Sükut və sərinlikdə: Bakı metrosunda gözəl yenilik

14:55 30.06.2020(Yenilənib 14:08 30.06.2020)

Bakı Metropoliteni bütün zəruri avadanlıqlar və ən müasir heyətlə təchiz edilib. Yeni elektrik qatarı necə görünür – Sputnik Azərbaycan-ın fotolentində baxın

Bu yaxınlarda "Bakı Metropoliteni" QSC-nin aldığı dörd yeni qatardan ikisi iyunun 29-da "Həzi Aslanov-Dərnəgül" xəttində istismara verilib. Rusiyanın "Metrovaqonmaş" zavodunda hazırlanmış elektrik qatarı bütün müasir tələblərə cavab verir. Vaqonlar gözəl səs izolyasiyasına malikdir, əlillər üçün yerlərlə, informasiya tabloları və ekranlarla təchiz olunub.

Bundan əlavə, yeni vaqonlar köhnələrlə müqayisədə daha genişdir və bir-birindən ayrılmayıb. Bu da vaqonlar arasında maneəsiz hərəkət etməyə imkan verir. Və ən əsası, yeni qatarda xüsusi antibakterial filtrlərlə təchiz edilmiş kondisioner və havalandırma sistemi mövcuddur. Odur ki, bu yay Bakı metrosunda yeni qatarlarla sərin və rahat gediş-gəliş mümkün olacaq.

Digər iki qatarın isə xəttə yaxın vaxtlarda buraxılması planlaşdırılır.

Yeni elektrik qatarı necə görünür – Sputnik Azərbaycan-ın fotolentində baxın.

Teqlər:

fotolent

Azərbaycanda COVID-19 əleyhinə peyvəndləmənin ilk günü – Foto

23:45 18.01.2021(Yenilənib 00:06 19.01.2021)

Azərbaycanda bu gün koronovirus infeksiyasına qarşı vaksinasiyanın birinci mərhələsi başlayıb. İlk olaraq Çinin CoronaVac preparatı ilə tibb işçilərini peyvəndləməyə başlayıblar. Bunun necə baş verdiyinə Sputnik Azərbaycan-ın fotolentində baxa bilərsiniz.

Azərbaycanda yeni növ koronovirus əleyhinə vaksinasiyaya planlaşdırıldığı kimi yanvarın 18-də start verilib. Birinci olaraq səhiyyə naziri Oqtay Şirəliyev peyvənd olunub. TƏBİB rəhbəri Ramin Bayramlı da ilk vaksinasiya olunanlardandır.

Teqlər:

TƏBİB, Tibbi Ərazi Bölmələrini İdarəetmə Birliyi, Səhiyyə naziri Oqtay Şirəliyev, Oqtay Şirəliyev, Koronavirus, epidemiya, COVID-19

Kül altında həyat: İndoneziyada vulkan püskürmələri

15:04 18.01.2021(Yenilənib 14:55 18.01.2021)

İndoneziyada 130 aktiv vulkan var. Onlardan ən təhlükəlisi 2968 metr hündürlükdə yerləşən Merapi vulkanı sayılır.

İndoneziyanın Yava adasında Merapi vulkanı aktivləşib. Ölkənin Vulkanologiya və Geoloji Fəlakətlərin Təsirlərinin Azaldılması Mərkəzinin məlumatına görə, son altı saatda 50 metr hündürlükdə 36 püskürmə qeydə alınıb.

Lava axınları vulkanın cənub-qərb ətəkləri ilə 1,5 km hündürlükdə axır.

Şərqi yava vilayətində isə Smeru vulkanı oyanıb. Vulkanın püskürməsi nəticəsində 4,5 km hündürlüyə kül və tüstü qalxıb.

Qeyd edək ki, İndoneziyada 130 aktiv vulkan var. Onlardan ən təhlükəlisi 2968 metr hündürlükdə yerləşən Merapi vulkanı sayılır. 2010-cu ildə Merapi vulkanının püskürməsi zamanı 347 nəfər ölmüşdü.

Qazax sakinində silah aşkarlanıb

23:59 18.01.2021(Yenilənib 00:11 19.01.2021)

Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

BAKI, 18 yanvar — Sputnik. Nəqliyyatda Baş Polis İdarəsinin Narkotiklərlə Mübarizə Şöbəsinin və Dəmir Yolu Nəqliyyatında Polis İdarəsinin Gəncə st. Xətt Polis Şöbəsinin (XPŞ) əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik vasitə saxlamaqda və gəzdirməkdə şübhəli bilinən, Qazax şəhər sakini, Afiq Məmmədov XPŞ-yə gətirilib.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, onun üzərində şəxsi axtarış keçirilən zaman əlində olan, göy rəngli politelen torbanın içərisindən 455 qram narkotik vasitə olan qurudulmuş "marixuana" aşkar edilərək götürülüb.

Afiq Məmmədovun ətrafında keçirilən istintaq-əməliyyat tədbirləri nəticəsində onun Qazax şəhər ərazisindəki qəbirstanlıqda odlu silah gizlətməsi də məlum olub. Polis əməkdaşlarının həmin əraziyə keçirdiyi baxış zaman oradan bir ədəd istifadəyə yararlı "AKM-72" tipli avtomat və həmin avtomata aid 4 ədəd patron aşkar edilərək götürülüb.

Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.