Başa çatmaqda olan həftə parlaq hadisələrlə yadda qalıb. Braziliyanın Rio-de-Janeyro şəhərində iki milyona yaxın turist toplamış ənənəvi karnaval keçirilib. Şənliklərdə yeddi milyona yaxın insan iştirak edib.
Londonda isə "WikiLeaks"in qurucusu Culian Assancın ekstradisiyası ilə bağlı məhkəmə dinləmələri başlayıb. Dinləmələrin ikinci hissəsinin keçirilməsi mayın 18-dən iyunun 5-dək planlaşdırılır. Dünyanın bir çox jurnalistləri Assancı dəstəkləyiblər, Londonun Vuliç Kral Məhkəməsinin binası qarşısında isə kütləvi aksiya keçirilib.
Dünyanın ötən həftə nə yaşadığını bir daha görmək üçün müxtəlif ölkələrdə çəkilmiş fotoşəkillərə baxmağı təklif edirik. Yaddaqalan hadisələri, həmçinin emosional anları Sputnik Azərbaycan-nın təqdim etdiyi həftəlik fotoreportajda izləyin.
