Mixail Qorbaçov

“Qorbaçov-fond” xarici agentdir

17
(Yenilənib 19:37 05.06.2015)
Rusiya İctimai Palatasının üzvü Qorbaçov-Fond təşkilatının “xarici agentlər haqqında” qanuna əməl edib-etməməsini yoxlamağa səsləyib.

BAKI, 5 iyun – Sputnik. Rusiya İctimai Palatasının üzvü Qorbaçov-Fond təşkilatının “xarici agentlər haqqında” qanuna əməl edib-etməməsini yoxlamağa səsləyib.

Sputnik xəbər verir ki, bu barədə Rusiya KİV-ləri yazıb. Gazeta-ru-nun məlumatına görə, Georgi Fyodorov Ədliyyə nazirliyinə müraciətində sabiq SSRİ prezidentinin rəhbərlik etdiyi təşkilatın “1985-2015: Müasir Rusiya kontekstində yenidənqurmanın dəyərləri” adlanan son hesabatını xatırladıb.

Rusiya İctimai Palatasının üzvü bir neçə gün əvvəl dərc edilmiş sənəddə yenidənqurmaya və nəticə etibarilə siyasi dövlətçilik islahatlarına çağırışın əks olunduğunu hesab edir.

Sorğu müəllifinə əsasən, Qorbaçov-Fond-un qərargahı San-Fransisko şəhərində yerləşir və deməli xaricdən maliyyələşdirilir.

Fyodorov buna əsasən bildirir ki, Fond “xarici agent”lərə aid edilməlidir.

"Qorbaçov-Fond"un mətbuat xidmətinin rəhbəri Pavel Palajçenko isə bəyan edib ki, fondun heç vaxt ABŞ-da (San-Fransiskoda) qərargahı olmayıb, xaricdən maliyyələşdirilməyib.və qanunvericiliyə əməl edir.

"Qorbaçov-Fond" və sabiq maliyyə naziri Aleksey Kudrinin “Vətəndaş Təşəbbüsləri Komitəsi” tərəfindən hazırlanmış müştərək hesabatında deyilir ki, Rusiya və dünyada “yeni təfəkkür” çatışmazlığı hiss olunur.

Mütəxəssislər "Qorbaçov-Fond"un ona görə vaxtaşırı xaricdən maliyyələşdirildiyinə dair ittihamlara məruz qaldığını bildiriblər. 

17
Co Bayden, arxiv şəkli

Baydenin ilk səfər edəcəyi ölkə açıqlandı

99
(Yenilənib 20:27 17.01.2021)
Əvvəllər “Brexit” haqqında mənfi danışan Bayden, Britaniya rəsmiləri ilə fikir ayrılıqlarını aradan qaldırmaq və ikitərəfli əməkdaşlığı gücləndirmək niyyətindədir.

BAKI, 17 yanvar - Sputnik. ABŞ-ın yeni seçilmiş prezidenti Co Bayden andiçmə mərasimindən sonra ilk və ya ikinci xarici səfərini Böyük Britaniyaya edə bilər.

“Report”un məlumatına görə, bu barədə “The Daily Telegraph” siyasətçinin ətrafındakı şəxslərə istinadən xəbər verib.

Bu səfər böyük ehtimalla Britaniyada keçiriləcək Böyük Yeddiliyin (G7) zirvə toplantısına təsadüf edəcək. Bundan əlavə, Bayden, payızda BMT-nin İqlim Dəyişikliyi Konfransında (COP26) iştirak etmək üçün bu ölkəyə səfər etmək niyyətindədir.

Qəzetin yazdığına görə, əvvəllər “Brexit” haqqında mənfi danışan Bayden, Britaniya rəsmiləri ilə fikir ayrılıqlarını aradan qaldırmaq və ikitərəfli əməkdaşlığı gücləndirmək niyyətindədir.

99
Prezident İlham Əliyev və Rəcəb Tayyib Ərdoğan Bakıda hərbi parada baxır

Əliyevlə Ərdoğan Ağdamdakı Birgə Monitorinq Mərkəzini müzakirə etdilər

23
Türkiyə Prezidenti bundan sonra da ölkəsinin Azərbaycana dəstək verəcəyini vurğulayıb. Dövlətimizin başçısı bununla bağlı təşəkkürünü bildirib.

BAKI, 16 yanvar - Sputnik. Bu gün Azərbaycan Respublikasının Prezidenti İlham Əliyev Türkiyə Respublikasının Prezidenti Rəcəb Tayyib Ərdoğana telefonla zəng edib. 

Sputnik Azərbaycan bildirir ki, bu barədə Azərbaycan Prezidentinin mətbuat xidməti məlumat yayıb.

Telefon söhbəti zamanı Azərbaycan ilə Türkiyə arasında dostluq və qardaşlıq münasibətlərinin bütün sahələrdə uğurla inkişaf etdiyi, əməkdaşlığımızın daim genişləndiyi bir daha vurğulanıb.

 Prezident İlham Əliyev Türkiyə Prezidentini işğaldan azad olunmuş ərazilərdə bərpa və yenidənqurma işlərinin başlanması barədə məlumatlandırıb və artıq bu işlərdə Türkiyə şirkətlərinin fəal iştirak etdiyini məmnunluq hissi ilə qeyd edib, bunun ölkələrimiz arasında əlaqələrin daha da möhkəmlənməsi işinə xidmət etdiyini bildirib.

Rəcəb Tayyib Ərdoğan dövlətimizin başçısına məlumatına görə minnətdarlığını bildirib və öz növbəsində, Türkiyə şirkətlərinin Azərbaycanın işğaldan azad olunmuş torpaqlarında bərpa və yenidənqurma işlərində iştirakından məmnunluq ifadə edib.

Dövlət başçıları Ağdamda Türkiyə-Rusiya Birgə Monitorinq Mərkəzinin tezliklə fəaliyyətə başlamasından danışıb, bu Mərkəzin fəaliyyətinin uzunmüddətli sülhün təmin olunması işinə xidmət edəcəyini bildiriblər.

Türkiyə Prezidenti bundan sonra da ölkəsinin Azərbaycana dəstək verəcəyini vurğulayıb. Dövlətimizin başçısı bununla bağlı təşəkkürünü bildirib.

23
Teqlər:
telefon danışığı, İlham Əliyev, Rəcəb Tayyip Ərdoğan

İki gün əvvəl ordudan tərxis olunan könüllü əsgər ölüb

0
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

0