Fironların qızıl paradı: Qahirənin mərkəzi ilə mumiyalar daşındı - FOTOLAR

20:23 06.04.2021(Yenilənib 20:15 06.04.2021)

Misirin paytaxtı Qahirə şəhərinin mərkəzi fironların mumiyaları daşınıb. "Fironların qızıl paradı"nın necə keçdiyini Sputnik Azərbaycan-ın fotolentində izləyə bilərsiniz.

Misirdə 22 fironun mumiyalarının daşınma mərasimi keçirilib. Mumiyalar Misir Milli Muzeyindən Qahirə ətrafında yerləşən Fustat rayonunda yeni tikilən Sivilizasiya Muzeyinə çatdırılıb. Ümumilikdə kortej beş kilometr yol qət edib.

Korteji atlılar, qədim Misir geyimində olan insanlar müşayiət ediblər. Qahirə şəhərinin mərkəzi ilə daşınan mumiyaların içində 18 firon və dörd kraliçanın, o cümlədən II Ramzes, III Tutmos, I Set və Kraliça Hatşepsutun mumiyası olub.

Daşınma zamanı mumiyalar azotla doldurulmuş xüsusi qutulara yerləşdirilib.

Yeni muzeydə eksponatlar aprelin 18-dən nümayiş olunacaq.

Ölkənin turizm naziri Haled əl-Ənani mərasimi "Misirdə son illər ərzində ən böyük mədəni hadisə" kimi qiymətləndirib. Sosial şəbəkələrdə hadisəni "fironların qızıl paradı" adlandırıblar.

Qafqazın qədim elm mərkəzi: Gürcüstanın Gelati monastırı

214

09:00 20.04.2021(Yenilənib 23:25 19.04.2021)

Gürcüstan yalnız dadlı milli yeməkləri və şərabları, füsunkar təbiəti və qonaqpərvər insanları ilə deyil, həm də saysız-hesabsız məbədləri, kilsələri və monastırları ilə məşhurdur. Onlardan biri də zəngin tarixə malik Gelati monastırıdır.

Əzəmətli Gelati monastır kompleksi təpənin üzərində inşa edilib və Gürcüstanın İmereti bölgəsinin mərkəzi Kutaisi şəhərindən 11 km uzaqlıqda yerləşir. Monastırın inşasına 1106-cı ildə daha çox Qurucu David kimi tanınan gürcü çarı David Aqmaşenebelinin əmri ilə başlanılıb.

Bu monastırdan başqa, David burada sonradan təhsil, elm və fəlsəfi düşüncə mərkəzinə çevrilən Gelati Akademiyasının da əsasını qoyub və bununla da bölgənin, eləcə də, bütövlükdə ölkənin inkişafına böyük töhfə verib. Akademiya ən görkəmli filosof və ilahiyyatçıların əsərlərinin saxlanıldığı, Gürcüstanın hüdudlarından çox-çox kənarda da şöhrət tapmış zəngin kitabxanaya malik olub.

Çar David də elə bu monastırda dəfn olunub. Vəsiyyətinə əsasən, qəbri məhz monastır tağının altında qazılıb ki, buraya daxil olanlar onun məzar daşının üstünə ayaq bassınlar. Zaman keçdikcə monastır yeni kilsələr və tikililərlə genişləndirilib.

Gelati monastırının ən maraqlı yerlərindən biri də freskalar və mozaikalardır. Onlar müxtəlif dövrlərdə fərqli insanlar tərəfindən düzəldilib. Freskaların bir hissəsi 1125-ci ilə aiddir. Mehrabın apsidasında Müqəddəs Nikopiyanın təsvir olunduğu mozaika da həmin dövrə aiddir. Ancaq mozaikanın aşağı hissəsi dövrümüzə qədər gəlib çatmadığından sonradan freskalarla əvəz olunub. Eləcə də freskalarda çar Davidin nadir təsvirlərindən bir neçəsi öz əksini tapıb.

Hazırda Gelati monastır kompleksi Gürcüstanın ən çox maraq doğuran turizm məkanlarından biridir ki, bu da təəccüblü deyil. Çünki monastır dövrümüzə qədər mükəmməl şəkildə qorunub saxlanılıb. Gelati monastırı UNESCO-nun Dünya İrsi Siyahısına daxil edilib.

214

Həftənin ən parlaq şəkilləri: bikinidə xizək, vulkan üzərində uçuş, möcüzəvi lemur

16:02 18.04.2021(Yenilənib 15:43 18.04.2021)

Sputnik Azərbaycan dünya agentliklərinin müxbirlərinin ötən həftə çəkdirdikləri ən parlaq və ən emosional fotoları oxuculara təqdim edir.

Yola saldığımız həftə dünyanın müxtəlif guşələrində yeni və maraqlı hadisələrlə zəngin olub.

Dünyadakı bütün müsəlmanlar üçün müqəddəs ay olan Ramazan təşrif buyurub. Koronavirus pandemiyası kontekstində bəzi ölkələrdə məhdudiyyətlər qismən yumşaldılıb və dindarlara ictimai məsafəni qorumaq şərtilə məscidlərdə namaz qılmağa icazə verilib. Bəzi yerlərdə isə hələ də ciddi məhdudiyyətlər götürülməyib və kütləvi tədbirlərin keçirilməsi qadağandır.

İndoneziyanın şərqində 6 bal gücündə zəlzələ baş verib. Şərqi Yava əyalətində baş verən yeraltı təkanlar nəticəsində insanlar ölüb.

ABŞ-ın Minnesota əyalətində isə bir afroamerikalının ölümü və bir polisin yaralanması ilə nəticələnən insident kütləvi etirazları yenidən alovlandırıb. Yüzlərlə insan Minneapolisdəki polis idarəsinin qarşısına toplaşaraq 20 yaşlı Donti Raytın ölümünə qəzəblərini ifadə ediblər.

Keçən həftə planetimizin necə yaşadığını bir daha xatırlamaq üçün sizi dünyanın müxtəlif yerlərindən toplanan fotoşəkillərə baxmağa dəvət edirik. Dünya xəbər agentliklərinin fotomüxbirləri tərəfindən çəkilən unudulmaz hadisələr və duyğulu anlar - Sputnik Azərbaycanın həftəlik fotokolleksiyasında.

© Sputnik / Artur Lebedev
Soçidəki izək kurortunda çimərlik geyimində karnavalının iştirakçısı
© AFP 2021 / Silvio Avila
Braziliyanın Encantado şəhərində İsa Məsihin yeni heykəlinin ucaldılması
© AFP 2021 / Manan Vatsyayana
Velosiped sürən qız
© AFP 2021 / Kerem Yucel
ABŞ-ın Minneapolis şəhərində etirazçılarla polis qarşıdurması
© AFP 2021 / Fayez Nureldine
Səudiyyə Ərəbistanı Taif ənənəvi rəqsi
© REUTERS / Yuri Novikov
Könüllülər Ulduz Döyüşləri kostyumlarında
© REUTERS / Leah Millis
Brooklin sakini, 3 yaşındakı qızı ilə birlikdə, Minnesota polis idarəsi qarşısında etiraz edərkən
© REUTERS / Antara Foto / Mohamad Hamzah
İndoneziyanın müqəddəs Ramazan orucu ayında məscidin yaxınlığındakı uşaqlar
© REUTERS / Piroschka van de Wouw
Hollandiyanın Hellendorn şəhərindəki tema parkının qonağı
© AFP 2021 / Kensington Palace / The Duchess of Cambridge
Şahzadə Filip və nəvələri ilə birlikdə Böyük Britaniya Kraliçası II Yelizaveta
© AP Photo / Dita Alangkara
İndoneziyada Ramazan
© AP Photo / Amr Nabil
Səudiyyə Ərəbistanında Ramazan
© AFP 2021 / Mohammed Abed
Fələstində Ramazan
© AFP 2021 / Richard Bouhet
Piton de la Fourno vulkan lavasında vertolyot
© AFP 2021 / Nhac Nguyen
Vyetnamın Hanoi şəhərində satıcısı
© REUTERS / Alaa Al-Marjani
İraqın Nəcəf şəhərində Ramazan ərəfəsində pulsuz yemək üçün növbəyə girən maskalı qız
© AFP 2021 / Dan McGarry
Vanuatuda Şahzadə Philip portretli Yakel qəbiləsinin başçısı
© AP Photo / Angel Dejesus
Ekvadorun Guayaquil şəhərində Guillermo Lassonun tərəfdarı
© AFP 2021 / Juni Kriswanto
İndoneziya əsgərləri və yerli sakinlər Malanqdakı zəlzələdən ziyan görmüş evləri yoxlayır
© AFP 2021 / Daniel Leal-Olivas
Aquabatix komandası üzvləri məşq zamanı
© REUTERS / Khalil Ashawi
Suriyanın kəndindəki döyüş sənətləri sinifindəki uşaqlar
© REUTERS / Peter Powell
Liverpoolda at yarışı
© REUTERS / James Lawler Duggan
Aktivistlər ABŞ-ın Vaşinqtondakı Myanmar səfirliyi qarşısında etiraz aksiyası keçiriblər
© REUTERS / Danish Siddiqui
Haridvardakı Kumbxa Mela
© AP Photo / Oded Balilty
İsraildə tələbələr hər il Düşən Əsgərləri Anma Günü münasibətilə təşkil edilən mərasimdə bir tankın üstündə
© AP Photo / John Minchillo
Minnesota ştatında nümayişçilərin dağılması
© AP Photo / Martin Meissner
Almaniyada zooparkda Lemur

Türkiyənin Xarici İşlər naziri Mövlud Çavuşoğlu, arxiv şəkli

Çavuşoğlu Rusiyaya gedəcək

00:39 21.04.2021

"Biz turizm nazirimizlə Rusiyaya gedəcəyik. Ancaq koronavirus göstəriciləri aşağı olan halda. İndi mənası yoxdxur. Biz inandırıcı görükməyəcəyik".

BAKI, 20 aprel - Sputnik. Türkiyə Xarici işlər naziri Mövlud Çavuşoğlu bildirib ki, ölkəsində koronavirusla bağlı vəziyyət normallaşan kimi uçuşların bərpasının müzakirəsi üçün Rusiyaya gedəcək.

Sputnik Azərbaycan-ın məlumatına görə, Türkiyədə ötən cümə günü pandemiya başlayandan bəri sutka ərzində ən yüksək yoluxma (63082), bu həftənin çərşənbə axşamı isə sutka ərzində ən çox ölüm (346) faktı qeydə alınmışdı. Türkiyədə ağır pandemiya şəraitinə görə Rusiya bu ölkə ilə aprelin 15-dən iyunun 1-dək aviaəlaqəni dayandırıb.

"Türkiyədə koronavirusa yoluxma hallarının artması səbəbindən Rusiya uçuşları məhdudlaşdırdı. İki ölkənin prezidentləri bunu müzakirə etdilər və belə bir qərar alındı, burada siyasət yoxdur. Ancaq biz əlavə məhdudiyyətlər tətbiq etdik. Əgər onları pozsaq, nəticə əldə edə bilmərik, o zaman bizim turizm risk altına düşər", - Çavuşoğlu Habertürk kanalının efirində deyib.

Onun sözlərinə görə, tezliklə Rusiyadan olan nümayəndələr turizm sahəsində təhlükəsizliyi qiymətləndimək üçün Türkiyəyə gələcəklər.

"Sonra isə biz turizm nazirimizlə Rusiyaya gedəcəyik. Ancaq koronavirus göstəriciləri aşağı olan halda. İndi mənası yoxdxur. Biz inandırıcı görükməyəcəyik. Ramazan ayı ərzində bu göstəriciləri azaltmalıyıq", - Çavuşoğlu əlavə edib.

Teqlər:

səfər, Rusiya, Türkiyə, Mövlüd Çavuşoğlu