Zahid Oruc

Azərbaycan Qərblə siyasətindəki vektorlara yenidən baxmalıdır

14
(Yenilənib 11:53 14.07.2015)
Zahid Oruc: Bu gün Azərbaycanın Qərblə münasibətlərindəki əsas problem Almaniyadakı Angela Merkel və ABŞ-dakı Barak Obama hakimiyyəti ilə bağlıdır.

BAKI, 14 iyul — Sputnik. Bu gün Azərbaycanın Qərblə münasibətlərindəki əsas problem Almaniyadakı Angela Merkel və ABŞ-dakı Barak Obama hakimiyyəti ilə bağlıdır.

Bunu Sputnik-ə açıqlamasında millət vəkili Zahid Oruc Azərbaycan prezidentinin iyulun 13-də Nazirlər Kabinetinin iclasındakı çıxışını şərh edərkən deyib.

Onun sözlərinə görə, ölkə başçısı səviyyəsində beynəlxalq təşkilatlarla münasibətlərin yenidən gündəmə gəlməsi önəmli idi: “Çünki Azərbaycan indiyədək beynəlxalq təşkilarlarla və Qərb ölkələri ilə münasibətlərini ən yüksək səviyyədə qurmağa, Qərbin iqtisadi partnyoru rolunda oynamağa çalışsa da, əfsuslar olsun ki, ölkəmizə qarşı təzyiqlər davam etməkdədir. Azərbaycanın bu ölkələrlə mövqeyinə rəğmən Qərb dairələri son dövrlərdə Ermənistana dəstək verərək bu ölkə vasitəsi ilə Bakıya təzyiq etmək yolunu seçdilər. Qərb bölgədə Ermənistan vasitəsi ilə Azərbaycana təzyiq edib, təsir dairəsində saxlamaq yolunu seçməyə üstünlük verdi.”

Millət vəkili onu da əlavə etdi ki, Azərbaycan prezidentinin bu bəyanatları xalq tərəfindən də dəstəklənir və xarici siyasətin həyata keçirilməsində cəmiyyətdə fikir haçalanması yoxdur. “Yeganə olaraq bir diplomatımızın “verbovka” olunmasını çıxmaq şərti ilə, xarici siyasətə məsul olan digər şəxslərin hamısı ölkə başçısısnın həyata keçirdiyi  siyasətə sadiqdirlər”, — deyə Oruc vurğuladı.

Millət vəkilinin fikrincə, Azərbaycan bu gün qərb vektorundan geri çəkilməyib, sadəcə bəzi Qərb ölkələrinin hakimiyyətləri ilə problemlər var: “ Bu gün Azərbaycanın Almaniyadakı Angela Merkel, ABŞ-dakı Barak Obama hakimiyyəti ilə problemi var, baxmayaraq ki, son illərdə Qərbin bir sıra geostrateji layihələrinin və planlarının gerçəkləşməsində Azərbaycanın mövqeyi önəmli rol oynayıb. İnanıram ki, bu şəxslərin hakimiyyəti bitdikdən sonra  ölkələrimiz arasındakı münasibətlər yenidən öz əvvəlki məcrasına dönəcək və bu ölkələr Azərbaycanla əlaqələrinə yenidən böyük önəm verməyə başlayacaqlar.”

Millət vəkili hesab edir ki, Azərbaycan Qərblə siyasətindəki vektorlara, xüsusən də Avropa Şurası və digər təşkilatlarla münasibətlərə yenidən baxmalı və korrektələr etməlidir. 

“Biz Avropa Şurası ilə bundan sonra yeni yol xəritəsini müəyyən etməli və onunla gələcək əməkdaşlıq istiqamətində yeni sazişlər imzalamalıyıq. Ona görə ki, bu təşkilatların da üzərinə müəyyən məsuliyyət qoyulmalıdır. Daha sadəcə quruma üzv olan ölkələr öhdəlik götürməməlidir”, — deyə millət vəkili vurğuladı.

Azərbaycanın bundan sonrakı xarici siyasətinin prioritetləri haqqına mövqeyini bölüşən millət vəkili bildirdi ki, bundan sonra Azərbaycan daha çox Avrasiya istiqamətindəki vektora üstünlük verəcək və bu bölgənin bir parçası olmağa çalışacaq: “Bu günə kimi siyasi-iqtisadi cəhətdən Qərbin bir strateji parçası olmağa çalışırdıqsa, bundan sonra Avrasiya məkanının bir parçası olmağa üstünlük verəcəyik. Şübhəsiz ki, bu məkanda olmağımız bizə yeni imkanlar açacaq.  Bu məkanda Azərbaycanın özünü realizə etməsi üçün yeni perspektivli imkanlar mövcuddur. Bu məkanın Azərbaycanın resurslarına ehtiyacı var və biz bundan yararlanmalıyıq. Hesab edirəm ki, biz bundan ancaq uda bilərik.”

14
Teqlər:
deputat, millət vəkili, Avropa, Avrasiya, Qərb ölkələri, Avropa Şurası, Nazirlər Kabineti, Barak Obama, Angela Merkel, Zahid Oruc, ABŞ, Almaniya, Azərbaycan
Prezident İlham Əliyev, arxiv şəkli

İlham Əliyevə Amerikadan zəng gəlib

8
(Yenilənib 10:34 18.05.2021)
ABŞ Prezidentinin Milli Təhlükəsizlik məsələləri üzrə müşaviri Ceyk Sallivanla telefon danışığı zamanı Azərbaycan və Ermənistan sərhədində yaşanan son gərginliklə bağlı narahatlığını bildirib.

BAKI, 18 may - Sputnik. 17 may 2021-ci il tarixində axşam radələrində ABŞ Prezidentinin Milli Təhlükəsizlik məsələləri üzrə müşaviri Ceyk Sallivan Azərbaycan Respublikasının Prezidenti İlham Əliyevə telefonla zəng edib.

Sputnik Azərbaycan xəbər verir ki, bu barədə Prezidentin mətbuat xidməti məlumat yayıb.

Tərəflər arasındakı telefon danışığında ikitərəfli münasibətlər barədə məmnunluq ifadə edilib. Bu münasibətlərin hər iki dövlət və bölgə üçün sülh və təhlükəsizliyin təmin edilməsi baxımından əhəmiyyəti qeyd olunub.

Ceyk Sallivan Azərbaycan və Ermənistan sərhədində yaşanan son gərginlik ilə bağlı narahatlığını bildirib və bu kimi fikir ayrılıqlarının sülh yolu ilə həll olunmasının vacibliyini vurğulayıb. O, həmçinin beynəlxalq sərhədin demarkasiyası üçün tərəflərin konstruktiv müzakirələrinə ehtiyac duyulduğunu vurğulayıb. Ceyk Sallivan ABŞ-ın bölgədə barışığın əldə olunmasına sadiqliyini ifadə edib.

Azərbaycan Respublikasının Prezidenti İlham Əliyev bölgədə sülh və sabitliyin təmin olunmasına sadiq qaldığımızı bildirib. Azərbaycan Prezidenti bölgədə münaqişə sonrası vəziyyəti müsbət qiymətləndirib, münaqişənin bitməsindən 6 ay sonra bölgədə, o cümlədən Azərbaycan-Ermənistan sərhədində vəziyyətin sabit olduğunu qeyd edib.

Prezident İlham Əliyev ABŞ Prezidentinin Milli Təhlükəsizlik məsələləri üzrə müşavirinin Azərbaycan və Ermənistan arasında beynəlxalq sərhədin delimitasiyası üzrə danışıqların başlanmasına ehtiyac duyulduğu fikri ilə razı olduğunu ifadə edib və bu prosesin 10 noyabr 2020-ci il üçtərəfli bəyanatına uyğun olaraq həyata keçirilməsinin əhəmiyyətini bildirib.

Prezident İlham Əliyev Ermənistanın sərhəd gərginliyi ilə bağlı qeyri-adekvat reaksiyasının və bu məsələni beynəlmiləlləşdirmək cəhdlərinin bölgədə gərginliyin artmasına gətirib çıxara biləcəyini qeyd edib və bütün mübahisələrin sülh yolu ilə və danışıqlar prosesi çərçivəsində həllinin vacibliyini vurğulayıb.

8

Politoloq: “Bir çox hallarda müsəlmanları radikal dindarlarla səhv salırlar”

5
(Yenilənib 16:10 17.05.2021)
Politoloq Fikrət Sadıxov deyir ki, əgər bir dinin nümayəndələri radikallığa yol verirsə, bunun da müəyyən səbəbləri var
Fikrət Sadıxov: “Müsəlmanların Avropada məskunlaşması avropalıların özlərindən asılıdır”

“Avropada islamofobiyanın sürətlə yayılması qitədə yaşayan milyonlarla müsəlmanın təhlükəsizliyinə ciddi təhdidlər yaradır”. Bu barədə Türkiyə Prezidenti Rəcəb Tayyib Ərdoğan Quran-i Kərim oxumağa həsr olunmuş müsabiqə iştirakçıları qarşısında çıxış edərkən bildirib.

Politoloq Fikrət Sadıxov Sputnik Azərbaycan-a deyir ki, islamafobiya son illər Avropada geniş yayılmış bir tendensiyadır: “Bunun arxasında müəyyən iqtisadi, siyasi və dini motivlər dayanır. Bir çox hallarda müsəlmanları radikal dindarlarla səhv salırlar. Amma eyni zamanda qeyd etməliyik ki, əgər bir dinin nümayəndələri radikallığa yol verirsə, bunun müəyyən səbəbləri var. Bir mənalı şəkildə demək olmaz ki, başqa dinlərdə radikallar yoxdur. Avropada ya bunu dərk etmirlər, ya da belə bir münasibət nümayiş etdirirlər ki, müsəlmanların sayı azalsın. Müsəlmanların Avropada məskunlaşması avropalıların özlərindən də asılıdır. Ona görə bu səbəbləri araşdırıb aradan qaldırmaq lazımdır”.

Fikrət Sadıxovun geniş şərhinə audiofaylda qulaq asa bilərsiniz

5
Ləki-Qəbələ dəmiryolu ilə hərəkət edəcək Stadler qatarı

Ləki-Qəbələ dəmir yolu istifadəyə hazırdır

0
İlk sərnişinləri jurnalistlər olan dəmir yolu xəttində İsveçrənin "Stadler Rail Group" şirkətinin istehsalı olan dördvaqonlu ikimərtəbəli sürət qatarından istifadə olunacaq. Qatar standart, biznes və birinci sinif vaqonlardan ibarətdir.

BAKI, 18 may — Sputnik, Zülfiyyə Quluyeva. Artıq Ləkidən Qəbələyə qatarla getmək mümkün olacaq. Bu gün qatarla media tur təşkil olunub. Beləliklə, sözügedən qatarın ilk sərnişinləri jurnalistlər olub.

"Azərbaycan Dəmir Yolları" QSC-nin Mətbuat katibliyi şöbəsindən Sputnik Azərbaycan-a verilən məlumata görə, Ləki–Qəbələ birxətli dəmir yolunun tikinti işlərinə 2018-ci ildə başlanılıb. Dəmir yolu xəttinin uzunluğu ox üzrə 42.3 km, yan yollarla birlikdə isə 44.5 km təşkil edir. Ləki – Qəbələ birxətli dəmir yolu xətti çətin dağlıq relyefdə layihələndirildiyinə görə torpaq yatağı yüksək qazma (90m) və tökmələrdən (12m) keçir. Ümumilikdə layihə üzrə 122 ədəd (o cümlədən 7 körpü, 1 yolötürücü, 6 avtomobil alt keçidi, 2 heyvan keçidi və 106 suötürücü boru) süni mühəndis qurğusu, Ağdaş dəmir yolu dayanacağı, Qəbələ dəmir yolu stansiyası, Qəbələ dartı yarımstansiyasının tikintisi və Hacıalı yarımstansiyasının təmir işləri aparılıb.

Bakıdan Qəbələyədək dəmir yolu xətti 311 km, qatarın yolda olma müddəti 3 saat 20 dəqiqə təşkil edir. Dəmir yolu xəttində İsveçrənin "Stadler Rail Group" şirkətinin istehsalı olan dördvaqonlu ikimərtəbəli sürət qatarından istifadə olunacaq. Qatar standart, biznes və birinci sinif vaqonlardan ibarətdir. Vaqonlardakı yerlərin ümumi sayı 363-dür, bunlardan 293-ü standart, 61-i biznes, 9-u isə birinci sinif yerlərdir.

Yağış sularının kənarlaşdırılması və torpaq yatağının dayanıqlığını təmin etmək məqsədilə 16855 paqon metr beton qanov, 430 paqon metr drenaj xətti və 277 paqon metr istinad divarının tikintisi tamamlanıb. Dəmir yoluna paralel olaraq layihə üzrə 10kV-luq sərbəst yan qidalandırıcı elektirik verilişi xətti və kontakt şəbəkəsi quraşdırılıb. Həmçinin rabitə və işarəvermə işləri istismara hazır vəziyyətə gətirilib. Sürətli qatarın təhlükəsizliyini təmin etmək üçün dəmir yolunun təhkim zolağı boyunca 84600 paqon metr metal hasar quraşdırılıb.

0