Fərqli İlaxır çərşənbə: onlar bu gün mütləq çaya gedirlər - FOTO

63
(Yenilənib 13:37 17.03.2021)
Lənkəran sakinləri çərşənbə axşamı deyil, çərşənbə günü yaşadıqları ərazilərə yaxın olan axar su və ya çay kənarına gəlib əmin-amanlıqları üçün dua edirlər.

BAKI, 17 mart — Sputnik. Novruza aid folkloru, adət-ənənəsi ilə seçilən lənkəranlılar İlaxır çərşənbəni özünəməxsus qaydada qeyd edirlər. Bu adətlərdən biri də çərşənbə axşamı deyil, çərşənbə günü yerli sakinlərin yaşadıqları ərazilərə yaxın olan axar su və ya çay kənarına gəlib əmin-amanlıqları üçün dua etmələridir.

Sputnik Azərbaycan-ın məlumatına görə, bu il də Lənkəran sakinləri adət-ənənəyə sadiq qalaraq Lənkərançayın sahilinə gəlmişdilər. Adəti üzrə çay kənarında qohumlar, tanışlar, dostlar bir-birləri ilə hal-əhval tutur, bayramlarını təbrik edirlər. Sonra birlikdə çaydan su götürüb əl-üzlərini yuyur, bu zaman suya niyyətlərini deyir, dərd-qəmlərinin çay vasitəsilə axıb getməsini arzulayırlar. Bu zaman həmçinin evlərdə olan köhnə paltarlardan da götürüb suya atırlar.

Yerli sakinlər su üstünə gəlmələrini müxtəlif cür izah edirlər. Suyun həyat olduğunu, susuz yaşamağın mümkün olmadığını və suyun pak olduğunu bildirən sakinlər, adətə görə, axar suyu bardağa doldurduqdan sonra evə kimi heç kimlə danışmırlar. Yalnız o sudan evə, ailə üzvlərinin üzərinə səpəndən sonra niyyət edilir, xeyir-dualar verilir. Qeyd edək ki, illərin sınağından çıxmış bu adət-ənənə gün boyu davam edir.

Onu da əlavə edək ki, ötən illərdə Lənkəran sakinləri hava şəraitindən asılı olmayaraq çay sahilinə axın-axın gəlirdilər. Bu il hava şəraiti gözəl olsa belə, koronavirus pandemiyası ilə əlaqədar olaraq su üstünə gələnlərin xeyli az olduğu müşahidə olunurdu. Gələnlər də sadəcə ənənə halını almış ritualları yerinə yetirib, qayıdırdılar. Bununla belə, orada olan Lənkəran Şəhər Rayon Polis Şöbəsinin əməkdaşları da sakinləri xüsusi karantin rejimi qaydalarına əməl etməyə çağırırdılar.

63
  • © Sputnik / Rahim Murad

    Lənkəranda İlaxır çərşənbə günü sakinlər çaya gedirlər.

  • © Sputnik / Rahim Murad

    Lənkəranda İlaxır çərşənbə günü sakinlər çaya gedirlər.

  • © Sputnik / Rahim Murad

    Lənkəranda İlaxır çərşənbə günü sakinlər çaya gedirlər.

  • © Sputnik / Rahim Murad

    Lənkəranda İlaxır çərşənbə günü sakinlər çaya gedirlər.

  • © Sputnik / Rahim Murad

    Lənkəranda İlaxır çərşənbə günü sakinlər çaya gedirlər.

  • © Sputnik / Rahim Murad

    Lənkəranda İlaxır çərşənbə günü sakinlər çaya gedirlər.

  • © Sputnik / Rahim Murad

    Lənkəranda İlaxır çərşənbə günü sakinlər çaya gedirlər.

  • © Sputnik / Rahim Murad

    Lənkəranda İlaxır çərşənbə günü sakinlər çaya gedirlər.

  • © Sputnik / Rahim Murad

  • © Sputnik / Rahim Murad

    Lənkəranda İlaxır çərşənbə günü sakinlər çaya gedirlər.

  • © Sputnik / Rahim Murad

    Lənkəranda İlaxır çərşənbə günü sakinlər çaya gedirlər.

  • © Sputnik / Rahim Murad

    Lənkəranda İlaxır çərşənbə günü sakinlər çaya gedirlər.

  • © Sputnik / Rahim Murad

    Lənkəranda İlaxır çərşənbə günü sakinlər çaya gedirlər.

  • © Sputnik / Rahim Murad

    Lənkəranda İlaxır çərşənbə günü sakinlər çaya gedirlər.

Teqlər:
fotolent, çay, adət, İlaxır çərşənbə, Lənkəran

Ruhu olan şəhər: günəşli Kutaisidə gəzinti

36
Kutaisi Gürcüstanın qərbində yerləşən zəngin tarixə malik şəhərdir. Bu şəhər tarixi baxımdan ölkənin ikinci paytaxtı hesab olunur. Sizi dünyanın müxtəlif guşələrindən gələn turistlərin ən sevimli istirahət məkanına çevrilmiş Kutaisiyə virtual gəzintiyə dəvət edirik.

 

Gürcüstanın Kutaisi şəhəri bizim Gəncə ilə qardaşlaşmış şəhərdir ki, bu da heç də təəccüblü deyil. Çünki bu iki yaşayış məntəqəsinin ortaq cəhəti çoxdur. Hər iki şəhər zəngin tarix-mədəni keçmişə sahibdir.

Kutaisinin əsası hələ eramızdan əvvəl V əsrdə qoyulub. İndi bu şəhər Gürcüstana səyahətə gələn insanların ən sevimli turizm istiqamətlərindən birinə çevrilib. Bu şəhərdə olanların əksəriyyəti təsdiqləyir ki, Kutaisi dünyanın öz ruhu olan azsaylı şəhərlərindəndir. Bəs bunun səbəbi nədir? Qədimliklə müasirliyin ecazkar vəhdəti – şəhəri iki hissəyə bölən Rioni çayının ağ daşları ilə yamyaşıl parklar.

Qədim tikililərin ucaldığı ekzotik küçələr, rahat kafe və restoranlar, eləcə də, bu çoxəsrlik şəhərin gülərüz sakinləri ən tələbkar turistlərin belə diqqətini cəlb edir. Əgər şəhər içində gəzintidən sıxılsanız, Kutaisinin şəhərətrafı mənzərələrindən ləzzət ala bilərsiniz. Burada Gelati monastırı, Prometey mağarası, Mayakovskinin evi, Sataplia qoruğu və başqa gəzməli-görməli məkanlara baş çəkmək olar. Və əlbəttə ki, iştah açan gürcü yeməkləri ilə zəngin İmereti mətbəxini yada salmamaq olmaz.

Bu ölkədə koronavirus pandemiyası səbəbindən tətbiq olunan məhdudiyyətlər yavaş-yavaş aradan qaldırılır. Gürcüstan artıq müxtəlif ölkələrlə, o cümlədən Azərbaycanla da təyyarə uçuşlarını bərpa edib. Odur ki, əgər məzuniyyətə yollanmağı planlaşdırırsınızsa, turizm istiqamətlərindən biri kimi Kutaisini diqqətdə saxlamağı tövsiyə edirik.

Qeyd edək ki, Azərbaycan Gürcüstan üçün mühüm turizm bazarı hesab olunur. Pandemiyadan əvvəl, 2019-cu ildə ölkəmizdən Gürcüstana 1,5 milyondan çox insan səfər edib.

36
  • © Sputnik / Murad Orujov

    Kutaisi şəhərinə mənzərə

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

  • © Sputnik / Murad Orujov

    Kutaisi şəhərinin gecə mənzərəsi

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Kutaisi şəhərinə mənzərə

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Gürcüstanın Kutaisi şəhərində

  • © Sputnik / Murad Orujov

    Gürcüstanın Kutaisi şəhərində

Rənglərin möcüzəsi: Cənubi Koreyanın "bənövşəyi" adaları - FOTO

21
(Yenilənib 10:14 08.04.2021)
Qırx mindən çox gül kolu Banvoldo və Park-dzido adalarının görkəmini tamamilə dəyişərək buranı nağıllar aləminə çevirib.

Cənubi Koreyadakı bənövşəyi adalar dünyanın hər yerindən gələn turistlərin diqqətini çəkir. Bu unikal yer Instagram səhifələrində çox əsrarəngiz görünür.

Belə ki, Cənubi Koreyanın Cənubi Çolla əyalətində bir neçə il əvvəl kütləvi şəkildə lavanda kollarının yetişdirilməsinə başlanıb. Nəticədə qırx mindən çox gül kolu Banvoldo və Park-dzido adalarının görkəmini tamamilə dəyişərək buranı nağıllar aləminə çevirib.

Qeyd edək ki, həmin ərazidə həmçinin imperator ağacları da gül açır, binalar isə - otellər, restoranlar, istirahət otaqları, fotoköşklər, yaşayış evləri və hətta iki adanı birləşdirən körpü də daxil olmaqla bənövşəyi boya ilə rənglənib.

21
  • © Sputnik / Ryu Seng-il

    Cənubi Koreyanın Cənubi Çolla əyalətində "Bənövşəyi" adalarda evlər.

  • © Sputnik / Ryu Seng-il

    Turistlər Cənubi Koreyanın Cənubi Çolla əyalətində Banvol və Parkdji adalarını birləşdirən bənövşəyi körpü üzərində.

  • © Sputnik / Ryu Seng-il

    Cənubi Koreyanın Cənubi Çolla əyalətində Banvol və Parkdji adalarını birləşdirən bənövşəyi körpü.

  • © Sputnik / Ryu Seng-il

    Cənubi Koreyanın Cənubi Çolla əyalətində "Bənövşəyi" adalar.

  • © Sputnik / Ryu Seng-il

    Cənubi Koreyanın Cənubi Çolla əyalətində Banvol və Parkdji adalarını birləşdirən bənövşəyi körpü.

  • © Sputnik / Ryu Seng-il

    Cənubi Koreyanın Cənubi Çolla əyalətində "Bənövşəyi" adaların ərazisində velosiped.

  • © Sputnik / Ryu Seng-il

    Cənubi Koreyanın Cənubi Çolla əyalətində "Bənövşəyi" adalar.

  • © Sputnik / Ryu Seng-il

    Cənubi Koreyada gül tarlaları.

  • © Sputnik / Ryu Seng-il

    Turistlər Cənubi Koreyanın Cənubi Çolla əyalətində "Bənövşəyi" adalarda foto çəkdirirlər.

  • © Sputnik / Ryu Seng-il

    Cənubi Koreyanın Cənubi Çolla əyalətində "Bənövşəyi" adaların ərazisində yol göstəricisi.

Meyvə və tərəvəz satışı, arxiv şəkli

Yaz aylarında hansı meyvələrlə immuniteti gücləndirmək olar

0
(Yenilənib 23:55 10.04.2021)
Orqanizmdə dəmir çatmayanda bu vəziyyət atrofik qastrit və miokardiopatiyaya səbəb olur, eyni zamanda, skelet əzələlərinin tonusunu azaldır və yorğunluq hissini artırır.

BAKI, 11 aprel — Sputnik. Dietoloqlar bahar aylarında immuniteti dəstəkləmək və avitaminozdan əziyyət çəkməmək üçün hansı meyvələri yemək lazım gəldiyini açıqlayıblar.

"Meyvələr bizim qida rasionumuzun əsas tərkib hissəsidir. Onların tərkibində çoxlu sayda mikroelementlər və vitaminlər var. Bu, zəngin lif mənbəyi deməkdir, odur ki, meyvələri həmişə menyumuza daxil etməliyik", – deyə dietoloq Oksana Vıdrya rus mətbuatına müsahibəsində bildirib.

Başqa bir dietoloq Olqa Kuznetsova isə qeyd edib ki, yaz avitaminozu zamanı ən təsirli meyvə armuddur. Çünki onun tərkibində çoxlu miqdarda dəmir var. Orqanizmdə dəmir çatmayanda bu vəziyyət atrofik qastrit və miokardiopatiyaya səbəb olur, eyni zamanda, skelet əzələlərinin tonusunu azaldır və yorğunluq hissini artırır.

Eləcə də, B6, K və C vitaminləri ilə zəngin olan nar da immuniteti dəstəkləyir, mərkəzi sinir sisteminin işini, qanı normallaşdırır.

Banan isə tərkibindəki B6 vitamini, manqan və kalium sayəsində vitamin çatışmazlığından qorunmağa kömək edir.

"Əgər banan yeməklə kökəlməkdən ehtiyat edirsinizsə, müəyyən normanı keçməmək məsləhətdir. Məsələn, gün ərzində bir banan yeməyin heç bir ziyanı yoxdur", – bunu isə dietoloq Tamara Kramçeninova deyib.

0
Teqlər:
immunitet, meyvə, yaz, vitamin