Dünyanı bürüyən koronavirus pandemiyası Azərbaycandan da yan keçməyib. Bu xəstəliyin yayılmasının qarşısını alınması məqsədilə ölkəmizdə artıq xeyli müddətdir xüsusi karantin rejimi tətbiq edilib.
Azərbaycanın bütün rayon və şəhərlərinin əsas küçə və prospektlərində postlar qurulub. Yol polisinin, post-patrul xidmətinin əməkdaşları və Daxili Qoşunların hərbçiləri gücləndirilmiş iş rejimində işləyirlər. Bunu nəzərə alan vətəndaşlarımızın böyük əksəriyyəti qaydalara əməl edərək evdən çıxmamağa üstünlük verirlər. Nəticədə, daim alışıq olduğumuzdan fərqli olaraq küçə və prospektlərdə, meydan və parklarda nəqliyyata və insanlara az rast gəlmək olur.
Belə günlərdə respublikanın ikinci ən böyük şəhəri olan Gəncədə də vəziyyət digərlərindən fərqlənmir. Gəncə bu gün tarixinin bəlkə ən sakit günlərini yaşayır. Bu tarixi anlara Sputnik Azərbaycan-ın fotolentində şahid ola bilərsiniz.
