Sülhəddin Əkbər

Türkiyə böhranı Azərbaycana mənfi təsir edir

36
(Yenilənib 10:42 04.08.2015)
Türkiyədəki böhran artıq Azərbaycana da mənfi təsirlərini göstərməkdədir. Bunu Sputnik-ə açıqlamasında poliroloq Sülhəddin Əkbər deyib.

BAKI, 4 avqust — Sputnik. Türkiyədəki böhran artıq Azərbaycana da mənfi təsirlərini göstərməkdədir. Bunu Sputnik-ə açıqlamasında politoloq Sülhəddin Əkbər deyib.

Onun sözlərinə görə, Türkiyə daxili siyasətdə koalisiya hakimiyyətini qura bilməməsi, eyni zamanda terror təşkilatlarına qarşı mübarizə aparması gərginliyi artırır və bu da ciddi narahatlıq doğuran amillərdəndir.

Əkbər hesab edir ki, daxili siyasətdə  siyasilərin koalisyon hakimiyyəti qurmaqda maraqlı görünməməsi və vaxtından əvvəl seçkilərə getmək istəyi bu narahatlığı daha da artırır. “Ona görə də Türkiyəni yaxın aylarda gərgin bir dövr gözləyir. Və onu da unutmaq lazım deyil ki, Türkiyə də Azərbaycanın yeganə strateji müttəfiqi olduğundan bu dolayısı ilə Azətbaycana da öz mənfi təsirini göstərəcək. Artıq bunun nəticəsidir ki, Azərbaycan da qarşı terror təhdidi artıb. PKK-nın azərbaycanlılara qarşı törətdiyi terror əməliyyatı göz önündədir. Necə deyərlər Azərbaycan vətəndaşları artıq terrordan əziyyət çəkməyə başlayıb”, — deyə ekspert bildirib.

O bildirib ki, PKK-nın Azərbaycanın Naxçıvanla olan sərhəddində fəallaşması hakimiyyətə qarşı bir mesajdır: “Yəni PKK bununla Azərbaycana demək istəyir ki, biz Bakının Türkiyənin strateji müttəfiqi olduğunu bilirik. Və PKK bu yolla Azərbaycanı Türkiyəyə dəstəkdən çəkindirməyə çalışır. Buna baxmayaraq Azərbaycan Türkiyənin yanında yer almalı və istənilən dəstəyi verməlidir. Necə deyərlər Azərbaycan da istənilən yarana biləcək vəziyyətə hazır olmalıdır.”

Əkbər onu da əlavə edib ki, Azərbaycanın Türkiyənin yanında yer alması elə də asanlıqla başa gəlməyəcək. “PKK və İŞİD, həmçinin bu terrorçu təşkilatlara dəstək verən gizli himayədarları Türkiyə və onun müttəfiqlərinə zərbə vurmağa cəhd edəcək. Bu baxımdan Türkiyə və onun müttəfiqləri, xüsusən də Azərbaycan buna hazır olmalı və terrorizmə qarşı effektiv mübarizəni davam etdirib sona yetirməlidirlər. Əks təqdirdə bunun ciddi fəsadları ola bilər”, — deyə Əkbər bildirib.

Əkbər onu da əlavə edib ki, Türkiyədə böhrana siyasilərin sərgilədiyi mövqe də öz mənfi təsirini göstərir: ”Yəni siyasətçilərin ambisiyalarının böhranın bu vəziyyətə gəlməsində rolu var. Çünki prezident Rəcəb Tayib Ərdoğanın və müxalifət liderlərinin koalisyon hakimiyyətin qurulmamasında maraqlı olmaması erkən seçkiləri zəruri edir. Bu da gərginliyi artırır və bu gərginlik hələ bir müddət davam edəcək. Ümid edək ki, Türkiyə böyük dövlət olduğundan bütün bunların öhdəsindən gələcək və proseslər müsbət nəticə ilə yekunlaşacaq”, — deyə o vurğulayıb.

36
Teqlər:
PKK Naxçıvan, Azərbaycan Türkiyə, Türkiyə Azərbaycan, İŞİD terroru, PKK terroru, terror, Türkiyədə böhran, Türkiyədəki böhran, İŞİD və PKK, PKK və İŞİD, İŞİD, PKK, Sülhəddin Əkbər, Naxçıvan Muxtar Respublikası, Naxçıvan, Azərbaycan, Türkiyə
Mövzu:
Türkiyənin terror əleyhinə mübarizəsi (21)
Ermənistanın Baş naziri Nikol Paşinyan Rusiya Prezidenti Vladimir Putinlə

Paşinyan Putinə niyə “yox” demişdi: erməni nazirin versiyası

35
Bir qədər öncə Rusiya Prezidenti bildirmişdi ki, oktyabrda danışıqlar zamanı Əliyevi məcburi köçkünləri Şuşaya qaytarmaq şərtilə Dağlıq Qarabağda müharibəni dayandırmağa razı sala bilib, ancaq Paşinyan bunun əleyhinə çıxıb

BAKI, 29 noyabr - Sputnik. Ermənistanın baş naziri Nikol Paşinyan Rusiya Prezidenti Vladimir Putinlə oktyabrda, Dağlıq Qarabağ üzrə bəyannamənin imzalanmasından əvvəlki  telefon danışığının detallarını açılayıb.

Sputnik Azərbaycan bildirir ki, Paşinyan Putinlə “baş tutmayan” sövdələşmənin özünə məxsus versiyasını Facebook-da yazıb.

O qeyd edib ki, oktyabrın 19-da Qarabağdakı separatçıların rəhbəri Araik Arutyunyan zəng edərək müharibənin dayandırılmasının vaciblyini vurğulayıb. Bundan sonra Paşinyan Putinə zəng edib. O isə öz növbəsində bunun Rusiyanın təklifləri əsasında gerçəkləşdiriməsini təklif edib.

“Yəni status məsələsini bir tərəfə qoymaq, rayonları Azərbaycana qaytarmaq, rusiyalı sülhməramlıları yerləşdirmək. Mən dedim ki, sülhməramlıları Dağlıq Qarabağın əvvəlki “sərhədləri” və Laçın dəhlizi boyunca yerləşdirmək lazımdır. O razı oldu, danışdıq ki, məsləhətləşmədən sonra mən bir də zəng edəcəm”, - Paşinyan yazıb.

Onun sözlərinə görə, sabahı gün Putin ona yenidən zəng edib və Azərbaycan Prezidenti İlham Əliyevin müharibəni dayandırmağa razı olduğunu, ancaq sülhməramlıların Dağlıq Qarabağın “sərhədləri” boyu yox, mövcud təmas xətti boyu yerləşdirilməsini tələb edib, çünki Bakı Hadrut və Talışdan geri çəkilməyəcəyini bəyan edib.

“Erməni tərəfi azərbaycanlıların Şuşaya qaytarılması məsuliyyətini də boynuna götürməliydi. Beləliklə, sülh alınmadı, çünki mən dedim ki, Hadrut məsələsində razılaşsam da, Şuşanın Azərbaycana təhvil verilməsini mümkün hesab eləmirəm”, - yazan erməni nazir qeyd edib ki, Putin bu qərara təəccüblənib.

“Mən öz fikirlərimi deyəndə Putin dedi ki, bu, məntiqlidir və bəzi detallardan xəbərsizdir”, - Paşinyan yazıb. Onun fikrincə, Yerevan Şuşanı təhvil versəymiş, Bakı yeni şərt – Qırmızı Bazar – Şuşa yolunu nəzarətə götürməyi – irəli sürəcəkmiş.

Bir qədər öncə Rusiya Prezidenti bildirmişdi ki, oktyabrda danışıqlar zamanı Əliyevi məcburi köçkünləri Şuşaya qaytarmaq şərtilə Dağlıq Qarabağda müharibəni dayandırmağa razı sala bilib, ancaq Paşinyan bunun əleyhinə çıxıb. Onun sözlərinə görə, Ermənistanın baş naziri bu şərtin onun ölkəsinə və Qarabağa təhlükə olduğunu deyib. Putin ermənilərin niyə bunda təhlükə gördüyünü anlamadığını deyib və beləliklə danışıqlar iflasa uğrayıb.

35
Teqlər:
telefon danışığı, Vladimir Putin, Nikol Paşinyan, Ermənistan, Rusiya, Azərbaycan, Qarabağ
Mövzu:
Azərbaycan və Ermənistan arasında müharibə
Ceyhun Bayramov, arxiv şəkli

Ceyhun Bayramov iranlı həmkarına başsağlığı verdi

14
(Yenilənib 22:11 29.11.2020)
Telefon danışığı zamanı Azərbaycanın terrordan əziyyət çəkən bir ölkə kimi terrorçuluğun bütün forma və təzahürlərini qətiyyətlə pislədiyi vurğulanıb.

BAKI, 29 noyabr - Sputnik. Bu gün Azərbaycan Respublikasının xarici işlər naziri Ceyhun Bayramov və İran İslam Respublikasının xarici işləri naziri Məhəmməd Cavad Zərif arasında telefon danışığı baş tutub.

Sputnik Azərbaycan-a XİN mətbuat xidmətindən daxil olan məlumata görə, nazir Ceyhun Bayramov İranın Müdafiə Nazirliyinin Araşdırma və İnnovasiya Təşkilatının rəhbəri, alim Möhsin Fəxrizadənin terror hücumu nəticəsində qətlə yetirilməsi ilə bağlı İranlı həmkarına başsağlığı bildirib.
Azərbaycanın terrordan əziyyət çəkən bir ölkə kimi terrorçuluğun bütün forma və təzahürlərini qətiyyətlə pislədiyi vurğulanıb.

Nazirlər, bu həftə ərzində videokonfrans formatında keçirilmiş müzakirəkərə əlavə olaraq, ikitərəfli iqtisadi əməkdaşlıq perspektivləri barədə fikir mübadiləsi aparıblar. Məsələlərin ətraflı şəkildə aidiyyəti qurumlar tərəfindən müzakirə edilməsinin vacibliyi qeyd olunub.

Nazirlər, həmçinin qarşılıqlı maraq doğuran digər məsələləri müzakirə ediblər.

14
Teqlər:
İran, qətl, alim, başsağlığı, telefon danışığı, Məhəmməd Cavad Zərif, Ceyhun Bayramov, Azərbaycan XİN
Dieqo Armando Maradona

Maradonanın həkimi ittihamlara cavab verdi

0
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

0
Teqlər:
axtarış, ittiham, həkim, ölüm, Dieqo Armando Maradona