Bu evdə 271 şəhid yaşayır

463
(Yenilənib 00:32 21.05.2016)
  • Elnarə xanımın şəhid sorağı ilə getdiyi bölgələrin xəritəsi
  • Elnarə Tağıyeva
  • Siqaret üzərinə yazılan arzular
  • Elnarə xanımın ən böyük dəstəkçisi – atası Tağı Tağıyev
  • Pula yazılan məktublar
  • Ramil Səfərovun muzeyə hədiyyə etdiyi kursant forması
  • Elnarə xanım bölgələrə gedəndə qardaşı oğıu Tağı Tağıyev həmişə ona yaxından köməklik edir
  • Şəhid qovluqları
Öz evinin 3 otağını muzeyə çevirib - Qarabağ İgidləri Muzeyinə. Bir-bir şəhid ailələrini gəzib, onların şəxsi əşyalarını toplayıb. Şəhid olmağa yollanan hərbçilərin hər birindən yadigar saxlayıb.

İlham Mustafa, Sputnik Azərbaycan

Gəncə sakini Elnarə Tağıyeva öz evinin üç otağında, Azərbaycan milli qəhrəmanları, həmçinin Qarabağ uğurunda şəhid olan və igidlik göstərən insanların əşyalarını toplayaraq şəxsi təşəbbüsü ilə muzey yaradıb. Məhdud maddi imkanlarına baxmayaraq, nə qədər gücü var, Allah yolunda başladığı bu işi davam etdirmək niyyətindədir.

Elnarə xanım Gəncə şəhərində Sevil Qazıyeva küçəsində yaşayır. Onu tapmaq mənə o qədər də asan olmadı. Çünki şəhər icra hakimiyyətindən bizə ünvanı yalnız rəsmi məktub təqdim etdikdən sonra verə biləcəklərini dedilər. Onların izahatından belə başa düşdüm ki, daşıdığımız vəsiqə, yalnız iş yerimizin giriş qapısında göstərmək üçünmüş.

Gəncə şəhər Mədəniyyət və Turizm idarəsindən isə muzey haqda ilk dəfə məndən eşitdikləri deyildi. Açığı sevindim. Sevindim ki, nə yaxşı, artıq 25 ildir yaradılan muzey haqda heç olmasa indi məlumatları oldu. Sağ olsun dostlar, Elnarə xanımın nömrəsini tapmağa yardımçı oldular. Yalnız bundan sonra mənə bu saf, təmənnasız insanla görüşmək qismət oldu. Doğrusu, o qədər tərif deyən və deməyi bacaran insan olmasam da, Elnarə xanım haqda bunu deməliyəm. Bu insan dünyada olan ən yaxşı sözlərə layiqdir.

Onlar şəhid oldular…

Qarşısında üçrəngli ay-ulduzlu bayrağımızın dalğalandığı darvazanın qarşısında məni Elnarə xanımın atası Tağı kişi qarşıladı. Evə keçib muzeylə ətraflı tanışlıqdan sonra söhbətə başladıq.

E. Tağıyeva 1989-cu ildən Müdafiə Nazirliyinin nəzdində Əşya Əmlak Xidmət Kombinatında işləyib. Cəbhə bölgəsindən gələn paltarlar, dəsmallar burda yuyulub, təmizlənib, yenidən cəbhəyə göndərilib.

Burda işləyən vaxt kombinata paltar gətirən hərbçilərin tez-tez dəyişdiyini görüb Elnarə xanım. Əvvəl gələnləri soruşanda isə adətən bir cavab alıb: "Xala, onlar şəhid oldular".

Şəhidlərin çox vaxt minaya düşərək tanınmaz hala düşdüklərini, yaxud tara düşərək heç tapılmadıqlarını eşidib gələn əsgərlərdən. Bu zaman onda əsgərlərin xatirələrini yaşadacaq müzeyi yaratmaq istəyi yaranıb. Evdəkilər də onun qərarını dəstəkləyib, yardımçı olublar. Gələn əsgərləri bir də görməmək qorxusu ilə, yadigar saxlamaq üçün bir şeylər istəyib.

İndiyədək 271 şəhid ailəsinə baş çəkib

"Deyirdim, inşallah müharibə qurtarar, gəlib oxuyarsız ki, mən nələr arzulamışam. Siqaretin üstünə ürək sözləri yazıb verirdilər. Eləsi olurdu, deyirdi, "ay xala, dostum şəhid olub, bir azdan mən də olacam, arzu daha qalmayıb". Qolunun saatını, darağını, alışqanını verirdilər. Üzərinə adlarını yazıb stola düzürdüm. Sonra milli qəhrəmanlara aid lövhələr alıb vurdum divarlara. Sonra köşklərdə hansı qəzetdə, jurnalda şəhid xəbəri çıxıbsa, toplamağa başladım. Beləliklə muzeyin əsasını qoydum", — deyir Elnarə xanım.

Atəşkəsdən sonra isə şəhid ailələrinə getməyə başlayıb Elnarə xanım. Şəhid ailələrini bir-bir gəzib, məlumat toplayıb. Kimlə görüşüb, kimdən məlumat alıbsa, hamısını qeyd edib dəftərlərə. Hər şəhidə aid bir qovluq düzəldib. İndiyədək 271 şəhid ailəsinə baş çəkib.

Azərbaycanın xəritəsini asıb divardan. Şəhid sorağına getdiyi rayonları, gəzdiyi kəndləri qeyd edib xəritənin üzərində. Gəncə, Bakı, Yevlax, Mingəçevir şəhərlərini addım-addım gəzdiyini deyir. Getməyi planlaşdırdığı yerlərin adlarını yazıb vurub bir kənardan. "Allah imkan versə, gedəcəm" deyir hamısına.

"Yeni şəhid olanların ailələrinə getməyə ürəyim gəlmir"

Qazanc mənbəyinə gəlincə: "Əvvəl işləyirdim. Məvacib alırdım, heç bir çətinliyim olmurdu. 2013-cü ildə ordu NATO sisteminə keçəndən sonra işimiz bağlandı. Ondan sonra dedim, "ay ata, indiyə kimi sizə bir ziyan vurmamışam. Bir çətinlik yaşatmamışam. İndi mən işimi yarımçıq saxlamaq istəmirəm. Mənə kömək elə başladığım işi davam etdirim". Ondan sonra hər ay atam pul ayırır öz təqaüdündən. Hesablayıram, bu pul ilə hara gedə bilərəm. Bakıyamı, Qazağamı, Naxçıvanamı. Beləcə hər ay bir rayona gedirəm".

Göydə Allah, yerdə ailəm, heç bir çətinliyim yoxdur deyir Elnarə xanım: "Hələ nə qədər gücüm var, gedəcəm. Yarıda saxlamaq fikrim yoxdur. Heç kimin də maddi köməklik etməsini istəmirəm. Allah xatirinə bu işi başlamışam, Allah xətrinə də sona çatdıraram".

E. Tağıyeva daha çox atəşkəsdən əvvəl şəhid olan həbrçilərin ailələrinə getdiyini bildirir. Təzələrə getməyə ürək eləmir. Şəhiddən qalan hər hansı əşyanı ailələri elə duyğu ilə verirlər, sanki dünən şəhid olub.

Bir əsgər papağı göstərir: "Təzə gətirmişəm, evin gəlinindən aldım. Gətirəndə ağlaya-ağlaya üzünə tutdu iylədi, sonra verdi. Hələ bu, 25-26 il bundan qabaq şəhid olan insanın əşyasıdır. Gör indi təzə şəhid ailələri nə çəkir. O səbəbdən gedə bilmirəm".

"Bu filankəsin əşyasıdır, yaşasaydı, necə olardı…"

Deyir, çox vaxt ondan, bu qədər rəhmətə getmiş insanın şəkilləri, xatirələri olan yerdə necə yaşaya bildiyini soruşurlar: "Onlara başa salıram ki, şəhidlər ölməyib, onlar sağdırlar. Allah "Qurani-Kərim"də buyurur ki, "Allah yolunda öldürülənlərə "ölü" deməyin. Əksinə, onlar diridirlər, lakin siz bunu dərk etmirsiniz. Onlar mənim yanımda, mənim nemətlərimdən qidalanırlar". Mən onları ölü görmürəm. Elə bilirəm, ordan canlı mənə baxırlar".

Yaşadıqlarının səbəbi onun üçün o qədər də önəmli deyil: "Bəlkə də dinə görədir, inancıma görədir, onu bilmirəm. Mən onların xatirələri ilə yaşayıram. Xəyallarını qururam. Anasının, bacısının danışdıqlarını xatırlayıram. Bu filankəsin əşyasıdır, indi sağ olsaydı, necə olardı. Anasının arzusu var idi, yaşasaydı, necə olardı. Bu fikirlərlə yaşayıram. Məni yaşadan odur".

"Getdiyim evlərin hamısından məlumatım var. Hansının nə problemi, nə çatışmazlığı var, bilirəm. Namazdan sonra o ailələrə dua edirəm. Allaha onların işini düzəltməsi, kömək olması üçün yalvarıram. Məni yaşadan budu", — danışır həmsöhbətimiz.

Milli qəhrəmanın qəbuluna düşə bilmir

Elnarə xanım sağ olan milli qəhrəmanlara aid əşyalar toplayıb. O səbəbdən muzaeyin adını "Şəhidlər Muzeyi" qoymadığını deyir, Qarabağ İgidləri Muzeyi adlandırıb.

Ramil Səfərov həbsdə olan vaxt onun paqonlarının bir kursantda olduğunu eşidib. Gedib tapıb, gətirib muzeyə qoyub. Ramil Səfərov həbsdən çıxandan sonra görüşüb onunla. Türkiyədə oxuyan vaxt geyindiyi kursant formasını hədiyyə edib Ramil Səfərov.

Digər yaşayan milli qəhrəman Rövşən Əkbərovla da görüşmək istəyib. Üç dəfə qəbuluna gedib. Heç birində görüşə bilməyib: "Qəbula gələnlərin sayı həddindən çox idi. Hamını yazırlar, gəlişlərinin məqsədini öyrənirlər. Bayırda hansına ki özlərinin imkanı çatır, problemini həll edib yola salırlar. Mənə çatanda deyirəm, heç nə istəmirəm, pul lazım deyil, para lazım deyil, hər şeyimiz var, sadəcə görüşmək istəyirəm. Bir-birilərinə baxırlar, pıçıldaşırlar, amma cəsarətləri çatıb otağa girib deyə bilmirlər ki, "sizin qəbulunuza gələn var". Ona görə də hələ Rövşən Əkbərovla görüşmək qismət olmayıb Amma hələ də ümidimi kəsməmişəm".

Elnarə Tağıyevanın bir istəyi var bu dünyada — müharibənin sülh yolu ilə başa çatması. Allahdan arzusu odur ki, bir daha heç kəs gözü yaşlı qalmasın.

463
  • Elnarə xanımın şəhid sorağı ilə getdiyi bölgələrin xəritəsi
    © Sputnik / Ilham Mustafa

    Elnarə xanımın şəhid sorağı ilə getdiyi bölgələrin xəritəsi.

  • Elnarə Tağıyeva
    © Sputnik / Ilham Mustafa

    Elnarə Tağıyeva.

  • Siqaret üzərinə yazılan arzular
    © Sputnik / Ilham Mustafa

    Siqaret üzərinə yazılan arzular.

  • Elnarə xanımın ən böyük dəstəkçisi – atası Tağı Tağıyev
    © Sputnik / Ilham Mustafa

    Elnarə xanımın ən böyük dəstəkçisi – atası Tağı Tağıyev.

  • Pula yazılan məktublar
    © Sputnik / Ilham Mustafa

    Pula yazılan məktublar.

  • Ramil Səfərovun muzeyə hədiyyə etdiyi kursant forması
    © Sputnik / Ilham Mustafa

    Ramil Səfərovun muzeyə hədiyyə etdiyi kursant forması.

  • Elnarə xanım bölgələrə gedəndə qardaşı oğıu Tağı Tağıyev həmişə ona yaxından köməklik edir
    © Sputnik / Ilham Mustafa

    Elnarə xanım bölgələrə gedəndə qardaşı oğıu Tağı Tağıyev həmişə ona yaxından köməklik edir.

  • Şəhid qovluqları
    © Sputnik / Ilham Mustafa

    Şəhid qovluqları.

Teqlər:
Ramil Səfərov, Rövşən Əkbərov, Elnarə Tağıyeva, şəhid, Gəncə, milli qəhrəman, muzey, ev
Əlaqədar
Lerik daha bir şəhid oğlu ilə vidalaşdı
Cəbhədə atışma, əsgərimiz şəhid oldu
Şəhidin "qan pulu"nun oğurlanmasına dair şok fakt
Şəhid hərbçilərimizin kredit borcları bağlandı
Qazaxda şəhid bulaqları quruyub
Şəhid kəşfiyyatçımızın xatirəsi anılıb
Şəhid anasının son arzusu: "Bircə biləydim..."

"Qarabağ" yatağı: platforma üçün dayaq bloku hazırdır - FOTOLAR

33
(Yenilənib 09:56 12.08.2020)
İlham Əliyev: "Necə ki, bu gün biz vaxtilə tərk edilmiş "Qarabağ" yatağına qayıdırıq, eyni qaydada biz doğma Qarabağ torpağımıza da qayıdacağıq".

Azərbaycan Respublikasının Prezidenti İlham Əliyev avqustun 10-da Heydər Əliyev adına Bakı dərin özüllər zavodunda "Qarabağ" yatağının dayaq blokunun dənizə yola salınması mərasimində iştirak edib.

Azərbaycan Respublikası Dövlət Neft Şirkətinin prezidenti Rövnəq Abdullayev və "BOS Şelf" şirkətinin baş direktoru İxtiyar Axundov Prezident İlham Əliyevə görülən işlər barədə məlumat veriblər.

Bildirilib ki, "Qarabağ" dayaq bloku SOCAR-ın "BOS Şelf" şirkəti tərəfindən Heydər Əliyev adına Bakı dərin özüllər zavodunda tikilib. Qurğu neft-qaz kəşfiyyatı və hasilatı üçün nəzərdə tutulur. Dayaq bloku "Qarabağ" yatağında quraşdırılacaq stasionar dəniz özülünün üst hissəsini və göyərtə meydançasını saxlamaq məqsədilə şəbəkə tipli metal konstruksiya şəklində hazırlanıb. Bu blok dənizdə suyun dərinliyi 182 metr olan sahədə quraşdırılacaq. Dayaq blokunun quraşdırılması "Qarabağ" yatağının dərin qatlarında neft və qaz hasilatının həyata keçirilməsində böyük rol oynayacaq.

"Qarabağ" layihəsi üzrə hazırlanan dayaq bloku SOCAR-ın tarixində həm ölçülərinə, həm də çəkisinə görə hazırlanan ən böyük sualtı konstruksiyadır. "STB-1" daşıma barjına yüklənəcək konstruksiyanın ümumi çəkisi 16 min tondur. Blokun tikintisi iki il ərzində aparılıb. Konstruksiyanın hazırlanması prosesində mühüm amillərdən biri də yerli mütəxəssislərin iştirakıdır. Belə ki, dayaq blokunun tikintisində çalışanların 95 faizi yerli mütəxəssislər olub.

"Qarabağ" yatağı Xəzər dənizinin cənub hövzəsində, Abşeron arxipelaqının şimal hissəsində yerləşir. Yataqda 1997-1998-ci illərdə Xəzər Beynəlxalq Neft Şirkəti konsorsiumu tərəfindən qazma işləri aparılıb. 2020-ci ildə SOCAR-ın və "Equinor" şirkətinin birgə qazma əməliyyatı vasitəsilə bu yataq məhz neft yatağı kimi kəşf edilib. "Qarabağ" yatağı 60 milyon ton neft ehtiyatına malikdir. Yataqda 6 neft, 3 qaz və 3 suvurucu quyunun qazılması nəzərdə tutulur. "Qarabağ" yatağı Azərbaycanın ən zəngin karbohidrogen yataqlarından biridir.

Bu yatağın istismara verilməsi Azərbaycanın neft strategiyasının daha uğurla reallaşdırılmasına və ölkəmizin neft gəlirlərinin artmasına böyük töhfə olacaq.

İlham Əliyev mərasimdəki çıxışı zamanı deyib ki, əgər hər şey plan üzrə getsə, iki ildən sonra - 2022-ci ilin sonunda ilk qaz və ilk neft çıxarılmalıdır. "Qarabağ" yatağının neft potensialı 60 milyon ton səviyyəsində qiymətləndirilir. İşlənmə dövründə bu rəqəmin artması gözlənilir. Bunu deməyə əsas verən odur ki, "Qarabağ" yatağı "Azəri", "Çıraq, və "Günəşli" yataqlarının yanında yerləşir, məsafə o qədər də böyük deyil.

"Xatırlayıram, "Azəri", "Çıraq", "Günəşli" yataqları üzrə kontrakt 1994-cü ildə hazırlanarkən o vaxt xarici tərəfdaşlar bu yataqların potensialını 511 milyon ton neft həcmində dəyərləndirmişdilər. Ancaq həyat onu göstərdi və bu gün bu təsdiq olunub ki, "Azəri, "Çıraq, "Günəşli" yataqlarının potensialı 1 milyard ton neftdən çoxdur. Ona görə bu və digər geoloji amillər deməyə əsas verir ki, "Qarabağ" neft yatağında daha böyük həcmdə təbii ehtiyatlar var. Hasilata gəldikdə isə, bu yataqdan ildə ən azı 1,5 milyon ton neft və 1,5-1,8 milyard kubmetr qaz hasil ediləcək. Əlbəttə ki, Azərbaycanda neft hasilatının sabit qalması və qaz hasilatının artırılması üçün bunun böyük faydası olacaqdır", - deyə prezident bildirib.

"Necə ki, bu gün biz vaxtilə tərk edilmiş "Qarabağ" yatağına qayıdırıq, eyni qaydada biz doğma Qarabağ torpağımıza da qayıdacağıq", - İlham Əliyev əlavə edib.

33
  • © Sputnik / Murad Orujov

    Heydər Əliyev adına Bakı dərin özüllər zavodu

  • © Sputnik / Murad Orujov

    Heydər Əliyev adına Bakı dərin özüllər zavodu

  • © Sputnik / Murad Orujov

    Heydər Əliyev adına Bakı dərin özüllər zavodu

  • © Sputnik / Murad Orujov

    Heydər Əliyev adına Bakı dərin özüllər zavodu

  • © Sputnik / Murad Orujov

    Heydər Əliyev adına Bakı dərin özüllər zavodu

  • © Sputnik / Murad Orujov

    Heydər Əliyev adına Bakı dərin özüllər zavodu

  • © Sputnik / Murad Orujov

    Heydər Əliyev adına Bakı dərin özüllər zavodunda “Qarabağ” yatağının dayaq bloku

  • © Sputnik / Murad Orujov

    Heydər Əliyev adına Bakı dərin özüllər zavodunda “Qarabağ” yatağının dayaq blokunun elementləri

  • © Sputnik / Murad Orujov

    Heydər Əliyev adına Bakı dərin özüllər zavodu

  • © Sputnik / Murad Orujov

    Heydər Əliyev adına Bakı dərin özüllər zavodu

  • © Sputnik / Murad Orujov

    Heydər Əliyev adına Bakı dərin özüllər zavodunda “Qarabağ” yatağının dayaq bloku

  • © Sputnik / Murad Orujov

    Heydər Əliyev adına Bakı dərin özüllər zavodunda “Qarabağ” yatağının dayaq bloku

Ekoloji fəlakət: neftin dağılması mərcan riflərini təhdid edir

19
(Yenilənib 19:55 10.08.2020)
Yaponiya şirkətinə məxsus, 3800 ton xam neft və 200 ton dizel yanacağı nəql edən gəmi beynəlxalq ictimaiyyət tərəfindən müdafiə olunan sularda qəzaya uğrayıb. Nəticədə Mavriki sahilləri ekoloji fəlakətlə üzləşib.

Ada dövləti olan Mavriki sahillərində ekoloji fəlakət baş verib - mərcan qayalıqları yaxınlığındakı qapalı ərazidə yerləşən gəmidən okeana tonlarla neft və dizel yanacağı axıb. Fəlakət rayonundan çəkilmiş kadrlar Sputnik Azərbaycan-ın fotolentində əksini tapıb.

Yaponiya şirkətinə məxsus, 3800 ton xam neft və 200 ton dizel yanacağı nəql edən gəmi, iyulun 25-də beynəlxalq ictimaiyyət tərəfindən müdafiə olunan sularda qəzaya uğrayıb. Heyət gəmidən evakuasiya edilib, lakin qəza nəticəsində okean sularına yüzlərlə ton neft və dizel yanacağı axıb.

Qəza Puent-d'Esni sahili yaxınlığında, məşhur Blue Bay hövzəsinin yanında baş verib.

Mavriki hakimiyyəti ilk dəfə belə fəlakətlə üzləşib. Bu cür vəziyyətlərdə necə hərəkət etmək təcrübəsi olmayan hökumət yardım üçün Fransaya müraciət edib.

Adada fövqəladə vəziyyət rejimi elan edilib.

Qəza minlərlə heyvan növünün nəslinin kəsilməsi, mərcan qayalıqlarının ekosisteminin məhv olması təhlükəsini yaradır. Hakimiyyət hadisənin həmçinin Mavrikinin iqtisadiyyatına, ərzaq təhlükəsizliyinə və sakinlərin sağlamlığına təsir göstərə biləcəyini də qeyd edir.

19
  • © AFP 2020 / Jean Aurelio Prudence / L'Express Maurice

    Mavriki sahillərində ekoloji fəlakət - gəmidən okeana tonlarla neft və dizel yanacağı axıb.

  • © AP Photo / Georges de La Tremoille / MU press

    Mavriki sahillərində ekoloji fəlakət - gəmidən okeana tonlarla neft və dizel yanacağı axıb.

  • © AP Photo / @gregrouxel

    Mavriki sahillərində ekoloji fəlakət - gəmidən okeana tonlarla neft və dizel yanacağı axıb.

  • © AFP 2020 / Daren Mauree / L'Express Maurice

    Mavriki sahillərində ekoloji fəlakət - gəmidən okeana tonlarla neft və dizel yanacağı axıb.

  • © AFP 2020 / Satellite image ©2020 Maxar Technologies

    Mavriki sahillərində ekoloji fəlakət - gəmidən okeana tonlarla neft və dizel yanacağı axıb.

  • © AP Photo / Georges de La Tremoille / MU Press

    Mavriki sahillərində ekoloji fəlakət - gəmidən okeana tonlarla neft və dizel yanacağı axıb.

  • © AFP 2020 /

    Mavriki sahillərində ekoloji fəlakət - gəmidən okeana tonlarla neft və dizel yanacağı axıb.

  • © AP Photo / @gregrouxel

    Mavriki sahillərində ekoloji fəlakət - gəmidən okeana tonlarla neft və dizel yanacağı axıb.

  • © AFP 2020 / Daren Mauree / L'Express Maurice

    Mavriki sahillərində ekoloji fəlakət - gəmidən okeana tonlarla neft və dizel yanacağı axıb.

  • © AFP 2020 / Daren Mauree / L'Express Maurice

    Mavriki sahillərində ekoloji fəlakət - gəmidən okeana tonlarla neft və dizel yanacağı axıb.

  • © AFP 2020 /

    Mavriki sahillərində ekoloji fəlakət - gəmidən okeana tonlarla neft və dizel yanacağı axıb.

Teqlər:
fotolent
ABŞ Prezidenti Donald Tramp, arxiv şəkli

"Rusiya bunu çox istəyir" - Tramp

0
(Yenilənib 23:29 12.08.2020)
Avqustun 16-18-də Vyanada Xarici İşlər nazirlərinin müavinləri səviyyəsində strateji sabitlik üzrə Rusiya və ABŞ arasında hökumətlərarası məsləhətləşmələr keçiriləcək

BAKI, 12 avqust — Sputnik. Birləşmiş Ştatlar Prezidenti Donald Tramp Rusiyanın ABŞ-la "nüvə silahları üzrə pakt" imzalamağı "çox istədiyinə" əmin olduğunu bildirib.

"Biz hazırda Rusiya ilə nüvə silahları üzrə paktın üzərində işləyirik və onlar bunu istəyirlər, çox istəyirlər. Mən hesab etmirəm ki, onlar gözləyəcəklər. Hazırda bu dünyanın ən böyük problemidir və biz Rusiya ilə hazırda işləyirik", - deyə Tramp ABŞ jurnalisti Hyu Hyuittə müsahibəsində bildirib.

Qeyd edək ki, daha əvvəl Tramp bəyan etmişdi ki, ABŞ Rusiya ilə nüvə sazişi imzalamağa şad olardı.

Qeyd edək ki, 16-18 avqust tarixlərində Vyanada Xarici İşlər nazirlərinin müavinləri səviyyəsində strateji sabitlik üzrə Rusiya və ABŞ arasında hökumətlərarası məsləhətləşmələr keçiriləcək.

0
Əlaqədar
Dünya müharibəsinin gedişini birdəfəlik dəyişəcək addım - Rusiya bunu da etdi
Rusiya hansı halda nüvə zərbəsi endirə bilər? Baş Qərargah açıqlayıb
Trampdan bahalı əməliyyat: bunun üçün pul tökmək günah deyil
Tramp NATO-nu ticarətlə qarışdırıb: Niyə Rusiyanı "Böyük yeddilik"də görmək istəmirlər
Təcavüzkarı cəzalandırmaq üçün Rusiyanın zəmanəti: "Skif" raketi