Расим Мусабеков

Rasim Musabəyov: Suriya İraq bir bataqlığa çevrilib

94
(Yenilənib 15:16 07.08.2015)
Poltoloq Zərdüşt Əlizadə: İslam ölkələrin bir araya gəlib yaxın zamanda ümumi problemə qarşı vahid mövqedən çıxış edəcəklərinə inanmaq ağlabatan deyil.

BAKI, 7 avq — Sputnik. Türkiyə ilə ABŞ-ın anlaşaraq  İŞİD və PKK-ya qarşı genişmiqyaslı antiterror əməliyyatlarına başlaması regionda yeni siyasi situasiya yaradıb. Artıq regionda marağı olan böyük güclər və ölkələr Türkiyənin antiterror əməliyyatından sonra aktivləşiblər. Yaranmış vəziyyətlə bağlı politoloq və ekspertlərin mövqeyini öyrənmək istədik.

Politoloq, millət vəkili Rasim Musabəyov Sputnik-ə  açıqlamasında bildirdi ki,  səylərin olmasına baxmayaraq yaxın gələcəkdə regiondakı vəziyətin normal məcraya yönəldiləcəyinə inanmıram: “Suriya və İraq bir bataqlığa çevrilib. Müsəlman dünyasında islamdan uzaq və islam adından istifadə edən nə qədər  yaramaz insan varsa bura toplaşıblar. Avropadan Hindistana, Əfqanıstana kimi insanlar gəlib İraq və Suriyada vuruşmağa hazır olduqlarını deyirlər. Ona görə də buradakı vəziyyəti qısa zamanda nəzarət altına almaq elə də asan məsələ olmayacaq. Ancaq regionun güclü ölkələrindən Türkiyə, İran səylərini bir araya gətirsələr nəyəsə nail olmaq olar. Bu prosesə Səudiyyə Ərəbistanı və Misir də dəstək versə bəlkə prosesdə irəliləyişə nail olmaq mümkündür.”

Millət vəkili hesab edir ki, bu istiqamətdə danışıqlar gedir. Ancaq nəticəni demək çətindir: “Adı çəkilən dörd ölkə mövqelərini uzlaşdırsalar, problemi tam həll etmək olmasa da, müəyyən irəliləyiş əldə etmək olar. Əgər bu ölkələr rəqabət aparsalar vəziyyəti daha da mürəkkəbləşdirəcəklər. Ona görə də səylər və maraqlar mütləq uzlaşdırılmalıdır. Çünki  yaranmış vəziyyət nə Türkiyənin, nə İranın, nə də Səudiyyə Ərəbistanın maraqlarına uyğundur. Əksinə bu vəziyyət həmin ölkələr üçün təhlükə yaradır. O baxımdan maraqları uzlaşdırıb yaranmış vəziyyətdən birgə çıxış yolu aramaq və əməkdaşlıq etmək lazımdır”, — deyə Musabəyov vurğulayıb.

Politoloq Zərdüşt Əlizadə isə Sputnik-ə açıqlamasında bildirdi ki, bu qarşıq prosesdə hər bir ölkə xeyir qazanmaq və mövqeyini möhkəmləndirmək üçün çalışır. 

“Yaranmış situasiyadan bir sıra ölkələr isə öz daxili siyasətlərindəki problemlərdən ictimaiyyətin diqqətini yayındırmaq üçün istifadə edir. Məsələn İran daxilində yaranmış iqtisadi problemdən, Türkiyə seçkidən sonra yaranmış vəziyyətdən ictimaiyyətin diqqətini yayaındırmaq üçün öz xarici siyasətlərində müəyyən dəyişikliklər edərək bölgədə mövqelərinin möhkəmləndirməyə çalışır. Təcrid vəziyyətində olan Rusiya da bu vəziyyətdə öz çıxarları üçün fəallıq göstərir və regionda mövqeyini möhkəmləndirməyə çalışır. Bu baxımdan Rusiya regiondakı bütün ölkələr və qüvvələrlə  əməkdaşlıq etməyə hazırdır. Odur ki, burada çox amillər var və bir çoxunda maraqlar üst-üstə düşür. Amerika isə çalışır ki, qarışıq vəziyyətə saldığı regiona nəzarəti saxlasın. Regionda öz maraqlarını qorumaq istəyən ölkələr səylərini birləşdirmək barədə bəyanatlar səsləndirsələr də, onların məsələyə baxışları fərqlidir. Bu isə regional birgə əməkdaşlığa mane olan əsas amildir”, — deyə Əlizadə qeyd edib.

Politoloq hesab edir ki, Türkiyə, İran, Səudiyyə Ərəbistanı öz aralarında razılığa gəlib maraqlarını uzlaşdıra bilsələr, regiondakı prosesləri qismən də olsa idarəolunan məcraya yönəltmək olar: “Ancaq bu ölkələrdəki mövcud rejimlər və ölkələrin maraqları adı çəkilən ölkələrin vahid mövqeyə gəlməsinə mane olur. Səudiyyə Ərəbistanı İranla düşmən mövqedədir, İran Türkiyənin regionda dominant roluna qısqanclıqla yanaşır. O baxımdan islam ölkələrin bir araya gəlib yaxın zamanda ümumi problemə qarşı vahid mövqedən  çıxış edəcəklərinə inanmaq ağlabatan deyil. Sadəcə hər bir ölkə yaranmış vəziyyətdən maksimum yararlanaraq öz maraqlarını təmin etməyə və bölgədə mövqelərini möhkəmlətməyə çalışacaq. Problem isə həll olunmamış qalacaq.”

94
Teqlər:
Rasim Musabəyov
Türkiyə hərbçiləri, arxiv şəkli

Qarabağda türk əsgərinin sayının artırılmasına hüquqi cəhətdən hansısa əngəl qalmayıb

226
(Yenilənib 17:57 02.03.2021)
Rusiya-Türkiyə birgə Monitorinq Mərkəzi ermənilərin hərəkətlərinə nəzarət etməklə yanaşı, sülhməramlı qüvvələrin də xidmətinin müşahidə altında saxlanmasını təmin edir

Elvin Səlimov, Sputnik Azərbaycan

BAKI, 2 mart — Sputnik. Azərbaycan Prezidenti İlham Əliyev ötən həftə yerli və xarici jurnalistlər üçün videoformatda keçirdiyi mətbuat konfransında Rusiya-Türkiyə birgə Monitorinq Mərkəzinin fəaliyyətinin müəyyən mənada noyabrın 10-da imzalanmış bəyanatda öz əksini tadığını bildirib: “Orada dəqiq göstərilmirdi ki, bu, Rusiya-Türkiyə Monitorinq Mərkəzi olacaq, amma biz bu bəyanatı razılaşdıranda bunu müəyyən etmişdik”.

Sputnik Azərbaycan Rusiya-Türkiyə birgə Monitorinq Mərkəzinin fəaliyyətinin önəmi ilə bağlı siyasi hərbi ekspert Elçin Axundzadənin fikirlərini öyrənib.

Ekspert bildirib ki, birgə Monitorinq Mərkəzinin yaradılması hərtərəfli olaraq Azərbaycanın xeyrinədir: “Bu, həm də digər dövlətlərə mesajdır ki, Azərbaycan tək deyil. Düzdür, de-fakto olaraq Türkiyə həmişə bizimlə idi. Bu Mərkəzin fəaliyyətə başlaması isə Türkiyənin Cənubi Qafqazdakı proseslərə de-yure qoşulmasını təsdiqləmiş oldu. Gələcəkdə zərurət olarsa, türk əsgərinin sayının artırılmasına hüquqi cəhətdən hər hansı əngəl qalmayıb. Digər tərəfdən bu Mərkəz ermənilərin hərəkətlərinə nəzarət etməklə yanaşı, sülhməramlı qüvvələrin də xidmətinin müşahidə altında saxlanmasını təmin edəcək. Mərkəzin nəzarət funksiyası dronlar vasitəsilə həyata keçiriləcək. Əgər bu dronlar erməni yaraqlılarını aşkar edərsə və ya üçtərəfli bəyannaməni zərbə altına alan hər hansı fakt aşkar olunarsa, müvafiq addımlar atılacaq”.

Elçin Axundzadə deyib ki, Mərkəzin fəaliyyətə başlaması həm də Ermənistana mesajdır. Onun sözlərinə görə, Ermənistan tərəfindən hər hansı təxribata yol verilərsə, rus və türk əsgərləri revanşist meyllərə qarşı aktiv müdaxilə edəcəklər: “Mövcud hüquqi baza da sülhməramlıların təhlükəsizliyinin təmin edilməsi məqsədilə addımların atılmasına imkan verir. Mərkəzin fəaliyyəti prezident İlham Əliyev tərəfindən irəli sürülmüş regional əməkdaşlıq platformasının qurulmasına imkan yaradacaq. Bu meqa iqtisadi layihənin gerçəkləşməsinin regional və iqtisadi önəmini qeyd etmək lazımdır. İşğaldan azad edilmiş Zəngilan ərazisinin iqtisadi mərkəzə çevrilməsi nəzərdə tutulur. Düzdür, hazırda Ermənistanda xaotik vəziyyət hökm sürsə də, bu ölkə də regional əməkdaşlığa dəvət edilib. Monitorinq Mərkəzinin fəaliyyəti bir neçə illiyə nəzərdə tutulub. Mövcud planlar göstərir ki, Mərkəz həm də bu əməkdaşlığın davamlılığını təmin etmək üçündür”.

Siyasi hərbi ekspert qeyd edib ki, Azərbaycan ərazisində rus sülhməramlılarının fəaliyyəti ilə bağlı məsələlərə prezident İlham Əliyev aydınlıq gətirdi:

“Sülhməramlıların fəaliyyəti Azərbaycan ərazisində başqa bir ölkənin hərbi bazasının qurulması demək deyil və onlar müvəqqəti fəaliyyət göstərəcəklər. Bildirməliyəm ki, hazırkı şəraitdə rus sülhməramlılarının burada olması və fəaliyyəti lazımlıdır. Məhz bu sülhməramlıların fəaliyyəti və nəzarəti altında ermənilər işğal altında saxladıqları üç rayonu boşaltdılar. Gələcəkdə azərbaycanlı köçkünlərin yurd-yuvalarına qayıtması prosesində təhlükəsizliyinin təmin edilməsi üçün də rus sülhməramlılarından istifadə ediləcək”.

“Azərbaycan bir çox maraqların toqquşduğu məkanda yerləşir. Qarşıdakı illərdə maraqlı proseslərin cərəyan edəcəyi gözlənilir. Bu baxımdan Prezident İlham Əliyev münaqişənin həll edilməsinə baxmayaraq Azərbaycanın ordu quruculuğunu davam etdiriləcəyini və yeni müasir silahlar əldə ediləcəyini bildirdi”, - deyə E.Axundzadə bildirib.

226
Teqlər:
əsgər, Azərbaycan, sülhməramlılar, Türkiyә, Qarabağ
Erməni hərbçiləri, arxiv şəkli

Rusiyalı hərbi ekspert: "Ermənistan Qarabağ müharibəsi zamanı hərbi cinayət törədib"

60
(Yenilənib 14:29 02.03.2021)
Ermənistan tərəfindən Azərbaycana raket zərbələri vurulan zaman yaradılan uçuş tapşırıqlarının hərbi obyektləri deyil, məhz şəhərləri vurması nəzərdə tutulurdu

Eldar Tanrıverdiyev, Sputnik Azərbaycan

BAKI, 2 mart — Sputnik. Ermənistan Qarabağ müharibəsi zamanı raket sistemlərindən Azərbaycan şəhərlərini vurmaq üçün istifadə edib. Beynəlxalq hüquq baxımından bu, hərbi cinayətdir. Sputnik Azərbaycan xəbər verir ki, bunu "Natsionalnaya oborona" jurnalının baş redaktoru, hərbi ekspert İqor Korotçenko "Sputnik"də canlı yayım zamanı bildirib.

"Çoxları deyirlər ki, müharibə zamanı bu və ya digər tərəf bir-birlərinin mülki obyektlərini vurub. Lakin burada çox önəmli nüans var. Əməliyyatlar döyüş zonasında gedən zaman vəziyyətdən asılı olaraq bu və ya digər silah sisteminin tətbiq edilməsi barədə qərar hərbi hissə və bölüyün komandiri tərəfindən verilir. Ona görə də bu vaxt döyüş əməliyyatları zonasında mülki obyektlərin vurulmasını istisna etmək olmaz", - deyə Koretçenko qeyd edib.

Rusiyalı ekspert vurğulayıb ki, raket sistemlərinə, xüsusilə operativ-taktiki sistemlərinə gəldikdə isə bunun üçün ölkə rəhbərliyinin razılığı lazımdır: "Bundan sonra hərbçilər uçuş tapşırığını hazırlayırlar. Bu uçuş tapşırığı raketin kompüterinə daxil edilir, hazırlıq görülür və raket buraxılır. Buna görə də Ermənistan tərəfindən Azərbaycana raket zərbələri vurulan zaman yaradılan uçuş tapşırıqlarının hərbi obyektləri deyil, məhz şəhərləri vurması nəzərdə tutulurdu. Nəzərə alsaq ki, müasir raket kompleksi hədəfə dəydiyi zaman böyük dağıntılara səbəb olur, Azərbaycanın iki şəhərinə Ermənistanın operativ taktiki raketlərlə hücum etməsi müharibə cinayətidir. Bu aksiyaların heç bir bəraəti ola bilməz".

60
Teqlər:
cinayət, hərbi, Ermənistan, Azərbaycanlı, Qarabağ, Sputnik, müsahibə, İqor Korotçenko
Erməni pasportu

Doğulduğu yer - Azərbaycan? Qarabağ ermənisinin pasportu Ermənistanda qalmaqal yaradıb

330
(Yenilənib 00:01 03.03.2021)
"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam" - Arsen Karapetyan.

BAKI, 2 mart - Sputnik. Qarabağda doğulan Ermənistan vətəndaşlarının yeni pasportlarında doğum yeri hissəsinə “Azərbaycan” yazılmağa başlanılıb.

Sputnik Ermənistan xəbər verir ki, bu barədə Yerevan Ağsaqqallar Şurasının “Mənim addımım” fraksiyasından olan keçmiş üzvü, memar Arsen Karapetyan öz Facebook hesabında yazıb. 

Karapetyan qeyd edib ki, dostu 80-ci illərin ortalarında Ağdərədə (Mardakertdə) anadan olub. Daha sonra isə Rusiyada yaşayıb və hazırda Ermənistan vətəndaşlığı almaq üçün müraciət edib. Onun pasportunda doğum yeri kimi isə Azərbaycan göstərilib.

"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam. Nədir bu?", - deyə Karapetyan sosial şəbəkədə yazıb.

Məsələ ilə bağlı Ermənistan polisinin pasport və viza şöbəsinin rəis müavini Məryəm Gevorkyan açıqlama verib.

"Bu vətəndaş Sovet İttifaqı dövründə anadan olub, Azərbaycan SSR-də anadan olub. Ermənistan Respublikasının pasportu səyahət sənədidir, beynəlxalq standartlara uyğundur, ona görə keçmiş SSRİ ölkələri üçün kodlar yoxdur. Başqa sözlə, əgər bir insan keçmiş SSRİ-nin bir ölkəsində anadan olubsa, onun doğulduğu yer pasporta ölkənin indiki adı ilə qeyd olunur, yəni Gürcüstan SSRİ deyil, Gürcüstan", - deyə Məryəm Gevorkyan bildirib.

O əlavə edib ki, "bu, köhnə təcrübədir". 

Qeyd edək ki, Arsen Karapetyan şərh bölümündə dostunun doğulduğu yerin "Azərbaycan SSR" kimi göstərildiyi Rusiya pasportunu da yerləşdirib. 

330