və şəxslərə məlumat verilib, amma onlar susurlar. 

"Sakinlərin dinc həyatı təhlükə altındadır, kimsə də Süniyin iqtisadi inkişafından danışır. Nə deyəsən, ekstremal turizm üçün bütün şərait var: kəndin ortasında səngərlər və silahlı düşmən (azərbaycanlıları nəzərdə tutur - red.), beləsini heç filmdə də görməzsən", - Gorus meri yazıb.

İkinci Qarabağ müharibəsinin nəticəsi olaraq Azərbaycanla Ermənistan arasında sərhəd dəqiqləşdirmələri aparılır. Ermənistanın qanunsuz olaraq öz ərazisinə qatdığı ərazilərin bir qismi Azərbaycana qaytarıldığından orada yerləşdirilən əhali narazılıq edir.

80
Teqlər:
səngər, mühəndis təminatı, Şurnuxu kəndi, Azərbaycan, Ermənistan
Türkiyənin Cobra zirehli maşını, arxiv şəkli

Türkiyə minaya davamlı yeni zirehli maşınını göstərdi - VİDEO

0
Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

BAKI, 3 mart - Sputnik. Türkiyənin Otokar şirkəti Cobra sinfindən olan, mina əleyhinə müdafiə ilə təmin olunmuş təkərli zirehli Cobra II MRAP avtomobilini nümayiş etdirib. 

Sputnk Azərbaycan Anadolu agentliyinə istinadən bildirir ki, Cobra II MRAP ekipajı ballistik, mina və əldəqayırma partlayıcı təhlükəsindən qoruyur. 

​Zirehli maşının xüsusi konstruksiyası, təmir və xidmətin asanlığı hətta döyüş şəraitində belə onu tam və sürətli yığıb-sökməyə imkan verir. 

Zirehli maşında 11 sərnişin yerləşir, tələbə görə, üç və ya beş qapılı ola bilər.

Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

0