Gürcüstan və Rusiya

Gürcüstan Rusiyaya nota verdi

50
(Yenilənib 11:20 12.08.2015)
Gürcüstan Xarici İşlər Nazirliyi: Rusiya əsgərləri təkcə son bir ay ərzində, Cənubi Osetiyada sərhəd nişanlarının yerini üç dəfə dəyişiblər.

BAKI, 12 avq – Sputnik. Gürcüstanın Xarici İşlər Nazirliyi, Cənubi Osetiyadakı qanunsuz fəaliyyətlərinə görə Rusiyaya nota verib.

Nazirlik İsveçrənin Tiflisidəki səfirliyinə müraciət edərək notanın Kremlə çatdırılmasını xahiş edib. 

Gürcüstandan ayrılaraq, birtərəfli qaydada müstəqilliyini elan edən Cənubi Osetiyadakı Rusiya əsgərləri avqustun 10-da Gürcüstanın Kareli rayonunun "Tamaraşeni" və "Tseronissa" kəndlərində yeni sərhəd nişanları yerləşdirib. 

Gürcüstan Xarici İşlər Nazirliyinin məlumatına görə, rus əsgərlər təkcə son bir ay ərzində, sərhəd nişanlarının yerini üç dəfə dəyişiblər. 

“Rusiya Federasiyası təcavüzkar hərəkətləri ilə bölgədə qeyri-sabitlik və gərginlik yaratmağa davam edir”, deyə nazirliyin bəyanatında qeyd olunur.

Gürcüstanla Rusiya arasında 2008-ci ilin avqustunda baş verən qarşıdurma nəticəsində Rusiya, birtərəfli olaraq müstəqilliklərini elan edən Abxaziya və Cənubi Osetiyanı tanıdığını açıqlamış, Gürcüstan Rusiya ilə diplomatik əlaqələrini kəsmişdi. İki ölkə arasındakı diplomatik əlaqələri İsveçrənin Tiflisdəki və Moskvadakı səfirlikləri icra edir.

50
Teqlər:
nota göndərmək, Rusiyaya nota göndərmək, Gürcüstan Rusiya ilə diplomatik əlaqələri, Gürcüstan və Rusiya, Gürcüstanın Xarici İşlər Nazirliyi, Cənubi Osetiya, Abxaziya, Rusiya, Gürcüstan
Mübariz Əhmədoğlu, politoloq

Politoloq: “İran ABŞ-ın şərtlərinə əməl etsə, münasibətlər normallaşa bilər”

14
(Yenilənib 14:59 23.11.2020)
Politoloq Mübariz Əhmədoğlu deyir ki, bu iki ölkənin gələcək münasibətlərindən danışarkən İranın iqtisadi cəhətdən geriləməsini kənara qoymaq olmaz
Mübariz Əhmədoğlu: “Bayden prezident kürsüsündə oturan kimi İranı təhlil edəcək”

ABŞ rəhbərliyi ölkəsinin təktərəfli sanksiyalarına şamil olan İran fiziki və hüquqi şəxslərinin siyahısını növbəti dəfə genişləndirib. Bu barədə ABŞ Maliyyə Nazirliyi bildirib.

Politoloq Mübariz Əhmədoğlu Sputnik Azərbaycan-a deyir ki, ABŞ-ın İrana qarşı siyasətini  nəzərdən keçirərkən 4 il əvvəl Trampın hakimiyyətə gəldiyi dövrü xatırlamaq lazımdır:

“Tramp elə vəziyyət yaradır ki, Bayden hakimiyyətə gəlsə də, yeni administrasiya İranla münasibətləri normallaşdırmağa çətinlik çəksin. Bu iki ölkənin gələcək münasibətlərindən danışarkən İranın iqtisadi cəhətdən geriləməsini kənara qoymaq olmaz. Bayden prezident kürsüsündə oturan kimi İranı təhlil edəcək. O, İranın qarşısına şərt qoyacaq ki, bu ölkə qonşu dövlətlər üçün təhlükə yaratmasın. İran Baydenin şərtlərini qəbul etsə, ABŞ İranla əməkdaşlıq edə bilər”.

Mübariz Əhmədoğlunun geniş şərhinə audiofaylda qulaq asa bilərsiniz

14
Teqlər:
normallaşma, şərtlər, münasibətlər, İran, ABŞ
Ər-Riyad şəhərinə mənzərə, arxiv şəkli

Düşmən dosta çevriləndə ya Ər-Riyad niyə Tehranla Vaşinqtonu barışdırmaq istəyir?

50
(Yenilənib 11:38 23.11.2020)
Feysal ben Farhan Əl Saud hesab edir ki, yeni saziş həmçinin İslam Respublikasının Yəmən, Suriya və İraqda hərbi münaqişələrə müdaxiləsi məsələsini də həll etməlidir.

BAKI, 23 noyabr — Sputnik. Səudiyyə Ərəbistanı Birləşmiş Ştatlar və İranı barışdırmaq və Tehranın nüvə proqramının nizamlanması ilə bağlı Hərtərəfli Birgə Fəaliyyət Planının (HBFP) əvəzinə yeni sazişin imzalanmasına yardım etmək istəyir. Sputnik Azərbaycan xəbər verir ki, bunu Səudiyyə Ərəbistanı Krallığının Xarici İşlər naziri Feysal ben Farhan Əl Saud ABŞ-ın "CNBC" telekanalına müsahibəsində bildirib.

Nazirliyin rəhbəri yeni sazişi NBFP++ adlandırmağı təklif edib: "Bu saziş yalnız nüvə proqramını deyil, məsələn, həm də regionda dağıntılara səbəb olan İranın ballistik raketlər üzrə nüvə proqramını da əhatə edə bilər.

Feysal ben Farhan Əl Saud hesab edir ki, yeni saziş həmçinin İslam Respublikasının Yəmən, Suriya və İraqda hərbi münaqişələrə müdaxiləsi məsələsini də həll etməlidir: "Səudiyyə Ərəbistanı isə öz növbəsində Vaşinqton və Tehran arasında diskussiyalarda tərəfdaş olmalıdır".

Səudiyyə Ərəbistanı XİN rəhbəri, həmçinin ABŞ Prezidenti Donald Tramp Administrasiyasının İran tərəfinə qarşı siyasətini dəyərləndirərək bunu müsbət qiymətləndirib.

Daha əvvəl "The New York Times" nəşri yazıb ki, Tramp İranın nüvə proqramını dayandırmaq məqsədi ilə İrana hərbi zərbələr endirmək variantlarını müzakirə edib. Bir qədər öncə isə Atom Enerjisi üzrə Beynəlxalq Agentlik Tehranın uran ehtiyatlarının nüvə razılaşmasında göstərilən məbləğdən 12 dəfə çox olduğunu açıqlayıb.

Qeyd edək ki, Birləşmiş Ştatlar bu gündən etibarən Tehranın nüvə proqramı üzrə Birgə Hərtərəfli Fəaliyyət Planının (BHFP) razılaşdırılması nəticəsində dayandırılan genişmiqyaslı sanksiyaları bərpa edib.

 

50
Teqlər:
nüvə proqramı, İraq, Suriya, Yəmən, barışıq, İran, ABŞ, Səudiyyə Ərəbistanı, siyasət, dünya
Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərində

Prezident İlham Əliyev Ağdamda Azərbaycan bayrağını ucaldıb - VİDEO

16
(Yenilənib 21:04 23.11.2020)
Səfər zamanı Prezident və Birinci xanım Ağdam Cümə məscidində olublar. Həmçinin Prezident İlham Əliyev Ağdamda Azərbaycan bayrağını qaldırıb.

BAKI, 23 noyabr — Sputnik. Noyabrın 23-də Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyev və birinci xanım Mehriban Əliyeva işğaldan azad edilmiş Ağdam şəhərində olublar.

Səfər zamanı Prezident və Birinci xanım Ağdam Cümə məscidində olublar. Həmçinin Prezident İlham Əliyev Ağdamda Azərbaycan bayrağını qaldırıb.

Ağdam rayonu Ermənistan silahlı qüvvələri tərəfindən noyabrın 20-də üçtərəfli bəyanatın şərtlərinə əsasən azad edilib.

Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 9-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-dək Azərbaycan Respublikasına qaytarılır. 2020-ci il noyabrın 15-də Azərbaycan Respublikasına Kəlbəcər rayonu, dekabrın 1-də Laçın rayonu qaytarılır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

16
Teqlər:
Prezident İlham Əliyev, Birinci vitse-prezident Mehriban Əliyeva, Cümə məscidi, Üçtərəfli bəyanat, Azərbaycan bayrağı, Ağdamın azad olunması