Bu gözəlin adı Yerdir: kosmosdan planetin unikal şəkilləri

37
(Yenilənib 22:33 03.05.2020)
Yerin kosmosdan çəkilmiş heyrətamiz şəkilləri bizim necə nadir planetdə yaşadığımızı bir daha sübut edir. Sputnik Azərbaycan-ın fotolentində astronavtların müxtəlif vaxtlarda yaddaşa köçürdüyü gözəl şəkillərin seçiminə baxın.

Ekoloqlar iddia edirlər ki, son zamanlar koronavirusun yayılması nəticəsində bir çox istehsal müəssisələrinin müvəqqəti bağlanması səbəbindən Yerdəki hava bir qədər təmizlənib. Ekspertlərin hesablamalarına görə, məhdudlaşdırıcı tədbirlər səbəbindən karbon tullantıları bu il 6% azalıb.

NASA və Avropa Kosmik Agentliyinin peykləri atmosferə zərərli tullantıların əhəmiyyətli dərəcədə azaldığını qeyd ediblər. Bəzi ölkələrdə, ilin əvvəlindən karbon tullantıları İkinci Dünya Müharibəsi dövründəki göstəricilərlə eyni səviyyəyə düşüb.

Təqdim olunan görüntülər planetimizin necə gözəl olduğunu göstərir: okeanlar və dağlar, meşələr və səhra. Ola bilsin ki, bu cür şəkillər bəşəriyyəti təbiətə və ətraf mühitə daha diqqətlə yanaşmağa vadar edəcək.

37
  • © Photo : NASA/NOAA

    Deep Space Climate Observatory kosmik aparatı vasitəsi ilə lentə alınan Ayın Yer kürəsi fonunda unikal fotosu

  • © Photo : NASA

    Beynəlxalq Kosmik Stansiyadan (BKS) Yer kürəsinə mənzərə

  • © Photo : NASA

    BKS-in göyərtəsindən Yerdə tropik qasırğaya mənzərə

  • © Photo : NASA/Barry Wilmore

    BKS-in göyərtəsindən Mərkəzi Amerika

  • © Photo : NASA

    Yerin kiçik süni CubeSat peykləri

  • Kosmonavt Anton Şkapler tərəfindən Yerin illüminatordan mənzərəsi

  • © Photo : NASA

    Ayın orbitindən "Apollo 8" missiyası zamanı lentə alınan Yerin ilk fotosu, 24 dekabr 1968-ci il

  • © Photo : NASA/Scott Kelly

    Astronavt Skott Kellinin BKS-in göyərtəsindən çəkdiyi Yerin mənzərəsi

  • "Roskosmos"un astronavtı Oleq Artemyev tərəfindən BKS-dən çəkilən Yerin mənzərəsi

  • © Photo : NASA/Scott Kelly

    BKS-dən amerikalı astronavt Skott Kelli tərəfindən çəkilən Qazaxıstanın Tenqiz gölü

  • Ayın orbitindən Yerə mənzərə

  • © Photo : NASA

    Beynəlxalq Kosmik Stansiyadan çəkilən şimal şəfəqi

  • Beynəlxalq Kosmik Stansiyadan Astronavt Aleksandr Qerst tərəfindən çəkilən "Florens" qasırğası

  • © Photo : NASA

    Yer kürəsinin atmosferinin işıqlanması

Çoxuşaqlı ana sadəcə gözəl: Ancelina Coli yubileyini qeyd edir

66
(Yenilənib 19:01 04.06.2020)
Hollivudun ən məşhur aktrisalarından biri, kinorejissor, ssenarist, prodüser, fotomodel, BMT-nin xoşməramlı səfiri qırx illiyini qeyd edir. Colinin möhtəşəm şəkilləri Sputnik Azərbaycan-ın seçimində.

Hollivudun ən gözəl qadını, tarixdə ən yüksək məvacibli aktrisa, üç il dalbadal "Qızıl Qlobus" mükafatını qazanmış, hətta Britaniyanın cəngavər xanımı (qadınlara verilən cəngavər titulunun analoqu) titulunu əldə etmiş qadın – Ancelina Coli daha hansı titullara malik deyil?!. Sərvət, şöhrət, dəbdəbə, müvəffəqiyyət – bütün bunlar Colinin dəyişməz yol yoldaşlarıdır.

Ancelina 1975-ci ildə Los-Ancelesdə (Kaliforniya ştatı, ABŞ) Marselin Bertran və Con Voytun aktyor ailəsində anadan olub. O, ilk rolunu hələ yeddi yaşı olanda qazanıb. Zahiri görkəmi sayəsində asanlıqla supermodel karyerasını qura bilərdi, lakin ailənin yolu ilə getməyə qərar verdi. Aktrisa bütün dünyada milyonlarla insanın sevdiyi onlarla filmə çəkilib. Colinin aktivində çoxsaylı kino mükafatları, "Oskar" və ABŞ Kino Aktyorları Gildiyasının iki mükafatı var.

Amma bütün bunlarla yanaşı, Ancelina Coli çoxuşaqlı anadır. Onun altı övladı var. Onlardan üçü – qızı Şaylo Nuve, Viviyen Marşelin və Noks Leon Hollivud ulduzu Bred Pittlə nikahdan doğulub. Qalan üç uşaq - Kambocadan olan oğlu Meddoks Şivan, Efiopiyadan olan qızı Zahara Marli və Vyetnamdan olan oğlu Paks Tien isə övladlığa götürülüb. Uşaqların hamısı Coli-Pitt soyadını daşıyır.

Ancelina Colinin müxtəlif illərdəki fotoşəkillərinə nəzər salmağı təklif edirik. Bu, qadınlıq, gözəllik, zəriflik və müvəffəqiyyətin təcəssümü adlanır.

66
  • © AFP 2020 / Tiziana Fabi

    Aktrisalar Ancelina Coli və Mişel Pfayffer "Malefisenta" filminin premyerası zamanı.

  • © AP Photo / Amy Sancetta

    Aktrisa Ancelina Coli "Oskar" mükafıtının təqdimatı zamanı qırmızı xalçada.

  • © AFP 2020 / Jemal Countess/Getty Images

    Aktrisa Ancelina Coli BMT-nin Təhlükəsizlik Şurasının sessiyasında.

  • © AP Photo / Ahmad Alameen

    Aktrisa Ancelina Coli Suriyada qaçqın düşərgəsində.

  • © AFP 2020 / Jason Merritt/Getty Images

    Aktrisa Ancelina Coli və aktyor Bredd Pitt "Qızıl qlobus"un təqdimatı zamanı.

  • © AFP 2020 / Boris Horvat

    Aktrisa Ancelina Coli və aktyor Uill Smit fotosessiya zamanı.

  • © AFP 2020 / Valerie Macon

    Aktrisa Ancelina Coli uşaqları birgə Hollivudda.

  • © Sputnik / Ilia Pitalev

    Amerikalı aktrisa Ancelina Coli "Solt" filminin premyerasında.

  • © AFP 2020 / Kevin Winter/Getty Images

    Aktrisa Ancelina Coli "The Tonight Show with Jay Leno" şousunda.

  • © AP Photo / Anthony Devlin/Pool

    Aktrisa Ancelina Coli Böyük Britaniya kraliçası II Yelizaveta ilə görüşü zamanı.

  • © AP Photo / Mohammad Sajjad

    Amerikalı aktrisa Ancelina Coli Pakistanda düşərgəyə baş çəkərkən.

  • © AP Photo / Matt Sayles

    Amerikalı aktrisa Ancelina Coli "Kunq-fu panda" filminin premyerasında.

  • © Sputnik / Ilia Pitalev

    Amerikalı aktrisa Ancelina Coli Riç-Karlton mehmanxanasında fotosessiya zamanı.

  • © AP Photo / Shizuo Kambayashi

    Amerikalı aktrisa Ancelina Coli Yaponiyada "Malifisenta" filminin premyerasında.

  • © Sputnik / Aleksei Petrov

    Aktrisa Ancelina Coli və aktyor Bred Pitt Kann festivalında.

Teqlər:
fotolent

Qanlı göl, toy rəqsi baqajdakı uşaqlar

156
(Yenilənib 14:45 31.05.2020)
Sputnik Azərbaycan ötən həftə dünya agentliklərinin müxbirləri tərəfindən çəkilmiş ən parlaq və emosional fotoşəkilləri oxuculara təqdim edir

Ötən həftə bir sıra maraqlı və kədərli hadisələrlə yadda qalıb. Kəraçidə "Pakistan Hava Yolları"nın təyyarəsi qəzaya uğrayıb. 97 nəfər fəlakətin qurbanı olub. Təyyarə qəzaya uğramadan əvvəl pilotlar "mühərrikin sıradan çıxdığını" bildirməyə müvəffəq olublar.

Livanın paytaxtı Beyrutda yenidən hökumət əleyhinə mitinqlər baş qaldırıb. Polislə toqquşmaların və yaralıların olduğu bildirilir. Xatırladaq ki, bu ölkə uzun müddətdir iqtisadi və siyasi böhran içindədir.

ABŞ-da afroamerikalı Corc Floydun polis tərəfindən öldürülməsi üsyanlara səbəb olub. Minneapolis şəhərində və onun ətrafında fövqəladə vəziyyət elan edilib. Etirazçılar polis idarəsini dağıdıblar və asayiş keşikçiləri ilə toqquşmalara başlayıblar.

Keçən həftə planetimizdə nələrin yaşandığını bir daha xatırlamaq üçün dünyanın müxtəlif yerlərindən toplanan fotoşəkillərə nəzər salmağı təklif edirik.

Dünya informasiya agentliklərinin fotomüxbirləri tərəfindən fotokameranın yaddaşına köçürülmüş unudulmaz hadisələr, həmçinin emosional anlar - Sputnik Azərbaycan-ın həftəlik fotoyığmasında.

156
  • © AFP 2020 / Sean Rayford / Getty Images

    Çarlstonda yaxtaçıların paradı, Cənubi Karolina, ABŞ

  • © AFP 2020 / Isaak Lawrence

    Polis Honkonqda etirazçıları dağıdır.

  • © AFP 2020 / Yasuyoshi Chiba

    Halqa ilə rəqs edən kimsəsiz qız Keniyada Ramazan bayramı ilə əlaqədar uşaqlara yemək və oyuncaqların paylanılması zamanı.

  • © AFP 2020 / Erika Santelices

    Dominikan Respublikasında İctimai Səhiyyə Nazirliyinin əməkdaşları vətəndaşları COVİD-19 virusuna qarşı testdən keçirirlər.

  • © REUTERS / John Sibley

    Qadın və alpaka, London.

  • © Sputnik / Aleksey Pavlishak

    Krımda Sasık-Sivaş gölü.

  • © AFP 2020 / John Wessels

    Seneqalda Yoffa Layen məscidi qarşısında Layen cəmiyyətinin tərəfdaşları çimərliyi tərk edirlər.

  • © Sputnik / Alejandro Martinez Velez

    Madriddə karantin tədbirlərinə qarşı etiraz aksiyasının iştirakçıları.

  • © REUTERS / NTB Scanpix / Tor Erik Schroeder

    Qar təmizləyən maşınlar Setesdal və Sirdal arasında dağ keçidində, Norveç.

  • © AFP 2020 / Asif Hassan

    Təhlükəsizlik xidmətinin əməkdaşları Kəraçidə qəzaya uğramış Pakistan Beynəlxalq Hava Yolları şirkətinə məxsus təyyarənin qalıqları yaxınlığında.

  • © Sputnik / Ilya Naymushin

    Krasnoyarskda "Royev Ruçey" flora və fauna parkında dişi tovuzquşu qarşısında rəqs edən erkək tovuzquşu

  • © AFP 2020 / Jeff Pachoud

    "L'Espace des Arts company" teatrının aktyorları Şalon-sür-Son qocalar evinin sakinləri üçün göstərdikləri şou zamanı, Fransa.

  • © AFP 2020 / Pascal Guyot

    Fransada La Qrand-Mott çimərliyində istirahət edənlər.

  • © AFP 2020 / Arun Sankar

    Çennayda kişi özü düzəltdiyi maskaları nümayiş etdirir, Hindistan.

  • © Sputnik / Vladimir Astapkovich

    Moskvada küçədə it ilə gəzən qız.

  • © AFP 2020 / Ashraf Shazly

    Xartumda etiraz aksiyaları zamanı əllərində bayraqlar olan qadınlar, Sudan.

  • © REUTERS / Umit Bektas

    İstanbulda Süleymaniyə məscidinin dezinfeksiyası, Türkiyə.

  • © REUTERS / Eric Miller

    Minneapolisdə qoruyucu maskada olan etirazçılar, ABŞ.

  • © Sputnik / Kostis Ntantamis

    Afina yaxınlığında Alimos çimərliyində istirahət edənlər və oyuncaq satan şəxs.

  • © REUTERS / Aziz Taher

    Beyrutda etirazçılarla polis arasında toqquşma, Livan.

  • © REUTERS / Kevin Lamarque

    Gənclər Ouşen-Sitidə çimərlikdə əylənirlər, Merilend ştatı, ABŞ.

  • © REUTERS / Antonio Bronic

    Xorvatiyada limanda yaxtalar.

  • © AFP 2020 / Hussein Faleh

    İraqda əllərində oyuncaq silah olan uşaqlar.

  • © REUTERS / Parwiz Parwiz

    Əfqan uşaqlar Laqman vilayətində avtomobilin baqajında gedirlər.

  • © REUTERS / Antara Foto Agency

    Qərbi Sumatra sahillərində balıqçı qayığı, İndoneziya.

Məmur portfeli, arxiv şəkli

Korrupsiyaya qarşı mübarizə üzrə Komissiyanın üzvləri təyin edilib

0
(Yenilənib 12:27 05.06.2020)
Milli Məclisin növbədənkənar sessiyasının bu gün keçirilən plenar iclasında Azərbaycan Respublikasının Korrupsiyaya qarşı mübarizə üzrə Komissiyasının üzvlərinin təyin edilməsi haqqında məsələ müzakirəyə çıxarılıb.

BAKI, 5 iyun — Sputnik. Milli Məclisin növbədənkənar sessiyasının bu gün keçirilən plenar iclasında Azərbaycan Respublikasının Korrupsiyaya qarşı mübarizə üzrə Komissiyasının üzvlərinin təyin edilməsi haqqında məsələ müzakirəyə çıxarılıb.

Sputnik Azərbaycan xəbər verir ki, Komissiya üzvləri sırasına aşağıdakı şəxslər daxil edilib:

Milli Məclis Sədrinin müavini, Gənclər və idman komitəsinin sədri Adil Əliyev, Milli Məclisin deputatı Ağazadə Əminə, Milli Məclisin deputatı Elşad Mirbəşiroğlu, Milli Məclisin deputatı Arzu Nağıyev, Milli Məclis Aparatının rəhbəri Səfa Mirzəyev.

Məsələ müzakirələrdən sonra səsverməyə çıxarılaraq qəbul edilib.

0