Obama Ərdoğana söz verdi: O torpaqlar sizin olacaq

453
(Yenilənib 15:29 07.08.2015)
İŞİD-dən təmizlənəcək bölgələrə Türkiyənin quru qoşunları yeridiləcək.

BAKI, 6 avqust – Sputnik. “Barak Obama administrasiyası, Suriyanın şimalında İŞİD-dən təmizlənəcək bölgələrə kürd silahlı dəstələrinin buraxılmayacağına dair Türkiyəyə söz verib. Məhz bundan sonra rəsmi Ankara ABŞ ordusuna Adanada yerləşən İncirlik hərbi bazasından istifadəyə icazə verib”. ABŞ-ın məşhur Wall Street Journal qəzeti belə bir iddia ortaya atıb. Qəzet, məlumatı Ağ evdəki rəsmi şəxslərə istinadən yaydığını açıqlayıb. 

Xəbərə görə, İŞİD-dən təmizlənəcək bölgələrə Türkiyənin quru qoşunları yeridiləcək və onlar bölgə xalqının, əsasən də türkmənlərin təhlükəsizliyini təmin edəcəklər. 

Beynəlxalq tədbirdə iştirak etmək üçün Malayziyada səfərdə olan Türkiyənin xarici işlər naziri Mövlüd Çavuşoğlu, ABŞ dövlət katibi Con Kerri ilə görüşündən sonra mətbuata Suriyaya müdaxilə ilə bağlı önəmli açıqlamalar vermişdi. Nazir, yaxın günlərdə ABŞ və Türkiyənin İŞİD-ə qarşı geniş miqyaslı əməliyyat başladacağını söyləmişdi. 

Türkiyənin Takvim qəzeti isə daha bir maraqlı faktı üzə çıxarıb. 

Qəzetin Türk Silahlı Qüvvələrindən əldə etdiyi məlumata görə, ordu həm İŞİD, həm də PKK terrorçularının bölgədən birdəfəlik təmizlənməsi üçün quru əməliyyatına hazırlaşır. 

İddiaya görə, türk hərbi hava qüvvələrinin son on gündə İraqın şimalındakı PKK hədəflərini bombardımanı öz müsbət nəticəsini verib. 500-ə yaxın PKK-lı öldürülüb, terrorçuların bütün kampları, silah anbarları darmadağın edilib. Canını qurtarmaq istəyən minlərlə PKK-lı terrorçu isə Suriyanın şimalına qaçıb. 

Lakin rəsmi Ankaranın bununla kifayətlənməyəcəyi və terrorçuların izinə düşərək Suriyanın şimalında da əməliyyata başlayacağı bildirilir. 

Qəzetdə qeyd olunur ki, ABŞ-la Türkiyənin birgə əməliyyatında əsas məqsəd tək İŞİD-i yox, PKK-nı da təmizləmək olacaq. 

İki ölkə ordu generallarının döyüş taktikası da dəqiqləşib. Belə ki, amerikalı əsgərlər İŞİD-lə, türk ordusu isə PKK ilə vuruşacaq. 

Qəzetin manşetdə paylaşdığı şəkil isə daha çox diqqət çəkib. Suriyanın paytaxt Dəməşqdən sonra ikinci ən böyük şəhəri olan Hələb və şimaldaki ərazilər Türkiyənin 82-ci vilayəti olaraq göstərilib. 

Qeyd edək ki, dünən ABŞ mediası da məhz həmin torpaqların Türkiyəyə qatılacağını xəbər vermişdi. İddiaya görə, ABŞ prezidenti Barak Obama və Türkiyə dövlət başçısı Rəcəb Tayyib Ərdoğan bölgə üçün yeni xəritə hazırlayıblar. Hazırlanan xəritədə Suriyanın şimal torpaqları və Aralıq dənizinə qədər uzanan hissə Türkiyənin yeni vilayəti kimi göstərilir. Suriya ilə sərhəddə Fırat Çayının qərbində qalan seqmentin Türkiyəyə qatılacağı bildirilir.

Qərb mətbuatına görə, Türkiyə Suriyanın şimal ərazilərinin öz torpaqlarına qatılması şərtilə ABŞ ordusuna İncirlik hərbi bazasından istifadəyə icazə verib. 

453
Teqlər:
Barak Obama administrasiyası, PKK terror təşkilatı, PKK, İŞİD terror qruplaşması, İŞİD, Con Kerri, Mövlüd Çavuşoğlu, Hələb şəhəri, Hələb, Suriya, Türkiyə

Azərbaycan Prezidenti: "Ermənistanla bu səhifəni bağlamalıyıq"

25
Dövlət başçısı: "Müharibə dövründə ədalətsiz mövqe sərgiləyən ölkələrlə də münasibətlər normallaşır".

BAKI, 5 mart — Sputnik. Xarici siyasətlə bağlı kursumuz dəyişməz olaraq qalır. Müharibə dövrü və müharibədən sonrakı dövr bir daha göstərdi ki, bu, çox düzgün kurs idi. Müharibə dövründə bəzi ölkələr bizə qarşı müəyyən iradlar irəli sürdülər. Amma mənim cavabım nə oldu? Azərbaycan xalqı bunu bildi. Artıq bu iradlar da yoxdur.

Bunu Prezident, Yeni Azərbaycan Partiyasının Sədri İlham Əliyev partiyanın VII qurultayındakı çıxışında ölkəmizin xarici siyasət kursunun uğurlarından danışarkən deyib.

Dövlət başçısı bildirib ki, artıq əsassız ittihamlar da aradan qaldırılıb. Hətta müharibə dövründə ədalətsiz mövqe sərgiləyən ölkələrlə də indi münasibətlər normallaşır.

“Onlar tərəfindən belə bir təklif irəli sürüldü, biz də bunu qəbul etdik. Biz indi anlayırıq ki, bəzi daxili səbəblər ola bilər. İndi bəzi yalan məlumatlar ola bilər. Hər halda, biz maraqlı deyilik ki, bu məsələni uzadaq. Mən demişəm, hətta Ermənistanla biz bu səhifəni bağlamalıyıq, vəssalam, qurtardı getdi. Biz heç vaxt Xocalı soyqırımını unutmayacağıq. Heç vaxt şəhidlərimizin qəhrəmanlığını unutmayacağıq. Amma biz şəhidlərimizin, o cümlədən Xocalı qurbanlarının qanını aldıq. Düşməndən qisasımızı döyüş meydanında aldıq. Xalqımızın böyüklüyünü bir daha göstərmək üçün hesab edirəm ki, əldə olunmuş qələbə bizi tam qane edir. Biz bundan sonra belə yaşamalıyıq. Biz şəhidlərimizin qanını yerdə qoymadıq, qisasımızı aldıq, düşməni cəzalandırdıq. Bütün dünyanın gözü qarşısında onlar bizim qabağımızda diz çöküblər, təslim olublar, ağ bayraq qaldırıblar və bundan sonra məğlub edilmiş ölkə damğası ilə əbədi yaşayacaqlar. Biz isə bundan sonra qürurlu xalq kimi və mübariz dövlət kimi yaşayacağıq”, - Prezident vurğulayıb.

25
Hazırkı Ermənistan ərazisində tarixi abidələrimizdən biri

İkili standartlarla əl-ələ saxtakarlıq: Ermənilər bircə məscidimizi saxlayıblar - FOTO

271
(Yenilənib 18:25 05.03.2021)
Ən çox zərər görən İslam dini abidələridir. 291 məsciddən cəmi bir neçəsi qalıb. Onların da tarixi saxtalaşdırılıb.

İbrahim Həşimov, Sputnik Azərbaycan

BAKI, 5 mart — Sputnik. Hazırkı Ermənistan ərazisində səkkiz mindən artıq mədəniyyət abidəsi var. Bunlara mədəni, dini abidələr və karvansaralar daxildir. “İşğal Olunmuş Ərazilərdəki Tarix-Mədəniyyət Abidələrini Müdafiə Təşkilatı” İctimai Birliyinin sədri Faiq İsmayılov Sputnik Azərbaycan-a bildirib ki, bu abidələrin, demək olar ki, hamısı vandalizmə məruz qalıb.

“Oradakı tarixi-mədəniyyət abidələrimizdir, qəbristanlıqlarımızdır, türbələrimizdir, monumental heykəltaraşlıq nümunələrimizdir ki, bunların hamısı yox dərəcəsindədir. Eyni zamanda arxeoloji qazıntılar nəticəsində Azərbaycan mədəni irsinə sahib çıxıblar. Xristianlıq dövrü abidələri və xristianlığa qədər olan abidələrimiz də ermənilər tərəfindən vandalizmə uğradılıb”.

© Photo : Courtesy of Faig Ismayilov
Hazırkı Ermənistan ərazisində tarixi abidələrimizdən biri

Ermənistan ərazisindəki İslam dininə aid abidələr daha çox zərər görüb. Orada yaşayan azərbaycanlıların izlərini itirmək üçün uzun illər planlı şəkildə işlər aparılıb. Bir neçə məscid də "bərpa edilərək" tarixi saxtalaşdırılıb. Qalanlarından ya tövlə kimi istifadə ediblər, ya da dağıdaraq yararsız hala salıblar.

291 məsciddən yalnız biri – “Göy Məscid” İrəvan şəhərində ermənilər tərəfindən bərpa olunub. Eyni zamanda Zəngəzur ərazilərində qalan bir neçə məscidin mövcudluğu görünür. Qalan abidələr, məscidlər, türbələr ümumiyyətlə yox olub”, – F. İsmayılov qeyd edib.

© Photo : Courtesy of Faig Ismayilov
Hazırkı Ermənistan ərazisində tarixi abidələrimizdən biri

F.İsmayılov deyir ki, ermənilər ötən əsrin 20-ci illərindən sonra həmin ərazilərdə məskunlaşdırılıblar. Həmin dövrə qədər olan xristianlıq abidələri Qafqaz Albaniyası abidələri hesab olunur. Yəni, onların ermənilərə heç bir aiddiyyəti yoxdur. Lakin onların da tarixi saxtalaşdırılıb və bir çox məscid və karvansaralarımız kimi erməni monastrı və kilsələrinə çevrilib.

“Kilsə və ya monastırlar dini ibadət üçün düşünülmüş bir yerdir. Burada ancaq din təbliğ olunur. Bu da inzibati yaşayış mərkəzlərində ola bilən abidələrdir. Hansısa dağ başında, səhralıqda və ya meşəlikdə kilsə və monastırların olması mümkünsüzdür”, – deyə F. İsmayılov vurğulayıb.
  • Hazırkı Ermənistan ərazisində tarixi abidələrimizdən biri
    Hazırkı Ermənistan ərazisində tarixi abidələrimizdən biri
    © Photo : Courtesy of Faig Ismayilov
  • Qarabağda tarixi abidə
    © Photo : Courtesy of Faig Ismayilov
  • Hazırkı Ermənistan ərazisində tarixi abidələrimizdən biri
    Hazırkı Ermənistan ərazisində tarixi abidələrimizdən biri
    © Photo : Courtesy of Faig Ismayilov
  • Hazırkı Ermənistan ərazisində tarixi abidələrimizdən biri
    Hazırkı Ermənistan ərazisində tarixi abidələrimizdən biri
    © Photo : Courtesy of Faig Ismayilov
  • Hazırkı Ermənistan ərazisində tarixi abidələrimizdən biri
    Hazırkı Ermənistan ərazisində tarixi abidələrimizdən biri
    © Photo : Courtesy of Faig Ismayilov
1 / 5
© Photo : Courtesy of Faig Ismayilov
Hazırkı Ermənistan ərazisində tarixi abidələrimizdən biri

Faiq İsmayılov bildirib ki, hələlik dəymiş zərərin qiymətləndirilməsi aparılmayıb. Çünki bunun üçün həmin ərazidə monitorinqlər aparılmalı və dəyən zərər müəyyənləşdirilməlidir. Bununla bağlı beynəlxalq təşkilatlara müraciət də olunub. Lakin ikili standartlar səbəbindən heç bir tədbir görülməyib. Buna baxmayaraq yenə həmin istiqamətdə işlər davam etdirilir.

271
NATO-nun Baş katibi Yens Stoltenberq, arxiv şəkli

Yens Stoltenberq: Gürcüstan Ukrayna NATO üzvü olacaqlar

0
NATO-nun Baş katibi: "Buxarest sammitində qərara gəldik ki, Ukrayna və Gürcüstan NATO üzvü olacaq. Amma dəqiq tarix demədik".

BAKI, 5 mart - Sputnik. "Gürcüstan və Ukrayna tarixi və coğrafi baxımdan müxtəlif ölkələr olsalar da, hər ikisi NATO-ya üzv olmağa can atır və biz bu işdə onlara kömək edəcəyik".

Sputnik Azərbaycan Rossiya1 telekanalına istinadla xəbər verir ki, bunu NATO-nun Baş katibi Yens Stoltenberq Brüggedə Avropa Kollecindəki çıxışı zamanı bəyan edib.

"NATO-nun qapıları açıq olaraq qalır. Buxarest sammitində qərara gəldik ki, Ukrayna və Gürcüstan NATO üzvü olacaq. Amma dəqiq tarix demədik. Çünki bu ölkələr NATO-ya üzv olmaq üçün alyansın standartlarına cavab verməlidirlər", - deyə Y.Stoltenberq bildirib.

Onun sözlərinə görə, adıçəkilən ölkələr bütün diqqətini islahatlar, demokratik institutların möhkəmlənməsi və korrupsiyaya qarşı mübarizə istiqamətinə yönəltməlidir. Bu, Ukrayna və Gürcüstana NATO-ya üzv olmaq üçün kömək edəcək.

Baş katib həmçinin heç bir ölkənin, o cümlədən də Rusiyanın bu prosesə mane ola bilməyəcəyini qeyd edib.

0
Teqlər:
Gürcüstan, Ukrayna, baş katibi Yens Stoltenberq, Yens Stoltenberq, NATO