Bu günlərdə Əbu-Dabidə dünyanın ən iri silah sərgilərindən biri keçirilir. Tədbirdə dünyanın 59 ölkəsindən 900-dək şirkət iştirak edir.

Sərgidə Azərbaycanı Müdafiə Sənayesi Nazirliyi tənmsil edir. Nazirlik öz istehsalı olan 106 adda silah-sursat təqdim edir. Onların arasında dronlar, snayper tüfəngləri, minomyotlar və s. var

Azərbaycan nümayəndə heyətinə müdafiə sənayesi naziri Mədət Quliyev başçılıq edir. Səfər çərçivəsində Quliyev BƏƏ baş nazirinin müavini şeyx Mənsur ben Zahid Əl Nahayanla görüşüb.

Koronavirus pandemiyası ilə əlaqədar sərgi epidemiya əleyhinə tədbirlərə riayət olunmaqla keçir. İştirakçılar hər 48 saatdan bir koronavirus testindən keçməlidirlər, ziyarətçilər isə maska rejiminə və ara məsafəsinə riayət etməlidirlər.

BAKI, 3 mart - Sputnik. Azərbaycan Şahverdilər kəndində mühəndis işlərinin icrasına başlayıb. 

Sputnik Ermənistan bildirir ki, bu barədə Gorusun meri İrina Yolyan Facebook səhifəsində yazıb. 

"Bizim snayperlərimiz parlamentdə yerlərini alıb silahı xalqa tuşladıqları vaxt düşmən (azərbaycanlıları nəzərdə tutur - red.) bu gün Vorotanda (Şahverdiləri nəzərdə tutur - red.) mühəndis işlərinə başlayıb. Yəqin ki, az vaxtdan sonra görəcəyik ki, Vorotandan Şurnuxunun mərkəzinəcən səngər qazıblar. İşlər bütün perimetr boyu aparılır", - Yolyan yazıb və fotolar əlavə edib.

Onun sözlərinə görə, bu işlər barədə, çox güman ki, səlahiyyətli orqanlara və şəxslərə məlumat verilib, amma onlar susurlar. 

"Sakinlərin dinc həyatı təhlükə altındadır, kimsə də Süniyin iqtisadi inkişafından danışır. Nə deyəsən, ekstremal turizm üçün bütün şərait var: kəndin ortasında səngərlər və silahlı düşmən (azərbaycanlıları nəzərdə tutur - red.), beləsini heç filmdə də görməzsən", - Gorus meri yazıb.

İkinci Qarabağ müharibəsinin nəticəsi olaraq Azərbaycanla Ermənistan arasında sərhəd dəqiqləşdirmələri aparılır. Ermənistanın qanunsuz olaraq öz ərazisinə qatdığı ərazilərin bir qismi Azərbaycana qaytarıldığından orada yerləşdirilən əhali narazılıq edir.