Röya yenə anşlaq yaratdı

461

13:45 06.05.2018(Yenilənib 13:48 06.05.2018)

Azərbaycanın əməkdar artisti, estradamızın ulduzu Röyanın konsertinə gələnlər 3,5 min adam üçün hesablanan zalı doldurublar

Bakı Konqres Mərkəzində müğənni Röyanın "Doldur ürəyimi" adlı konserti anşlaqla baş tutub. Şou öz adını əməkdar artistin eyniadlı mahnısından götürüb.

Pərəstişkarları Röyanın konsertlərini həmişə səbirsizliklə gözləyirlər. Əməkdar artistin budəfəki konserti də anşlaqla baş tutub. 3.5 min nəfərə hesablanan zal ağzına kimi dolub. Röya öz ifası ilə hamını heyran edib. Musiqiçilərin canlı ifasının müşayiəti ilə çıxış edən Röyə hamının sevdiyi mahnılarını, eləcə də repertuarındakı yeni nəğmələri səsləndirib. Mahnılar arasında fasilələr zamanı Röya pərəstişkarları ilə zarafatlaşıb və onlardan gül dəstələri qəbul edib.

461

Teqlər:

anşlaq, Bakı Konqres Mərkəzi, Röya, müğənni, konsert, mahnı

Əbədi alov və neft diyarı: Suraxanı və Əmircana fotoekskursiya

17:11 02.03.2021

Bakı hər bir tərəfdən öz unikal tarixi, ənənəsi və arxitektur abidələri ilə tanınan qəsəbələrlə əhatə olunub. Müxtəlif dövrlərdə Bakıətrafında 40-a yaxın belə qəsəbə olub.

Qədim abidələrin rast gəlindiyi Suraxanı və Əmircan qəsəbələri Abşeronda ən maraqlı yerlərdən sayılır. Burada zərdüştlər, hinduistlər və siqhlər tərəfindən ibadətgah kimi istifadə olunan Atəşgah məbədi var. Suraxanı qəsəbəsinin adı toponim kimi iki komponentdən ibarətdir: surax - fars və tat dillərində çala, çuxur, xanı isə mənbə, qaynaq deməkdir.

Suraxanı həmçinin neft ənənələri ilə tanınır - burada 1857-ci ildə iş adamı Vasili Kokorev tərəfindən dünyada ilk Neftayırma Zavodu tikilib.

Əmircan qəsəbəsinin ərazisində Abşeronun ən gözəl məscidlərindən biri - Murtuza Muxtarov məscidi yerləşir. Məscid XX əsrin əvvəllərində Bakı milyonçusu M.Muxtarov tərəfindən inşa edilib.

Bu məsciddən bir az kənarda daha bir memarlıq abidəsi - XIV əsrə aid Nizaməddin məscidi var. Hazırda məsciddə rekonstruksiya işləri aparılır.

Bundan əlavə, qəsəbədə dini məbədlər, onlardan biri Səkinəxanım seyid Saleh qızı Piridir. Burada din xadimlərinin məzarları var.

Əmircan qəsəbəsində tanınmış azərbaycanlı yazıçı və mütəfəkkir Abbasqulu ağa Bakıxanov doğulub. Onun yaşadığı ev hazırda muzeydir.

Sputnik Azərbaycan-ın fotolentində Suraxanı və Əmircan qəsəbələrinin bu və digər tarixi abidələrini izləyə bilərsiniz.

Böyük qayıdış: Füzulidə beynəlxalq aerportun tikintisi necə gedir - FOTOLAR

13:56 01.03.2021(Yenilənib 14:00 01.03.2021)

İşğaldan azad olunmuş Füzuli rayonunda Prezident İlham Əliyevin göstərişi ilə yeni beynəlxalq hava limanının tikintisi davam edir. Sputnik-in fotomüxbiri Füzuli rayonunda olub.

Cari ilin əvvəlindən Azərbaycanın Füzuli rayonunda yeni beynəlxalq aeroportun tikintisi başlayıb. İşlər gücləndirilmiş rejimdə aparılır - terminal, uçuş-enmə zolağı, perron, yönəldici yol, yardımçı bina və tikililərin inşası planlaşdırılıb.

Jurnalistlərlə görüşdə Prezident İlham Əliyev bəyan edib ki, Füzuli hava limanı, onun uçuş-enmə zolaqları və aeroportun fəaliyyətini təmin edəcək naviqasiya sistemləri operativ müddətlərdə istifadəyə veriləcək.

Uçuş-enmə zolağı bütün növ təyyarələri, hətta ən ağır yük təyyarələrini qəbul edə biləcək.

Yeni hava limanı region üçün xüsusi əhəmiyyət daşıyacaq. Aeroport həm dağıdılmış ərazilərin bərpasında, həm də Qarabağın turizm potensialı və iqtisadi inkişafında istifadə olunacaq. Aeroportla yanaşı Şuşaya iki avtomobil yolu da tikilir.

Doğulduğu yer - Azərbaycan? Qarabağ ermənisinin pasportu Ermənistanda qalmaqal yaradıb

371

23:59 02.03.2021(Yenilənib 00:01 03.03.2021)

"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam" - Arsen Karapetyan.

BAKI, 2 mart - Sputnik. Qarabağda doğulan Ermənistan vətəndaşlarının yeni pasportlarında doğum yeri hissəsinə “Azərbaycan” yazılmağa başlanılıb.

Sputnik Ermənistan xəbər verir ki, bu barədə Yerevan Ağsaqqallar Şurasının “Mənim addımım” fraksiyasından olan keçmiş üzvü, memar Arsen Karapetyan öz Facebook hesabında yazıb.

Karapetyan qeyd edib ki, dostu 80-ci illərin ortalarında Ağdərədə (Mardakertdə) anadan olub. Daha sonra isə Rusiyada yaşayıb və hazırda Ermənistan vətəndaşlığı almaq üçün müraciət edib. Onun pasportunda doğum yeri kimi isə Azərbaycan göstərilib.

"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam. Nədir bu?", - deyə Karapetyan sosial şəbəkədə yazıb.

Məsələ ilə bağlı Ermənistan polisinin pasport və viza şöbəsinin rəis müavini Məryəm Gevorkyan açıqlama verib.

"Bu vətəndaş Sovet İttifaqı dövründə anadan olub, Azərbaycan SSR-də anadan olub. Ermənistan Respublikasının pasportu səyahət sənədidir, beynəlxalq standartlara uyğundur, ona görə keçmiş SSRİ ölkələri üçün kodlar yoxdur. Başqa sözlə, əgər bir insan keçmiş SSRİ-nin bir ölkəsində anadan olubsa, onun doğulduğu yer pasporta ölkənin indiki adı ilə qeyd olunur, yəni Gürcüstan SSRİ deyil, Gürcüstan", - deyə Məryəm Gevorkyan bildirib.

O əlavə edib ki, "bu, köhnə təcrübədir".

Qeyd edək ki, Arsen Karapetyan şərh bölümündə dostunun doğulduğu yerin "Azərbaycan SSR" kimi göstərildiyi Rusiya pasportunu da yerləşdirib.

371