Koronavirusa qalib gələk: Dünyada kütləvi peyvəndləmə

17:03 06.01.2021

2021-ci il koronavirusa qarşı kütləvi peyvəndlənmə ilə başlayır. Vaksinasiya prosesinin necə keçdiyini Sputnik Azərbaycanın fotolentində izləyin.

Ümumdünya Səhiyyə Təşkilatında (ÜST) hesab edirlər ki, cari ilin ortalarına koronavirusa qarşı genişmiqyaslı vaksinasiya keçiriləcək. ÜST-ün rəsmi nümayəndəsi Marqaret Harris bəyan edib ki, bir çox peyvəndlər üçüncü test mərhələsindədir.

Bununla belə artıq bir çox ölkələrdə, o cümlədən, ABŞ, Rusiya, Avropa dövlətləri, İsraildə COVİD-19 virusuna qarşı kütləvi peyvənlənmə aparılır.

Qeyd edək ki, dünyada koronavirusa yoluxanan xəstələrinin ümumi sayı 87 milyon nəfərə yaxınlaşır. Onlardan 1,87 milyon nəfəri ölüb. Azərbaycanda isə ümumilikdə 221401 nəfər koronavirus infeksiyasına yoluxub. Onlardan 199213 nəfər müalicə olunaraq sağalıb, 2792 nəfər vəfat edib.

© AP Photo / Oded Balilty
Qüdsdə vaksinasiya mərkəzində.
© AFP 2020 / Joel Saget
"COVİD-19-dan vaksin" yazısının yanında fiqurlar.
© REUTERS / Albert Gea
İspaniyada qocalar evinin 79 yaşlı sakini Pfizer-BioNTech vaksinini vurdurur.
© REUTERS / Andrew West/The News-Press
Floridada yüzlərlə insan COVİD-19-a qarşı peyvənd vurdurmaq üçün növbəyə düzülüb.
© REUTERS / Martin Bureau
Parisdə vaksinasiya mərkəzində qadın koronavirusa qarşı peyvənd vurdurur.
© AFP 2020 / Stringer
Pekində vaksinasiya mərkəzi.
© REUTERS / Stefan Rousseau
Böyük Britaniyanın Baş naziri Boris Conson Londonda Chase Farm xəstəxanasında vaksinasiyanı izləyir.
© REUTERS / Ammar Awad
Təl-Əvivdə vaksinasiya mərkəzi.
© REUTERS / Abdel Hadi Ramahi
Dubayda kişi koronavirusa qarşı peyvənd vurdurur.
© AFP 2020 / Mohammed Abed
Qəzza bölgəsində COVID-19-a qarşı vaksin vuran tibb bacısının qraffitisi
© REUTERS / Antara Foto/Nova Wahyudi
İndoneziyada COVID-19 vaksininin boşaldılması.
© Sputnik / Pavel Bednyakov
Moskvada 60 yaşdan yuxarı şəxslər COVID-19-dan vaksin vurdururlar.
© Sputnik / Government of Buenos Aires
Argentinada sakinlər Rusiya peyvəndi vurdururlar.
© REUTERS / Massimo Pinca
İtaliyada həkim Covanni Di Perri Amedeo di Savoyya xəstəxanasından koronavirusa qarşı peyvənd vurdurur.
© AFP 2020 / Louisa Gouliamaki
Afinada qadın COVID-19 peyvəndindən sonra təşəkkürünü bildirir.
© REUTERS / Hannibal Hanschke/File Photo
Berlində vaksinasiya mərkəzinə növbə.
© REUTERS / Rupak De Chowdhuri
Hindistanda kişi divarda COVID-19 vaksininin qraffitisini çəkir.
© REUTERS / Daniel Becerril
Tibb işçisi Meksikada hərbi hospitalda COVID-19-dan peyvənd vurdurarkən selfi çəkir.

Ağ örpəyə bürünmüş şəhər: Bakıya ilk qar yağdı - Fotolent

14:54 21.01.2021

Bakıda son illərdə qar nadir təbiət hadisəsinə çevrilib. Bununla belə, Azərbaycan paytaxtında qısamüddətli olsa da, bu qış ilk qar yağıb. Sputnik Azərbaycanın fotolentində Bakıya yağan ilk qarın fotolarını izləyə bilərsiniz.

Ötən həftədən etibarən sinoptiklər Bakıda havanın soyuyacağını və qar yağacağını proqnozlaşdırmışdılar. Lakin qarlı hava Bakıda uzun sürmədi, və bu təbiət hadisəsini səbirsizliklə gözləyən qar həvəskarlarının əylənmək arsuzu alınmadı.

Milli Hidrometeorologiya Xidmətinin rəisi Umayra Tağıyevanın açıqlamasına görə, sabah hava yağmursuz olacaq, lakin havanın ayaz keçməsinə görə şaxtalı olacaq. Bakıda bu gecə 0-2 dərəcə şaxta, aran rayonlarda 2-7 şaxta, dağlıq bölgədə 10-15, yüksək dağlıqda 18-23 dərəcə şaxta olacaq.

Baydenin inauqurasiyası: ABŞ-ın 46-cı prezidentinin andiçməsi belə oldu - FOTOLAR

10:59 21.01.2021(Yenilənib 11:24 21.01.2021)

ABŞ-ın səlahiyyətləri başa çatmış prezidenti Donald Tramp Cozef Baydenin inaqurasiyası mərasimində iştirak etməyib.

ABŞ-da yeni seçilmiş prezident Cozef Baydenin dünən andiçmə mərasimi keçirilib.

ABŞ-ın 46-cı prezidenti and içərək vəzifəsinin icrasına başlayıb.

Cozef Baydenlə yanaşı, Kamala Harris də vitse-prezident kimi and içib. Hakimiyyəti yeni komandaya əvvəlki prezident Donald Tramp yox, vitse-prezident Mayk Pens ötürüb. Tramp tədbirdə iştirak etməyib.

İnaqurasiyada həmçinin, ABŞ-ın keçmiş prezidentləri Bill Klinton, Corc Buş və Barak Obama iştirak ediblər.

Pandemiya səbəbindən mərasim sosial məsafənin saxlanılması şəraitində təşkil edilib.

© Andrew Harnik / POOL / AFP
Amerikalı müğənni Ledi Qaqa Kapitoliydə ABŞ-ın 46-cı prezidenti Co Baydenin inauqurasiya mərasimində.
© Caroline Brehman / Pool via REUTERS
ABŞ-ın keçmiş Prezidentləri Barak Obama və Corc Buş, Obamanın həyat yoldaşı Mişel və Nümayəndələr Palatasının spikeri Nensi Pelosi Birləşmiş Ştatların 46-cı prezidenti Co Baydenin inauqurasiya mərasimində.
© REUTERS / KEVIN LAMARQUE
ABŞ-ın yeni vitse-prezidenti Kamala Harris Birləşmiş Ştatların 46-cı prezidenti Co Baydenin inauqurasiya mərasimində and içir.
© REUTERS / KEVIN LAMARQUE
ABŞ-ın keçmiş Prezidentləri Corc Buş və Bill Klinton Birləşmiş Ştatların 46-cı prezidenti Co Baydenin inauqurasiya mərasimində.
© Caroline Brehman / Pool via REUTERS
Müğənni Cennifer Lopez Birləşmiş Ştatların 46-cı prezidenti Co Baydenin inauqurasiya mərasimində çıxışından sonra sevgilisi Aleks Rodriqezi öpür.

Yanvarın 25-nə qədər ölkədə ictimai nəqliyyat işləməyəcək

00:10 23.01.2021(Yenilənib 00:11 23.01.2021)

Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.