Suyun içində: Çinin Henan əyalətində daşqınlar - hüznlü fotolar

21
(Yenilənib 11:32 22.07.2021)
Çinin Henan vilayətində yağan güclü yağışlar nəticəsində sel daşqınları baş verib ki, nəticədə 33 nəfər vəfat edib, 8 nəfər itkin düşüb. Sputnik Azərbaycan həmin bölgədən çəkilmiş şəkilləri təqdim edir.

Çinin Henan vilayətində güclü yağışlar nəticəsində sel daşqınları baş verib. Təbii fəlakət nəticəsində 33 nəfər vəfat edib, daha 8 nəfər isə itkin düşüb.
Ümumilikdə təbii fəlakət zonasında 3 milyondan çox şəxs yaşayır.

Təhlükəli ərazidən 375 min əhali təxliyə olunub, daha 256 min insan başqa yerə köçürülüb. Xilasetmə işlərinə hərbçilər də cəlb olunub.

Sputnik Azərbaycan Henanda baş verən təbii fəlakət zonasından çəkilmiş şəkilləri təqdim edir.

 

 

21
  • © China Daily via REUTERS

    Yol polisi əməkdaşı sakinlərə su basmış yolu keçməkdə kömək edir – Çin, Çjençjou.

  • © AFP 2021 / Str

    Çjençjouda, Çinin mərkəzi Henan əyalətində leysan yağışlar nəticəsində suda batıb qalmış maşının yanında dayanmış kişi.

  • © AFP 2021 / Str

    Çinin mərkəzi Henan əyalətində leysan yağışlarından sonra yerli sakinlər su basmış küçələrdən keçməyə çalışırlar.

  • © AFP 2021 / Str

    Çinin mərkəzi Henan əyalətində leysan yağışlardan sonra su basmış küçə keçidində dayanmış polisi zabiti.

  • © China Daily via REUTERS

    Çinin mərkəzi Henan əyalətində leysan yağışlarından sonra yerli sakinlər su basmış küçələrdən keçməyə çalışırlar.

  • © AFP 2021 / Courtesy of Weibo user merakiZz

    Çinin mərkəzi Henan əyalətində leysan yağışlardan sonra suyun içində qalmış metro vaqonu.

  • © China Daily via REUTERS

    Kişi su basmış yoldan qadını belində keçirir – Çjençjou, Çin.

  • © AFP 2021 / STR

    İnsanlar su basmış küçədə maşını itələməyə çalışırlar – Çjençjou, Çin.

  • © REUTERS / Cnsphoto

    İnsanlar Çjençjou-da su basmış küçə ilə irəliləməyə çalışırlar – Çin, Henan əyaləti.

  • © AFP 2021 / Courtesy of Weibo user merakiZz

    Çinin mərkəzi Henan əyalətində leysan yağışlardan sonra suyun içində qalmış metro vaqonu.

  • © AFP 2021 / Cnsphoto

    Yol polisi əməkdaşı sakinlərə su basmış yolu keçməkdə kömək edirlər – Çin, Çjençjou.

Bir il gecikən açılış, prezidentin qətli, milyarderin göyə uçusu

16
(Yenilənib 16:49 25.07.2021)
Ötən həftənin ən əhəmiyyətli hadisələri dünya agentliklərinin fotomüxbirləri tərəfindən kentə köçürülüb. Ən parlaq kadrlara Sputnik Azərbaycan-ın fotolentində baxın.

Təbii fəlakətlər, pandemiya əleyhinə tədirlərə qarşı etirazlar, Kann kinofestivalı, Qurban bayramı, MAKS-2021 beynəlxalq aviasalonu, dünyada ilk pilotsuz suborbital uçuş zamanı New Shepard Blue Origin raketinin buraxılışı və əlbəttə ki, Tokio Olimpiadasının açılışı - son günlər hadisə və olaylarla zəngindir.

Tokio Olimpiadasının açılışını düz bir il gözləmək laızm gəldi.

Həftənin ən şokedici hadaislərindən isə Haiti prezidentinin qətlə yetirilməsini göstərmək olar.

Ötən həftə dünyada nə baş verdiyini görmək üçün sizə dünyanın müxtəlif yerlərindən toplanmış şəkillərə baxmağı sizə təklif edirik.

16
  • © AFP 2021 / Gent Shkullaku

    Albaniya müsəlmanları Tiranadakı İskəndər bəy meydanında Qurban bayramı namazı zamanı.

  • © AP Photo / Bryan Daniels / Bootleg Fire Incident Command

    Ayı balası ABŞ-ın Oreqon ştatında Butleq yanğınında təhlükəsizlik zabiti onu gördükdən sonea ağacdan tutur.

  • © AFP 2021 / Armend Nimani

    Kosovonun Priştina şəhərinin su basmış meydanında qarmaq atan kişi.

  • © REUTERS / Blue Origin

    Biznesmen Ceff Bezos və pilot Uolli Fank New Shepard Blue Origin raketində uçuşdan sonra kapsuldan çıxırlar.

  • © AP Photo / Michael Probst

    Solda Almaniyanın Erfştadt-Blessem ərazisində zərər dəymiş qəsr.

  • © AFP 2021 / Valerie Baeriswyl

    Haitili rəqqaslar ölkənin keçmiş prezidenti Jovanel Moizin dəfn mərasimində çıxış edirlər.

  • © AFP 2021 / Joaquin Sarmiento

    Kolumbiyanın Medelyin əyalətində nümayişçilərin polislə toqquşması.

  • © AFP 2021 / Arif Ali

    Pakistanın Lahor şəhərində Badşahi məscidində Qurban bayramı namazından sonra selfi çəkdirənlər.

  • © AFP 2021 / Str / JIJI Press

    Yaponiyanın "mé" art-qrupu tərəfindən yaradılmış hava şarı Tokionun Yoyogi parkı üzərində.

  • © AP Photo / Matias Delacroix

    Haitinin Port-o-Prens şəhərində xoruz döyüşləri.

  • © REUTERS / Ricardo Arduengo

    Haitinin Kap-Aityen şəhərində ərzaq satıcıları.

  • © AP Photo / Damian Dovarganes

    Los-Ancelesin Echo-Park rayonunda Sanset bulvarında lourayder üçtəkərli avtomobil sürür.

  • © REUTERS / Antara Foto / Raisan Al Farisi

    İndoneziyanın Qərbi Yava əyalətindəki Bandunq şəhərində Qurban bayramı namazı.

  • © REUTERS / Pascal Rossignol

    Azadlıq heykəli kostyumunda olan nümayişçi Parisdə prezident Emmanuel Makron tərəfindən elan olunmuş koronavirusla yeni mübarizə metodlarına qarşı aksiyada.

  • © AP Photo / Yorgos Karahalis

    Yunan polisi Afinanın mərkəzində vaksinasiya əleyhinə etiraz edənləri qözyaşardıcı qazla qovur.

  • © REUTERS / Johanna Geron

    Amanda Ford və Barbara Vittorelli 74-cü Kann kinofestivalında.

  • © Sputnik / Alexey Maishev

    MAKS-2021 aviasalonunda pilotaj qrupu MiQ-29 təyyarələrində yay proqramını yerinə yetirirlər.

  • © Sputnik / Evgeny Biyatov

    Rusiyada Dövlət Kreml sarayında peşəkarlar arasında Latın Amerikası rəqsləri üzrə Dünya kubokunun iştirakçıları.

  • © Sputnik / Alexey Maishev

    MAKS-2021 avisalonunda Checkmate yeni hərbi təyyarəsinin təqdimatı.

  • © AP Photo / Oded Balilty

    İsrailli ərəblər Qurban bayramı zamanı Qan-Ha-Şloşa milli parkında.

  • © REUTERS / Amir Cohen

    Qüdsdə milli matəm günündə yəhudilər Ağlama Divarı önündə.

  • © AP Photo / Michael Probst

    İki qız Almaniyanın Travemyund şəhərində Baltik dənizin çimərliyində xüsusi hazırlanmış şezlonqda.

  • © AFP 2021 / Prakash Singh

    Hindistan Konqres partiyasının üzvləri Dehlidə təhlükəsizlik əməkdaşları tərəfindən saxlanılıblar.

  • © Sputnik / Alexey Filippov

    Tokioda XXXII Yay Olimpiya oyunlarının açılışı zamanı atletlərin paradı.

  • © Sputnik / Grigory Sysoev

    Yapon Mahina Mazda Tokio Yay Olimpiya oyunları ərəfəsində məşq edir.

Tokio-2020 Olimpiya Oyunlarının açılış mərasimindən rəngarəng görüntülər

33
(Yenilənib 10:30 24.07.2021)
  • Tokioda 32-ci Olimpiya oyunlarının açılış mərasimində Azərbaycan nümayəndə heyətinin keçidi
Koronavirus pandemiyası səbəbindən Tokio-2020 Olimpiadasının açılış mərasimi tamaşaçısız keçirilib. Məramsindən çəkilmiş parlaq şəkillərlə Sputnik Azərbaycan-ın fotolentində tanış ola bilərsiz.

İyulun 23-də Tokioda Yay Olimpiya Oyunlarına start verilib. Əsas idman forumunun hələ 2020-ci ildə keçirilməsi planlaşdırılırdı. Lakin koronavirus pandemiyası üzündən tədbir məcburən təxirə salındı. Bu Olimpiadada dünyanın 206 ölkəsindən 12,5 min idmançı iştirak edəcək. Yarış proqramına 33 idman növü daxil edilib və idmançılar 339 Olimpiya medalı uğrunda mübarizə aparacaqlar.

Açılış mərasimini Tokiodakı Olimpiya stadionunun tribunalarından yalnız minə yaxın rəsmi şəxs izləyib. Arenanın xaricində isə Oyunların keçirilməsinə etiraz edənlərin aksiyası keçirilib. Sorğuların nəticələrinə görə, Yaponiya əhalisinin 80%-ə qədəri Olimpiadanın keçirilməsinin əleyhinədir.

Parad zamanı Yaponiya Milli Olimpiya Stadionunun meydanına çıxan ilk komanda Olimpiya Oyunlarının əcdadı sayılan Yunanıstan komandası olub. Yunanlıların ardınca meydana qaçqın komandası daxil olub. Daha sonra islandlar və irlandlar, ardınca isə Azərbaycan komandası. Azərbaycan yığmasının bayraqdarları cüdoçu Rüstəm Orucov və taekvondoçu Fəridə Əzizova idi. Komandaların çıxışının qeyri-adi tərəfi nümayəndə heyətlərinin meydana yapon əlifba sırası ilə daxil olması idi. 

Koronavirus pandemiyası səbəbindən Tokio-2020 Olimpiadasının açılış mərasimi tamaşaçısız keçirilib. 

Paradın əvvəlində iştirakçılar koronavirus pandemiyasının qurbanlarının hamısını bir dəqiqəlik sükutla yad ediblər.

Açılış mərasiminə paralel olaraq, stadiondan bir az aralıda, Tokioda Olimpiya Oyunlarının keçirilməsinə qarşı etiraz aksiyası olub. Yaponiya paytaxtının sakinləri, yarışmanın ölkədə koronavirusa yoluxma hallarının artdığı bir vaxtda keçirilməsindən narazıdır. Stadiondakı çıxışlar arasındakı fasilələrdə etirazçıların qışqırıq səsləri eşidilib.

Azərbaycan Tokio-2020-də
Tokio Yay Olimpiadasında ölkəmizi 44 idmançı təmsil edəcək. Onlar 40 lisenziya qazanaraq 14 idman növündə - cüdo, güləş, bədii gimnastika, idman gimnastikası, karate, boks, taekvondo, yüngül atletika, güllə atıcılığı, qılıncoynatma, veloidman, badminton, üzgücülük və triatlonda - çıxış edəcəklər.

Azərbaycan üçün bu, 2004-cü ildə Afinada keçirilən Olimpiya Oyunlarından bəri ən az sayda Olimpiya lisenziyasıdır, o vaxt idmançılarımız 38 lisenziya qazanmışdılar.

2008-ci ildə Pekində azərbaycanlı idmançılar 44, 2012-ci ildə Londonda 53, 2016-cı ildə Rio-de Janeyroda 56 lisenziya qazanıblar. 1996-cı ildən bəri olimpiadalarda idmançılarımız 43 medal qazanıblar ki, bunun da 7-si qızıl, 11-i gümüş, 25-i isə bürüncdür.

33
  • © AFP 2021 / LIONEL BONAVENTURE

    Tokio-2020 Olimpiya Oyunlarının açılış mərasimi.

  • © AFP 2021 / POOL / LEON NEAL

    İyulun 23-də Tokioda Yay Olimpiya Oyunlarına start verilib.

  • © REUTERS / EDGAR SU

    Tokio-2020 Olimpiya Oyunlarının açılış mərasimi.

  • © AFP 2021 / MARTIN BUREAU

    Bu Olimpiadada dünyanın 206 ölkəsindən 12,5 min idmançı iştirak edəcək.

  • © AFP 2021 / CHARLY TRIBALLEAU

    Tokio-2020 Olimpiya Oyunlarının açılış mərasimi.

  • © REUTERS / MIKE BLAKE

    Yarış proqramına 33 idman növü daxil edilib və idmançılar 339 Olimpiya medalı uğrunda mübarizə aparacaqlar.

  • © REUTERS / MARKO DJURICA

    Tokio-2020 Olimpiya Oyunlarının açılış mərasimi.

  • © AP Photo / Lee Jin-man

    Koronavirus pandemiyası səbəbindən Tokio-2020 Olimpiadasının açılış mərasimi tamaşaçısız keçirilib. 

  • © REUTERS / STEFAN WERMUTH

    Tokio-2020 Olimpiya Oyunlarının açılış mərasimi.

  • Tokioda 32-ci Olimpiya oyunlarının açılış mərasimində Azərbaycan nümayəndə heyətinin keçidi
    © REUTERS / MIKE BLAKE

    Tokioda 32-ci Olimpiya oyunlarının açılış mərasimində Azərbaycan nümayəndə heyətinin keçidi.

  • © AP Photo / David J. Phillip

    Tokio-2020 Olimpiya Oyunlarının açılış mərasimi.

  • © AP Photo / Kantaro Komiya

    Arenanın xaricində isə Oyunların keçirilməsinə etiraz edənlərin aksiyası keçirilib.

  • © AP Photo / Petr David Josek

    Açılış mərasimini Tokiodakı Olimpiya stadionunun tribunalarından yalnız minə yaxın rəsmi şəxs izləyib.

  • © AP Photo / POOL / Leon Neal

    Tokio-2020 Olimpiya Oyunlarının açılış mərasimi.

  • © AP Photo / David J. Phillip

    Tokio-2020 Olimpiya Oyunlarının açılış mərasimi.

Bakı şəhərinə mənzərə, arxiv şəkli

Ümidverici proqnozlar, RF şirkətlərinin nümayəndələri Bakıda - İqtisadi yekunlar

0
(Yenilənib 20:36 25.07.2021)
Karantin rejiminin uzadılması, dövlət başçısının AzTV-yə müsahibəsi, SOCAR-ın 4 vitse-prezidentinin vəzifəsindən azad edilməsi, Şuşaya dəmiryol xəttinin çəkilməsi, RF şirkətlərinin ölkəmizə işgüzar missiyası həftənin əsas iqtisadi mövzularıdır.

BAKI, 25 iyul — Sputnik. Bu həftə Azərbaycanda maraqlı iqtisadi hadisələrlə yadda qalıb.

Xüsusi karantin rejiminin müddəti uzadılıb

Koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan ərazisində xüsusi karantin rejiminin müddəti 1 sentyabr saat 06:00-dək uzadılıb. Bu barədə Baş nazir Əli Əsədov qərar imzalayıb.

Qərara əsasən, 2021-ci il 31 iyul saat 00:00-dan 2 avqust saat 06:00-dək, 7 avqust saat 00:00-dan 9 avqust saat 06:00-dək, 14 avqust saat 00:00-dan 16 avqust saat 06:00-dək, 21 avqust saat 00:00-dan 23 avqust saat 06:00-dək, 28 avqust saat 00:00-dan 30 avqust saat 06:00-dək ictimai nəqliyyatda, həmçinin Bakı Metropolitenində sərnişindaşıma fəaliyyəti dayandırılacaq.

Baş nazirin COVID-19-la bağlı müşavirəsi

İyulun 21-də Azərbaycan Respublikasının Baş naziri, Operativ Qərargahın rəhbəri Əli Əsədovun sədrliyi ilə Qərargahın geniş tərkibdə respublika müşavirəsi keçirilib. Müşavirədə Operativ Qərargahın üzvləri ilə bərabər şəhər və rayonların icra hakimiyyəti başçıları, polis şöbələrinin rəisləri, baş həkimlər iştirak ediblər.

Müşavirənin gündəliyindəki iki məsələ - ölkə üzrə peyvəndlənmə prosesinin gedişi və xüsusi karantin rejimində şənlik mərasimlərinin – toy, nişan və s. tədbirlərin keçirilməsi zamanı xüsusi karantin rejimi qaydalarına nəzarət məsələləri müzakirə olunub.

Baş nazir Əli Əsədov bildirib ki, Prezident İlham Əliyevin Sərəncamı ilə Operativ Qərargahın yaradıldığı dövr ərzində əhalinin sağlamlığının qorunması üçün bütün imkanlar səfərbər edilərək xəstəliklə mübarizəyə cəlb olunub, o cümlədən səhiyyə orqanlarının bütün maddi təminatı ödənilib, habelə yoluxmanın və sağalmanın dinamikasına uyğun olaraq xüsusi karantin rejiminin gücləndirilməsi və yumşaldılması üzrə inzibati tədbirlər görülüb.

Xüsusi karantin rejimi çərçivəsində məhdudiyyətlərin iqtisadiyyata göstərdiyi təzyiqə baxmayaraq, dövlət başçısının elan etdiyi prinsip - vətəndaşların sağlamlığı əsas prinsip kimi tətbiq olunub.

Pandemiya ilə mübarizənin aparıldığı dövrün təcrübəsi göstərir ki, xəstəliyə qarşı ən effektli mübarizə vasitəsi peyvəndlənmədir.

Prezident İlham Əliyevin zamanında qəbul etdiyi qərara əsasən ölkəmizə 15 milyon doz peyvəndin gətirilməsinə dair anlaşmalar əldə olunub, sifarişlər edilib və hissə-hissə gətirilməkdədir. Məqsəd, ölkə əhalisinin təqribən 70%-ə qədərini peyvəndləməkdir.

Qəbul olunmuş qərarlar nəticəsində yoluxmanın səviyyəsinin aşağı salınmasına nail olundu, yayın əvvəlinədək yoluxmanın statistikası ikirəqəmli həddə endi, sağalanların sayı və çarpayı ehtiyatı artırıldı.

Prezident: Altı ayın yekunları göstərir ki, artıq Azərbaycan iqtisadiyyatı tənəzzüldən çıxıb

Azərbaycan Prezidenti İlham Əliyev Azərbaycan Televiziyasına müsahibəsində deyib ki, altı ayın yekunları göstərir ki, artıq Azərbaycan iqtisadiyyatı tənəzzüldən çıxıb. Əgər bu altı ayın hər bir ayının iqtisadi göstəricilərinə nəzər salsaq görərik ki, ilin əvvəlində iqtisadi tənəzzül daha böyük rəqəmlərlə ölçülürdü. Hər ay tənəzzül azalırdı və biz may ayının yekunlarına görə bir balaca iqtisadi inkişafa nail ola bildik. Altı ayın yekunları isə bunu göstərir ki, bizim iqtisadiyyatımız 2 faiz artıb. Bu, yaxşı göstəricidir.

Dövlətimizin başçısı bildirib ki, xüsusilə dünyada gedən proseslərə nəzər saldıqda görürük ki, dünya ölkələrinin böyük əksəriyyəti hələ ki, iqtisadi tənəzzüldədir. Bizim iqtisadiyyatımız isə artır və əminəm ki, ilin sonuna qədər daha da artacaq. Daha sevindirici məsələ odur ki, qeyri-neft sektorumuz 5 faizdən çox artıb. Bu, doğrudan da böyük rəqəmdir, böyük göstəricidir, görülmüş işlərin təzahürüdür.

Sənaye istehsalının 0,3 faiz azaldığını qeyd edən Prezident İlham Əliyev vurğulayıb ki, bunun əsas səbəbi neft hasilatı ilə bağlıdır, OPEC+ razılaşmasının yerinə yetirilməsidir. Bilirsiniz ki, biz hasilatı azaltmışıq və necə deyərlər, bu versiyanı təsdiqləyən digər göstəriciyə diqqətinizi cəlb etmək istərdim. Qeyri-neft sənayemiz 16,6 faiz artıb və daha da artacaq. Bugünkü bu açılış və görüləcək digər işlər qeyri-neft sektorunun sənaye potensialını daha da artıracaq. Çünki 16,6 faiz artım olub, mən bilmirəm hansı başqa ölkədə buna rast gəlmək olar.

İlham Əliyev: İlin sonunadək həm Qarabağda, həm də Şərqi Zəngəzurda elektrik təsərrüfatını quracağıq

Prezident İlham Əliyev bildirib ki, biz bu ilin sonuna qədər azad edilmiş torpaqlarda - həm Qarabağda, həm də Şərqi Zəngəzurda bütün elektrik təsərrüfatını quracağıq: yeni xətlər, ötürücü xətlər, transformatorlar, yarımstansiyalar, elektrik stansiyaları. Ermənilər tərəfindən dağıdılmış 12 su elektrik stansiyasını ki, Kəlbəcər və Laçın rayonlarında onlara iki həftə möhlət verəndən sonra onları yandırıb dağıtmışdılar. Beləliklə, bu, əsas məsələdir. Çünki bu olmasa, heç bir inkişafdan söhbət gedə bilməz.

Bundan sonra yaşıl enerji layihəsinin icra ediləcəyini diqqətə çatdıran dövlətimizin başçısı deyib ki, artıq bir xarici şirkət tərəfindən maraq göstərilib. "200 meqavatlıq günəş elektrik stansiyasının xarici şirkətin vəsaiti hesabına tikintisi ilə bağlı razılığa gəldik. Bu, çox gözəl, önəmli hadisədir. Eyni zamanda, başqa şirkətlər üçün də bu, bir siqnaldır", - deyə Prezident vurğulayıb.

İndi dünyanın müxtəlif enerji şirkətlərinin öz prioriteti üçün bərpaolunan enerjini təsbit etdiklərini deyən Prezident İlham Əliyev bildirib: "Biz onları da dəvət edirik, gəlsinlər, investisiya qoysunlar. Bizim şaxələndirilmiş enerji şəbəkəmiz var, bizim bütün qonşu ölkələrlə Türkiyə, Rusiya, İran, Gürcüstanla yüksək gərginlikli enerji xətlərimiz var. Biz istənilən yerə enerjini ötürə bilərik. Məsələn, biz İrana indi ixrac edirik, Rusiyaya həm ixrac edirik, həm idxal edirik, amma daha çox ixrac edirik. Eyni zamanda, Gürcüstana, Türkiyəyə ixrac edirik".

Azərbaycan Prezidenti: İnflyasiya məqbul hesab edilən rəqəmlər ətrafındadır

Prezident İlham Əliyev Azərbaycan Televiziyasına müsahibəsində bildirib ki, inflyasiya məqbul hesab edilən rəqəmlər ətrafındadır – 4,3 faiz. Hesab edirəm ki, bu da yaxşı nəticədir. Valyuta ehtiyatlarımız artıb. Altı ayda valyuta ehtiyatlarımız 1 milyard dollar həcmində artıb. Amma bu artım daha da böyük olacaqdı. Çünki bizim ehtiyatlarımızın bir hissəsi müxtəlif valyutalardadır, o cümlədən avro və dollar əksəriyyət təşkil edir. Bu məzənnədə olan dəyişiklik bizim mütləq rəqəmlərə təsir göstərdi.

Dövlətimizin başçısı qeyd edib ki, baxmayaraq ki, biz genişmiqyaslı quruculuq işləri aparırıq, baxmayaraq ki, biz Qarabağı və Şərqi Zəngəzuru sürətlə bərpa edirik, nəinki valyuta ehtiyatlarımızı azaltmamışıq, artırmışıq və heç bir kreditə də müraciət etməmişik. Bu, nəyi göstərir? Resursumuzu göstərir, resurs bazasını göstərir. Eyni zamanda, onu göstərir ki, biz vəsaitdən çox ehtiyatla istifadə edirik, israfçılığa, lazım olmayan xərclərə yol vermirik. Vaxtilə nəzarətsiz olan xərclər artıq keçmişdə qalıbdır, bütün dövlət məmurları mənim təlimatlarımı icra etməlidirlər və edirlər ki, hər manata qənaət etməliyik.

Azərbaycan Prezidenti deyib ki, lazım olmayan layihələrə, xeyir gətirməyən layihələrə, sadəcə, görüntü naminə, yaxud da hansısa başqa maraqlar naminə dövlət investisiya xərcləri verilməyəcək. Bunu hər kəs bilir. Ona görə valyuta ehtiyatlarımızın artımı da çox vacib məsələdir. Nə qədər çox valyutamız olsa, biz özümüzü o qədər də əmin hiss edirik.

Prezident İlham Əliyev Dövlət Neft Şirkətinin dörd vitse-prezidentinin vəzifələrindən azad edilməsi barədə sərəncamlar imzalayıb

Azərbaycan Respublikasının Prezidenti İlham Əliyev iyulun 19-da Azərbaycan Respublikası Dövlət Neft Şirkətinin dörd vitse-prezidentinin vəzifələrindən azad edilməsi barədə sərəncamlar imzalayıb.

Sərəncamlara əsasən, Azərbaycan Respublikası Dövlət Neft Şirkətinin vitse-prezidentləri Mikayıl İsmayılov, Bəhram Hüseynov, Tofiq Qəhrəmanov və David Məmmədov vəzifələrindən azad ediliblər.

Bakıda Rusiya şirkətlərinin Azərbaycana işgüzar missiyası çərçivəsində tədbir keçirilib

Azərbaycan və Rusiya münasibətləri tarixi köklərə əsaslanır. Rusiya Azərbaycanın strateji tərəfdaşıdır və ölkələrimiz arasında iqtisadi, siyasi, nəqliyyat və digər sahələrdə əlaqələrimiz yüksələn xətlə inkişaf edir. Bunu Azərbaycanın iqtisadiyyat naziri Mikayıl Cabbarov iyulun 23-də Rusiya şirkətlərinin Azərbaycana işgüzar missiyası çərçivəsində keçirilən tədbirdə deyib.

Nazir bildirib ki, ölkələrimiz arasında hökumətlərarası komissiya fəaliyyət göstərir. Pandemiya ilə əlaqədar olaraq iki ölkə arasında əlaqələrdə müəyyən problemlər oldu: "Biz tədricən ticari, iqtisadi və digər sahələrdə əməkdaşlığımızı genişləndirmək istəyirik. Əlaqələrin dinamikası qənaətbəxşdir. Bu ilin iyulundan Ələt İqtisadi Zonasının təməli qoyulub. Rusiya istehsalçıları, şirkətləri ilə əməkdaşlıq bizim maraqlarımız çərçivəsindədir".

M.Cabbarov qeyd edib ki, Azərbaycan 44 günlük Vətən müharibəsində Zəfər qazanaraq öz ərazi bütövlüyünü bərpa edib. Rusiya Azərbaycanın ərazi bütövlüyünü tanıyır və bu məsələdə ölkəmizə öz dəstəyini göstərib. Təbii ki, ölkələrimiz arasında əlaqələrin inkişafı və daha da genişləndirilməsi üçün regionda təhlükəsizliyin təminatı mühüm şərtdir.

Nəqliyyat, rabitə və yüksək texnologiyalar naziri Rəşad Nəbiyev çıxış edərək bildirib ki, Azərbaycan və Rusiya arasındakı münasibətlərin inkişafı çox əhəmiyyətlidir. Dövlət başçılarının mütəmadi görüşləri ikitərəfli münasibətlərin müzakirəsi və əməkdaşlığın dərinləşdirilməsi baxımından müstəsna önəm kəsb edir. Bugünkü tədbir sabaha ümid verir.

Nazir bildirib ki, ölkələrimiz nəqliyyat, yükdaşımada müştərək əməkdaşlıq edir. Azərbaycan, Rusiya prezidentlərinin və Ermənistan baş nazirinin imzaladığı 10 noyabr tarixli üçtərəfli Bəyanatın tələblərinə uyğun olaraq kommunikasiyanın açılması region ölkələrinin iqtisadi cəhətdən daha sürətlə inkişafında mühüm rol oynayacaq.

Onun sözlərinə görə, Rusiya şirkətlərinin təcrübəsindən yararlanmaq Azərbaycanın da xeyrinədir və çox səmərə verəcək.

Rusiyalı nazir müavini: Artım bizi sevindirir

Rusiya Federasiyasının iqtisadi inkişaf nazirinin müavini Dmitri Volvaç çıxış edərək bildirib ki, Azərbaycan-Rusiya əlaqələri çoxşaxəli səciyyə daşıyır. Ölkələrimiz həyatın müxtəlif sahələrində sıx əməkdaşlıq edirlər. Son 5 ayda Rusiya və Azərbaycan arasında ticarət əlaqələri demək olar ki, 4 faiz artıb. Bu, bizi çox sevindirir.

Nazir müavini qeyd edib ki, pandemiya hər bir ölkənin iqtisadiyyatına mənfi təsir göstərib. Postpandemiya şəraitində əlaqələrin inkişaf etdirilməsinin vacibliyini qeyd edən D.Volvaç vurğulayıb ki, 10 noyabr tarixli üçtərəfli Bəyanatın şərtlərinə əsasən, kommunikasiyanın açılması region ölkələri arasında əlaqələrin inkişafı üçün əlverişli imkanlar yaradır.

O bildirib ki, Azərbaycan və Rusiya Prezidentlərinin iyulun 20-də keçirilən görüşündə ölkələrimiz arasında əməkdaşlıq əlaqələrinin genişləndirilməsi bir daha nəzərdən keçirilib. Mövcud reallıq yeni yanaşmalar tələb edir.

"Azəriqaz" İB MTK-larda qaz sayğaclarının əvəzsiz quraşdırılmasına dair açıqlama yayıb

İstehlakçı məmnuniyyətinin qazanılması "Azəriqaz" İstehsalat Birliyinin qarşısında duran ən ümdə vəzifədir. Qaz təchizatı sahəsində kommunal xidmətlər göstərən müəssisə kimi fəaliyyətimizin əsas qiymətləndirici meyarlarından biri də abonentlərin razı qalmasıdır. Qarşıya qoyulan vəzifəyə nail olmaq, əlçatanlığı və operativliyi təmin etmək üçün istər təqdim olunan xidmətlərin çeşidinin və keyfiyyətinin artırılması, istərsə də mümkün sui-istifadəyə şərait yaradan neqativ halların aradan qaldırılması üzrə tədbirlər həyata keçirilir. Bu istiqamətdə atılan növbəti addımdan biri də Mənzil Tikinti kooperativləri (MTK) tərəfindən inşa edilən çoxmərtəbəli yaşayış binalarında qaz sayğaclarının "Azəriqaz" İB tərəfindən heç bir ödəniş edilmədən quraşdırılmasıdır. Bu barədə İB-nin baş direktoru Ruslan Əliyevin MTK-larda qaz sayğaclarının əvəzsiz quraşdırılmasına dair açıqlamasında qeyd olunub.

Bildirilib ki, Azərbaycan Respublikası Nazirlər Kabinetinin 2011-ci il 12 may tarixli 80 nömrəli qərarı ilə təsdiq edilmiş "Qazdan istifadə qaydaları"nın (Qaydalar) 4.2-ci bəndinə görə, məişət qaz qurğularının istifadəsi üçün qaz sayğacı qaz paylayıcısının, sənaye qaz qurğularının istifadəsi üçün isə qaz sayğacı istehlakçının vəsaiti hesabına təchiz edilir, quraşdırılır və dəyişdirilir. "Azəriqaz" İB qanunvericiliyin həmin tələbinin bu günədək də icrasını tam təmin edir. Ümumi qaz sərfiyyatı saatda 10 kubmetrədək olan, əhalinin məişət ehtiyacları üçün istifadə edilən məişət qaz qurğusu istifadəçilərinə münasibətdə "Azəriqaz" İB tərəfindən qaz sayğacları əvəzsiz olaraq təchiz edilir. Belə ki, heç bir ödəniş edilmədən istifadə olunan və istismar müddəti başa çatan qaz sayğacları yenisi ilə əvəzlənir, qüsurla çalışan sayğaclar təmir edilir, yeni fərdi yaşayış evləri qaz sayğacları ilə təchiz olunur. Bunun üçün tikinti obyektinə (mənzil, fərdi yaşayış evi) mülkiyyət hüququ olan vətəndaşın və ya sonuncu ilə icarə müqaviləsi bağlayan şəxsin müraciəti yetərlidir. Həmin müraciət əsasında qaz sayğacının quraşdırılma yeri, markası, nömrəsi, quraşdırılma tarixi, üzərindəki plombun nömrəsi, dövlət yoxlamasından keçirilməsinin son tarixi barədə məlumatları göstərilməklə "Azəriqaz" İB vətəndaşla qazın alğı-satqı müqaviləsini (4.4 bənd) bağlayır. Başqa sözlə desək, mövcud qanunvericiliyə əsasən müvafiq xidmətlərin təqdim, o cümlədən əvəzsiz olaraq qaz sayğaclarının təchiz edilməsi üçün məişət qaz qurğularından istifadə edən şəxslərlə qazın alqı-satqısı müqaviləsi bağlanılmalıdır.

MTK-lara gəlincə isə onların inşa etdikləri tikinti obyektləri müvafiq dövlət komissiyası tərəfindən istismara qəbul edildikdən sonra yaşayış üçün istifadəyə verilə bilər. Qaydaların 2.2-ci bəndinə əsasən, tikinti obyektlərinin (o cümlədən, yaşayış binalarının mənzillərinin) qaz qurğuları yalnız qaz xətlərinə tam həcmdə qoşulduqdan, sayğaclar və detektorlarla təchiz edildikdən sonra istismara qəbul üçün təqdim edilə bilərlər. O da məlumdur ki, əksər MTK-lar tərəfindən inşa edilən bir çox tikinti obyektləri məişət qaz qurğuları ilə birlikdə istismara verilmir. Bu qurğular daha sonra həmin mənzillərdə yaşayan fiziki şəxslər tərəfindən əldə edilir. Nəticə etibarı ilə MTK-lar istehlakçı deyil, sifarişçi qismində çıxış edərək öz biznes layihələri üçün inşa etdikləri tikinti obyektlərində quraşdırılmalı olan qaz sayğaclarının alınması barədə müraciət edirlər. Məlumdur ki, MTK-lar fiziki deyil, kommersiya marağı güdən və məişət qurğularının istifadəçisi olmayan hüquqi şəxslərdir. Hesab edirik ki, məhz bu səbəbdən də qanunvericilik tikinti obyektlərinin istismara qəbul edilməsi üçün digər tələblərlə yanaşı, öncə sayğaclar və detektorlarla təchiz olunması tələbini müəyyənləşdirib.

Bir ədədi üçün komplekt dəyəri 70-90 manat təşkil edən qaz sayğaclarının əvəzini sonradan dəfələrlə baha qiymətə MTK-lar tərəfindən (bu hal da MTK-nın kommersiya marağı güdməsindən xəbər verir) vətəndaşlardan tələb edilməsi sonuncularda narazılığa səbəb olur. Yuxarıda da qeyd etdiyimiz kimi "Azəriqaz" İB bilavasitə və ya dolayısı ilə öz fəaliyyəti ilə əlaqədar olan və ictimai rezonans doğura biləcək bütün məsələləri diqqət mərkəzində saxlayır, onlara həssaslıqla yanaşır və müştəri məmnunluğunun təmin edilməsi üçün məsələnin həllinə çalışır. Bu məsələ münasibətlərimizdə müsbət əməkdaşlıq təcrübəsi formalaşmış Azərbaycan Respublikası İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti ilə də müzakirə edilib. Konstruktiv yanaşma nəticəsində problemin həllinə nail olundu. Bundan sonra 2021-ci il iyulun 1-dən etibarən tikinti obyektlərinin qazlaşdırılması ilə əlaqədar müraciət edən MTK-lara veriləcək texniki şərtlərdə qaz sayğaclarının əvəzsiz olaraq quraşdırılması öhdəliyi qaz paylayıcısının üzərinə qoyulur.

Beləliklə, kommersiya marağını güdən qarşı tərəfin (MTK) məişət qaz qurğularını istifadə edən fiziki şəxs (istehlakçı) qismində çıxış etməməsinə baxmayaraq, qiymətlərlə əlaqədar mümkün sui-istifadə, vətəndaşlardan əsassız olaraq əlavə pulların tələb edilməsi hallarının qarşısının alınması, eləcə də qaz təchizatı sahəsində kommunal xidmətlər təqdim edən dövlət müəssisəsinin fəaliyyətinin daha şəffaf və səmərəli təşkil olunması, əhali tərəfindən qaz paylayıcısına olan etibarın artması məqsədilə tərəfimizdən müvafiq qərar qəbul edildi.

800-dən çox obyektdə şənlik mərasimlərinə nəzarət həyata keçirilib

Şənlik mərasimlərinin müəyyən edilmiş qayda və tələblərə uyğun təşkilinə nəzarət məqsədilə aidiyyəti qurumların nümayəndələrinin iştirakı ilə şadlıq saraylarında gündəlik monitorinqlər davam etdirilir. Monitorinq qrupları tərəfindən iyulun 22-dək 800-dən çox obyektdə şənlik mərasimləri keçirilərkən qayda və şərtlərə əməl olunması vəziyyəti araşdırılıb.

Növbəti monitorinqlər zamanı şənlik mərasimlərinin təşkil olunduğu bəzi obyektlərdə müəyyənləşdirilən qaydaların pozulması hallarına rast gəlinib. Bu, əsasən toy keçirilən məkanlarda qonaqların sayının icazə verilən normadan artıq olması, tədbirə qatılanların COVID-19 pasportunun olmaması və s. ilə bağlıdır. Belə ki, monitorinq aparılan mərasimlərdə iştirak edən 108 minə yaxın qonağın müvafiq sənədləri araşdırılıb, onların bir hissəsində (12 min nəfərə yaxın) nöqsanlar aşkar edilib. Həmçinin, şənlik təşkil edilən məkanların işçi heyətinin 500 nəfərdən çoxunun tələblərə əməl etmədiyi müəyyən olunub. Bununla yanaşı, monitorinqlər zamanı 21 şənlik mərasiminin icazə.e-gov.az portalına daxil edilmədən təşkil olunduğu da aşkarlanıb.

Monitorinq qrupları toy və məkan sahibləri ilə profilaktik söhbət aparıb və nöqsanlar yerindəcə aradan qaldırılıb. Toy mərasimlərinin qaydalara uyğun davam etdirilməsi təmin olunub və monitorinq qrupları yeni ailə quranlara hədiyyələr təqdim ediblər.

Monitorinqlər zamanı şənlik mərasimləri keçirilən təsərrüfat subyektləri (şadlıq evləri, restoran, istirahət mərkəzləri) üzrə vergi ödəyicilərinin muzdlu işçilərinin vaksin və immun sertifikatı ilə əhatə olunması vəziyyəti də araşdırılıb. Araşdırmalar göstərir ki, bu sahədə əhəmiyyətli irəliləyişlər müşahidə olunur. Belə ki, maarifləndirmə tədbirlərinə başlandığı vaxtdan ötən dövr ərzində xidmət persolanının vaksinləşmə göstəricisi 42,5%-dən 72,1%-ə yüksəlib. Bu həmçinin, vergi ödəyicilərinin muzdlu işçilərinin qeydiyyatının şəffaflaşması deməkdir.

Şənlik mərasimləri təşkil edən vergi ödəyicilərinin və vətəndaşların nəzərinə bir daha çatdırılır ki, müəyyən edilmiş qaydalara və şərtlərə tam əməl olunmalı, işçi heyəti zəruri vasitələrlə (tibbi maska, əlcək və digər fərdi qoruyucu vasitələr) təmin etməlidir. Məkan sahibləri şənlik məclisləri barədə icaze.gov.az portalında müvafiq qeydiyyat aparlmalı, zalların ölçüsünə, qonaq tutumuna, iştirakçıların müvafiq sənədlərə malik olmasına diqqət yetirməlidirlər.

Şuşaya dəmiryol xətti çəkiləcək

"Azərbaycan Dəmir Yolları" QSC Şuşa istiqamətində dəmiryol xəttinin çəkilməsi ilə bağlı layihələndirmə işləri aparır. Bunu jurnalistlərə açıqlamasında QSC-nin sədri Cavid Qurbanov bildirib.

O qeyd edib ki, dəmiryolunun layihələndirmə işləri Türkiyə şirkəti tərəfindən həyata keçirilib.

Cavid Qurbanov qeyd edib ki, ərazidə tunellər çoxdur, ərazi dağlıq ərazidir. Azərbaycan Prezidenti Şuşanı mədəniyyət paytaxtı elan edib, ona görə də ora elektrik qatarının tikintisi vacib olacaq.

Azərbaycanda dəmir yolları

Azərbaycanda dəmir yolunun təməli hələ 1878-ci ildə qoyulub və inşası 20 yanvar 1880-ci ildə başa çatıb. O, uzunluğu cəmi 20 km olan Bakı-Sabunçu-Suraxanı dəmir yolundan ibarət olub. Həmin tarixi dövrdən başlayaraq, Azərbaycan dəmir yolu yük daşınmasına olan tələbatın artdığını nəzərə alaraq inkişaf etmiş və təkmilləşmişdir.

Hazırda ölkə üzrə baş yolların açılmış uzunluğu 2954,74 km, istismar uzunluğu 2133,07 km-dir ki, onlardan da 803,3 kilometri ikiyollu, 1329,72 km-i isə bir yolludur. Yolun ümumi istismar uzunluğunun 1169,17 kilometri və ya 54,82%-i elektrikləşdirilib, 964,9 kilometri, yəni 45,18%-i teplovoz dartısı ilə işləyir. 1527,7 kilometri avtomatlaşdırılmış işarəvermə sistemi ilə təchiz edilib.

Erməni təcavüzü nəticəsində Azərbaycan Dəmir Yolunun 240, 4 km. sahəsi işğal altına düşmüş və təsərrüfatlara təxminən 45 mln. 60 min ABŞ dolları məbləğində ziyan dəymişdir.

Mədəniyyət paytaxtı Şuşa

Qeyd edək ki, Azərbaycanın dilbər guşələrindən olan, öz qədimliyi və zəngin mədəniyyəti ilə seçilən Şuşa 1992-ci ilin 8 mayında Ermənistan silahlı birləşmələri tərəfindən işğal edilib. 2020-ci ilin 8 noyabr tarixində Azərbaycan Ordusunun əks-hücumu nəticəsində işğaldan azad edilib. Erməni işğalında qaldığı 28 il müddətində şəhərdə çoxsaylı dağıntılar, talanlar törədilib. Şəhərin infrastrukturu, yolları məhv edilib.

Prezident İlham Əliyev 2021-ci ildə Şuşanı Azərbaycanın mədəniyyət paytaxtı elan edib. Bundan sonra Şuşada bərpa və quruculuq işlərinə başlanılıb.

0