Onlar ac qalsalar belə, itlərini doyururlar - FOTO

15:31 21.02.2021

Sputnik Azərbaycan oxucularına ucsuz-bucaqsız Ceyrançöl düzündə yaşayan çobanların həyat tərzindən fotolent təqdim edir.

Minilliklər boyu insanlığın tərk etmədiyi peşələrdən biri də çobanlıqdır. Bəsit səslənsə də bu peşə heç də asan deyil. Çölün xüsusiyyətlərini bilmək, dilsiz heyvanların halından anlamaq üçün çobanlar illərlə təcrübə toplayırlar. Yaşayış məntəqələrindən kənar, elektrik enerjisiz, texnologiyadan uzaq yaşamağa alışırlar.

Qış olsa da heyvanları hər gün eyni qaydada otarmaq, onların qulluğunda durmaq gərəkdir. Ən çətin olanı isə ucsuz-bucaqsız çöllərdə onları yırtıcıların hücumlarından qorumaqdır. Bu işdə çobanın ən sadiq köməkçisi itlərdir. Çöldə təhlükəsiz yaşamaq üçün çoban, itlərinə sürüsündən də yaxşı baxmalıdır. Hətta özü ac qalsa belə, itlərini ac qoymamalıdır. Çobanların bu cür yaşam tərzi nə qədər ekstremal olsa da, bir o qədər də maraqlıdır.

Sputnik Azərbaycan oxucularına ucsuz-bucaqsız Ceyrançöl düzündə yaşayan çobanların həyat tərzindən fotolent təqdim edir.

Teqlər:

fotolent, həyat tərzi, çoban, Azərbaycan

Həftənin fotoları: Sarkozi məhkəmədə, pələng futbolu və Parisdə tanqo

13:32 07.03.2021(Yenilənib 13:16 07.03.2021)

Sputnik Azərbaycan oxucuların diqqətinə ötən həftə dünya agentliklərinin müxbirləri tərəfindən çəkilmiş ən parlaq və emosional fotoları təqdim edir.

Ötən həftə dünyada maraqlı hadisələrlə yadda qaldı. İndoneziyanın şimalında Sinabunq vulkanı oyandı. Nəticədə toz dumanı beş kilometr hündürlüyə qalxıb, ətrafa kül yayılıb. Xoşbəxtlikdən, vulkan püskürməsi zamanı heç kim xəsarət almayıb.

Paris məhkəməsi Fransanın sabiq prezidenti Nikola Sarkozini korrupsiya və vəzifə səlahiyyətlərindən sui-istifadədə günahkar bilib. Keçmiş prezidentə üç il müddətində cəza verilib, onlardan birini N.Sarkozi həbsxanada keçirəcək.

Dünyanın ötən həftəni necə keçirdiyini planetin müxtəlif guşələrindən toplanmış fotolara baxmaqla xatırlamağı təklif edirik. Aparıcı informasiya agentliklərinin müxbirlərinin yaddaqalan hadisələri, eləcə də emosional anları həkk elədikləri kadrlar - Sputnik Azərbaycan-ın həftəlik fotolentində.

Yığcam və rahat: Avropada ilin ən yaxşı avtomobillərini seçdilər - FOTO

16:49 05.03.2021(Yenilənib 16:30 05.03.2021)

İsveçrənin Cenevrə şəhərində Car of the Year 2021 müsabiqəsinin qalibləri elan olunub. Avtoekspertlərin favoriti yeni nəsil kompakt şəhər hetçbeki olub.

Hər il Cenevrə avtosalonunda "İlin avtomobili" müsabiqəsinin qalibləri seçilir. Lakin bu il avtosalon pandemiya səbəbindən ləğv edilib və səsvermə onlayn formatda keçirilib.

22 ölkədən 59 avtojurnalistin iştirak etdiyi səsvermədə şəhər hetçbeki Toyota Yaris ilin ən yaxşı avtomobili seçilib. Yeni nəsil Toyota Yaris 2019-cu ilin sonunda təqdim olunub, Avropada satışı isə 2020-ci ildə başlayıb. Yaponiya avtomobili satışına görə Peugeot 208 və Dacia Sander maşınlarını geridə qoyub.

Xatırladaq ki, ötən il Avropada ən yaxşı avtomobil adına Peugeot 208 layiq görülmüşdü.

Qalib avtomobili və ən yaxşıların reytinqinə düşən digər maşınları Sputnik Azərbaycan-ın fotolentində izləyə bilərsiniz.

© REUTERS / Salvatore Di Nolfi / Pool
Cenevrə "2021-ci ilin avtomobili" müsabiqəsinin mükafatlandırma mərasimində Toyota Yaris avtomobili.
© Photo : Chris Noltekuhlmann / SEAT, S.A.
Cupra Formentor avtomobili.
© AFP 2021 / Marco Bertorello
Turində Fiat 500 Electric avtomobili.
© AP Photo / Michel Euler
Citroen e-C4 elektromobili Parisdə KİV üçün təqdimat zamanı.
© Photo : Press service of ŠKODA AUTO
Škoda Octavia avtomobili.
© Photo : Press service of JAGUAR LAND ROVER
Namibiya səhrasında Land Rover Defender avtomobili.
© AFP 2021 / Ronny Hartmann
Volkswagen avtomobil zavodunda işçi Volkswagen ID.3 elektromobilinə VW loqotipini quraşdırır.
© AFP 2021 / Salvatore Di Nolfi
Cenevrədə Palexpo sərgisində Toyota Yaris avtomobili.

Teqlər:

fotolent, Cenevrə, avtomobil

Roma Papası Fransisk, 10 sentyabr 2017-ci il

Roma Papası şiələrin lideri ilə görüşdü, İran sevindi

15:41 08.03.2021(Yenilənib 15:38 08.03.2021)

Diplomatın sözlərinə görə, "xalqın qəhrəmanlığı, hakimiyyətin müdrikliyi və ekstremizm və xarici təsirlərlə mübarizədə tökülən qan sayəsində" bu gün İraqda bu cür görüşlər keçirmək mümkün olub

BAKI, 8 mart - Sputnik. Martın 6-da İraqa başlanan ilk səfəri çərçivəsində Roma Papası Fransisk oradakı şiələrin başçısı ayətulla Əli əs-Sistani ilə görüşüb.

Sputnik Azərbaycan-ın məlumatına görə, bu barədə bu gün İran Xarici İşlər Nazirliyinin rəsmi sözçüsü Səid Xətibzadə bildirib və öz ölkəsinin XİN rəhbərinin bu hadisəni dinlər arasında dialoq və onların yaxınlaşması adlandırdığını əlavə edib.

O, Papanın İraqa səfərini vacib hesab edib.

Fransisk İraqa səfər edən ilk Roma Papasıdır.

Teqlər:

İran XİN, görüş, lider, şiə, səfər, İraq, Roma papası Fransisk