Yanvarın 2-də Səudiyyə Ərəbistanında sayca 43-cü "Dakar" ralli marafonu start götürüb. Yarış iştirakçıları avtomobillər, motosikllər, kvadrosikllər, motovezdexodlar və yük maşınları ilə təxminən iki həftə ərzində Ərəbistan səhrasının çətin şəraitində marşrutu başa vurmalıdırlar.

Qum təpəcikləri və barxanlar, Qırmızı dənizin sahilindəki qayalıq sahələr və yarğanlar – bütün bunlar yarışı daha möhtəşəm və həyəcanlı edir. Rallidə professional idmançılar və komandalar da iştirak edir, bununla belə, yarışa qatılanların 80 faizi həvəskarlardan ibarətdir. Yeri gəlmişkən, iştirakçılar arasında zərif cinsin nümayəndələri də var.

Maraqlıdır ki, xüsusi sahədə motovezdexodla yarışda ilk dəfə iştirak edən 16 yaşlı ispan xanım Kristina Quterres Errero qalib gəlib. Yük maşınları sinfində isə “KAMAZ-master” komandası ənənəvi olaraq bir neçə ildir ki liderdir. Hazırda rallinin başa çatmasına bir neçə mərhələ qalıb və çempionluq uğrunda mübarizə getdikcə qızışır.

Yarışın ən maraqlı məqamlarını Sputnik Azərbaycan-ın fotolentindən izləyin.

BAKI, 22 yanvar — Sputnik. Dünya şöhrətli fransız aktyoru və rejissoru Alen Delonun xanımı Natali Delon dünyasını dəyişib. Sputnik Azərbaycan xəbər verir ki, bu barədə aktyorun oğlu Antoni Delon "Instagram" səhifəsində paylaşım edərək "Rahat yat, ana!" yazıb. Aktrisanın ölüm səbəbləri hələlik məlum deyil.

Qeyd edək ki, Alen Delon və Natali Delon 1964-ci ildə evləniblər. Natali ilə olan evlilikdən onun Antoni adlı bir oğlu var.

Onu da bildirək ki, Natali Delon 1964-1968-ci illərdə Alen Delonla evli olduğu zamanlarda, ərinin sayəsində kinoya gəlib. Birlikdə çəkdikləri ilk "Samuray" filmi ilə böyük bir uğur qazanıb. Boşandıqdan sonra Natali digər məşhur rejissorlarla işləməyə davam edib. Sonra rejissorluq etməyə və ssenari yazmağa başlayıb.