İlham Əhmədov, Sputnik Azərbaycan

BAKI, 23 noyabr — Sputnik. Qəbələ rayonunun dağlıq və dağətəyi ərazilərinə qar yagıb. Sputnik Azərbaycan-ın bölgə müxbiri xəbər verir ki, noyabrın 22-dən 23-nə keçən gecə Qəbələnin ucqar kəndlərinə, eləcə də yüksək dağlıq ərazilərə qar yağıb.

Bu gün səhər saatlarında yenidən yağmağa başlayan qarın hündürlüyü, bəzi yerlərdə 40 sm-ə çatır.

İlk qarın yagması rayon sakinləri sevindirsə də, müəyyən problemlər də meydana çıxarıb. Belə ki, ucqar kəndlərdə yaşayan insanlar hazırlıqsız yaxalanıblar.

Yağan güclü qar bəzi yerlərə ziyansız ötüşməyib. Rayonun Laza və Durca kəndlərinə gediş-gəlişdə problemlər yaranıb.

Hazırda ərazidə "Azəravtoyol" ASC-nin Qəbələ rayonu 10 saylı Yol İstismar İdarəsinin (Yİİ) texnikaları yolların qardan təmizlənməsi işi aparır. Yİİ-nin direktoru Naməddin Qədirov Sputnik Azərbaycan-ın bölgə müxbirinə bildirib ki, yaxın saatlarda kənd yolları tam şəkildə qardan təmizlənəcək və kəndlərlə əlaqə bərpa olunacaq.

BAKI, 22 yanvar — Sputnik. Rusiyada qeyri-qanuni yenidənqurma işlərini aşkarlamaq üçün mənzillər kütləvi şəkildə yoxlanılacaq.

Sputnik Azərbaycan xarici mətbuata istinadla xəbər verir ki, məlumata görə, mənzil müfəttişləri tərtibatdakı razılaşdırılmamış dəyişikliklərlə maraqlanırlar. Təkcə otaqları və ya əlavə olaraq boruları genişləndirmək üçün yıxılan divarlara diqqət yetirilmir. Müfəttişlik həmçinin mətbəxin qaz sobası ilə təchiz olunmasına görə, qapının çıxarılması üçün də cərimə kəsə bilər.

Mənzili ziyarət etməzdən əvvəl kirayəçilərə müfəttişlərin dəqiq gəliş tarixini göstərən poçt vasitəsilə bildiriş göndərilir. Bildiriş iki dəfə göndərilə bilər.

Buna fikir verməsəniz, nəzarətçilər məhkəməyə müraciət edəcək və məhkəmə icraçıları ilə birlikdə mənzilə gələcəklər.

Texniki tələblərə cavab verən yaşayış dəyişiklikləri reyestrə daxil edilir. Məhkəmənin qərarı ilə mənzildə olan qeyri-qanuni dəyişikliklər aradan qaldırılmalıdır.

Ekspertlərin fikrincə, genişmiqyaslı yoxlamalar fırıldaqçıların da artmasına səbəb olacaq.