Politoloq: Moskvanın mövqeyində kardinal dəyişikliklər baş verməkdədir

46
(Yenilənib 15:56 27.05.2015)
Azərbaycan və Rusiya xarici işlər nazirlərinin Moskva görüşündən sonra yaranmış vəziyyəti analiz edərək demək olar ki, Qarabağ münaqişəsinin həllində ciddi dönüş ola bilər.

BAKI, 27 may — Sputnik. Azərbaycan və Rusiya xarici işlər nazirlərinin Moskva görüşündən sonra yaranmış vəziyyəti analiz edərək demək olar ki, Qarabağ münaqişəsinin həllində ciddi dönüş ola bilər.

Bunu Sputnik-ə açıqlamasında politoloq Qabil Hüseynli deyib. 

“Son Moskva danışıqlarını indiyədək aparılan danışıqlar prosesinin ən səmərəlisi və uğurlusu hesab  etmək olar. Çünki əvvəlki görüşlərdən və danışıqlardan fərqli olaraq bu dəfə Azərbaycanın xarici işlər  naziri Moskvada çox yüksək səviyyədə qarşılandı. Həmçinin görüşün yekunu olaraq protokol da imzalandı. İndiyədək  belə bir pratkia olmamışdı”, — deyə pilotoloq vurğulayıb.

Mayın 25-də Moskvada Azərbaycan və Rusiya XİN başçılarının görüşü olub və bu görüşdə əsas müzakirə predmeti Qarabağ münaqişəsinin həlli yolları müzakirə olunub.

Onun sözlərinə görə, rəsmi Moskva tərəfindən Azərbaycan tərəfinə ümidverici bəyanatlar səsləndirilməsi də yenilikdir: “Sergey Lavrov bəyan etdi ki, Qarabağ problemi bundan sonra Rusiyanın xarici siyasətinin prioritetini təşkil edəcək. Rusiya bu məsələ ilə məşğul olurdu. Amma bundan sonra daha intensiv formada məşğul olacaq.”

Moskvanın Qarabağ  problemin həllinə yardımçı olacağı halda Azərbaycanın Avrasiya İqtisadi Birliyinə və Gömrük İttifaqına qoşulması ilə bağlı təkliflərə mövqeyini açıqlayan politoloq bildirib ki, Azərbaycan tərəfi dəfələrlə ərazi bütövlüyü təmin olunmadan nə Avrasiya İqtisadi Birliyinə, nə də Gömrük ittifaqına girmək niyyətinin olmadığını bəyan edib: “Yaranmış vəziyyəti belə izah etmək olar. Qarabağ problemi beynəlxalq hüquq normalarına uyğun olaraq Azərbaycanın ərazi bütövlüyü çərçivəsində həll edilir və bundan sonra Azərbayacan Avrasiya İqtisadi Birliyi və Gömrük İttifaqı ilə bağlı məsələyə müsbətt reaksiya verir. Bunun üçün artıq zəmin var.”

Poliroloq bildirib ki, Riqa sammiti bunun üçün ciddi zəmin yaratdı: “Əgər belə demək mümkünsə Azərbaycan Riqa sammitində Rusiyanın maraqlarına uyğun çıxış etdi. Bir növ Rusiya ilə həmrəyliyini nümayiş etdirdi. Indi isə top Rusiyanın meydançasındadır, görək cavab necə olacaq?!”

Politoloqun fikrincə, Azərbaycanın bu addımından sonra Rusiya Qarabağ məsələsində  obyektivlik nümayiş etdirib, problemin həllinə öz töhfəsini verməlidir: “Üstəlik Rusiyanın indiki çətin dövründə Azərbaycan kimi dövlətin Avrasiya İqtisadi Birliyi və Gömrük İttifaqına daxil olması Rusiyanın qüvvələr nisbətini öz xeyrinə dəyişməsi baxımından mühüm rol oynayacaq. Zənnimcə, bu məsələlərdə qarşılqlı sövdələşmə hər iki tərəf üçün faydalı olardı. Bu deyilənlərin reallaşması üçünsə Rusiyanın səmimiyyət göstərməsi vacib şərtdir. Rusiya  ilə bu istiqamətdə artıq bir neçə ildir ki, danışıqlar aparılır. Gedən proseslər danışıqların sona yetməsi təsirini bağışalyır. Artıq Rusiyanın  mövqeyində də kardinal dəyişikliklərin baş verdiyinin şahidi olmaqdayıq. Bu nöqteyi-nəzərdən baş verən proseslərin ümidverici olduğuna inanıram.”


46
Teqlər:
yenilik, ümidverici bəyanat, Qarabağ problemi, ərazi bütövlüyü, protokol, Qarabağ münaqişəsi, Riqa sammiti, Gömrük İttifaqı, Avrasiya İqtisadi Birliyi, Sergey Lavrov, Qabil Hüseynli, Moskva, Azərbaycan, Rusiya
Əlaqədar
ABŞ Qarabağ münaqişəsinin həlli üçün səylərini davam etdirir
Rusiya Qarabağ münaqişəsinin tezliklə həllində maraqlıdır
Lavrov: Qarabağ probleminin həlli xarici siyasətimizin prioritetidir
Avropa İttifaqının bayrağı (Aİ), arxiv şəkli

Türklər AB-nin Kipr məsələsində neytral qalacağına inanmır

7
(Yenilənib 19:57 06.03.2021)
Şimali Kipr prezidenti Ərsin Tatar AB-nin görüşlərdə müşahidəçi qismində iştirak etməsini qəbul etmədiklərini bildirib. O, AB-nin bu görüşlərdə tərəfsiz qalacağını gözləmədiyini qeyd edib.

BAKI, 6 mart — Sputnik. Avropa İttifaqının Xarici siyasət və Təhlükəsizlik üzrə Ali Nümayəndəsi Cozef Borel Cənubi Kipr və Şimali Kipr liderləri ilə ayrı-ayrılıqda keçirdiyi görüşlərlə bağlı açıqlama verib.

Diplomat kiprli liderlərlə görüşdən  sonra bildirib ki, gediləcək çətin uzun bir yol var, amma həll yolu tapa bilər. Diplomat qeyd edib ki, Avropa Birliyi həll prosesinin BMT himayəsi altında ən qısa vaxtda yenidən başalamasını dəstəkləyir.

“BMT-nin formalaşdırdığı hazır bir çərçivə palnı var. Bu, asan olmayacaq, ancaq bütün kiprlilərin, Avropanın və bölgənin sabitliyi üçün bunu etmək mümkündür. Avropa Birliyi Kiprli tərəflərlə yanaşı təminatçı ölkə olaraq Türkiyə, Yunanıstan və İngiltərənin də iştirak edəcəyi 5+1 qeyri-rəsmi iclasında müşahidəçi kimi qatılmaq istəyir”.

Qeyd edək ki, Şimali Kipr prezidenti Ərsin Tatar AB-nin görüşlərdə müşahidəçi qismində iştirak etməsini qəbul etmədiklərini bildirib. O, AB-nin bu görüşlərdə tərəfsiz qalacağını gözləmədiyini qeyd edib.

7
Co Bayden, arxiv şəkli

Bayden niyə hələ Ərdoğan ilə danışmayıb? - Ev açıqladı

173
(Yenilənib 18:50 06.03.2021)
Xatırladaq ki, Ərdoğan ABŞ-da keçirilən prezident seçkisində qalib gələn Baydenə təbrik mesajı göndərmişdi

BAKI, 6 mart — Sputnik. Ağ Evin sözcüsü ABŞ Prezidenti Co Baydenin niyə hələ də Türkiyə Prezidenti Rəcəb Tayyib Ərdoğana zəng vurmadığı sualına cavab verib.

Sputnik Azərbaycan "Haberler"ə istinadla xəbər verir ki, Ağ Evin sözcüsü Cen Psaki jurnalistlərə açıqlamasında Baydenin hələ də bir çox dünya liderinə zəng etməli olduğunu söyləyib: "Bayden önümüzdəki həftə və aylarda bu telefon görüşlərini həyata keçirəcək. Ərdoğan ilə də danışacağından əminəm".

Digər tərəfdən, Bayden və Ərdoğan arasındakı telefon görüşünün tarixi ilə bağlı heç bir məlumat verilməyib.

Adətən ABŞ-da prezidentlər dəyişəndən sonra Türkiyə, ilk telefon zəngi edilən ölkələr arasında yer alır. Lakin Baydenin vəzifəsinə başlamasından təxminən 50 gün keçməsinə rəğmən, Ərdoğan ilə danışıq olmayıb.

Xatırladaq ki, Ərdoğan ABŞ-da keçirilən prezident seçkisində qalib gələn Baydenə təbrik mesajı göndərmişdi: "İnanıram ki, indiyədək ölkələrimiz arasındakı güclü əməkdaşlıq və müttəfiqlik gələcəkdə də dünya sülhünə mühüm töhfələr verməyə davam edəcək".

173
Timsah, arxiv şəkli

Timsah 8 yaşlı qızı uddu - VİDEO

0
"Youtube" şəbəkəsində yayımlanan videoda isə qızın timsahın mədəsindən çıxarılma anı və yaxınlarının göz yaşları öz əksini tapıb.

BAKI, 6 mart — Sputnik. İndoneziyada dəhşətli olay baş verib. Sputnik Azərbaycan-ın Türkiyə mediasına istinadən xəbərinə görə, İndoneziyanın Borneo adasında timsah 8 yaşlı qızı udub. Bir gün sonra isə qızın cansız bədəni heyvanın mədəsindən çıxarılıb.

Hadisənin necə baş verməsinə gəldikdə isə, atası 8 yaşlı qızının çayda üzərkən timsahın hücumuna məruz qaldığını, ona kömək etmək istədiyini, lakin bir şey edə bilmədiyini deyib. 

"Youtube" şəbəkəsində yayımlanan videoda isə qızın timsahın mədəsindən çıxarılma anı və yaxınlarının göz yaşları öz əksini tapıb.

0