Yola saldığımız həftə dünyanın müxtəlif guşələrində yeni və maraqlı hadisələrlə zəngin olub. 

Dünyadakı bütün müsəlmanlar üçün müqəddəs ay olan Ramazan təşrif buyurub. Koronavirus pandemiyası kontekstində bəzi ölkələrdə məhdudiyyətlər qismən yumşaldılıb və dindarlara ictimai məsafəni qorumaq şərtilə məscidlərdə namaz qılmağa icazə verilib. Bəzi yerlərdə isə hələ də ciddi məhdudiyyətlər götürülməyib və kütləvi tədbirlərin keçirilməsi qadağandır.

İndoneziyanın şərqində 6 bal gücündə zəlzələ baş verib. Şərqi Yava əyalətində baş verən yeraltı təkanlar nəticəsində insanlar ölüb.

ABŞ-ın Minnesota əyalətində isə bir afroamerikalının ölümü və bir polisin yaralanması ilə nəticələnən insident kütləvi etirazları yenidən alovlandırıb. Yüzlərlə insan Minneapolisdəki polis idarəsinin qarşısına toplaşaraq 20 yaşlı Donti Raytın ölümünə qəzəblərini ifadə ediblər. 

Keçən həftə planetimizin necə yaşadığını bir daha xatırlamaq üçün sizi dünyanın müxtəlif yerlərindən toplanan fotoşəkillərə baxmağa dəvət edirik. Dünya xəbər agentliklərinin fotomüxbirləri tərəfindən çəkilən unudulmaz hadisələr və duyğulu anlar - Sputnik Azərbaycanın həftəlik fotokolleksiyasında.

Şuşa – Qarabağın qəlbi, Azərbaycan mədəniyyətinin beşiyidir. Bu şəhərin görkəmli şəxsiyyətlərindən biri də Azərbaycan şairəsi və ictimai xadimi, Qarabağın sonuncu hökmdarı Mehdiqulu xan Cavanşirin qızı Xurşidbanu Natəvan olub. Natəvan bütün Qarabağ mahalında xan qızı kimi tanınıb.

Natəvanın evi şəhərin ən gözəl binalarından biri hesab olunub və tikililər içində xüsusilə seçilib. Zərif tərtibatı ilə fərqlənən evin daxili divarları oyma naxışlarla işlənib.

Binanın ən qəşəng məkanı isə hər iki tərəfdən rəngbərəng şüşələrdən ibarət pəncərələr - şəbəkə ilə işıqlandırılan qonaq otağıdır. Tavanın hündürlüyü 5 metrə çatır. Bu tikili Şuşa qalası yaxınlığındakı təpədə tikilmiş bütöv bir kompleks olub. Vaxtilə bu evdə dövrün ən tanınmış ziyalıları ədəbi-bədii müzakirələr aparıb, söhbətlər ediblər.

1930-cu illərin əvvəllərində bu binada Azərbaycan vokal sənətinin yaradıcısı olan Bülbülün təşəbbüsü ilə Şuşa uşaq musiqi məktəbi yerləşirdi. Sonralar, 1987-ci ildə tam bərpa və təmirdən çıxmış binada Azərbaycan Elmlər Akademiyasının Nizami Gəncəvi adına Ədəbiyyat Muzeyinin Qarabağ filialı fəaliyyətə başladı.

Bundan sonra baş verənlər isə heç bir məntiqə sığmır. 1992-ci ildə Şuşa ermənilər tərəfindən işğal olunandan sonra Natəvanın evi sistematik şəkildə dağıdılıb.

Nəticədə bir vaxtlar Şuşanın ən göz oxşayan tikililərindən biri olan xan qızının sarayından indi yalnız yarıuçuq divarlar qalıb.