Müqəddəs Ramazan ayı başladı dünyanın hər yerindən şəkillər

38
Müsəlman dünyasında oruca riayət olunmasını nəzərdə tutan müqəddəs Ramazan ayı başlayıb. Bəs dünya ölkələrində insanlar Ramazanı necə qarşılayıblar – "Sputnik Azərbaycan"ın fotolentinə nəzər salın.

Bütün müsəlmanlar üçün müqəddəs olan Ramazan ayı başlanıb. Artıq iki ildir ki, bu müqəddəs ay koronavirus pandemiyası şəraitində keçir. Bəzi ölkələrdə məhdudiyyətlər daha yumşaqdır və inanclı insanlara sosial məsafəyə riayət etmək şərti ilə məscidlərdə namaza durmağa icazə verilir. Digər ölkələrdə isə sərt məhdudiyyətlər hələ götürülməyib və kütləvi tədbirlərin keçirilməsi qadağandır.
Bu cür şəraitdə müfti və imamlar inanclıları evlərində ibadət etməyə, ənənəvi iftar mərasimlərini isə ailə çərçivəsində keçirməyə çağırırlar.
Cari təqvim ilində Ramazan ayının başlanğıcı aprel ayının 13-nə tuş gəlib.
Qeyd edək ki, bu ay insanlar oruc tutur, bəzi ölkələrdə isə gündəlik orucdan sonra çoxlu sayda insanlar üçün iftar mərasimləri təşkil olunur.
Xatırladaq ki, Ramazan ayının başlanması Ay təqviminə əsaslanır. Ayın uzunluğu 29-30 gün olur. Müqəddəs ay Eyd əl-Fitr (İftar bayramı) bayramı ilə başa çatır ki, bu da ayın sonuncu günü başlanır və üç gün davam edir.

38
  • © REUTERS / Alaa Al-Marjani

    İraqın Nəcəf şəhərində işçi müqəddəs Ramazan ayı qabağı ayparanın yaxınlığında küçəni yuyur

  • © REUTERS / Ajeng Dinar Ulfiana

    İndoneziyada müsəlmanlar müqəddəs Ramazan ayının başlanması ərəfəsində dua edirlər

  • © AP Photo / Hassan Ammar

    Beyrutda müqəddəs Ramazan ayının başlaması şərəfinə bəzəklər

  • © REUTERS / Ammar Awad

    Qüdsdə müqəddəs Ramazan ayının başlanması ərəfəsində küçə işıqlandırılır

  • © REUTERS / Alaa Al-Marjani

    İraqda xeyriyyə yeməyi paylanması zamanı maska ​​taxan qız

  • © REUTERS / Irwansyah Putra/Antara Foto

    İndoneziyada müsəlmanlar müqəddəs Ramazan ayı ərəfəsində dua edirlər

  • © AFP 2021 / Omar Haj Kadour

    Suriyada müqəddəs Ramazan ayının başlaması şərəfinə bəzəklər

  • © AP Photo / Amr Nabil

    Müsəlmanlar Məkkədə müqəddəs Ramazan ayının ilk günündə dua edirlər

  • © REUTERS / Mussa Qawasma

    Fələstinli kişi İordan çayının qərb sahilində müqəddəs Ramazan ayının başlanğıcından əvvəl teleskopla aya baxır

  • © AFP 2021 / Savo Prelevic

    Müsəlman qadınlar Podqoritsa şəhərindəki məsciddə namaz qılırlar

  • © AFP 2021 / Giuseppe Cacace

    Ramazan ərəfəsində Dubayda küçə

  • © REUTERS / Mike Hutchings

    Müsəlmanlar Cənubi Afrikanın Keyptaun şəhərindəki sahildə müqəddəs Ramazan ayının başlanğıcını göstərən ayı gözləyərək dua edirlər

  • © AP Photo / Shafkat Anowar

    Çikaqoda müsəlmanlar müqəddəs Ramazan ayının ilk axşamında dua edirlər

Teqlər:
fotolent, şəkillər, dünya, Ramazan

Qadın ətri: Əfsanəvi "Chanel Nº5"-in tarixi

20
(Yenilənib 12:23 06.05.2021)
Möhtəşəm ətir, qızıl standart, dəbdəbə və zərafət rəmzi – bütün bunlar 100 il əvvəl yaradılsa da, indiyə kimi dünyada ən çox satılan qadın ətri olan "Chanel Nº5" haqqındadır. Təfərrüatlar – Sputnik Azərbaycanın fotolentində.

BAKI, 6 may — Sputnik. Məşhur "Chanel Nº5" ətri ilk dəfə 1921-ci il mayın 5-də Fransada təqdim olunub. Bu hadisənin üstündən 100 il keçməsinə baxmayaraq, "Chanel Nº5" indi də bütün dünyada ən çox satılan ətirdir.

Koko Şanelə bu möhtəşəm ətri yaratmaqda rus-fransız kimyaçısı Ernest Bo kömək edib. Onun Kokonun sifarişi əsasında hazırladığı qarışıq çiçək qoxularından ibarət 24 ətirdən modelyer 5 nömrəli olanını seçib. "Chanel Nº5" üçün bilərəkdən ciddi formaya məxsus şüşə flakon işlənib-hazırlanıb ki, heç bir şey ətrin özündən diqqəti yayındırmasın.

Koko Şanel bu rayihəni əvvəl Parisin, sonra isə dünyanın bütün qadınları üçün ən çox arzu olunan ətrə çevirə bilir.

Bu parfümeriya şedevrinin mövcud olduğu bütün dövrlərdə satışından əldə olunan vəsait yarım milyard dolları keçib.

 

20
  • © Sputnik / Evgeniy Biyatov

    "I love Chanel. Fərdi kolleksiya" sərgisinin açılışı.

  • © AFP 2021

    Fransalı dizayner Koko Şanel, 1944-cü il.

  • Parfümer Ernest Bo.

  • © AP Photo / HIROKO MASUIKE

    Nyu-Yorkda sərgidə "Chanel No. 5" ətirləri.

  • © Sputnik / Ilya Pitalev

    Mann Reyanın "Qabriel Şanel" fotosu.

  • © Ethan Miller / Getty Images via AFP

    Merilin Monronun istifadə olunmamış "Chanel No. 5" ətri.

  • © AFP 2021 / NIKLAS HALLE'N

    Londonda Saatchi qalereyasında "Chanel No. 5" ətrinin miniatür modeli.

  • © AP Photo

    1954-cü ildə bir jurnalist Merilin Monrodan gecə yatarkən əynində nə olduğunu soruşanda o, "yalnız bir neçə damcı "Chanel Nº5"- demişdi. Beləliklə, bu sözlər ətrin reklam kampaniyasının sloqanına çevrilmişdi.

  • © AP Photo / David F. Smith

    Monrodan sonra "Chanel No. 5" ətrinin model və aktrisa Syuzi Parker təmsil edib. 1950-ci illərdə o, dəb ikonası sayılırdı.

  • © AFP 2021

    Ketrin Denev "Chanel No. 5"in reklamında dəb dünyasının çətin vaxtlarında qoşuldu və ətrə əvvəlki statusunu qaytardı.

  • © AP Photo

    1980-ci illərdə "Chanel No. 5"in siması "Bondun rəfiqəsi" Karol Buke oldu. O, parfyumu hamıdan çox - 15 il reklam edib.

  • © AFP 2021 / LEON NEAL

    1980-c illərin ortalarında rəssam Endi Uorhol "Chanel No. 5"ə bir neçə əsərini həsr edib.

  • © AFP 2021

    Nikol Kidman "Chanel No. 5"in reklam kampaniyasında.

  • © AFP 2021 / STEPHANE DE SAKUTIN

    Parisdə "Qabriel Şanel. Dəbli manifest" sərgisində ətirlər.

  • © AP Photo / Shizuo Kambayashi

    2009-cu ildə parfyumun siması "Koko do Şanel" filmində baş rolun ifaçısı olan Odri Tatu seçildi.

  • © AP Photo / Joel Ryan

    2012-ci ildə "Chanel" ətrinin reklamını dəb dünyasını ən zövqlü simalardan sayılan Bred Pitə tapşırılıb.

  • © Larry Busacca / Getty Images via AFP

    Mayli Sayrusun "Chanel" ətrinin formasında olan aksessuarı.

  • © Charles Sykes / Invision / AP

    Braziliyalı supermodel və aktrisa Jizel Bündhen "Chanel No. 5"ə həsr olunmuş şam yeməyində.

  • © Sputnik / Ekaterina Chesnokova

    2016-cı ildə şirkət 17 yaşlı Lili-Rouz Deppi əməkdaşlığa dəvət edib.

  • © AP Photo / Francois Mori

    Fransalı aktrisa Marion Kotiyyar "Chanel Yaz-Yay-2021" kolleksiyasının təqdimatından əvvəl.

Çıxıblar yenə dizə - LALƏLƏR

126
(Yenilənib 14:42 05.05.2021)
Bakı-Şamaxı-Yevax avtomobil yolunun kənarında, Göyçayın Qarayazı kəndinin ətrafında olan bu əsrarəngiz gözəllik görənlərin marağına səbəb olur.

Hər zaman hüsnünə, yaraşığına nəğmələr qoşulan, şeirlər söylənən yaşıl zəmilərin arasında bitən qızıl lalələr Göyçayda gözəl mənzərə ortaya çıxarıb. Kövrəkliyini bahar müjdəli bənövşədən, rəngini qızılgüldən alan al-qırmızı lalələr yoldan keçənləri belə ayaq saxlamağa vadar edir, sanki insanları bir an ana təbiətin bu gözəlliyindən zövq almağa səsləyir.

Rayonun dörd  bir yanında yamyaşıl çəmənliklərdə boy verən lalələr paytaxt  sakinləri ilə bərabər yerli qonaqların, yaradıcı insanların da diqqətini cəlb etməyi bacarır. Yolda hərəkət edən hər 3 avtomobildən ikisi bu ərazidə dayanır, böyüklər və uşaqlar bu gözəlliyi  seyr edərək, lalə romantikasının maraqlı məqamlarının sevincini yaşayırlar. Təbiətin sehrinə düşərək valehedici mənzərəni doya-doya seyr edən yolçular bu mənzərəni ildə bir dəfə yaz aylarında görə bilərlər.

126
  • © Sputnik / Rashad Keremoglu

    Göyçayda laləlikdə qız.

  • © Sputnik / Rashad Keremoglu

    Göyçayda laləlik.

  • © Sputnik / Rashad Keremoglu

    Göyçayda laləlik.

  • © Sputnik / Rashad Keremoglu

    Göyçayda laləlikdə uşaq.

  • © Sputnik / Rashad Keremoglu

    Göyçayda laləlik.

  • © Sputnik / Rashad Keremoglu

    Göyçayda laləlik.

  • © Sputnik / Rashad Keremoglu

    Göyçayda laləlik.

  • © Sputnik / Rashad Keremoglu

    Göyçayda laləlikdə qız.

  • © Sputnik / Rashad Keremoglu

    Göyçayda laləlik.

  • © Sputnik / Rashad Keremoglu

    Göyçayda laləlik.

  • © Sputnik / Rashad Keremoglu

    Göyçayda laləlikdə foto çəkdirən insanlar.

  • © Sputnik / Rashad Keremoglu

    Göyçayda laləlikdə foto çəkdirən insanlar.

  • © Sputnik / Rashad Keremoglu

    Göyçayda laləlikdə.

  • © Sputnik / Rashad Keremoglu

    Göyçayda laləlikdə foto çəkdirən qız.

Hindistanda epidemioloji vəziyyət

"Hindistan ştammı"nın Azərbaycanda yayılma riski böyükdür

0
(Yenilənib 16:17 06.05.2021)
"Hindistan ştammı"nın yayılmasının qarşısını almaq üçün virusun yayıldığı ölkələrə, xüsusilə Hindistana hava nəqliyyatı, eləcə də avtomobil nəqliyyatı ilə səfərlərdən qaçmaq lazımdır.

Zülfiyyə Quluyeva, Sputnik Azərbaycan

BAKI, 6 may — Sputnik. Koronavirusla bağlı dünyanı bürüyən daha bir narahatlıq "Hindistan ştammı" ilə bağlıdır. Bu gün Nazirlər Kabineti yanında Operativ Qərargahın brifinqində TƏBİB-in departament müdiri Yaqut Qarayeva Azərbaycanda "Hindistan ştammı"nın qeydə alınmadığını bəyan etsə də, virusun mutasiya etmiş bu növü artıq bir neçə ölkəni xofa salıb. ABŞ-da koronavirusun ikiqat mutasiyalı ştammı aşkarlanıb. "San Francisco Chronicle" qəzetinin Stanford Kliniki Virusologiya Laboratoriyasının mütəxəssislərinə istinadən məlumatına görə, ştamm San-Fransisko Körfəzində yaşayan bir nəfərdə aşkarlanıb. "Hindistan ştammı" ilə təmasda olan daha yeddi nəfər test edilib və nəticələr gözlənilir. Bu ştamm martın sonunda ortaya çıxıb.

Fransanın Lo və Qaronna departamentində də COVID-19 virusunun Hindistan ştammına yoluxma aşkarlanıb. Bunu Yeni Akvitaniya bölgəsinin regional səhiyyə təşkilatının rəhbəri Benuat Elbod deyib. Onun sözlərinə görə, yeni ştamm Hindistandan ölkəyə gələn fransızın analizlərinin cavabında aşkar edilib. Hazırda təcrid olunan şəxsin təmasda olduğu insanlar da yoxlanılır.

Polşada da koronavirusun Hindistan ştammı aşkarlanıb. Bu barədə ölkənin səhiyyə naziri Adam Nedzelski bildirib. Nazirin sözlərinə görə, Varşava və Katovis bölgələrində koronavirus ocaqları qeydə alınıb. Həmin regionlardan götürülmüş nümunələrdən 14-də hind mutasiyası təsdiqlənib.

Ümumdünya Səhiyyə Təşkilatı COVID-19 virusunun Hindistanda aşkarlanan variantının (B.1.617) dünyada sürətlə yayıldığını, artıq 20-dək ölkədə koronavirusun bu ştammının aşkarlandığını açıqlayıb. Məlumatda bildirilir ki, Böyük Britaniya, ABŞ, Sinqapur kimi ölkələrdə də aşkarlanan COVID-19 virusunun Hindistan variantı virusun orijinal variantından daha təhlükəlidir. Belə ki, bu variantın yoluxuculuq qabiliyyəti daha yüksəkdir və daha ölümcüldür. Bundan başqa, vaksinlərin qoruyuculuq qabiliyyətinə üstün gələ bilir.

Qeyd edək ki, son günlər Hindistanda COVID-19 virusuna yoluxmaların sayı və ölüm halları sürətlə artır. Mütəxəssislər bunun əsas səbəblərindən biri kimi virusun ikiqat mutasiyasının ölkədə sürətlə yayılmasını göstərir. Son bir həftədir ki, dünya üzrə sutkalıq yoluxma antirekordunu Hindistan gündəlik 300 mindən çox yoluxma ilə yeniləyir. Ölüm hallarının çoxalması krematoriyaların işini çətinləşdirib. Belə ki, meyit sayının krematoriyaların gündəlik iş potensialından çox olması səbəbindən meyitlərin şəhərlərin müxtəlif yerlərində yandırılmasına (kremasiya) başlanılıb. Bundan başqa, bir neçə krematoriyanın fasiləsiz işləyən sobalarında ərimə baş verib.

Bəs görəsən, dünyanı təşvişə salan "Hindistan ştammı"nın Azərbaycan-a keçməsinin qarşısını almaq üçün hansı profilaktik tədbirlər görülməlidir?

İnfeksionist Vüqar Cavadzadə Sputnik Azərbaycan-a bildirib ki, "Hindistan ştammı"nın Azərbaycanda da yayılma riski böyükdür. Onun sözlərinə görə, "Hindistan ştammı" pandemiya infeksiyası olduğundan bütün dünyada yayıla bilər. İnfeksionistin fikrincə, "Hindistan ştammı"ndan qorunmaq üçün xüsusi profilaktik üsul yoxdur, lakin COVID-19-da tətbiq edilən qorunma tədbirləri davam etdirilməlidir:

""Hindistan ştammı"nın yayılmasının qarşısını almaq üçün virusun yayıldığı ölkələrə, xüsusilə Hindistana hava nəqliyyatı, eləcə də avtomobil nəqliyyatı ilə səfərlərdən qaçmaq lazımdır. Əks halda, virusun Azərbaycanda da yayılma riski böyük olacaq".

V.Cavadzadə deyir ki, Hindistanda B.1.617 ştammının yayılma səbəbi həmin ölkədə açıq havada kütləvi toplaşma oldu. O ki qaldı, B.1.617 ştammından sonra Hindistanda ölüm hallarının artmasına, Hindistanda daha çox ölüm müşahidə olunma səbəbi daha çox sosial faktorlarla və gigiyenik tələblərə əməl etməməklə bağlıdır.

İnfeksionist "Hindistan ştammı"nın xüsusi müalicəsinin olmadığını, COVID-19-da tətbiq edilən müalicə metodunun B.1.617 ştammında da keçərli olduğunu söyləyir.

Professor Adil Qeybulla bildirib ki, bu gün bütün dünyada "Hindistan ştammı" təhlükəsi var və virusun bu cür mutasiyası çox təhlükəlidir. Əgər Hindistan ştammı Azərbaycana gəlib çıxarsa, dərhal karantin tədbirləri görülməlidir:

"Əgər bu ştamm dünya üzrə yayılarsa, ölkələr çox sərt tədbirlər görərsə, təbii ki, biz də bu yolu getməyə məcbur olacağıq. Çünki bəzi alimlər bunu virusun ikiqat mutasiya olduğuna görə pandemiyanın yeni mərhələsi sayırlar. Belə bir dalğa olsa, bu, böyük itkilərə gətirəcək. Koronavirusun mutasiya etməsi pandemiya ilə bağlı verilən proqnozların özünü doğrultmadığını göstərir. Buna görə də, karantin qaydalarına əməl etməyə dava etməliyik".

Məlumat üçün bildirək ki, Yaqut Qarayeva brifinqdə bəyan edib ki, Azərbaycanda indiyədək koronavirusun "Böyük Britaniya ştammı"ndan başqa yeni növ qeydə alınmayıb.

B.1.617 ştammından sonra Hindistanda gündəlik ölü sayı 3 min civarındadır. Küçələrdə kütləvi meyitlərin yandırılması həyata keçirilir. Xatırladaq ki, "Hindistan ştammı" ilk dəfə şərqi Benqaliya ştatında Genomika və İnteqrativ Biologiya İnstitutunun əməkdaşları tərəfindən aşkarlanıb. Müəyyən edilib ki, virusda ikili mutasiya əmələ gəlib və bunlar B.1.617 və B.1.618 mutasiyalarıdır. Bunun nəticəsində virusun genomunda olan arxitektonika nukleotid zəncirinin quruluşu xeyli dəyişib və virus yeni bir xassə alıb. İkiqat mutasiya nəticəsində virusun immunreaksiyadan yayınma qabiliyyəti var.

0