Vaşinqton Ağ Ev

Obama evdə Səudiyyə kralını qarşılamağa hazırlaşır

40
(Yenilənib 11:58 28.08.2015)
Seçildikdən sonra ABŞ-a ilk səfərini reallaşdıracaq olan Salman bin Əbdüləzizin Obama ilə Suriya və Yəməndəki hadisələri də müzakirə edəcəyi gözlənilir.

BAKI, 28 avq – Sputnik. Səudiyyə Ərəbistanı kralı Salman bin Əbdüləzizin yaxın günlərdə Vaşinqtona səfər edəcəyi və prezident Obama ilə görüşəcəyi bildirilib. Bu barədə Ağ Evdən yazılı açıqlama verilib. 

Açıqlamada Kral Salmanın səfərinin ABŞ ilə Səudiyyə Ərəbistanı arasındakı strateji tərəfdaşlığın əhəmiyyəti vurğulanıb. Məlumata görə kral sentyabrın 4-də Vaşinqtonda olacaq. 

Səfərdə əsas məqsədin iki ölkə arasındaki iqtisadi və hərbi əlaqələri daha da gücləndirmək, həmçinin terrorla mübarizədə qarşılıqlı əməkdaşlığı daha da artırmaq olduğu qeyd edilib.

Seçildikdən sonra ABŞ-a ilk səfərini reallaşdıracaq olan Salman bin Əbdüləzizin Obama ilə Suriya və Yəməndəki hadisələri də müzakirə edəcəyi gözlənilir.

40
Teqlər:
kral Salman, Səudiyyə Ərəbistanı kralı, prezident Obama, Ağ Ev, Barak Obama, Obama, Salman bin Əbdüləziz, Yəmən, Suriya, ABŞ
Azərbaycan hərbçiləri, arxiv şəkli

Müzəffər Ordumuz artıq Kəlbəcərdə!

74
(Yenilənib 01:14 25.11.2020)
Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.

BAKI, 25 noyabr - Sputnik. Azərbaycan Respublikası, Rusiya Federasiyası Prezidentləri və Ermənistan Respublikası baş nazirinin imzaladığı üçtərəfli Bəyanata əsasən, Azərbaycan Ordusunun bölmələri noyabrın 25-də Kəlbəcər rayonuna daxil olub.

Sputnik Azərbaycan bildirir ki, məlumatı Azərbaycan Müdafiə Nazirliyi yayıb. Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.
Gün ərzində Kəlbəcərdən foto və video materiallar təqdim olunacaq.

74
Teqlər:
Azərbaycan ordusu, Qarabağ, Kəlbəcər rayonu

Ərdoğan Qarabağa görə Putinə zəng vurdu

43
(Yenilənib 00:03 25.11.2020)
Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.

BAKI, 24 noyabr - Sputnik. Türkiyə Prezidenti Rəcəb Tayyib Ərdoğan rusiyalı həmkarı Vladimir Putinə zəng vurub.

Sputnik Azərbaycan Anadolu agentliyinə istinadən bildirir ki, iki ölkənin liderləri Türkiyə ilə Rusiya arasında ticari həcmin artırılması, Dağlıq Qarabağ, Suriya və Liviyadakı vəziyyəti müzakirə ediblər.

Ərdoğan Dağlıq Qarabağda Türkiyənin Rusiya ilə birlikdə quracağı Müştərək Mərkəzin qısa zamanda fəaliyyətə başlamasını gözlədiklərini vurğulayıb.

Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.  

Ərdoğan Minsk qrupu həmsədrlərinin sülh üçün atılan addımları tənqid etmələrini anlamadığını da dilə gətirib.   

43
Teqlər:
telefon zəngi, Vladimir Putin, Rəcəb Tayyip Ərdoğan, Azərbaycan, Rusiya, Türkiyə, Qarabağ