Həyəcan təbili: Azərbaycanın əsas çayı necə yox olur

3484
(Yenilənib 16:32 01.07.2020)
Azərbaycanın ən bol sulu çayı olan Kürdə suyun səviyyəsi kritik səviyyəyə düşüb. Kür bu gün necə görünür – Sputnik Azərbaycan-ın fotoreportajında baxın.

Yayın əvvəlindən Azərbaycanın əsas və ən bol sulu çayı olan Kürün güclü şəkildə dayazlaşması prosesi müşahidə olunur. Salyan rayonunun yerli sakinləri qeyd edirlər ki, keçmişdə suyun bu səviyyədə azaldığını heç vaxt görməyiblər. Əvvəl dərin olması və sürətli axması səbəbindən üzməyin mümkün olmadığı bu çayda indi adacıqlar meydana gəlib. Çayın dayaz yerlərini hətta ayaqla keçmək mümkündür. Axımın sürəti azaldığına, çayda suyun səviyyəsi çox endiyinə görə, Xəzər dənizinin suyunun Kürə qarışması prosesi gedir. İndi demək olar ki, Kür Xəzərə deyil, Xəzər Kürə tökülür. Dənizin duzlu suyu ilə qarışmış Kür suyu hətta kənd təsərrüfatı ehtiyacları üçün də yararsızdır.

Bütün bu amillər eyni zamanda Salyan və Neftçala rayonunda içməli suyun kəskin çatışmazlığına səbəb olub. Yerli əhalini su ilə sudaşıyan maşınlar təmin edir. Çayın aşağı hissəsi gəmiçilik üçün də yararsız hala düşüb. AR Ekologiya və Təbii Sərvətlər Nazirliyinin hidroloqları bu cür dayazlaşmanın səbəbini yayın quraq keçməsi, içməli sudan texniki ehtiyacların ödənilməsi üçün istifadə edilməsi, həmçinin çay hövzəsindəki meşələrin və bataqlıqların məhvi ilə izah edirlər.

Kürün uzunluğu 1364 kilometrdir. O, üç dövlətin ərazisindən keçir. Kürün bol sulu olması onun əsas qolu sayılan Araz çayından asılıdır. Odur ki, Kür su hövzəsinin dayazlaşmasının qarşısını almaq üçün problemi onun keçdiyi bütün dövlətlərdə həll etmək lazımdır. Nə qədər ki, bu hal Azərbaycanda ekoloji fəlakətə gətirib çıxarmayıb, problemi mümkün qədər tez həll etmək lazımdır.

3484
  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

  • © Sputnik / Murad Orujov

    Kür çayında suyun səviyyəsində kəskin azalma

Teqlər:
çay, Neftçala, Salyan, Ekologiya və Təbii Sərvətlər Nazirliyi, Azərbaycan, Xəzər, Kür

Bir bunu da keçsəm... Azərbaycanda qəbul imtahanları FOTO

207
(Yenilənib 18:05 14.08.2020)
Ölkənin 35 şəhər və rayonunda abituriyentlər üçün ikinci və üçüncü ixtisas qrupları üzrə qəbul imtahanları təşkil olunub.

Abituriyentlər üçün ikinci və üçüncü ixtisas qrupları üzrə qəbul imtahanları ölkənin 35 şəhər və rayonunda təşkil olunub. Biliklərin yoxlanması necə keçib? Buna Sputnik Azərbaycan-ın fotolentində baxın.

İki gün ərzində, avqustun 13-də və 14-də cari və əvvəlki illərin məzunları üçün II və III ixtisas qrupları üzrə, həmçinin I və IV ixtisas qrupları üzrə ali təhsil müəssisələrinin müsabiqəsində buraxılış imtahanında verdiyi xarici dildən fərqli dil üzrə iştirak etmək istəyənlər üçün əlavə xarici dil imtahanı və qəbul imtahanını buraxılış imtahanında verdiyi dildən fərqli dil üzrə vermək istəyənlər üçün əlavə imtahan (Azərbaycan və ya rus dili) keçirilib.

İmtahanlar ölkənin 35 şəhər və rayonunda keçirilib, 2877 imtahan zalından istifadə olunub. İmtahanların idarə olunmasına 164 ümumi imtahan rəhbəri, 490 imtahan rəhbəri, 3754 nəzarətçi–müəllim, 328 buraxılışı təşkil edən əməkdaş, 164 bina nümayəndəsi ayrılıb.

Avqustun 13-də keçirilən imtahanlarda 19197, avqustun 14-də keçirilən imtahanlarda isə 18102 nəfər olmaqla, ümumilikdə 37299 abituriyent iştirak edib. Bunlardan 14232 nəfər II ixtisas qrupu, 22607 nəfər III ixtisas qrupu üzrə qəbul imtahanının ikinci mərhələsini, 460 nəfər isə I və IV ixtisas qrupları üzrə əlavə xarici dil imtahanını veriblər.

Koronavirusun yayılmasına qarşı mübarizə tədbirlərini nəzərə alaraq imtahanlar xüsusi karantin rejiminin tələblərinə uyğun olaraq keçirilib. Abituriyentlər tibbi maskalar taxmalı və sosial məsafəyə riayət etməli olublar. Bundan əlavə, imtahan zalına daxil olmamışdan qabaq, elektron termometrlərdən istifadə edilməklə abituriyentlərin bədən hərarəti ölçülüb. İmtahanlara bədən temperaturu 37 dərəcədən yüksək olmayan abituriyentlər buraxılıb.

207
  • © Sputnik / Murad Orujov

    II və III ixtisas qrupları üzrə buraxılış imtahanı

  • © Sputnik / Murad Orujov

    II və III ixtisas qrupları üzrə buraxılış imtahanı

  • © Sputnik / Murad Orujov

    II və III ixtisas qrupları üzrə buraxılış imtahanı

  • © Sputnik / Murad Orujov

    II və III ixtisas qrupları üzrə buraxılış imtahanı

  • © Sputnik / Murad Orujov

    II və III ixtisas qrupları üzrə buraxılış imtahanı

  • © Sputnik / Murad Orujov

    II və III ixtisas qrupları üzrə buraxılış imtahanı

  • © Sputnik / Murad Orujov

    II və III ixtisas qrupları üzrə buraxılış imtahanı

  • © Sputnik / Murad Orujov

    II və III ixtisas qrupları üzrə buraxılış imtahanı

  • © Sputnik / Murad Orujov

    II və III ixtisas qrupları üzrə buraxılış imtahanı

  • © Sputnik / Murad Orujov

    II və III ixtisas qrupları üzrə buraxılış imtahanı

  • © Sputnik / Murad Orujov

    II və III ixtisas qrupları üzrə buraxılış imtahanı

  • © Sputnik / Murad Orujov

    II və III ixtisas qrupları üzrə buraxılış imtahanı

  • © Sputnik / Murad Orujov

    II və III ixtisas qrupları üzrə buraxılış imtahanı

  • © Sputnik / Murad Orujov

    II və III ixtisas qrupları üzrə buraxılış imtahanı

  • © Sputnik / Murad Orujov

    II və III ixtisas qrupları üzrə buraxılış imtahanı

"Qarabağ" yatağı: platforma üçün dayaq bloku hazırdır - FOTOLAR

52
(Yenilənib 09:56 12.08.2020)
İlham Əliyev: "Necə ki, bu gün biz vaxtilə tərk edilmiş "Qarabağ" yatağına qayıdırıq, eyni qaydada biz doğma Qarabağ torpağımıza da qayıdacağıq".

Azərbaycan Respublikasının Prezidenti İlham Əliyev avqustun 10-da Heydər Əliyev adına Bakı dərin özüllər zavodunda "Qarabağ" yatağının dayaq blokunun dənizə yola salınması mərasimində iştirak edib.

Azərbaycan Respublikası Dövlət Neft Şirkətinin prezidenti Rövnəq Abdullayev və "BOS Şelf" şirkətinin baş direktoru İxtiyar Axundov Prezident İlham Əliyevə görülən işlər barədə məlumat veriblər.

Bildirilib ki, "Qarabağ" dayaq bloku SOCAR-ın "BOS Şelf" şirkəti tərəfindən Heydər Əliyev adına Bakı dərin özüllər zavodunda tikilib. Qurğu neft-qaz kəşfiyyatı və hasilatı üçün nəzərdə tutulur. Dayaq bloku "Qarabağ" yatağında quraşdırılacaq stasionar dəniz özülünün üst hissəsini və göyərtə meydançasını saxlamaq məqsədilə şəbəkə tipli metal konstruksiya şəklində hazırlanıb. Bu blok dənizdə suyun dərinliyi 182 metr olan sahədə quraşdırılacaq. Dayaq blokunun quraşdırılması "Qarabağ" yatağının dərin qatlarında neft və qaz hasilatının həyata keçirilməsində böyük rol oynayacaq.

"Qarabağ" layihəsi üzrə hazırlanan dayaq bloku SOCAR-ın tarixində həm ölçülərinə, həm də çəkisinə görə hazırlanan ən böyük sualtı konstruksiyadır. "STB-1" daşıma barjına yüklənəcək konstruksiyanın ümumi çəkisi 16 min tondur. Blokun tikintisi iki il ərzində aparılıb. Konstruksiyanın hazırlanması prosesində mühüm amillərdən biri də yerli mütəxəssislərin iştirakıdır. Belə ki, dayaq blokunun tikintisində çalışanların 95 faizi yerli mütəxəssislər olub.

"Qarabağ" yatağı Xəzər dənizinin cənub hövzəsində, Abşeron arxipelaqının şimal hissəsində yerləşir. Yataqda 1997-1998-ci illərdə Xəzər Beynəlxalq Neft Şirkəti konsorsiumu tərəfindən qazma işləri aparılıb. 2020-ci ildə SOCAR-ın və "Equinor" şirkətinin birgə qazma əməliyyatı vasitəsilə bu yataq məhz neft yatağı kimi kəşf edilib. "Qarabağ" yatağı 60 milyon ton neft ehtiyatına malikdir. Yataqda 6 neft, 3 qaz və 3 suvurucu quyunun qazılması nəzərdə tutulur. "Qarabağ" yatağı Azərbaycanın ən zəngin karbohidrogen yataqlarından biridir.

Bu yatağın istismara verilməsi Azərbaycanın neft strategiyasının daha uğurla reallaşdırılmasına və ölkəmizin neft gəlirlərinin artmasına böyük töhfə olacaq.

İlham Əliyev mərasimdəki çıxışı zamanı deyib ki, əgər hər şey plan üzrə getsə, iki ildən sonra - 2022-ci ilin sonunda ilk qaz və ilk neft çıxarılmalıdır. "Qarabağ" yatağının neft potensialı 60 milyon ton səviyyəsində qiymətləndirilir. İşlənmə dövründə bu rəqəmin artması gözlənilir. Bunu deməyə əsas verən odur ki, "Qarabağ" yatağı "Azəri", "Çıraq, və "Günəşli" yataqlarının yanında yerləşir, məsafə o qədər də böyük deyil.

"Xatırlayıram, "Azəri", "Çıraq", "Günəşli" yataqları üzrə kontrakt 1994-cü ildə hazırlanarkən o vaxt xarici tərəfdaşlar bu yataqların potensialını 511 milyon ton neft həcmində dəyərləndirmişdilər. Ancaq həyat onu göstərdi və bu gün bu təsdiq olunub ki, "Azəri, "Çıraq, "Günəşli" yataqlarının potensialı 1 milyard ton neftdən çoxdur. Ona görə bu və digər geoloji amillər deməyə əsas verir ki, "Qarabağ" neft yatağında daha böyük həcmdə təbii ehtiyatlar var. Hasilata gəldikdə isə, bu yataqdan ildə ən azı 1,5 milyon ton neft və 1,5-1,8 milyard kubmetr qaz hasil ediləcək. Əlbəttə ki, Azərbaycanda neft hasilatının sabit qalması və qaz hasilatının artırılması üçün bunun böyük faydası olacaqdır", - deyə prezident bildirib.

"Necə ki, bu gün biz vaxtilə tərk edilmiş "Qarabağ" yatağına qayıdırıq, eyni qaydada biz doğma Qarabağ torpağımıza da qayıdacağıq", - İlham Əliyev əlavə edib.

52
  • © Sputnik / Murad Orujov

    Heydər Əliyev adına Bakı dərin özüllər zavodu

  • © Sputnik / Murad Orujov

    Heydər Əliyev adına Bakı dərin özüllər zavodu

  • © Sputnik / Murad Orujov

    Heydər Əliyev adına Bakı dərin özüllər zavodu

  • © Sputnik / Murad Orujov

    Heydər Əliyev adına Bakı dərin özüllər zavodu

  • © Sputnik / Murad Orujov

    Heydər Əliyev adına Bakı dərin özüllər zavodu

  • © Sputnik / Murad Orujov

    Heydər Əliyev adına Bakı dərin özüllər zavodu

  • © Sputnik / Murad Orujov

    Heydər Əliyev adına Bakı dərin özüllər zavodunda “Qarabağ” yatağının dayaq bloku

  • © Sputnik / Murad Orujov

    Heydər Əliyev adına Bakı dərin özüllər zavodunda “Qarabağ” yatağının dayaq blokunun elementləri

  • © Sputnik / Murad Orujov

    Heydər Əliyev adına Bakı dərin özüllər zavodu

  • © Sputnik / Murad Orujov

    Heydər Əliyev adına Bakı dərin özüllər zavodu

  • © Sputnik / Murad Orujov

    Heydər Əliyev adına Bakı dərin özüllər zavodunda “Qarabağ” yatağının dayaq bloku

  • © Sputnik / Murad Orujov

    Heydər Əliyev adına Bakı dərin özüllər zavodunda “Qarabağ” yatağının dayaq bloku

Yatmış qız, arxiv şəkli

Yuxu dərmanları öldürə bilər - Həkim

0
Duyğuları, diqqəti, yaddaşı zəiflədən yuxusuzluq doğru qərar ala bilməkdə çətinlik, diqqətsilzik, depresiya kimi ciddi nəticələrə səbəb olur.

BAKI, 15 avqust — Sputnik. Həkim məsləhəti olmadan qəbul edilən yuxu dərmanları xroniki yuxu və psixoloji pozuntulardan ölümə qədər ciddi fəsadlara səbəb ola bilər.

Sputnik Azərbaycan xarici mətbuata istinadla xəbər verir ki, professor Muhammet Emin Akkoyunlu bildirib ki, həkim tövsiyəsi olmadan qəbul edilən yuxu dərmanları həqiqi yuxunu təqlid edən yalançı bir yuxu deformasiyasına səbəb olur.

"Yatmamışdan əvvəl televizora və komputerə baxmaq, beyində kortizon kimi stres hormonlarını yaradaraq yuxunu dağıdır. Duyğuları, diqqəti, yaddaşı zəiflədən yuxusuzluq düzgün qərar verə bilməkdə çətinlik, diqqətsilzik, depresiya kimi ciddi nəticələrə səbəb olur" - deyə həkim bildirib.

Həkimin fikrincə, dərmanla yuxuya getmək beyində film izlmək kimi bir görüntü yaradır.

"Yuxu real və rahatlıq verici olmalıdır. Bununla yanaşı əlavə bir xəstəliyiniz varsa, yuxu dərmanları sizə zərər verə bilər. Əlacə xəstəliyiniz olmasa belə, nəfəs almağa çətinlik yaradan bu dərmanlar ölümə qədər bir çox problemlərə yol aça bilər. Bu səbəbdən yuxu dərmanlarını dost tövsiyəsi ilə qəbul etməyin. Yuxu dərmanlarını istəklərinizlə qəbul etməyin. Keyfiyyətli yuxu gigiyena qaydalrına əməl etməkdən keçir. Yata bilmək üçün qaranlıq bir yer hazırlayın və özünüzə zaman verin. Buna baxmayaarq yata bilmirsinizsə, həkimə müraciət edin" - deyə o vurğulayıb.

0