Dünyada sarışınların sayı durmadan azalır. Təkcə son yarım əsr ərzində dünyada sarışın adamların sayı 49 faizdən 14 faizə qədər azalıb. Alimlərin proqnozuna görə, 2 əsr sonra sarışın qadınlar Yer üzündən silinəcəklər.

Artıq 20 ilə yaxındır ki, yazın son ayında bütün dünyada Beynəlxalq sarışınlar günü qeyd edilir. Bu ənənənin nədən başladığını heç kim xatırlamır. Bəzilərinə görə, bu tarix “Sarışın qanunda” filmi ekrana çıxandan sonra qeyd edilməyə başlayıb. Digər versiyaya görə, bu günü ABŞ-da hüquqşünas qadınlar dəbə mindirib.

Amma hamı eyni fikirdədir ki, bu bayram mütləq qeyd olunmalıdır. Çünki sarışınlar təkcə saçlarının rəngi ilə deyil, həm də ancaq onlara xas olan şarm və qeyri-adiliklə seçilirlər. Sarışın qadınlar tez-tez obyektinə çevrilsələr və lətifə qəhrəmanı olsalar da, kişilər həmişə onları seçirlər.

Sputnik Azərbaycan bütün dünyadakı ən məşhur sarışın qadınların fotolarını toplayıb. Onlar müxtəlif zamanlarda həm kişiləri, həm də qadınları heyran ediblər.

BAKI, 1 mart - Sputnik. “Türkiyədə ÇOVID-19-la mübarizə tədbirləri ilə əlaqədar yeni nəzarətli normallaşma mərhələsi başlayır”. 

APA-nın xəbərinə əsasən, bunu Türkiyə Prezidenti Rəcəb Tayyib Ərdoğan Nazirlər Kabinetindəki növbəti toplantısından sonra bildirib.

Prezident deyib ki, Türkiyədə yeni növ koronavirus infeksiyasının yayılması mavi, sarı, narıncı, qırmızı (zəif, orta, yüksək və çox yüksək) rənglərlə fərqləndirilməklə mübarizə tədbirləri bu dərəcələrə uyğun aparılacaq. 

Zəif və orta riskli ərazilərdə koronavirusla mübarizə tədbirləri ilə əlaqədar sərtləşdirilmiş qaydalar ləğv ediləcək, infeksiyanın yayılması yüksək və çox yüksək olan ərazilərdə isə yayılma dərəcəsinə görə, qaydalar ya saxlanılacaq, ya da daha çox sərtləşdiriləcək. 

Zəif və orta riskli ərazilərdə həftəsonu küçəyə çıxma qadağası yalnız bazar günlərinə şamil ediləcək, şənbə günləri bu məhdudiyyət ləğv olunacaq, axşam saat 21.00-dan səhər saat 5-dək ölkə boyu küçəyə çıxma məhdudiyyəti isə saxlanılacaq. 

Ərdoğan deyib ki, ölkədə 8-ci sinifdən başlayaraq yuxarı sinif şagirdləri üçün ənənəvi əyani təhsil bərpa olunacaq, zəif və orta riskli ərazilərdə isə ibtidai siniflər də daxil məktəblər açılacaq. 

Restoran, kafe və bu kimi ictimai iaşə müəssisələri çox yüksək riskli (qırmızı) vilayətlər istisna olmaqla səhər 7-dən axşam 19.00-dək 50 faiz fəaliyyətlərini bərpa edəcəklər. 

Yaşı 65-dən yuxarı olanlar və 21 yaşdan aşağı kateqoriyaya daxil olan gənclərin küçəyə çıxma məhdudiyyətləri zəif və orta riskli yerlərdə ləğv edilsə də, yüksək riskli yerlərdə bu qaydalar saxlanılacaq, çox yüksək riskli yerlərdə isə əksinə, artırılacaq. 

Qeyd edək ki, Türkiyənin eyni nəzarətli normallaşma mərhələsinə görə, böyük şəhərlərdə Şanlıurfa, Dyarbəkir zəif (mavi) risk,  Ankara, Manisa orta (sarı) risk, İstanbul və İzmir yüksək (narıncı) risk, Konya isə çox yüksək (qırmızı) risk qrupuna daxildir.